ciaogatto's Profile

寫食評一向會附上相片, 但今次不必了, 全因想談的只是服務.這天放工後要到銅鑼灣做gym, 因約了教練8時, 到達CWB才6時半, 知道餐廳這個時候應該不太多人, 想有一點米飯下肚才做運動, 決定來個叉燒煎蛋飯.餐廳半滿, 最入一張枱剛有客人離開, 其餘的枱也有人坐, 雖然不太喜歡最入的那一張枱, 但也先坐下. 未點餐見有其他枱的人走, 所以搬過去.是一張在餐廳正中的枱, 我動身後坐下, 那侍應姐姐說這張枱很大風(因在冷氣機下), 我回應說我不想坐那處; 那侍應姐姐便黑面.去過這裡便知, 最入那張枱只可坐3個人(因一邊泊牆), 中間位置的枱可坐4個人; 如果那時是繁忙時間, 當然我不會'亂動', 實際情況亦不容許我想轉枱就轉枱啦. 當時餐廳外並沒有人等位, 亦未見有新客進入.我帶同上一張枱已給我的餐具, 轉坐到中間枱的位置後, 她便執拾上一枱客人的東西, 她抺枱時好像很急趕似的, 連那份用餐紙包好的刀叉也從紙中掃出來, 跌出枱上不止, 還把整個menu座也壓在叉子上....我想叫這位侍應姐姐換過另一隻叉給我, 但... 見到她氣急敗壞的樣子, 也不要再煩她好了. 我自己拿濕紙巾出來抺.叫餐的時候, 我囑咐叉燒要不燶及不肥, 她又面有難色, 說很難保證... 說了一堆話. 我回應因有一次吃到很燶及肥的, 切走之後得番半份叉燒.之前幾次我也有相同要求, 侍應也沒有給我聽這麼多說話.有一枱客(3個人)全部叫凍飲, 那位姐姐從水吧出口想一次過拿三杯飲品, 怎料跣手跌了一杯, 冰粒跌在她身上... 一地也是冰粒. 然後她很緊張地抺身上的冰水. 其實有圍裙.. 使唔使咁大反應?這一切看在我眼裡真的有點可笑, 不是幸災樂禍的笑, 而是, 體現了一個小道理: 怎樣的人說怎樣的話, 怎樣的人做出怎樣的事.餐廳有幾大? 分開兩次拿該三杯凍飲便不會弄得自己這樣狼狽. 我聽到她叫水吧同事補番啲冰落杯嘢飲... 唔係嘛? 我覺得應該從新整一杯.(當然, 因為佢一個人嘅失誤, 咁樣就對餐廳及水吧同事唔公平!)一向也喜歡這裡的食物: 平, 靚, 正, 快 ; 但那晚真的吃不知味, 就是因為一個咁樣嘅餐廳員工.結尾更精彩: 餐廳一路有人走但入來的人也不多, 我由頭到尾自己一個人坐一張枱, 諗住食晒碟飯後飲埋杯檸茶走啦, 果位侍應姐姐走來收走我個碟, 真的很奇怪, 這張枱在餐廳中央位置, 我坐靠內一邊, 她收碟時, 把手從我的左邊伸過來, 當時我正飲緊杯檸茶, 佢就喺我杯下及直立的餐牌嘅中間位置攞嘢, 我好驚佢掂到我(尤其是見識過佢之前啲"卓越表現"), 攪到我要就住嚟飲. 早知佢要咁高難度角度收碟, 我寧願唔飲住!嘜我張枱其餘三邊有人坐咩? 唔係唔俾你收, 但點解唔响另外三邊, 不騷擾到人客嘅情況下收嘢? 係有心或無意? 就係因為呢個細節令我覺得要上來寫, 因為我亦有另一個類似經驗: 在尖咀該個收費不便宜的連鎖茶餐廳, 那次跟同事(共7至8人)縮在小圓枱lunch, 食物陸續上的時候, 一個侍應想從較窄(兩人坐得較密及正進食中)的一邊上菜, 但另一個看來是經理指示他要多走一步從較鬆動(坐得較疏, 未有得食)的位置上菜, 盡量做不干擾客人的事, 我好impressed!! :)最後想說的是, 儘管今次在這裡有過這一次不快經歷, 我還是很喜歡這裡的食物! 理解人會有脾氣, 但咁樣不單止對工作冇幫助, 得失客人之餘更將那些負能量反射到自己身上! 你話幾無謂! …Read More

舅父說要請飲茶, 跟媽媽共三人吃點心午餐店內環境頗高貴雅緻, 其他客也斯文沒有丁點一般酒樓的喧鬧.. 心諗, 呢餐都係食環境rather than 食物!坐下來侍應便為你舖上餐巾及倒茶, 標準的酒店服務點了七樣點心+兩款甜品:野雞卷 -- 跟在順德菜館子叫的.. 差好遠, 來到的時候有點O咀... 好細粒ar.. 五元硬幣大, 食味普通(只是鹹鹹地有D火腿味), 口感欠奉(可能太細點, 或我個口太大?).XO腸粉 -- 這個為今餐加分不少, 不像一般酒樓叫的, 腸粉外層包滿了XO醬, 炒得香脆, 碟內沒發現一大片油漬, 裡面軟滑雪白腸粉, 奇怪是外層的XO醬沒有入到裡面的腸粉豬手 -- 主要材料好像經過選擇, 豬手不肥皮亦薄, 但煮得沒有味道, 廚師是想我地感受豬手本身的味道??叉燒飽及燒賣 -- 普通蝦餃 -- 蝦好大隻, 肉質爽甜... 這是蝦餃應有的水準; 必叫!火鴨蝦仁炒飯 -- 值得談的只有飯本身: 飯粒炒得好, 乾身與油潤之間取得平衡, 但用嚟炒飯嘅鴨&蝦..好鬼細粒, 在玩尋寶遊戲吃罷, 兩位老人家也說要吃甜品, 叫了芒果糯米糍及紅豆糕. 不是我請客, 不好提出反對.. 紅豆糕比較好一點, 有豆味及清甜呢到口味偏清淡, 唔係咁啱我law…Read More

一行三人, 試試新餐廳蝦子麵: 唔怪得只賣$20, 細碟到.. 一人一啖; 蝦子不夠香, 麵質一般, 唔al dente鹹蛋燒腩仔飯: 雖然皮不脆, 但燒肉還暖, 而且很嫩滑, 飯煮得很好, 另外可能是豬肉的油滲透入了米飯當中, 所以飯的質感及味道也ok蜜核咕嚕肉: 肉太少, 漿粉太厚, 甜酸汁不夠惹味, 失望!避風塘炒飯: 整晚最喜歡的就是這個了, 飯粒炒得好, 一顆顆的, 蝦乾也下得多, 食味很香; 吃完後很想再多來一客.. 鮑汁螺片菜心: 很奇怪的一道菜, 當中最好的是螺片, 食落竟然似飲喜宴嘅鮑魚! 算俾得多, 但那個茨汁完全破壞了成碟菜, 杰撻撻咁, 又落得多, 菜心亦有點韌, 唔知係菜嘅問題, 或是煮嘅問題...最後後加了兩樣嘢: 水餃/雲吞雙拼及粥, 水餃比雲吞好食, 大隻D之餘當然餡料更多, 竹笙鷄粥嘛.. 兩樣料OK, 但粥太糊口(米太少, 漿粉太多), 多番D竹笙就更好啦!…Read More

Dinner gathering 想食火鍋, 經過多翻討論, 嚟咗呢度因為只在前一日訂枱, 來不及留近窗位置, 不過我哋張枱仍然望到夜景, 成座ifc棟向度呢到勝在用料新鮮, 收得呢個價錢就俾番呢個質素嘅嘢俾客人湯底只選簡單的東瓜瑤柱, 希望能直接反映食物質素!當我哋點菜時, 正在猶豫牛食邊樣好, 侍應姐姐建議手切牛, 邊位及脊位各半試齊佢我哋覺得脊位好食D, 可能多D脂肪, 但亦不是太"漏"; 牛邊就.. 我覺得好似食鮮牛粥D牛肉咁囉水餃好大隻, 未烚前已經是BB拳頭size :) 這就是$88八隻的關係? 味道一般, 不會令人失望但亦沒有驚喜四寶丸好似必叫咁, 最印象深刻係牛丸, 食落點解咁似飲茶碟山竹牛肉嘅...? 好鍾意就係年糕袋, 冇辦法, 我就是比較偏心"煙韌"嘅食物蚌及蠔雖不是我杯茶, 但都好新鮮最後我們加了脆腐皮及芝士墨魚麵: 脆腐皮來時仍熱, 就咁食都好好味, better than 放湯; 墨魚麵嘛.. 玩嘅成份多過食, 成條"jit"晒搞到成煲都係時, 竟然聞到芝士味, 少少surprise :)食到最後先食菜, 真係估佢唔到, 我覺得成晚最好食竟然係我最忽視嘅嘢: 好耐冇食過咁鮮甜嘅菜, 完全冇點醬嘅必要, 點咗反而食唔到鮮甜真味!!!其實火鍋食物如果夠新鮮, 就唔衰得去邊; 好掛住D菜服務方面, 侍應表現較參差, 有D就反應快速, 有D就講嚟講去都唔知我哋要嘜, e.g. 我想再要多一次醬架, 果個姐姐要我哋重複幾次先明, 嘜有好多款醬架咩? 加水時D女侍應係咁倒, 冇嘜留意D水會彈番上嚟, 反而部長比較"溫柔"D四個人嚟呢到啱啱好:)…Read More

朋友於weekday約食lunch, 我諗諗吓, 建議大家不如一齊攞半日假, 咁就食得悠閒D, 唔洗趕頭趕命la :)我點了特色意大利粉, 佢就要咗法國烤油鴨配鵝肝焗飯先來湯, 這裡有四個選擇(南瓜/蘑姑忌廉/洋蔥/雜菜), 都算多, 我點了洋蔥, 朋友要了忌廉.洋蔥湯有點油膩... 下次都係健康D要南瓜!!意粉: 份量剛好, 而且佢哋嘅cream汁唔太漏, 對我嚟講, 再heavy一點也能接受唯一要"挑剔"的是parma ham, 當然.. 呢個價錢唔可能expect用好正嘅貨色, 但我唔係好感覺到parma ham應有嘅"鹹香"囉...雖然如此, 還是成碟食晒 (好肚餓)油鴨配鵝肝: 只能說說鵝肝, 朋友分了一半給我!!! 佢對我真係好.. 令我好感動其實之前嚟過呢度一次食dinner, 也有點鵝肝; 如果身體接受到嘅話, 建議一定要食, 呢到好generous, 俾得好大舊, 聽D fd 話喺citysxper買百幾蚊一件仲要細舊D...入口溶, 加埋佢墊在底下的生果切片(應該是梨?? not sure) 酸酸地一齊食好好味, 可惜始終是高危食品, 如果可以每個月食一次又唔影響健康, 實在太幸福la:) <發夢>地點是難找一點, 但如果是好的用餐地方, 呢個絶對不是問題; 快D再嚟就好la…Read More

成日聽細佬講話同D friend 嚟呢到食, 仲要話嚟過>10次!為了補祝母親節(借口), 約屋企人嚟呢到食晚飯前一日下午打電話, 由2點半打到4點半先有人聽(-_____-)明知是大排檔, 當然唔expect環境好掂, 但都比想像中OK有關食物:例湯: 必叫, 因為冇味精(餐牌叫什麼冇錢買味精湯..搞鬼!)同好多湯料, 我已忘記了是什麼湯, 總之唔係例水啦芝士蕃茄焗豬仔包: 我諗呢到嘅特色就係好多古靈精怪嘢叫, 反而傳統嘢就唔多(老豆話想食老水倂盆, 真係唔知响邊到搵俾佢!!), 講番呢個包, 其實只是特別在喺呢D地方有得叫, 食味一般, 來到時唔夠熱, 是最可惜; 另外唔知佢落邊隻cheese, 好咸.金沙骨及炒麵也是一般, 我不覺得有說得那麼好吃...琵琶豆腐就幾好: 入面D料同平時食開嘅唔同, 有好大塊臘腸件喺裡面, 但整體上很滑, 而且夠熱(十分重要!!), 反而佢另外上的茨汁怪怪地, 有D甜又有D咸..我哋冇叫菜, 因為想食特別D嘅嘢! 細佬建議呢個.. 忘記了exact name, (九層塔?), 呢個幾得意, 主要賣點是那個類似雀巢的東西, 但不是食開的芋頭version!! 裡面就炒雜菜: 青紅椒, 紫椰菜, 粟米芯, 洋蔥, 翠玉瓜... 最鍾意松子!! 落多D就更好最後加了一個餸: 福州扒蛋白: 蛋白蒸得很滑, 上面舖了一層好似我哋食福建炒飯嘅mixture.. 有新意得來又容易被接受!有關服務, 伙計應對ok, 唔會叫極冇人理, 但上菜時間慢; 另外由於太嘈, 講嘢好似哎交咁..不能接受丁點兒味精的人, 應該很喜歡這裡:)…Read More

可能是名人效應, 呢間曲奇餅店有不少媒體報導咁啱嚟九龍城買嘢, 不如順便試吓之前上去佢吔website睇吓, 發覺選擇不是這麼多由於唔知曲奇邊隻好食, 就買一盒assorted試晒佢!至於palmier, 由於見好評不少, 買一盒都ok!曲奇餅我認為最深刻是蛋香曲奇, 因為食落真係好濃蛋味, 有D似澳門手信嘅蛋餅!黑白芝麻味都好濃, 食得出佢落好多唔慳料反而雜誌說好特別嘅川椒榛子味就奇怪咗D, 新嘗試無不可, 但就不是我杯茶整體覺得佢哋牛油味不重, 比較啱喜歡light D 嘅人Palmier方面, 第一口咬落冇嘜特別, 覺得唔太甜; 但就可能因為佢調較味道唔太甜嘅關係,不知不覺食咗好多塊!如果下次嚟開呢頭, 應該會再買盒裝palmier及袋裝蛋香曲奇…Read More

訂位時已預訂食物: 金$鷄, 鴨腳包, 佛跳牆先來金$鷄及鴨腳包, 這兩味做appetizer好正:)有一次聽到人哋話金$鷄最好是成個sandwich組合咁食, 就要follow呢個食法!最值得一提的是, 那塊傳說中浸過玫瑰露酒嘅肥豬肉, 食落一D都唔覺油膩, 而且有爽口嘅感覺我記得第一次來得龍食飯亦有點這味, 當時因為驚肥, 就挑走呢舊肥豬肉, 當場俾人鬧...真係抵鬧鴨腳包呢, 重點不在味道, 而是睇佢點樣將D材料卷成咁樣!我唔知是否需要成個組合食, 但真係有點難度, 所以要先解體(燒肉, 火腿, 芋頭.. 最後鴨腳)籠仔糯米蒸蝦: 覺得呢個麻麻地, 糯米蒸得太腍, 冇咗米粒嘅口感魚湯蝦乾浸津白: 算是當晚最"健康"嘅一度菜. 好鍾意個奶白色嘅湯... 當所有人夾晒第一round之後, 我要晒D湯嚟飲, 佢哋個個都話偏鹹, 但我覺得ok佛跳牆: 上次也有order, 好似嚟呢度必食, 湯嘅味道相信好多人喺呢道講過, 最大發現係佢嘅湯渣/竹絲鷄, 雖然已作煲湯料, 但鷄肉竟然唔鞋, 成隻竹絲鷄就係咁點豉油食晒太爺鷄: 今次又翻炒呢味菜(其實我想試吓其他鷄款, "燻"嘅食物不是我杯茶, 但小數服從多數), 半隻份量不多, 我覺得上次隻鷄滑D, 但味道冇變!脆奶拼釀鳳翼: 脆奶很好, 剛炸好就出來, 熱到不能即時幹掉(咬開炸粉D奶熱到出煙!!), 微甜有少少奶香, 但炸粉略嫌厚; 鳳翼就認真麻麻地, 入面釀的, 我以為糯米, 不過唔係, 係D綠色嘅菜蓉, 有D怪怪地...最後, 由於上次來望到隔離枱叫焗西米布甸, 好恨食但又食唔到, 所以今次我話一定要叫: 味道不太甜/標準, 但焗得唔夠燶香, 再焗多一點時間就好.其實.. 由於呢到出名D嘢食偏肥膩, 嚟到呢到已好飽! 佢仲送桂花糕+海帶綠豆沙, 最後半份布甸及桂花糕要用盒攞走.…Read More

我哋重聚嘅澳門之旅, 食得最豪嘅一餐:1) 古法雞煲翅: 個湯好濃郁, 翅的份量也OK, 但質量吃得出一般..唔知係咪$550一窩, 最多就俾到呢D你! 六個人勉強夠分啦2) 金錢蟹盒: 本來一人一隻, 但之後侍應話只有三隻問仲要唔要... OK啦唯有一人一半, 味道尚可, 但如果整得冇咁油膩會更好3) 蒜茸炒西蘭花: 最普通嘅一味; 但炒得啱啱好, 好綠好入味4) 瑤柱高纖紅米炒飯: 亦係我推介! 初初以為唓紅米飯之嘛好食極有限啦, 但每一啖都食到瑤柱絲, 有多蔥/菜粒, 飯炒得夠乾爽及不油膩, 味剛好, 驚喜!!:)5) 銅盤蒸清遠雞: 睇落好似好大碟, 但其實個盤好淺架咋! 我諗都係冰鮮雞, 煮得入味但鹹咗D囉, 同埋都幾多油剩喺盤底, 始終蒸雞好難避免標油嘅情況...…Read More

成日聽我細佬話好食, 咪嚟試吓囖星期六12:00來到已經要等位, 等了15-20分鐘第一次來, 估唔到原來店子真的很小但侍應友善, 知我要為食物拍照, 甚至幫我擺好位置!:)叫了兩碗拉麵(麵豉/豬骨湯), 餃子及鷄串湯很濃, 我全部湯飲晒! 但麵條口感有點硬. 其實在menu中已知他們可為客人喜好煮出要求的軟硬程度, 但由於我是第一次來, 並沒有提出特別要求.質素是普通一點, 要吃拉麵仲有其他比呢到更好! 但點都好過味千最特別是味蛋, 別錯過!!!鷄串特別在他們在上正放了些類似cream cheese的東西一起燒! 但舊cream cheese不夠熔, 吃時有點從鷄件上脫落...呢度最吸引的地方應該是抵食, 响另一度食咁多嘢, 應該要>$100/人…Read More

移居楓葉國的同學仔回港數星期, 我哋約咗去食懷舊菜.book了張十人枱, 訂枱時問是否有某些菜式要預早訂才有得食, 接電話嘅staff話如八寶鴨, 東瓜盅, 不過由於唔清楚大家想食d嘜, 冇訂任何嘢.先來了個金錢鷄, 做starter唔錯! 係高危食品, 但一舊仔... , 吃的時候有點涼, 唔肯定係咪一定唔會熱食嘅呢.., 我重記得有人話一定要三jum嘢(肝臟/肥膏/叉燒)一齊食先正確.感覺得龍整得好食d, 但呢到都不俗霸王鴨一嚟嘅時候, 覺得真係好大隻, 入面全部係蓮子, 鹹蛋黃, 仲有d唔知嘜嘢豆咁... 反而冇嘜鴨肉食.蝦球湯麵幾好:), 好大隻蝦, 好彈牙!琵琶豆腐我覺得一般, 煎香d更好! 但有同學仔話好滑焗西米蓮蓉布甸好味! 好飽都食咗兩碗可能呢度地點吊腳, 免茶及加一, 兼唔收切餅費:)…Read More

唔洗拜山, 真係好, 所以約屋企人飲茶; 只介紹特別/說明的以下幾樣:-- 蟹黃鍋貼/小籠包: 特價點心, 應該只做這段時間, 雖然蟹黃不多, 但味道OK-- 流沙包係果日最失望的一道點心, 完全唔流!! 只能說是奶黃包, 但有奶香-- 椒鹽豆腐, 有點奇怪, 不是食開果隻小cube形狀的; 但味道一般, 太多炸粉豆腐太細件(豆腐好貴咩?)-- 灌湯餃: 我哋4人只叫了兩客, 因為驚太多嘢食唔晒; 我唔食花膠/鮑魚, 俾晒阿媽, 但個湯都ok好飲, 早知叫一個自己食-- 炸芋頭: 有驚喜, 切薄片炸得鬆化, 連埋面頭jum蜜糖(or just 糖漿?)一齊趁熱食好正, 聽細佬話同佢至愛果間分店做的有分別, tst呢間賣相較精緻-- 椰皇焗布甸好味, 不太甜, 叫一客夠2-3人分, 必吃!其實我想味道俾3.5(沒有這選擇), 但由於流沙包事件令我耿耿於懷, 所以俾3分.地方是吊腳一點, 可能咁所以星期日反而有多d優惠, 座位舒服, 大部份客人都斯文靜局, 但我哋坐果枱最唔好彩, 隔離枱班阿叔/阿嬋不時興奮地大呼小叫及大聲調笑, 好annoying…Read More

如果响tst晚飯完畢, 意猶未盡的話, 通常都會來這裡再掃甜品!我點的是木槺sundae杯, 另外兩杯是mango及綠茶紅豆小丸子耐不耐來都ok ge.. 貪佢份量大, 味道ok又不太貴…Read More

呢次係第三次嚟啦之前兩次都係lunch, 今晚dinner是因為想試吓個話夜市才做的蔘鷄湯其實呢到選擇不多, 但以舖位大細/人手, 算係咁!1) 石頭鍋飯: basic $45, 加一味肉$5 ; 已試過豬牛鷄... 牛是比較好2) 炸醬麵: 太甜, 我不太喜歡3) 人蔘鷄湯: 整個湯不肥, mom很好奇的問少女waitress, 那材料是不是韓國入口的鷄! 但答不到, 可能是商業秘密?4) 煎薄餅: 好吃, 上次吃更好因今次唔夠"燶", 多d料更好!5) 排骨湯飯: ok, 但湯略嫌太甜喺呢到有多個選擇始終係好事, 好過成日去快餐/茶餐廳咁boring老闆是韓國人, 我早前入去問佢嘢, 佢示意我問其他staff(唔識cantonese?)但今次去排隊攞fei, 佢識講數目字! (幾位/幾號)…Read More

按mom的指示, 今年要去呢間東海做節...我同細佬都對這裡沒有特別preference, 認為大把地方好食過佢, 不過..., 受中央指示, 無計 (上有政策, 下冇對策!!!)蟹粉小籠包: 比想像中大過, $12每人一個當appetizer都ok, 但蟹黃不夠甘香(可能唔當造, 非戰之罪)桂花瑤柱: 話佢係炒芽菜會比較貼切佛跳檣翅: 湯不濃郁, 一d都唔好食...咁樣一盅嘢值$198???沙律蝦球: 當晚最好味的一碟餸(但偏淡)總括來說, 呢度食味偏淡, 十分適合老人家服務一般: 細佬那邊枱陷了下去, 侍應還把食物放在那兒.. 第一次接得住, 無事, 之後第二次, 仲放個翅响果度, 結果倒了一些翅湯出來, 雖然侍應講咗唔好意思, 但真係唔expect會有咁嘅事發生; 我感慨依家的服務很多都無heart, 唔夠仔細同d friend 就肯定不會嚟呢度law …Read More