hide1314520's Profile

今日假期，三個人晚飯時間8點鐘上去食，然後上到去，得半個場既客，都有小小驚架啦，然後叫左刺身食先，首先賣相係唔差既，但係真係得個樣，啲刺身有筋，一啲都唔好食，仲有陣雪腥味，算，試下叫其他熟食，首先個份量全部都好精緻，一份得一粒，味道完全唔得，再然後叫壽喜燒，牛肉咬唔入，個湯只有味淋果陣甜味，然後其他串燒全部硬既，無一樣野食叫一般，同行既朋友話下次可唔可以唔好比錢食垃圾，298一位既垃圾，同區大把野食，真係唔需要食佢…Read More

同朋友行過見到依間野新開，門口寫住258日式仼食火鍋，見好似幾好咁就入去試下牛肉有驚喜既，望落好似麻麻地，但每一塊入口即化，好食既算係蝦唔可以話佢唔好食，但有幾隻唔新鮮，鮮既蝦都好好食可能我晏晝去食，無人食佢依個火鍋，配菜區都係得幾樣野，但食物質素唔差既，唯獨係要用英文黎溝通果下麻麻地，服務員都算係貼心既，希望之後會有進步，之後會再食過日式風格裝修店面望落乾淨企理飲品方面都係汽水，果汁，不過有asahi 仼飲，不可以不提…Read More

之前行過已經見到有間新開既店舖裝飾簡潔，今日終於決定去試下，星期一晚上2045，不知道是否因為落雨，店舖內沒有很多客人，我懷着期待既心情入去叫左個6格定食，上菜速度都好快，我以為要等好耐，5分鐘都唔洗就全套放在面前，豬軟骨肥瘦適中，唔會好硬，羅白無用其他配料，食得出原汁原味，重點，花膠，真係一定要試，好食都不得了，但可惜既係我個湯味道偏重左小小，如果淡味反小小就更好，咖啡又係另一驚喜，咖啡飲落去唔會好甜，咖啡香味會係口中散開，真心推介…Read More

今日放假，住係附近諗住試下新野，開左間藥膳雞湯米線，款式較多，入去試下都好，加上朋友推薦好味，緊係要試一試啦，點知藥膳湯尚算可以，中意藥材味既可以一試，但酸辣湯底，唔酸唔辣成個米線無味既，但係重點係。。。。係杯凍檸茶入面有舊生肉架！！朋友食飽飲杯野沖沖口，點知飲到有舊生肉，大佬，即時反胃啦，同店員反映，佢話唔好意思，杯凍檸茶唔收錢，加2蚊既凍檸茶，唔收就一定架啦，但係隔夜飯都嘔埋出嚟呢，本身好地地食個飯，點知連隔夜飯都嘔出嚟，同朋友走既時候佢立即去附近商場搵廁所嘔，真係接受不了！推薦大家想飲凍檸肉既可以一試，但本人絕對無下次…Read More

經朋友介紹去依間食，今日同老婆去試下，到去唔洗等位，老闆娘好親切咁介紹佢地個活魚海鮮拼盤，仲有得送半隻雞煲😋我地就經佢介紹嘗試佢地既活魚海鮮拼盤$398同雞煲$0，但係雞煲未到之前，店員幫我地用熱水洗碗，然後再比醬料我地加，仲有碟花生小食，花生唔會太咸，香口好咬，然後雞煲終於到啦，但係店員放低左之後就講等陣，然後再反黎，手上多左碟透明液體，同火機，好奇之下就問透明液體係咩黎，店員同我地講係二鍋頭，然後店員幫我地點火，原來雞煲用二鍋頭炒一炒會更加入味，雞肉咬落去肉汁好多，味道好夠，超推介👍👍，未食完個雞煲店員拎左我地個活魚海鮮拼盤過黎，裏面有1條班仔，4隻仲動緊嘅蝦，超生猛，仲有四隻鮑魚四隻蜆，份量夠兩個人食，但老婆同我都係食肉獸，所以加多個 安格斯牛肉$288， 牛肉爽滑彈牙，同平時係街食到既唔同， 果然一分錢一分貨，一個字，掂👍，依間舖會成為我既飯堂，真係喜出望外，旺角食到間高質火鍋雞煲😋太掛住食唔記得影相…Read More

我行到門口諗住叫外賣，跟住有個服務員倒緊魚皮一邊問我，要咩，答完佢要咩之後佢搵第二個同事過黎，又再問多次，好，我叫果碗野要走青既，我望住佢整野食個師父，一路整都無問題，問題黎啦，到關蓋之前個幫我落單既倒左一勺蔥落去，算，我當睇唔到，佢拎個外賣比我，我問佢，唔該請問有無辣油，佢答我有架喇，咁好喇，我反到屋企準備我既晚餐，一打開個袋，辣油呢～？真心覺得無誠意做既執左佢喇，點解一啲咁細微細眼既事都可以搞成咁…Read More

行經依頭見到間點心店，比佢個門口吸引左，想試下好唔好食，行入去見到店內簡單既傢俱，餐牌上得約50款不同點心，都無乜期望，只好叫一啲平時去飲茶食既食物，黎到即有驚喜，蝦餃皮薄，晶瑩剔透，咬落彈牙，一個字，爽…Read More

早餐G。吉列魚柳配香滑炒蛋，吉列魚柳夠大夠肉，無平時係同區餐廳果種食完好似無食咁既情況，炒蛋好滑，好有蛋味，小弟中意飲凍奶茶，所以一定會叫，依到啲奶茶入口順滑，無果種鞋拾拾既感覺；反而重點，裝修好令，店員服務態度一流，又播住啲英文歌，感覺好舒服，但可惜店面太細，想坐多陣都唔得，不過新開感覺真係OK…Read More