袁冬菇's Profile

剛剛用某平台嘅外賣apps落單喺韓問外賣自取，其中叫咗個$32田園沙律，個沙律係用一個細嘅外賣膠湯碗裝住，呢個沙律一滴沙律汁都冇，入面有半片蕃茄，一片青瓜，半片檸檬，大概一塊份量嘅西生菜撕碎墊底，出面啲餐廳用黎伴碟嘅菜都多過佢，如果唔係外賣自取的話呢個所謂嘅沙律係$40蚊。講真，$32蚊，純粹睇價錢絕對唔係貴，但係$32咁嘅份量咁嘅質數就係離譜，pizza hut加$10嘅沙律都好過佢，真係冇下次，怕怕！…Read More

是日同爸爸提早食生日飯，因為搬咗出黎住咁多年，都唔知粉嶺有咩好食，所以就由爸爸發板決定黎呢間龍躉專門店。我地總共6個人，叫咗半席宴 ($888)，另外再加咗個干燒伊麵同重慶雞煲味道剛好，豆腐惹味蝦肉彈牙龍躉肉嫩滑雞煲個汁幾好味，可惜雞肉應該冇醃過，所以食落有啲淡口燒豬嘅皮好香脆，正!白菜清甜金沙脆皮惹味香口，蠔味濃，正!呢個紅棗糕超驚喜，QQ嘅口感，紅棗味唔太濃(啱我，我起初好抗拒)，清甜好味~總共1湯9餸1甜品6罐汽水，埋單$1059，真係好抵食!…Read More

今日同老公去食燒肉，平時我地通常2點半後先去，因為下午茶時段有7折，但係今日因為要去健康院覆診，所以就早咗少少，兩點就去到。黎之前已經知道午餐有第2客半價優惠，仲有一個開心著數大行動，只要喺Facebook share呢個優惠就可以1折嘆一客上級牛肋肉我當然唔會錯過啦~尋晚喺facebook share咗 - $6.9叫左兩個A餐前菜嘅牛蒡絲略咸上級牛肋肉 - 原價$69 (1折$6.9)肉質同味道同午餐嘅普通牛肋肉真係好大分別，牛味濃，口感軟糯，正~肩脊肉有啲un, 牛肋肉中規中矩個人認為腹胸肉係午餐最好嘅肉，所以每次都叫一碟唔雙拼老公負責燒，我負責食我地加咗分別$15同$18轉咗牛角飯同溫泉蛋飯，午餐嘅飯係任添，我同老公都各添咗一碗。埋單好抵，因為多優惠，仲要有1個鐘免費泊車，抵!…Read More

晏晝3點同老公食lunch, 因為今日星期日，四圍都勁多人，原本諗住喺荃灣城市中心食，但係間間都要等位，老公午飯時間得9個字，我原本諗住叫定野等佢，所以唯有改變策略即刻衝去路德圍，好彩路德圍相對地人少啲，所以我決定食金坊，快靚正吖嘛!最鐘意就係坐細鋪，全卡位，坐得舒服又唔駛搭檯。一坐低就9秒9落單，啲野食唔駛5分鐘到晒，老公一黎就食得。去骨海南雞飯， 個汁好正，我每舊雞都要掉落去沖涼，哈哈!佢嘅紅咖哩比青咖哩同黃咖哩出色，撈飯一流，不過我覺得上次食牛腩比今次豬軟骨好味，不過午餐menu set死咗冇得改。老公至愛西瓜沙冰，透心涼，不過天氣太熱，極速溶晒變咗西瓜汁。埋單一百蚊都唔駛，抵!…Read More

我同老公都好鐘意食南記，成日都會買春卷返屋企煮麵，仲有辣椒醬都係居家必備!春卷小窩米線+腩肉春卷小窩米線+牛小窩米線嘅酸菜真係好好味，所有配菜同湯嘅濃度都恰到好處! 落order嘅時候次序一定唔可以錯，一定係春卷小窩米線做膽再額外加餸，例如: 如果叫春卷牛小窩米線或者牛小窩米線加春卷，春卷只有兩條，到喉唔到肺…價錢只係差幾蚊但多兩條春卷喎!…Read More

午餐同老公去路德圍搵食，最後決定食蕃茄，上次食過蕃茄通都唔錯，不過瑞士雞脾就一般，今次要試下其他小食。蕃茄通 炒蛋可有可無，唔係太特別，蛋味俾蕃茄蓋過，蛋都唔算滑，但係主角蕃茄通茄味濃，齒頰留香。蕃茄麵老公話最衰冇得加錢轉一丁，麵質當然失色吉烈豬扒好大件，炸得好香脆，超驚喜吉烈魚柳一樣都係好大件，炸到外脆內軟，配埋沙律醬超正，比吉烈豬扒更驚喜菠蘿冰用新鮮菠蘿整，好fresh好鮮甜!P.S.下次再黎要記得叫佢將豬扒同魚柳碎上,自己切會散晒。…Read More

每次去深水埗都一定會去劉森記食佢嘅蝦子撈，今日都唔例外，不過無論咩時段去都係咁多人，搭檯係例牌菜 一坐低，第1時間要不一碟醃蘿蔔開下胃先(免費)，佢嘅醃蘿蔔酸甜度剛剛好，好味到停唔到口，當然啦，食幾多不幾多，記得唔好嘥人地啲野。我叫咗蝦子水餃撈，佢粒水餃好大粒，真材實料，用料新鮮，真係超正~👍老公叫咗個蝦子根腩撈，根腩夠淋夠入味，蝦子撈爽口彈牙，老公超like~加埋兩枝汽水，$90有找，抵食~…Read More

星級夏威怡 - 標準size - $60同老公公打打下機突然口痕就落街買pizza~平時都係叫set多，不過因為純粹口痕同晏晝嗰餐成4點幾先食都未肚餓，所以淨係叫咗一個pizza~佢嘅厚批好香脆鬆軟，toppings份量適中，整體上個pizza比大品牌好食好多，價錢當然都更大眾化，超讚…Read More

其實我次次都係叫芒果糯米卷，今次諗住試下其他野就叫左個士多啤梨窩夫配雪糕，點知…lai野…佢個擺碟其實好奇怪，毫無美感…個士多啤梨醬好似係話特製，酸到喊…窩夫口感一般，不過最奇怪係個雪糕，佢冇問我揀咩味，我以為係云呢拿，點知一嗒…豆腐味，我個人覺得豆腐味同窩夫係勁唔夾…做人都係專一啲好，超後悔……Read More

大約夜晚8點鐘到達，門口排緊隊(因為佢地唔係派飛模式)，全部都係一家大細，我同老公排第6檯，其實有一張2人檯吉咗，但一直冇店員行出黎問有冇人兩位，唔夠5分鐘已經有3檯埋單，我同老公以為應該會好快，唔駛等好耐，無奈佢地啲staff各自各忙，分工好有問題，應該係話冇分工可言，其實咁細間鋪可以咁亂都幾勁，有個男侍應好明顯係一忙就會manage唔到嗰種人，佢唔係冇禮貌，不過keep shouting好難頂，相信佢控制唔到自己，搞到成個場懶係忙咁…15分鐘左右入咗3檯，但係嗰張2人檯keep住吉，老公忍唔住行去問嗰位男侍應係咪有2人檯free,咁啱2人檯前面令一張2人檯埋單，佢同我老公講都係要等，我唯有攬住我38週嘅巨肚繼續罰企。之後嗰位男侍應將原本係前後兩張嘅2人檯拍埋變成4人檯，條通道即刻窄到佢連將櫈都要舉起搬去對面，佢自己行過就要打側個人先行到，我覺得呢個安排真係好有問題，不過都冇法…等咗半個鐘，又有2人檯埋單，佢地終於都肯問下有冇兩位啦，我同老公終於入到去，因為企咗好耐，所以一早諗好食咩，食物大概10分鐘左右上檯忌廉汁配咖哩汁出奇地夾，個蛋好滑，加埋的菇嘅爽滑感，正~老公叫咗吉烈豬+芝士漢堡扒咖哩蛋包飯，吉烈豬一般，唔juicy, 我食咗一舊就留返俾老公，芝士漢堡扒都係一般，芝士味淡，漢堡扒都冇咩肉味，最好味都係個蛋包飯消費滿2百蚊有1小時免費泊車整體上食物不錯，絕對可以encore, 不過店員質素真係要改善一下，唔係講緊服務質素(佢地係有禮貌嘅)，而係喺繁忙時段唔好俾啲客覺得你地手忙腳亂，真係好肉酸，學習自我控制，可能你想俾啲客知你有認真做緊野同埋好忙，但係點睇都似係應變能力不足、自我混亂、人手分配失當所致，加上餐廳入面環境設計好應聲，每次移動檯櫈都好嘈，嗰種拖行嘅嘈炒聲其實真係好annoying, 移動距離只係兩3步，如果係搬起唔係拖行就令成個環境唔同晒，收bb櫈又係收到好似發脾咁砰砰聲，我食食下野俾個女侍應嘅收櫈巨響嚇一嚇，就算唔係高級餐廳但都唔係大排檔，希望下次去會有所改善…Read More