Kammy Chow's Profile

之前見沛公做緊9週年優惠，樣樣都只係賣$9，已經幫襯過一次，上次排長龍買咗班戟同啲布甸。由於班戟同果肉雪條，每人只可買一件，所以唯有揀最鍾意嘅榴槤班戟。雖然係賣$9，但質素一啲都唔馬虎，尤其係榴槤班戟，好食都無得彈😍，差唔多啖啖都夾住啲果肉。今日咁啱同朋友經過荃灣，估唔到仲做緊$9優惠，見寫18:15先有班戟賣，未夠18:00已經排哂人，拿拿臨走過去排，前面已經有超過20人排緊。終於等到18:15，未到我哋已經冇哂芒果班戟，我係榴槤忠粉，所以梗係將個quota留俾榴槤班戟，而我朋友最終揀咗朱古力曲奇班戟～每一層都好平均，差唔多啖啖都有果肉，$9仲要要求啲咩？試咗少少朱古力曲奇班戟，朱古力味好濃，不過我係榴槤控，所以唔好意思，依個真係完全比落去😂下次經過如果仍然做優惠，我都會再排💪🏻…Read More

記得第一次食Via Tokyo 係去銅鑼灣分店，之前都試過好多香港同日本過黎嘅抹茶雪糕店，但食過依間之後，已經完完全全放佢係第一位～所以耐唔耐雪糕癮發作，都會去支持💪🏻今次叫左普通筒裝抹茶雪糕，外賣價錢較抵食，所以經過買黎一邊食，一邊行街都唔錯😌唔～食過第一啖，水準依然，份量夠多，而且我覺得佢比其他鋪頭嘅雪糕較為稠，所以無咁易溶，依個我係比較欣賞，起碼依家天氣咁熱，都無咁易滴到周圍都係。當然佢都係以味道取勝，抹茶味夠濃，有少少回甘，唔太甜，啱哂我口味～繼續沉迷😛…Read More

難得有朋友黎馬鞍山搵我食飯，要搵間坐得耐，環境又好嘅，係美食沙漠真係唔易搵～醒起之前有人介紹過泳池隔離有間餐廳，環境好似唔錯，就一於同朋友去試下～我哋星期五晚去食，唔算好多人，但真係好正，難得有個地方可以靜靜地同朋友傾計，又冇用餐時限！最緊要地方夠大，每張枱都有距離，唔會聽到隔離講緊咩，保持私隱度～玻璃出面就係泳池，唔知係咪單面反光嘅呢？如果唔係，游水嘅人都好似有啲尷尬😝講到食物，味道真係唔算好好，但份量夠哂～我哋叫咗兩個餐，首先黎咗個餐湯先。羅宋湯好似用茄膏加罐頭湯就咁溝出黎，唔知係咪落多咗糖，味道偏甜。朋友嗌咗個黑松露海鮮焗飯，但個黑松露汁完全無鹹味，得陣黑松露味，唔通無落鹽？最後朋友都食唔落😶依個就係我叫嘅燒春雞配黑松露意大利飯，今次個飯就唔錯，仲有半隻春雞係飯上面，真係好大份～不過可能燒得耐咗少少，啲雞肉都有啲鞋，最後都係食唔哂。仲有兩杯餐飲就正常質素，最後我哋仲嗌咗兩個甜品，一個焦糖燉蛋，一個芝士蛋糕，不過唔記得影相。芝士蛋糕份量有啲細，芝士味唔濃；但焦糖燉蛋就唔錯～整體黎講，食物質素一般，但環境的確唔錯，服務亦ok，所以有機會都會考慮再黎～…Read More

依排興起食梳乎厘班戟，幾乎一上網就見到唔同嘅介紹。咁啱今晚出黎旺角，男朋友就醒起附近有間賣梳乎厘班戟嘅舖頭～我哋食完飯九點幾十點，行到去都有唔少人喺度，我哋目標明確，就係想試佢嘅梳乎厘班戟，所以都冇加雪糕～因為係即叫即整，而且前面都有唔少人買咗依個，所以大家預返要等10-15分鐘左右～嘩...$28有兩大件，喺依家嘅香港，都咪話唔抵！不過質素方面，可能要再控制下點保持，因為拎嘅時候見到隔離有件中間穿左😅味道方面，不過不失，$28仲想點？如果可以俾多少少糖漿就更好。我諗有機會一定再幫襯，到時一定會要求多啲糖漿😋舖頭設計都好有心思，黃巴士幾過癮，希望陸續有唔同新甜品/小食～…Read More

知道石門開咗幾間酒樓，今次輪到黎煌苑試下～同屋企人3點半左右到，入到去坐低開埋茶就同我哋講last order！吓...點解係門口唔同客人講？！拿拿臨叫嘢食～成個紅蘿蔔咁，其實係咸水角，黎到嘅時候微暖，已經唔脆! 入面啲餡ok ，但唔脆已經感覺一般。普通叉燒腸，唔係特別好食，初頭仲冇俾豉油，後來終於問到個阿姐拎俾我哋～依個腐皮卷感覺好少少，起碼係脆嘅，入面都算足料。食流沙飽個精髓梗係要辣咀，而且啲奶黃要漏哂出黎，點知黎到又係得個暖字，仲流咩呀😑依個一定係健康之選，少油冇鹽冇味精，唔知又啱唔啱你口味?依個真係未見過，將個糯米雞放底，上面加隻煎到老嘅蛋，又變成新菜式～點解我哋咁有冒險精神！依間嘢價錢唔平，但質素冇保證，服務亦麻麻，真係未必有下次。…Read More

魚旦燒賣五蚊串，買一串送一串，行埋黎！黎得呢間食，一定有聽過以上對白佢地仲要講明用陳記魚旦，食過質素認真唔差分量記唔好俾上圖騙左，我地食左一半先記得影相，所以分量夠兩個人食…Read More

見有咁多好評，滿懷期待，諗住黎試下啦～不過真係一次就夠，絕無下次！我哋兩個人七點幾去到攞飛，等咗個幾鐘先有位。因為今日天氣真係好熱，加上係街鋪，惟有熱住等...入到去環境以台灣做主題，係幾靚又夠新，不過位置唔太鬆動。等咗咁耐，拿拿臨揀野食，我哋總共揀咗5樣嘢。依個味道一般，而且太稀，冇咩麵線，同台灣食過比差好遠。鹽酥雞味道正路，亦有啲創意，因為佢會俾6種唔同嘅調味粉你自己灑落去，原來梅子&紫菜同鹽酥雞幾夾～芝士冇咩味，咖哩就直情係咖哩杯麵個隻味。呢個泡飯完全失望，同餐牌張相都差好遠😞湯多料一般，味道毫冇鮮味，只得味精湯味。依個咖哩蝦飯味道最好，亦係較為令人滿意。咖哩比較稠身，而且唔太辣。啲蝦都算大隻彈牙，而薯角亦脆口！依杯野就真係離哂譜，好想知究竟飲得幾多啖，你睇下9成都係冰，已經自己去試下整碎啲冰，但飲左幾啖，已經冇得飲，仲要$38杯😤希望愈大，失望愈大。試過一次，認真怕怕～…Read More

今日難得嚟到荃灣，冇理由仲食嗰啲周圍都有嘅連鎖餐廳～既然男朋友今日放工話好肚餓，就一於食打邊爐啦！醒起有台灣過江龍嘅馬辣，記得之前去台灣都有食過，深深俾佢任食嘅Haagen-Dazs吸引住～當然，係香港呢個乜都貴嘅地方，又點會咁容易俾你任食Haagen-Dazs。雖然冇得任食Haagen-Dazs ，但佢嘅價錢都唔算好貴，而且種類仲算好多，仲有得任食Dreyer's可能因為咁，排隊嘅人都好多，等位同食完走嘅人都塞滿晒成個𨋢口～我哋攞咗飛先發覺，原來有App可以攞飛，真係激死～下次會醒啲因為可以叫兩種湯底，我哋就叫左一邊麻辣湯，一邊皮蛋厭世湯。麻辣湯底就真係認真唔錯，我哋揀咗小小小辣，味道香濃又唔太鹹，而且加湯底嗰陣時，仲係加返麻辣湯底，絕對唔怕溝淡個湯呀～反而對比下，皮蛋厭世湯就顯得有少少失色喇至於食材方面，我就首推牛肉、生蝦同埋脆肉鯇，牛肉有晒唔同款俾你揀，雖然唔係好識分，但食落都有牛味，唔似平時大排檔嗰啲膏肉分明。生蝦同脆肉鯇就相當新鮮，生蝦一啲都唔霉，仲好有彈性～脆肉鯇食落舊舊都殺殺聲，好爽呀～其他火鍋配料就一般般，勝在多選擇。最失望無哂韭菜餃，得返洋蔥牛肉餃。雖然味道都唔錯，但就真係唔及韭菜餃咁令人齒頰留香、一試難忘～最後，當然唔少得食雪糕同甜品啦～除左Dreyer's之外，其實仲有其他雪糕、雪條，梗有一款啱你食嘅P.S 雖然食物質素同價錢都合理，不過個環境認真要執執，個地下油到差啲俾佢跣一穫，啲冷氣滴水滴到周圍都係…Read More

係沙漠入面，要搵到綠色植物已經好難，仲要搵到線洲就難上加難係公認美食沙漠（馬鞍山）要搵到非連鎖而好食嘅野係比較難，好在有地頭蟲指路，黎到偏遠的三哥廚房食正野間野位置堅唔就腳，係警署對面，正路都路會行過果邊間舖嘅氣氛同裝潢都好家庭化，入去食好有家的感覺食物呢度就食上海野嘅，我地叫左三樣野食都係百幾蚊，認真大眾化先黎食個醉雞，有酒香又唔會無肉味，雖然唔識分新鮮雞同冰鮮雞，但食得出個肉質唔係霉雞例牌size有噤嘅分量認真抵讚上海粗炒高抄都見到佢個高度，睇得去佢分量足夠。色香味都好啱我地口味，係嫌佢油少少第二主食叫左鎮江骨菜飯。味道夠香濃，煮得夠入味，配合埋個菜飯，真係要搵機再encore絕對係必試精選最後要講講嘅係佢啲碗，批評佢並非唔乾淨或有爛，而係個公雞圖案（事關本人對飛鳥類有恐懼😂）…Read More

一直黎親旺角都有幫襯開呢間平平居酒屋，見到唔小中伏的食評，所以次次都食差唔多嘅野食。真心次次食完都唔覺中伏，仲想俾個like tim由於要食夠一定金額先可以叫優惠美食，所以我地先叫左個網燒牛肉定食（$58）由於太肚餓關係，食左兩件先記得影相。份量絕對唔細，牛就唔好期待係靚野，但配返個汁就唔錯啦之後叫左個自家制大阪燒，呢個打正旗號唔跟正宗做法。成舊野雖然有啲厚，但又唔係得粉漿果隻厚。雖然啲餡唔係咩貴野，但夠足料都幾好味。跟著就黎特價野，先黎個鹽燒秋刀魚（$14），原條大大條燒到好香，性價比超值，值得推介。再黎叫多條魚食，今次係比較肥美嘅鹽燒三文魚鮫（$25）。個魚鮫夠肥，但燒完又唔膩，夠香夠滑，個人大推呢個。P.s. 好多時呢個都會沽清，食唔食到要睇運最後就係魚心嘅必食推介，25蚊6件嘅特式加州卷呢碟野淨係賣相都值回票價，仲要有手心噤大嘅加州卷，食完包你滿載而歸。今次上左上層食，環境的確有點殘舊，但舊得黎有種家嘅舒服感覺。如果係下層食，就可以欣賞到玉置浩二嘅經典金曲做背景音樂。首首80年代嘅金曲，以日文演唱大家都能朗朗上口，充滿濃濃嘅懷舊居酒屋氣氛，絕對係另一番風味:)…Read More

今日全日都落大雨，行經K-11，就決定同男朋友揀間餐廳食，見到GOCHISO做緊AEON信用卡優惠，食夠$300有$100 coupon，$600有$300 coupon，$900有$600 coupon 。咁啱我哋有AEON卡，不如就試一次～加上時間仲早唔洗等位我哋兩個人叫咗4樣嘢，份量啱啱好～*我哋比較大食BB羅馬生菜蘑菇黑醋沙律（$58），我地驚太dry，所以加咗溫泉蛋（$8），啲菜都幾新鮮，不過火箭菜有啲苦！依個芝士pizza好正呀～我哋叫咗8吋（$78），蜜糖同芝士好夾，大人細佬都啱食～意粉 （$7x) 味道無咁有驚喜，味道正路～依個蜆肉青口 （$98）我哋一開始以為個啲汁飲得，原來好咸 但啲肉味道唔錯，我見到好多人都有嗌，不過有一隻未開口～蝕咗最後2個人食咗 $368.5，用AEON卡俾錢，送咗張coupon，之後會再食過…Read More