Foodreporting's Profile

很有誠意的素食餐廳，味道好，份量足，有心煮食。以前曾遇過態度不好的侍應，隔了一陣冇去，最近再去發現改善不少，值得再支持。再介紹幾位一起朋友去都食到感動。冇假肉，真蔬菜食材，尤其欣賞椰菜花扒和素鵝肝，而美中不足就是茄子太鹹了點。…Read More

近日晚餐食完感覺腸胃好唔舒服，茄子多油且有一半好硬，而素牛肉炒河啲素牛肉片發酸。同男侍應反映，他話「應該係素牛壞左」，但唔肯換過碟，淨加啲嘢代替啲素牛。本身覺得支持下街坊生意，既然唔肯換過碟，另加隻熟煎蛋就算，特別提醒要全熟蛋。等了差不多二十分鐘！都未煎到隻蛋。送到時中間仍未熟。拜託他整熟，他話已交代過師傅㗎。點知煎熟啲又等左好耐。我話，啲嘢凍曬，既然碟食物唔新鮮不如幫我退啦。同一碟嘢內有食材壞左，驚會食壞肚，同埋隻蛋等左差唔多半個鐘。他話「唔關事」，仲話素牛換左就得，煎隻蛋需要時間……我話炒埋一碟的其中一樣食材壞，成碟好易出事。他堅持話冇問題，唔可以退換。食物壞左唔肯換，令人失望。而女侍應望著我地對話，我請她比個盒打包帶走，呼喚多次，她就企係我隔離檯，冇反應。「唔該唔該」咁請她，好多張檯食客聽到都回頭，只得她聽唔到。以前成日去幫襯，自從換老闆之後，真係好唔同。昔日街坊心中的良心美味蕩然無存…Read More

有幾道菜好特別，例如脆腸粉伴薯蓉，黃金椰菜花都很得意，口感特別，尤其中意😋椰菜花外面包的是鹹蛋。炸物都比較乾爽脆口，不會太油膩。用餐環境頗好，服務態度也很好，擺盤精緻，不過份量少了點。生菜包略鹹了點…Read More

兩個月前路過，試食過雜菜炒河味道唔錯，河粉好軟身。點知今日同朋友又order 同一款雜菜炒河，大家食左一啖炒河粉，每人即刻感覺好重腥臭味！根本入唔到口。大家都覺得唔係魚露。立即同個侍應反應，話她知有不尋常古怪味道，點知她只係望住我地唔出聲，完全冇反應冇回應。反覆講幾次反應比她知有怪味，侍應先攞碟嘢比個廚望，我地要求換過第二樣嘢食。換左第二啲嘢算正常。不過記憶中陣腥味太濃重，食完埋單離開好耐感覺仲覺得有些反胃。真係永不敢再幫襯。…Read More

意粉唔熟，要再整過。而pizza 係災難。未食過咁差的pizza,成個麵包咁勁厚，加啲番茄醬係上面，同一細塊芝士，仲好鹹菜，真係食唔落。冇咩服務。真係好驚嚇呀，唔會再去。…Read More

食物味道甚佳，食材不是假肉類的，而是真蔬食，擺得好靚。用餐環境都不錯。廚師好有心，真心有誠意的食物。不過，個別侍應服務時卻不用心，好可惜。例如第一次幫襯時打電話問路，職員自己都不熟路而指錯路，篼好遠好耐先搵到。朋友打電話預約時，聽電話個男士口吻好不耐煩，話好細聲然後掛電話，再打多次，一接通第一句不是hello而是大聲呼喝「請講，講啦，講啦」。完全不像高級餐廳的禮貌。例如朋友第一次去，話想揀番我地食過果款椰菜花扒，明明幾日前食過，仲show相參考，但男伺應堅稱呢碟是季節性的，宜家唔會有，又稱換左餐牌啦。好彩同行朋友食過，立即認到餐牌上個菜名，自己再order 番。希望服務可再投入一些吧，不要辜負廚師的認真。…Read More

好多人話過間嘢態度差，真係經歷過先知係點。最近幫襯買小食，女員工態度極差，𢳂嘢食冇戴口罩已經有問題，客人提出時仲反駁話「你堂食都唔會戴口罩啦。」客人話「你係處理食物喔，點同呢」。她又話自己冇講嘢，但明明見到她有對著食物講嘢。嘢食用微波爐加熱，難入口。呢種態度對待公共衛生，永不幫襯。…Read More