hoyeetung's Profile

去過一次唔會再去。海軍司令辛辣八爪魚貝鍋八爪魚唔評論了，蜆有沙，食鮑魚好似食緊擦子膠咁佢d菜，煲到最尾都未（淋）醬油蟹其實我係facebook睇到某個page 推介自過去呢間餐廳食，個page影到醬蟹好多蟹膏，去到試，又冇乜膏。其實隻醬蟹，味就唔差既，冇另一間連鎖燒肉餐廳既醬油蟹咁咸，係冇咸味。😂冇乜膏，同埋隻蟹咁細，佢送咁大兜紫菜飯其實如果唔叫其他野，齋叫醬蟹係撈唔哂白飯食呢間野，我唔會再去了。Open rice有人擺左飲品menu 明明有酒，去到就冇酒揀🤷🏻‍♀️…Read More

放工同同事，3人去左公司附近呢間土耳其餐廳食晚飯，第一次食土耳其野，叫左幾樣野，食物名已經記唔起，因為實在太複雜。叫左一個不知甚麼沙律，牛肉薄餅，另外兩個忘了名字。感覺很新鮮，每碟食物都有蔬菜，食肉時還有菜食。先講沙律，入面有生菜、蘿蔔絲、蕃茄、羊乳酪等等食物。蔬菜加上他們的沙律醬很好食，但係本人不太愛食羊乳酪。午肉pizza，好味，放d蔬菜上去夾一齊食，口感豐富。有碟牛肉，牛肉下低有d類似麵包咁既物體，真正身份不名。但沾上醬汁味道一流。豆角蓉(好似係呢個名)，第一次食，味道一般，本人不太喜歡，但聽人講呢樣野係土耳其係非常普遍。侍應服務態度好好，坐得舒服。但係土耳其餐，我本人興趣不大，食一次就好…Read More

係旺角整完電話搭車返家，落車時突然想食甜品，以前建生只有一家甜品舖，但上年開左呢間新甜品舖，開張時來過一次，之後都一直去返糖絲食。自從糖絲執左之後都無係屋企樓下食過糖水。今日就行過黎試下。因為只有自己一個，可以搭枱，好快有位坐，叫左個榴櫣綿綿冰，等左半個鐘都未見蹤影。叫侍應催催廚房，到最後要“貌似”老闆入廚房催先有。本人極愛榴櫣，任何榴櫣之食物無一不愛，呢款榴櫣綿綿冰，入口極有榴櫣香，而且自選三款配料都極有味道。唯一不滿意的是，為何淡黃色的榴櫣綿綿冰會有深啡色的“不明物體”出現？本人不敢嘗試這“不明物體”是甚麼。這次的食物水準高過第一次來試的時候，有所進步。最後叫了個楊枝甘露外賣，這次相當快手。順帶一提，這裡服務態度非常之好。…Read More

星期六返半日工，應承過我媽咪請佢食韓國菜，都係用open rice search 先知華都有得食。兩點幾三點去到，滿座，但等唔夠5分鐘就有位。員工服務態度超好。叫左石頭鍋飯，炒年糕同泡菜煲。石頭鍋飯好食過我係灣仔食個間。但係唔知係佢落錯單定係我叫錯野，泡菜煲送到上黎，但入面有豆腐有金菇，泡菜少，我覺得個煲唔係泡菜煲。不過我食過，又廢事換，炒年糕夠咬口，但要𡁻好耐先呑到。最後仲要左罐甜米水。呢間係區內少之有少既韓國餐廳，可能無咩競爭，連叫肉都要加錢。但夠好味，將功補過啦！環境唔錯，食物價錢算平，本人覺得相當之抵食，又唔洗加一服務費。…Read More

和韓文班的同學一齊食，雖然未黎過，但聽朋友講過呢間都好食，所以今次決定黎呢間。七點九左右到達門口，因為夜晚既關係可能比較多人，齊齊等左四十分鐘。天氣熱，坐係門口等咁耐的確幾難受，坐左20分鐘已經開始頂唔順，係呢個時候，老闆娘竟然拎住幾罐飲品請我地飲。八點半左右終於有位，入左去叫左幾碟牛肉，炸醬麵，炒年糕同泡菜찌개，因為唔記得찌개中文。學韓國人用生菜包住泡菜，翠肉瓜，剛燒好既牛肉，仲有其他。唔係好記得有咩lu。 同埋叫左枝真露，係韓國酒，酒精濃度都幾高，唔飲得酒既不要多喝。5個人食左八百幾蚊，除返開每人$168，抵食！！來…Read More

第三次黎呢到買奶茶，一開始係朋友介紹這家店，奶茶好喝。排隊付錢的人多，等候飲品既人更多。叫左杯珍珠奶茶。雖然等候時間長，但飲到杯奶茶就覺得等咁耐真係值得。這家奶茶，茶味夠重，不同街上個d X茶買的珍珠奶茶，無茶味。這間係我少數唔介意等既餐廳。good!…Read More