MISS moon's Profile

好耐無同老公烚烚烚啦⋯撞正大家放假，又要出去買野～最緊要係一鍋堂個「大蝦滑」好想再食～期待咗好耐啦～我哋叫咗B餐～唔同種類嘅牛選擇都OK 係安格斯牛油脂比較肥，試左佢個新出「醉滑牛」（可能出左好耐😂），真係好滑，食過返尋味，超級推介去到最後個round碟醉牛，可能浸得比較耐，醉味超濃，酒味比較苦，我ok但老公頂唔順😆自從食過一鍋堂，我就只想去一鍋堂因為佢個大蝦滑，捉住左我個心（個人喜好）最後～佢嗰個雪糕喺香港製造，推介朱古力唔會太甜，少少微苦好好食😋…Read More

上星期新開張，因為個名太出位，好多人都講，今日經過附近，所以去打個卡先🫣見FB好多人都食沙嗲牛麵，賣相都唔錯，所以一心都係食嗲牛麵～老公就食豬扒麵～入面空間都幾大闊落，同埋比例都多侍應，年齡都好後生下⋯野食都快到～餐具都幾靚丹麥多士比較特別，終於唔係平時個d餐包～我鍾意搽牛油加糖食～但佢本身都重牛油味，所以只加糖都夠～嗲牛淋身麵爽～朱古力唔會過甜～腸仔唔似食開既廚師腸🧐無咁咸幾好～老公只話佢個份幾好食😂2個加埋都係$80，性價比都幾ok但暫時只收現金～下次會再來👍🏼…Read More

本來去「燒肉like」食，諗住6點15分早去唔使等咁耐，點知去到拎飛要等40張枱😱個個都用apps拎飛⋯⋯下次想食要醒水d跟住諗住上水廣場做緊優惠，食滿$100減$10，所以同老公轉去食「一燒肉」⋯⋯點知⋯⋯入座時我同個經理定老闆講想分單，因為想各自用個$10優惠，點知佢好似黑黑地面（可能我諗多左）我叫左豬牛雞3食，老公叫左個牛五花，老公個碟來左先，都正正常常唔錯～咁我就等緊我個碟啦～點知佢上左碟「牛油花」俾我，塊塊牛超過2/3都係膏來，我都嚇左嚇。我即刻叫返個女侍應，佢唔理我即走去第二枱⋯跟住我等佢招呼完第二枱客我再叫佢又扮聽唔到，要勁大聲「唔該」好多次先得😑同佢反映d牛五花過份太肥啦，想換個碟，佢係咁講「個個牛部位都唔同，牛五花係咁肥架啦，如果食唔到叫個第二個部位」，我都話係太肥啦，我之前食都唔會咁，我都指埋我老公個碟比佢睇，佢都重覆同一段說話⋯⋯唔肯換跟住個經理來左問咩事，經理就咩都無講就換左第二碟俾我，來返碟正常⋯（第一碟我都影唔切相）跟住食食下燒豬五花啦，嘩～同第一碟牛五花有得比，又係好肥⋯⋯（終於影到）因為佢豬係比牛疊住睇唔到，所以唔發覺⋯不過豬都算啦⋯明白豬五花有時都好肥，老公都話食個陣成口油，油得滯⋯所以第一碟「牛油花」我接受唔到🤮如果佢「正常」既話，味道都唔錯，佢比燒肉like優勝係個環境同櫈舒服～但今次比較失望，如果佢一早換比我，我反而覺得唔錯～☹️…Read More

上水有兩間燒肉定食，一間燒肉like～一間就係呢度～燒肉like食過幾次，但係因為成日好多人排隊所以今次試吓上水廣場呢一間～我地6:30入座好多位，我同老公每人叫咗一個餐同燒肉like一樣限時60分鐘~自己手機落單我：牛五花、豬五花、雞頸肉（我夾咗兩塊燒緊）老公：封門柳、牛板翼的確，牛版翼嘅牛味係較濃，跟住就係封門柳環境都冇咩問題，冷氣其實都OK，仲好多職員，態度都唔錯～唯獨係個抽風系統比較弱，食到一半嗰陣已經好多人入坐食緊，成間鋪都白濛濛較煙～食完返到屋企成頭成身都係味～燒肉like就唔太覺有呢個問題～（可能間鋪嘅燈光比較暗少少，所以啲煙就會明顯啲）調味醬都係嗰幾款，都好好食😋枱面擺放面積都闊落舒服嘅👌🏻但在令我驚訝係原來換網要加$3～同埋有圍身呢樣野～可能我見識少😆上次食燒肉like我都有叫佢換網，但係無留意使唔使加錢～…Read More

順欣樓下間唔中都經過間鋪～終於第一次幫襯～睇左食評先幫襯～諗住做晚餐買左豬扒炒烏冬、炸髀、鹽酥雞豬扒炒烏冬：唔好期望好似茶餐廳有鑊氣個d，似撈烏冬多，都多XO醬，份量就比較少，但佢價錢都比茶餐廳平。鹽酥雞：比較推介，味道幾好～雖然細細舊，但唔會話成舊炸粉，啖啖肉炸髀：同其他評論一樣，有少少咖喱味～味道不過不失，但係全隻髀都係熟晒～唔會有紅色血水嗰啲👍🏼～～～～～～～～～～～本身想食埋佢車仔麵嗰啲，但係剩係得米粉同米線，下次有機會試埋個多春魚…Read More

唔知食咩好，Open rice搵，見好多人推介，又近火車站，咁就去馬。去到門口已經一小推人等位，但就無俾飛叫入座令到秩序混亂，還好等了一陣就已經有位。我地坐樓上，我個位俾部冷氣射住個頭，當然唔舒服，但好多鋪頭都有呢個問題。我點左個午市金邊粉，再加1打串燒（抵d呀嗎，食唔晒諗住打包）金邊粉好大碟！👍🏼味道都唔錯，性價比高！我反而對串燒失望，因為我好鍾意食，但佢好硬好乾，d豬肉好似煲完湯既瘦肉，😿係醬好食⋯老公叫左個豬手湯粉，佢話ok正常珍多冰ok~我叫珍多冰走冰都ok👏到最後我要個外賣盒，諗住裝得晒，點知都要拎多個先夠裝，問第二次個待應就有d唔奈煩，個膠袋要我自己去拎，自己拎都無所謂，係佢語氣同態度唔太友善。後記：性價比真係高的，大家真係要去試試，但串燒既失望令我再去既動力較低，除非唔食串燒…Read More

係fb組群睇人介紹去試，好多人都話「性價比不錯」，加上疫情已經好耐無試過出旺角食，所以叫埋老公一齊去食～個「餸」以刺身為主打多，我叫左個「乜蟹都有丼」，得對鉗係蟹肉，d腳係蟹柳來，配左明太子醬，賣相都吸引既。但食落無想像吸引，蟹膏、明太子醬分開嗜味都不錯，但一撈埋一齊食就無左個衝激感（你明就明，唔明就唔明）。唔係唔好食，食完係有d失落。仲會諗呢個係味「環保殼」😏。老公叫午餐既「虎燃丼」，佢配芝士蟹子醬，醬味道比較酸少少，但性價比就比我個個高好多。老公就覺得味道正常，比較普通。最搞笑係我睇錯字，睇左「元屎水」，係玄米茶來。總結係一試無妨，但無返轉頭再食既動力～…Read More

睇住間鋪開張，亦都知道由而家嘅老闆頂左手都好耐～但只係係第一手幫襯過1次熱狗咁多⋯前排係「燒賣關注組」睇到介紹，張相好吸引，亦都好多人讚～星期六日瞓醒唔知食咩，心血來潮就想幫襯小店～就你啦！！叫咗秘製燒賣、鹹蛋黃雞翼、熱狗、老闆推介既無花果特飲外賣歸家嘆～（叫燒賣嗰陣我話係燒賣關注組留意到嚟幫襯、跟住老闆就話即刻加多我一粒燒賣添）因為係即製，所以都等咗成三四個字，好熱⋯但真無好好食，個燒賣醬汁好多料，唔係水Dell Dell亦都出奇個無花果特飲，越飲越好飲，有驚喜熱狗係大份既，但唔太多選擇，腸仔比較淋身～我會比較鍾意「齊記」多de，因為腸仔有唔同款揀。價錢方面唔算經濟，但出去食都差唔多價，同埋小店本身都搵食艱難～所以幾日後都再去幫襯左燒賣魚蛋、椒鹽雞翼。對比過都係鹹蛋黃雞翼正de~…Read More

珍苑由我讀幼稚園開始，媽咪已經帶我去食，雖然中間成10幾年我搬左無食過～但佢搬左新鋪開始～我又搬返來啦～🤩呢一年我再食返～同細個個陣食個記憶好似唔同左，好似仲好食左咁～佢碗麵好味到係會令你有條癮心郁郁返去食～配支可樂，正到不得了～有時我會加埋通菜～其實我係超鐘意佢個麵底，「彈牙爽口」！幼麵加腩汁就算無餸都滿足🤤第二就係鍾意佢個牛腩（牛筋好淋）第三就係佢碗魚蛋～（唔同車仔麵既魚蛋）由於差唔多每星期捉埋男朋友來食一次～佢就鍾意珍苑既～牛丸同雲吞佢個味係其他地方食唔到！仲有既係成間鋪員工都齊心～特別老闆好用心對客，親力親為，態度親切友善～而家好少食店～野食好味，職員態度好兩者兼備～我非常推薦大家來上水必食！…Read More

第一次食蠔站係年幾前TST分店食，印象唔錯，所以想母親節去食多次，但而家疫情同限聚令關係，更係提早食啦，加上佢係open rice訂有7折優惠，咁就即book la!前一日我仲特登打去confirm,但職員話當日先有人聯絡我地,而家confirm唔到⋯⋯⋯咁算啦～到左當日，佢下午先打來話call左清潔公司來大清潔，所有預約取消，其實都幾火下。因為應承左媽咪，所以即刻自己再book過，即book青衣呢間⋯睇過其他評語，其實都好似麻麻地，心諗最後一次機會去試⋯Book完我自己再打去confirm,ok左，係個男同事聽既，佢既態度幾好，仲話「今晚見啦🙂」去到食，主要有個短頭髮中年女人service 我地，態度好好，有推介我媽食生蠔（我地唔鍾意食生蠔，得呀媽食），呀媽話試左先，來到2隻話比較細仔，但試完話好鮮甜好好食，跟住追加🤓好彩過程食得開心既～食到唔記得影相～叫左：👍🏼豬手👍🏼卡邦尼意（好好食）😊pizza🙂啤酒薯條🙂生蠔🙂幾杯野飲最緊要呀媽滿意，食完樓下巴士站走，交通放便…Read More

朝早去灣仔做野，下午要經深水埗轉車返公司，咁就順便喺深水埗搵野食啦～都係開個OpenRice searh下附近有咩好食，睇中「麵屋黑岩」同「隱家拉麵工場」⋯最後揀咗隱家，因為好耐冇嚟過西九龍中心⋯同埋想食沾面～我都係睇人哋食評先知佢係蘋果商場入邊，真係要要經過MK狂野地帶先至嚟到呢一個角落⋯都係去㩒機買飛～不過我唔知道嗰三款拉麵係咩味道，咁啱嗰個拉麵師傅見到我就同我介紹～好有禮貌～仲問我要唔要加大，同我講加大免費的（咁我咁大食，緊係好啦）我揀咗白色嘅豬骨沾麵～嚟到碗麵真係好大碗😂佢個湯底真係好濃郁～但係唔會好鹹，味道啱啱好，我鍾意佢啲麵條係爽口，唔會林pat pat～食食吓我先至發現佢塊紫菜有logo，嗰下真係開心大發現，好可愛～食食下望下出面，個感覺真係好奇怪⋯覺得自己好似係一個平行時空入邊，食緊間餐廳好日式～又有日本歌播緊～但係出邊就有啲靚妹周圍走勁MK，全部都係精品店⋯好搞笑食完個沾面，鋪頭會介紹你加清湯去飲埋個湯底我發現個碗底係冇圖案㗎！真係好飽～雖然佢冇「豚王」個de連鎖店咁吸引⋯亦都唔係話好食到回味無窮⋯但食飽之後我覺得佢俾咗種力量我，好似鼓勵緊我咁，食完個人係開心～有機會再嚟西九龍我會想食佢嗰個鰹魚拉麵～…Read More

由於本人好鍾意食sabu sabu或者日式燒肉⋯所以好多時同男朋友慶祝都係呢兩樣。今日終於同男友一齊放假⋯諗左好耐終於決定去沙田食牛摩,點知係火車出發途中手痕去睇下個食評，發現近期de評語差到呢⋯食野最驚食得唔開心又一肚火所以即刻轉分店，轉左去馬鞍山，當行遠de拍拖拖⋯去到我地揀左個$248既極上奧洲牛⋯我揀左壽喜燒（記得以前食開其他公司既都好咸，呢個清清地唔錯），男友揀左蕃茄。薄薄地先入味好食～嘩de花紋好靚呢～最後我地2個食左3碟牛同2碟黑毛豬～（不過我同男朋友都發覺佢俾第3碟牛應該係低一個價個款，因為個味道有唔同，但見都好靚，所以就算啦）仲有其他熟食（但就見唔到壽司，我無所謂因為主攻牛）～呢度都想講～個黑毛豬真係唔錯（唔記得影）臨尾食返個乳酪雪糕舒緩下～不得了可能下午人流唔多，店員服務態度都無問題，環境衛生都舒服既:)…Read More

今次係第二次食佢個下午茶，特登帶埋男朋友去食，因為好食同唔太貴⋯記錯佢3:30打後先有下午茶⋯原來2:30已經有，（好似星期一至五2:30，六日先3:30）去到居然無人⋯包場⋯以上水西餐廳來講⋯梳乎厘個環境係「好舒服」⋯我地叫左3個餐⋯當然係眼闊肚窄啦～我叫既意粉真係好好食,好香好濃郁既忌廉⋯男朋友叫豬軟骨烏冬，烏冬一般但個豬軟骨好淋好化好入味⋯再加多個炸魚著條⋯熱騰騰配兩款醬汁⋯不錯⋯但炸魚得2舊⋯我地飲品叫晒熱朱古力⋯佢地de古力係較少餐廳會用⋯係好好飲個de.....我推介⋯下次會再幫襯⋯3個餐食左$124…Read More

今日搵埋個同學先返學校⋯原來佢去左食撈麵⋯老闆娘今日推介「鹽酥雞排撈」雖然我無食，但都聞到好香⋯亦都見到周圍de人都食呢個⋯等我下次都試下食先⋯朋友話食到最後一啖，塊雞仲熱辣辣⋯呢下先難得⋯…Read More

等男朋友收工食飯⋯個時都9點啦～我叫左日式牛肉飯，男朋友叫炸雞飯（其實幾個月前都食個一模一樣款式）特別鍾意佢個洋蔥湯⋯雖然加$12有點貴。不過咁耐食一次算啦～不過男朋友碟炸雞有de酥⋯佢叫我試下⋯嘩！酥到吐出來⋯（因為我對酥味好敏感⋯少少都唔得）但佢話都接受到既～咁我由佢啦⋯點知佢食到第3舊佢終於頂唔順愈食愈酥⋯佢已經食唔落，咁我叫個侍應姐姐來～同佢解釋返，問佢可唔可以轉第二款⋯轉牛肉飯⋯（因為廚房差唔多收爐⋯）咁佢就收左我碟雞走左入廚房⋯最終成功換左～態度雖然一般⋯但佢肯換⋯所以同男朋友都食得開心⋯…Read More