Piano317's Profile

每次走進四陂坊，都有一種柳暗花明又一村既感覺。今次走進火狐爐端燒，由門外小小鋪面到內裏感覺卻令人耳目一新。叫左幾樣燒物都非常有水準，無唸過唔洗大排長龍都可以輕輕鬆鬆食到咁正食物，而且價錢非常合理。店員又不斷主動加茶，小店有小店窩心之處。燒茄子配上蘿蔔泥特別清新👍🏻秋葵配上胡麻我最愛😍厚燒玉子值得推介👍🏻蟹膏海鮮抄飯好入味，每粒米都爽口彈牙，而且帶子不是帶子粒而係成粒帶子，加上蝦，成個飯好正。我唔食澱粉質，今晚都急唔住食多左😜…Read More

荃新天地最近頗多新商舖進駐，昨晚試了這其中一間新餐廳— The base nature, 這西餐廳在商場中人流較少的一角，環境較清靜，都幾適合朋友暢聚談天。食物方面，平日晚上有晚餐set, $138-$188左右包餐湯及餐廳特色茶。晚餐set選擇都算多，今次同朋友分別選了澳洲草飼M級和牛醬芝士漢堡，及慢煮澳洲半和牛西冷扒。 和牛漢堡裡面牛肉加埋配料都好大份，絕對夠飽，當中有大大塊煙肉、蕃茄、生菜、洋蔥醬、芝士等等，特別是蕃茄有烤過，能夠提升了整個漢堡的鮮味，跟牛肉漢堡扒的肉汁配在一起很夾呢！至於朋友選的西冷扒，因為是慢煮的關係，不用自選幾成熟，平日食開medium rare的佢都說慢煮牛扒就是不用選血淋淋的半生都不會太老，牛肉保持有肉汁，值得推介👍🏻另外，餐廳做得不錯的是每張枱都準備了一枝detox water, 味道清新，我們的餐飲未到前就是不停飲這枝detox water啊～…Read More

做左人父母就咩都以小朋友行先，出街食飯就緊係唸咩岩小朋友食先，所以近年親子餐廳大行其道，但當然羊毛出在羊身上，打正旗號既親子餐廳食物價錢要包不平既玩耍費吧。今日途經mega box 見呢間熊小館食物價錢經濟，同平時西餐廳差不多，入之前double confirm 洗唔洗收小朋友”清潔費’，喜出望外係零額外收費。雖然玩既地方唔算大，但有圖書閣，廚房玩具，木車仔，同無數teddy bear 玩，免費黎講算超值。到處都係🐻🐻熊裝飾。被安排坐遊戲區附近，小朋友去玩，我地大人就可以坐係度輕輕鬆鬆享受食物。老公特別欣賞呢個青口，差D想encore. 我當然係健康之選，西餐最愛叫Caesar salad 同呢個法式蛋黃醬焗鮮蘆筍，cheese 同蘆筍好夾，yummy.仲order 左好抵食既$298 二人餐，包湯，蒜蓉包，前菜楝左茄子，主餐有牛扒，焗飯，仲跟甜品同飲品，俾單叫抵好多。好耐無食甜品，今日放肆一下，黎個非常流心既心太軟，食完先算😜…Read More

以前讀書時成日行葵涌廣場，覺得無咩特別。但當物以罕為貴，大部分商場都公式化，來來去去都係得個D大商戶時，你就會發現葵涌廣場的可貴之處，除左是潮流精品集散地外，葵廣仲進化成美食廣場！今日經過潮食閣大排長龍就忍唔住埋去試吓，睇見Menu都有炸奶，就order左一下，看鋪個位小姐話有煉奶同朱古力味醬俾你揀，諗都唔諗就要咗朱古力。之後原本想試埋個炸軟殼蟹漢堡，點知漢堡包已經賣晒，唯有試嘢啦，見到佢個炸蟹鉗非常吸引，又忍唔住叫唔叫埋。總括來講，芝士正，加埋有唔同醬揀，對唔太食炸食既我來說都要間中破下例。…Read More

邊個話Monday 一定係Blue? 難得兩pair 人今晚都可以放底小朋友，平原十日，吐吐不絕，我話今晚係happy Monday 先岩。但始終食完都要趕返去睇小朋友，搵個地區方便又有質素既餐廳好重要。今日我地㨂左奧海城三期呢個裝修得幾好既西班牙餐廳。環境唔錯而且坐位寬敞，我地被安排坐近門口小角，自成一角，傾計一流。我見餐廳中間係一張長枱，如果多人十幾廿個都可以坐到，適合大夥人聚會。古羅馬Caesar Salad 配上水煮蛋，味道非常夾，yummy! 岩哂鐘意沙律既我。西班牙海鮮抄飯，份量非常抵食，海鮮粒量多。美國頂級肉眼😋板燒西班牙黑豚肉，燒得岩岩好下次有多D時間要試埋甜品。…Read More

今日和老公係仁安探完B, 超餓, 途經大圍田心街比我發現一間日本「正」野！😋魚生新鮮，特別係帶子，超厚和鮮甜，特別之處係食完蝦刺身，個蝦頭可以免費炸脆咗，熱騰騰，好脆好香蝦膏味🦐老公最愛牛舌，超厚又淋又juicy, 食到佢眼咪咪，串燒雞翼也不錯，好滑，即叫即做，夠熱，也燒得剛剛好👍🏻我覺得賀喜炸野燒野做得特別好，日本蕃薯和南瓜夠熟，冇油，超甜，我忍不住獨自霸哂嚟食，只分了一塊蕃薯比老公食😝嘩！呢個湯係我最想介紹俾大家嘅，係鯛魚湯，完全冇味精，但係好夠味，又夠材料。呢間小店員工好有禮貌，嘢食又好，我會再返嚟食👍🏻食過$500仲有$50下次可以用，正呀！…Read More

觀塘APM 新開左春水堂，未到十二點已經大排長龍，羊群心理真係想試下，心唸一定有過人之處，所以同事今日十一點九就到，順利輕鬆攞抬食lunch。入面環境裝修ok, 可舒舒服服傾計。我叫左set 豬手，味道可以又夠淋，補充骨膠原。同事就叫左牛根牛腩麵，$78 但無想像中大碗，相對有D貴。飲品要再加三十幾蚊，有D貴。如果想坐耐D吹水，可以去春水堂，服務ok, 唔會有人趕你走，環境舒適。但論食物同性價比就真係廬山煙雨浙江潮。…Read More

同老公拍拖去葵芳搵行街，葵廣已經成為香港特色的食街，除左細鋪多，選擇包羅萬有。行到三樓呢間台式伴麵，就叫左個招牌伴麵食。招牌肉燥伴麵（$30）呢兜麵都算幾大兜，有豆腐、溏心蛋及大量肉燥。豆腐非常入味，而且有濃郁豆味。溏心蛋是滷水蛋，內裡流心效果。肉燥方面比較失色，偏鹹似罐頭肉燥，沒有heart。伴麵有祕制醬汁，好香花生同蔴油味，每條麵都撈得好均衡，麵質方面以口感偏淋，無米線咁爽，但用作伴麵卻非常合適。…Read More

法國菜一般以精緻黎形容，動輒要食四小時，好難同抵食夾大件扯上關係，偏偏呢間餐廳卻能成功做出這個境界的法國菜，令人眼前一亮！法式香煎魚柳（$80）酸酸甜甜的檸檬汁，兩大條煎到金黃色的魚柳，就構成呢味法式香煎魚柳。檸檬的清香，將龍脷魚柳提昇到另一層次。魚柳很軟很滑，即使煎香了仍然很淋身，沒有半條魚骨，小朋友都可以放心進食。餐湯及餐飲（$10）隨餐附贈餐飲或餐湯，若然想兩者兼得，只要加多十蚊就可以，非常抵玩。…Read More

韓國菜的精髓係以最普通的材料烹調出最出色的味道，雖然沒有什麼名貴食材，然而其健康風格深得港人喜愛，以韓國菜掛帥的菜館亦開到成行成巿，當中有很多都浸透了本土化原素，在我而言沒有正不正宗，只有好不好食。鐵板牛仔骨出曬煙的鐵板牛仔骨，仲有甜甜地的洋蔥，成為最佳配搭。泡菜煎餅呢味泡菜煎餅就較為遜色，原來以為泡菜煎餅辣辣地會幾開胃，但成塊煎餅都係同一個味：「冇乜味」，結果要點韓式辣醬先竹食得曬。:(韓式煎餃子餃子煎到外皮好硬，入面餡料又唔唔咪好豐富，結果又要乾啃。韓式炒粉絲呢味炒粉絲算係唔錯，粉絲夠煙韌，加埋個韓式辣醬就好好味！…Read More

星期日途經荃灣廣場買野順利afternoon tea, 見到一個咁pink lady 既餐廳，少女感覺即時返哂黎，無detail 睇menu就拉老公入去試招牌龍蝦包有驚喜，包超軟熟值得一讚，配上份量合適既龍蝦肉，非常匹配，充滿口感，我同老公都覺得值得一試。仲跟薯條沙律，兩人唔太大食應該都夠。但驚老公唔夠包飽，所以仲吃多左個烏冬，但比起龍蝦包，呢個烏冬就相對平凡，而且牛肉太硬，如果係老人家或者小朋友就未必食到，可以揀第二D餸既烏冬。…Read More

食牛角如果唔想成長一陣燒肉味，又或者午餐時間唔夠唔想花太多時間慢慢燒，大可以來到牛角吃佢地不用燒的午巿套餐。呢度唔需要燒的套餐也有很多選擇，好似有石鍋飯、仲有溫泉玉子飯，全部都係唔洗燒就有得食，極之方便。蒜鹽雞腿肉溫泉玉子飯（$59）就好似我今日柯打的蒜鹽雞腿肉溫泉玉子飯，有嫩滑的雞肶肉，再加上半熟的溫泉玉子，簡單又健康！只要輕輕破開溫泉蛋，蛋黃汁就流入飯中，混和來吃蛋香滲入粒粒飽滿的珍珠米中，口感更為綿滑。…Read More

香港人鍾意打邊爐的程度，已經去到無人能阻的地步，日式sabubu當然岩曬口味啦。但馬屋係主打日式火鍋放題，岩曬一群食肉獸刷餐飽。呢間餐廳環境別緻，以木色作主調，盡顯日本人講究的和諧。而且放題配料應有盡有，所有貴價菜都應有盡有，整齊地放置於食物架上，而且仲有外種清熱飲料、果汁任飲。湯底方面有紅色的「麻辣湯底」同白色的「美顏湯底」任君挑選，麻辣不是太辣，一人一細鍋比較衛生，唔驚食人口水尾。我最喜愛以麻辣湯底打肥牛，真係食到停唔到口。簡單黎講都係一個午巿放題不錯的選擇。…Read More

同熱愛這片土地，食飯要緊係要黎香港地。呢間打正旗號係食港式茶餐廳，午飯小菜套餐都係茶餐廳價錢，十分抵食，難怪一到午飯時間就大排長龍啦！帶子蝦仁炒滑蛋（$66）唔好期望太高真係有大大粒帶子，細細粒卻是有的，帶子肉有彈性，但沒有帶子的鮮味。蝦仁方面都係較細隻，數量不太多，以蛋為主。鮮黃色的滑蛋鑊氣十足真係炒得唔錯，如果加點韭黃味道會更有層次，現在味道則有點單調，配合埋一碗白滑絲苗米，整體來說是合格有餘！…Read More

「隨意饌」個名雖然聽起來有點「老土」，但絕對唔嘢小，皆因呢度出名有平價拉麵食。只要穿過奧海城二期商場，走過連接海富商場的一段路，再落一層扶手電梯，就可直達隨意譔，可能由於識行的人唔多，所以午巿時間都比較清靜。長野蒜香味噌叉燒拉麵（$47）湯底係蒜香豬骨，好香蒜味，又唔覺有超多味精，食完唔會超口渴。叉燒有𡁻頭，香香的肉味，並沒有將貨就價。仲膽心唔夠飽？唔洗驚，食埋跟餐的五隻餃子就包你飽！餃子仲要係即叫即煎，保證新鮮！…Read More