Happy Tiger's Profile

第一次同朋友遊坪洲，行到一間Cafe因為冇冷氣太熱，所以搵了另一間嘢食。俾菠蘿包嘅相吸引住，於是乎走進這間茶餐廳，坐低見餐牌餐牌嘅飲品名字好有趣，有點期望。我哋叫了一個日式豬扒菠蘿包，一個日式雞扒菠蘿包。想像中嘅豬扒包應該好厚好多汁大大塊嘅，而菠蘿包應該係鬆軟熱辣辣。幻想中總是美好，豬扒包，有3條粗過手指嘅豬扒，而日式雞扒都係有3條粗過手指嘅雞柳，味道正常嘅。而菠蘿包應該係翻焗，菠蘿皮乾爭爭硬掘掘一啲都唔好食，一個字『中伏』☹️。紅豆冰⋯⋯大快活俾佢略勝一籌。好彩，杯檸檬利賓納梳打，因為杯嘢全部係現成，所以好飲。另外，茶餐廳坐完之後成身都係油煙味，真係好勁。…Read More

第一次拜金花娘娘後，行咗去呢間Cafe，見到餐牌幾吸引便座下。坐低之後叫咗兩件蛋糕，巴斯克焦香芝士蛋糕，有濃濃嘅雲呢拿味，朋友以為有香蕉，原來睇錯，係『焦香』先啱！笑死😆！而朱古力米蘇凍餅，係有Oreo 嘅，濃濃滑滑嘅朱古力味，好食😋。飲品係一杯凍嘅柚子咖啡梳打，好特別，柚子味同咖啡好夾，值得一試😋。至於紅石榴多多沙冰，就唔夠紅石榴味，亦唔夠益力多味，兩邊嘅味道都唔突出，好平淡咁，可能係沙冰🍧太多！我建議放30ml 紅石榴汁在杯底，效果可能好啲！Cafe有室內同室外，我哋怕熱所以坐室內，啲凳就一般啦，好斜，俟唔倒架，可能香港人生活太緊張，唔習慣座呢啲沙灘椅咁樣嘅櫈。…Read More

昨天午飯時間，餐廳門口一個人都冇，咁我照攞飛，啲侍應個個好似好忙咁，無侍應在門口安排客人入座。過了一陣都無人安排，於是乎我行入去問，一位要等嗎？他們說一位要等等。。。餐廳入面有6-7張枱都無人座。門口接待處服務真係要好好改善。吃了個「素菜炒河粉」，多油係預咗，重點係蔬菜🥬不新鮮，有陣怪味。麻麻地。有待改善。…Read More