leungwingszezoey's Profile

呢間冰室好乾淨，而且坐得非常舒服，服務態度非常好，但最緊要係食物非常高質。第一次食呢間冰室，叫咗個港式早餐，有牛油方包、炒蛋、一碗粉同一杯野飲。水吧高質。凍咖啡走甜，味道啱啱好。牛油方包唔會乾，雖然炒蛋唔係入口即溶，但入口都幾滑，炒蛋既油分啱啱好，唔會好膩。叫咗個雪菜肉絲米，味道啱啱好，唔會話太鹹，而且啲米粉幾高質。…Read More

已經唔知第幾次不滿。今晚到屋企人出去食晚餐，屋企人話要食依間，咁我勉為其難就去多次，比次機會佢。但係結果一樣，依然都係服務態度非常之差劣。首先，我舉左手好耐都冇人理我，係直程舉到手都酸埋，直到我家人大聲嗌侍應，先有人應我地，幫我地落單。其次，落個單都落錯。明明我落單係叫通粉，但佢幫我落咗公仔麵，之後一句對唔住都冇，就拎走左碗麵。可以睇得出服務態度非常之惡劣。今次既經歷非常之不快，考慮不會再次幫襯。…Read More