美"魅"滋味's Profile

我哋係睇完YouTuber 第一次嚟試，本身預期期望很高，因為佢哋嚟咗兩次，當晚好滿座，全場都係熟客咁，我哋叫咗沙薑豬手，味道係不錯，夠入味，不過腳尖真係好多，肉真係無幾舊，隔籬枱好彩好多，全部都係有肉，蠔餅好大碟，但唔係平時食開嗰隻，其實似係酥炸蠔，無乜餅嗰部分，但話鬆化又唔係，蠔都唔見到好鮮味，所以我哋都略為失望，因為YouTuber 話個蠔餅係一絕，小炒王食落ok，但偏鹹，整體印象不太深刻，無食評講得咁好食，不會再來。…Read More

今年年初一諗住阿媽唔洗煮食餐下午茶自助餐，其實食咗好多次呢間，一直都覺得唔錯，但年初一食雖然加咗價，但質素同種類比平時差及少，例如平時啲滷味都比今日入味，但炸物就異常出色，例如炸雲吞，煎釀三寶，蜆蚧鯪魚球，都好好食，但scone 就差咗，上次好食！ 欠缺新年特色都係失望，雖然加咗個炸油角，最失望係嗰脾氣差嘅男職員，問餐飲時一啲耐性都無，態度惡劣，我哋未講凍定熱就不耐煩地幫我㨂埋，多謝你咁好招呼，其他職員都很好…Read More

食完飯去city super 逛逛吓，店員好親切地問我哋想唔想試吓，就試咗佢嘅兩隻蛋捲，包括蜂蜜蛋捲同鴨香蛋捲，第一次聽呢個brand，其實我都唔知道澳門去出唔出名，店員話佢哋來自氹仔，試完發覺兩隻都好香好好味，第一隻試鴨蛋捲好有鹹蛋黃味，打開超濃香味，另外一隻蜂蜜都好好食，有香嘅蛋味！然後決定買鴨蛋捲，佢話可以用優惠價加購蟲仔餅，其實係唧花曲奇，買咗咖啡味！都好好食，好鬆化，拎出嚟要小心，因為真係好脆！…Read More

首先嚟到，坐近魚缸位，話係海景位，當然冇海景，職員拎海鮮時，魚缸水會瀉出嚟，係瀉，唔係濺！傳嚟一陣渠味，想轉枱但話滿座，環境等如深水埗大牌檔，見到廚房地下污糟到同街市冇分別，接住係一連串胡椒龔鼻龔眼淚嘅鑊氣，敏感嘅人士請考慮，令人狂打乞嗤，個川味花甲，就係蒸完後每隻加一pet老干媽辣醬，真夠川，盛惠$358（未加一），鎮店之寶仲厲害，咕嚕肉啲汁唔掛肉唔均勻，笑出嚟，人參烏龍茶似係晏晝下午茶飲完返沖，茶介$20一位，雞油花雕蒸蟶子王陳村粉，蟶子王無鮮味，個菜名無包括嘅蛋白就最滿，盛惠$768，無花雕味，懷舊江南百花脆皮雞，其實係一塊街市現成蝦餅，$300，燒汁牛肋骨，將平時一舊嘅牛肋骨切到10片，然後個汁勁鹹， 又$288！龍躉蒸糯米飯淡而無味，盛惠$788，平均每人食咗$700，享受差過大牌檔。完。…Read More

無試餐廳，純粹見到樣買麵包，試咗一個酸種麵包同埋兩份pastry，pastry油水嚴重失衡，真係差過正常程度，超油，包裡面無一層層酸種應該有嘅layers，價錢正常，外貌正常，食落一啖油，酸種仲激氣，同普通麵包舖差唔多嘅空氣包，唔似係酸種，真係唔合格，收呢個價錢，雖然唔係超貴，但唔好誤導人囉。…Read More

喺airside food court food muse云云選擇當中，經過見到一碟碟海南雞飯個樣超靚，於是就㨂咗呢間試，原來其他分店喺OpenRice 都好多好評，本身唔知，夜晚又唔想食咁油膩，於是就嗌咗個手撕雞椰子湯檬粉，個手撕雞都有炒香㗎喎，個扎肉個胡椒香都好味，仲有兩款小食揀，雖然個份量唔好預咁多，一人餐就算唔錯，小食揀咗手撕雞沙律同脆蛋魚柳，全部都好味，雖然手撕雞沙律同手撕雞湯檬重覆咗，但都同樣夠味，個椰子湯都好香濃，加少少辣椒都好正！ 推介！…Read More

中秋節成個太古城都book唔到位，唯有呢間翠園有位，本身都知癩嘢，去到真係餐廳中嘅劏房，同隔離背貼背，真係稍有不慎都同唔識嘅人嘴對嘴，地方窄到行唔到，伙計黑口黑面，漏單唔認錯，食物質數差到世界嘅盡頭，燒鵝難哨到爆，叉燒有雪藏味，豉油雞有色無味，花雕雞仲䶢過鹹魚，龍躉又乾又鞋過條柴，荷葉飯$168份量係平時酒樓點心一隻糯米雞大DD,味道唔好，成晚最好食係煲湯嗰舊瘦肉，真係燒鵝價錢食蔗渣，集團可唔可以質檢下你啲餐廳？真係可以係無星我一粒都唔想俾！…Read More

整間餐廳都是糖衣包裝，的確係打卡好去處，但講到食物簡直係失望，牛角包油膩無香味，無層次，咬落去連牛油味都無，老實講，唔知有無溝其他油。朱古力牛角包，無朱古力香，乾到似乾水曲奇碎皮，完全唔合格。Tiramisu 無芝士香味，只有忌廉味，沒有咖啡香。服務員態度非常好…差，入座沒有提過有70分鐘限制，有都唔緊要，話我哋知就得，但佢態度係就係70分鐘喇，你要埋單喇，要走人喇！咖啡都未講到，都要睇口味，但呢度唔太啱我口味。專登入嚟試，點知一肚氣！…Read More

難得屋企附近越間越多選擇，尤其是開咗呢間小店，大家要多多支持，之前食過其他古早味蛋糕，買了都會塌下，這間不會，我有啟德撘地鐵到西環運送咁長路程，依然好好味，蛋味真的好香濃，蛋糕好鬆軟濕潤，輕輕的，多次回購之選，原味蛋味夠重已撐得起整個蛋糕，芝士一層一層不會太膩，都好好味，其實放耐咗涼咗都一樣好食，下次會試埋咸蛋味，榴連味稍貴，但唔知係咪成日有，希望遲啲再有不同口味選擇，未有時間等試熱辣辣出爐嘅時候買，有機會要等下先！…Read More

9格重慶火鍋的確新奇有趣，但食落只覺得啖啖油，價錢偏貴，手切肥牛$200幾一碟，同行uncle稱一定不是手切，伙計跟住就話係機切用手放靚佢！即係唔係手切啦！伙計服務態度同價錢反比，油條炸到硬掘掘， 又乾又縮，同行朋友要求換碟正常質素，點知仲要依依哦哦。收得咁貴，真係唔係咁嘅服務。牛栢葉一盤底下全部都是冰，冰面上面有幾塊，但無味，無栢葉味。$108一碟？炸豆皮無特別，炸枝竹仲有豆味過佢，仲要$56得3至4塊成日叫人落麻油，話無咁辣，麻油唔香。食物質素一般，上菜速度慢，伙計同稻香比，間唔中遇到個好阿姐都好過佢哋，坐又从得唔舒服。…Read More

不過不失！傳統的韓國味道！點了泡菜豬肉飯！泡菜好香！但肥豬肉不適合女士！比一般泡菜飯香濃！牛肋骨不夠稔，味道還不錯！夠足料！配搭的白飯好煙䩟，好趙口！不是一般的白飯！整體算是好抵食！…Read More

我今日試左生磨杏仁茶加湯圓、杏仁茶加湯圓，杏仁茶超滑！湯圓入口即溶、双皮奶好滋潤，極品！:)…Read More