為食Gganbu's Profile

看見這間木屋小區很久了，很久都沒有時間過來試。今天趁着是小女兒生日，帶她過來一起吃吧。一直令他們的幾個菜式：寬葉韭菜，酸菜豆皮，香辣土豆片，台灣香腸，還有必點肥牛！一口氣吃了一整碟燒烤串！雖然價錢是比大陸的，貴了一點，但撇除車費其實還是很方便很便宜！一定會再來！…Read More

因為崇光感謝祭所以去行咗一圈，上面放完血見仲有時間就去下面超市行吓，自從唔再喺銅鑼灣住，就已經好多年冇去崇光。個超級市場都變咗好多，唯一冇變嘅就係仲係好多特別嘅美食。今次見到呢間用酥皮整嘅鯛魚燒，單買$20一個，買五送一崇光感謝祭做緊$100 ，四種味道：紅豆，綠茶，朱古力，同埋吉士，見咁抵食，就買咗6個：三個朱古力，兩個綠茶，同一個紅豆，因為屋企冇人鍾意食吉士，所以冇試。可能我自己本身都好鍾意食酥皮，所以覺得呢個鯛魚燒超好食，冇餡嘅地方卜卜趣，有餡嘅地方雖然林身d但依然非常美味！比起平時似蛋糕質感嘅傳統鯛魚燒，呢個真係香口美味好多，而且凍食都唔覺得味道差咗，相反嗰啲啱啱焗起嘅傳統鯛魚燒，如果唔係即刻食，就會好易焗到發水，所以我覺得呢個酥皮鯛魚燒冇得輸！同一間舖頭都有章魚燒賣， $48/8粒，又係大大粒好好味！連成個食家咁款嘅大公主都話超好食，佢話無論你喺邊度買都好，呢隻章魚燒超好味🙄🤣…Read More

為咗食盡美食嘅閨蜜，做咗好多research之後終於搵到呢間餐廳同佢慶祝生日。米芝蓮一星果然名不虛傳，環境食物服務態度都一流。上每一道菜都會有專人為你介紹用咗啲咩食材同埋煮法，雖然有一半都係聽唔明，但賣相同味道我都已經非常滿意！😍最欣賞就係除咗酒以外，佢仲有有機果汁選擇，而且都係特別嘅味道，仲會好似叫紅酒咁，俾你試飲一啖先，好味先至再斟俾你😆午餐我哋叫咗四個course嘅lunch，包括頭盤兩個主菜同一個甜品，訂位同佢講係慶祝生日嘅話佢仲有特別安排，而我閨蜜都好滿意，食得好開心！最冇得輸嘅當然就係喺102樓半空中過咗一個快樂又滿足嘅lunch time！另外值得一提嘅就係Ritz-Carlton嘅staff全部都好Nice，就算餐廳外嘅staff見我哋早到咗，都介紹咗我哋去Golden Corridor度打卡影相！ 真係好想試埋佢哋嗰dinner同afternoon tea! …Read More

想試咗Cova嘅早餐好耐，覺得利園分店環境最好，今日終於同閨蜜去咗試。坦白講有啲失望，本來以為咁樣嘅價錢，份量會大少少，點知個lobster sandwich得一半，即係一件，所有餐廳公司三文治都有四件，餐牌寫明一半份量，我expect都有兩件，而且龍蝦真係相當少，咁嘅價錢真係一啲都唔值。另外仲叫咗一份American，賣相OK，但用料味道都超級普通，塊煙肉仲要喊到不得了。咖啡係好飲，但真係太細杯。整體來講，係一間只會去一次打卡嘅餐廳。🙁…Read More