尋找可吞吃的的個人專頁

而家揸住$38 蚊可以食到乜？火腿通早餐都未必食得到，午餐晚餐除左老麥真係諗唔到食到乜。中午路過元朗呢頭，諗住見到有咩想食就坐低，路過見到$38 有 Lunch 食包野飲？！加上呀姐熱情拉客，一試無妨。最初期望係得幾舊雞得骨無肉，點知係都幾唔錯好多舊肉又有菜，啲雞係滑同好食既，唔 Hea，食完係滿足既。呀姐見我啲飯食晒問我使唔使加飯，我就少carb 既。又平又好食仲想點？一定會覆桌啦，見呀姐咁好人，幫你寫埋好評！讚！BTW 佢個 lunch set 可能期間限定…查看更多

呢間人氣韓式 Pizza，之前見佢成日都排隊，今日 book 枱試試佢先。食 Oppa 嘢梗係要食吓炸雞🍗啦，叫了兩款炸雞，一款是 Garlic Sweet Chilli 辣炸雞，另一款是 Honey Garlic 味，電款都好好味，無懸念是辣雞勝一籌，炸物襯重口味的調味👍🏻，it's finger licking good!Blue Mussel Pot 亦係非常 recommended 忌廉青口亦非常不錯，青口肥美，忌廉汁香滑有濃濃奶味/牛油味，汁入面仲有好多菇同洋䓤，真係汁都撈埋。估唔到  Oppa Pizza 都幾好食喎，叫左個 Gangnam Cowbow，pizza 脆卜卜，牛肉有濃濃肉汁，再加上沙律醬，正！…查看更多

是咁的，我哋一行16 個食飯 fairwell，大家都無乜 idea 下就試吓呢間。事先攞晒餐牌大家報定食乜方便落單。去到坐低左，話未齊人唔收張柯打紙住，ok，等陣先。齊人喇，比張我哋事先落的柯打比佢，上菜時候，海折同點心前菜的數目錯晒😅 其實好簡單，換就得囉，部長唔肯換：將就吓…要整好耐架…再之後上菜，佢放低左我哋以為仲有幾碟上，我哋點啲魚呀雞呀，數量如圖，係一碟幾個人分😂😂 咩料，仲衰過茶記。仲有碟飯呀面呀都係幾個人分。我地食緊幾舊水飯喎，唔係碟頭喎😅😅睇相原來人地食啲甜品餐好似好正，不過呢啲服務攪唔掂啦，幫佢落埋單都攪成咁。…查看更多

Weekend 去 MegaBox 可以有兩個鐘免，食個早餐順道買啲細路嘢😉都好耐無食太興喇有小朋友的通常唔想小朋友食咁多公仔麵嗰啲，就叫腿通，一放低碗腿通，細路都問我點解叫左碗湯嘅，一碗淺淺的湯面頭又唔多見料，心諗咩料？無話唔好食嘅，只係慨嘆又係通賬猛如虎…不過你大可以adjust the price…. Rather than 比十幾二十粒通心粉比我😅😅😅不過其他糯米雞都可以嘅，炒蛋、奶茶都可以嘅………查看更多

米線控又出動尋找好味米線，吃過雲川就明白點解佢排名咁高。第一件事記得 scan qr code 落柯打，因為會平 $2 架！佢都好多湯底，除了平時的豬骨，酸辣麻辣，仲有魚湯金湯，朋友試魚湯連湯都飲晒，我就試麻辣小辣，湯底好香又唔太辣。餸方面，豬肉類先後排：豬頸肉、腩肉、豬排。螺旋藻，豬潤、腐皮蝦卷都好味。整體黎講係好唔錯，若果 T 仔同雲川兩間揀，應該一定會揀後者😆若果講抵食就都可以，兩餸$55 有嘢飲，再$10一個餸咁上。…查看更多

不久前先食完上海菜，可能我真係好鍾意食上海菜，食多劑 -- 樂天皇朝!!樂天皇朝東涌呢度幾好坐，枱同枱唔會太近，室外仲有個位 Area 可以出去行吓。平日中午黎食就要留意，佢1230 後開始無位。小籠包唔講咁多，小籠包係必食，食過幾次樂天，唔使咁多花臣，原味最好食，皮薄多汁。上海炒飯飯炒得好香好均勻，醬汁味濃，又一必食。 蘿蔔絲酥餅蘿蔔絲酥餅又一必食，外鬆內熱辣辣，一人一隻唔係好夠喉。 上海生煎包生煎包個底煎得好脆，內餡亦多汁。 紅油抄手餃子粒粒都好大粒好足料，唔太辣，但我覺得略嫌偏酸。 蟹粉餡兒餅唔好睇佢好似普通韮菜餅咁，佢呢個飯做得唔錯，咬落去脆卜卜，仲會爆汁添。 炸饅頭叫吓叫吓，唔覺意叫咗咁多包，唔緊要，炸饅頭炸得脆卜卜，點練奶一絕。…查看更多

終於再有時間放低細路同太太尋找好吃的，想食上海菜黎到夏面館。上菜速度都好快。首先黎碟上海醬鴨，我覺得呢個係必食，鴨肉起晒骨配濃濃醬汁，肉腍味濃，最後啲汁都 Lam 埋蟹粉小籠包，皮薄多汁，加上蟹粉簡直係正。蟹粉黃魚片麵，湯底加上 Toppings 的蟹粉蟹羔，濃郁的蟹味，作為蟹粉的你，你一定要試，魚肉亦爽滑。去食任何中國菜地方，我都愛點紅油抄手，這裡餃子飽滿，紅油亦香。最後點左個榴槤高力，滿有榴槤香味，可以一試…查看更多

Lunch Time 好鐘意隨意渣車搵啲泊食易, 呢間幾好方便走佬, 見 openrice 多正評就入左去, 點知....其實食客對茶記要求唔係好高, 只有合格與不合格, 合格就得, 麻甩佬餐餐食咖哩 / 炒飯 / 豆腐火腩都得，合格就得😂我都係叫啲簡單嘢...焗肉醬...以為穩陣....點知係唔合格的...太咸, 無乜茄汁味 etc....我自己屋企煮好食啲....奶茶唔好飲無茶味又好甜....不過涼水話齋, 公道啲, 見人地正評係炒餸, 可能炒餸好食啲?…查看更多

細個唔係呢頭讀書，好少過黎，若果係嘅話，一定會食過呢間老店。一班朋友 ad hoc 約食飯，天氣凍諗住打邊邊多人到癲，行幾個街口衝咗入黎，randomness 通常不帶期望，結果係好有驚喜。燒牛柳無 overcook, 非常林身，配菜幾款都非常好食，我尤其鍾意薯蓉😋😋仲有一樣係好好嘅，而家去餐廳坐耐少少都攪你，黎呢度有好多枱都好似我哋咁坐咗3個鐘有多😂😂 老朋友相聚就係咁，老餐廳就係咁，充滿人情味。下次唔使排邊度，直接衝入嚟😂…查看更多

慶祝活動，同事搵到呢間舖頭，so sweet👍🏻👍🏻呢度環境相當好，無敵海境，勁多打咭位，枱與枱相隔好遠。餐廳的慢煮乳豬都幾出名，慢煮十幾廿個鐘咁有 heart梗係要試！真係不負所望，外脆肉軟，裡面啲肉係唔似普通乳豬質感，軟淋淋，脂肪入口即溶，份量亦相當飽肚。之後黎個抹茶流心撻，好好食，味道不大甜，撻邊脆卜卜，中間有熱辣辣抹茶心深出，加上雪糕，一絕！（無影相唯有文字描述😂）價錢來說，我覺得平多$50 左右，性價比會更好，酒店價好難做得住🤭有heart 舖頭要支持💪…查看更多

見佢新開 OpenRice 新蓄蓄, 搶住做佢第一個食評先  如題, 你知啦一到星期六日 OutB 等位等到傻, 佢 Quality 不錯, 有啲價錢仲平過 OutB, 真係有對手喎!!呢度環境幾好, 喺正 Atrium 中間, 不過有人鐘意坐得隱密啲, 佢都有個小偏廳嘅叫咗個 Dinner Set 有餐湯蘑菇湯, Salad and Drinks, 咖啡的奶同糖兜幾靚 簡單叫咗個 Steak, 塊扒煎得幾好唔太熟, 食落夠淋夠 Juicy 唔韌  不過我覺得搭埋薯條就 Perfect 另外叫咗個推介的西多士加雪糕, 上枱熱辣辣脆卜卜, 裡面揸勻咗我最愛的 Nutella, Yum總括黎講係好食嘅, 下次黎將中唔使迫住等 OutB la!!…查看更多

喺觀塘街市出出入入, 成日經過都好好奇呢間餐廳, 今日終於可以一試喇! 好鐘意呢類懷舊冰室格局的餐廳, 不像商場餐廳般冷冰冰。牆上好多相同畫, 見到舊日觀塘樣貌都幾得意。叫了個兩餸一湯餐 ($258), 我地兩個大人一個小朋友都食唔晒哦, 呢個價錢抵食!蒜泥白肉, 蒜砌得好碎, 真係蒜泥, 做法無平時煮法咁落好多辣油, 無咁油膩。五花腩肥瘦均勻, 辣味好香, 太太就略嫌辣。糖醋排骨, 呢個必食, 叫碟唔辣的比小朋友食, 點知佢差不多食晒成碟, 佢個芡汁顏色味道炒得好靚, 酸酸甜甜送飯一流。雲吞雞, 雞湯足料入味, 大大件雞上碟上台, 一啲都唔孤寒, 雲吞飽滿, 呀仔都飲咗兩碗, 不過最後都真係太飽食唔晒, 好抵食!!八寶茶, 茶有驚喜, 清甜回甘, 足料有八樣材料, 可食可飲, 食到飽飽立刻消濟。…查看更多

約朋友食吓飯，觀塘無乜好揀，呢間好耐之前寫一篇 OK 文，久別重逢，估唔到服務 keep 到咁差😂😂。午餐時間慢慢開始入人，Doo 安心，成班 waiters 企响度又唔會 serve，仲比我聽到喺度傾啲客身材😅。坐低叫嘢食，有位好似部長的人企正中央，以為佢態度會好啲，點知態度極差，朋友 Keto 開，諗住問佢啲薯類有無得轉，部長一句得埋黎所有餐無得轉！朋友有禮貌地回一句，唔該，究竟邊個係 serve 😂另一朋友問凍飲有無得添，佢不屑咁應，其實人地 Outback 有，你地價錢仲要貴過 Outback 😒😒唔值。最後叫了個潛艇，個包太硬。其他餐無圖，無謂多講，完。…查看更多

等咗咁耐終於可以出街食飯, 約友人出街食吓飯 update 吓, 友人介紹試吓呢間簡單裝修都幾舒服, 鐘意佢咁樣半開放式, 佢比我地張枱幾好, 自成一角。德國鹹豬手伴薯條豬手熱辣辣上脆卜卜, 皮脆肉嫩無 overdone, 啖啖肉好正, 可惜真係好大份, 兩個都食唔晒, 最後食剩少少軟殼蟹意大利飯軟殼蟹好大隻炸到脆卜卜, 意大利飯軟硬適中, 大大碟食唔晒套餐+$15 左右有杯 Mocha, 沖得幾靚喎!朱古力窩夫布朗尼加雪糕Chocolate Brownie Waffle 好似人人黎到必食, 都幾唔錯嘅, 下次試吓佢個麻薯 Waffle 先!南瓜湯南瓜湯放最後, 因為佢落咗啲蕃茄, 味道有啲唔夾。 不過呢餐 overall 係 very good…查看更多

離開中環工作幾年，難得過黎就搵吓舊日味道。大鄉里喇，搬咗新位老唔知，不過舊位好啲，亂泊德輔道好驚被抄🥶 不過環境好左好坐咗闊落咗。講返食物，以前通常食午餐好少食早餐，同老婆普通叫了個茄牛 and 沙嗲牛通，黎到才發現原來無炒蛋多士？無辦法，通脹猛如虎，人工又無得加，中環的朋友早餐吃6 分飽啦😢講吓味道，茄牛都係令人失望的，幾酸，牛肉都夠林，但味道又同茄湯唔夾，佢叫的沙嗲牛味道ok，不過份量都係少，個碗好淺。三十幾蚊想點呢，中環食嘢係咁架啦，隔離間翠華都係咁做唔住啦。唔係挑骨頭但係真係令我呢個舊 fans 少少失望😢💔…查看更多