auytc015's Profile

呢間人氣餐廳B想試好耐，平時好多人排隊， 今日晏咗食飯八點半見冇咁多人排隊即刻同朋友試下，佢哋嘅裝修以木係為主，環境優雅舒適， 門口仲放置多種味道嘅消毒噴霧提供使用。我哋叫咗個西班牙海鮮飯，帆立貝pizza ，焦糖番薯條， 同兩杯嘢飲。西班牙海鮮飯：小辣幾惹味， 但係面層飯粒烤得太乾， 口感怪怪的 ，我唔太鍾意。帆立貝pizza： 呢個幾好食餡料好豐富， 上面除咗帆立貝， 有菇，洋蔥 等等， 面層仲加咗啲蟹子令整體口感更有層次。佢哋嘅cake都好靚, 不過太飽食唔落, 搵日再嚟試下啲cake。…Read More

淘大花園少少商場都幾間飲品店 ，平時經過花斑茶舍都幾多人買 ，呢排見到foodpanda做緊週年慶淘大花班茶舍半價， 即刻買嚟試下， 佢哋有冰茶類，沙冰 ，珍珠奶茶 等等選擇 ，我地買咗杯珍珠奶茶及 宇治抹茶紅豆鮮奶。 價錢非常抵，兩杯半價左加埋都係 四十幾蚊👍。珍珠奶茶正常發揮， 珍珠q彈， 奶茶味 唔太濃，算係不過不失。宇治抹茶紅豆鮮奶， 呢杯幾好味 ，鮮奶濃郁茶味香濃， 比例都做得幾好， 不過紅豆唔太多， 畀多啲會更好😂。但係兩杯嘢飲我都叫小甜， 但係都超甜🤣…Read More

今日喺尖沙咀同朋友食完飯 ，諗住搵地方食甜品， 行到美麗華商場有鮮芋仙。 鮮芋仙甜品舖算係幾出名好多地方都有分店， 之前喺觀塘食過有限時急急腳食完就要走， 今次嚟到尖沙咀分店竟然冇限時， 可以坐喺度慢慢嘆甜品， 我哋叫咗幾個甜品而我自己就叫咗仙草3號， 仙草3號 除咗仙草外，仲有紅豆，花生，珍珠 同鮮奶， 沙冰底， 不過我叫走沙冰， 仙草本身都凍所以就算冇沙冰都好好食， 珍珠q彈， 仙草滑溜加埋鮮奶更滑❤️， 大大碗一個人食一碗都唔食唔曬😂。…Read More

今日約咗個auntie一齊去食齋, 最後決定去佐敦嘅普光齋度食, 普光齋歷史悠久好出名,聽就聽得多今次係第一次去, 入到舖頭地方好大有兩層, 不過睇得出有歷史嘅痕跡😂, 我哋簡單叫咗個 雜錦齋拼盤同帝王菜鹽酥雞 撈粗麵， 撈麵都幾大碟， 唔會太乾身幾好味， 不過個雜咁齋拼盤， 我要求 酸齋比例多啲 其他少少就得， 第一次畀咗正常比例，我再同佢講一次要酸齋多啲，佢拎入廚房再拎返出嚟嗰碟嘢冇改變過🤣， 不過好多人食， 中午時間全場滿座， 可能太多客人侍應們都忙忙碌碌 服務一般。…Read More