monsteryo's Profile

難得有間糖水舖開到零晨，真興奮！價錢有點貴，但人地要開夜班，ok啦食咗榴槤飄香，一上枱榴槤好香好迷人椰汁濃郁，西米正常Q，仲有柚子肉，配搭幾好，如果柚子肉再多D就更好少了點榴槤蓉份量足夠的 沉咗底浮面少 看不到罷了，柚子肉也比見到的多的，但可以再多啲就更好了還有叫了蜜糖烧賣，呢個生鮮熱辣，味道不過不失，沒驚喜。…Read More

炒貴刁用茄汁炒, 味道不配合， 好似食緊厦門炒米 ， 完全顛覆想像 ! 就好似乾炒牛河用茄汁炒一樣 ！不過有三隻大蝦係唔錯嘅，爽口，都有D鲜味。 肯用三隻唔錯嘅大蝦，點解唔做好D個汁？ 要酸嘅應該用羅望子汁 , 如果唔搞咁多嘅就咁用黑醬油又或者用咖哩粉都好過用 茄汁，太求奇了。椰汁都重椰子味，不過甜咗D。…Read More

新增了早餐，吃了沙爹牛肉米。沙爹有香茅同蝦米碎，有別於一般茶餐廳口味，幾有新鲜感，牛肉也滑，米粉是幼身軟滑純粘米那種，我喜歡。要讚他的牛角包，鲜香脆熱，無求奇，今時今日如此質素$42算抵食，仲要好食。…Read More

下午茶點了咖喱雞肉意粉 雞肉份量少 醬汁冇咖喱味 不過有辣味 醬汁好傑身食落好漿口，多油 ，呢種意粉style不能說好吃, 下午茶$88，飲cappuccino加$12， 連加一埋單共$110。…Read More

芫茜皮蛋湯底 好甜好奇怪， 完全feel唔到芫茜皮蛋嘅味道， 可能因為佢落咗啲鹵水汁，啲鹵水汁太甜， 唔知係咪，總之就唔好味。鴨片即係鴨胸 冇乜特別 鹵水雞翼都係 普普通通 兩樣都唔可以話係好味。唯一米線係合格嘅 有煙韌口感， 但個湯唔得想食埋去都食唔落。…Read More

外賣貴妃雞河粉， 會湯粉分装 ，唔怕浸淋，而河粉有韌度，可口； 貴妃雞皮滑肉入味， 越式湯頭香濃好味， 配有洋蔥芽菜 ，而青檸及辣椒粒自加。價錢唔貴，實屬抵食。椰子菠蘿沙冰不會死甜， 感覺新鮮。…Read More

明明說是生滾肉片粥 但個粥底根本就唔係生滾粥嘅 比較稀 肉片更加不是生滾粥的肉片 切得厚又鞋 分明係皮蛋瘦肉粥的瘦肉 厚切罷了 ， 以為套餐咁抵食 實在有欺騙之嫌！！！說的金牌叉燒腸，叉燒有點乾，不過不失吧了。最好算是支豆漿吧 有豆味。 我是選外賣送餐的 不知為什麼 openrice顯示了是堂食， 不知怎樣更改它的錯誤 ，唯有在此澄清。…Read More

海鮮炒瀨粉 瀨粉彈牙 難得的好味 蝦同魷魚都有鮮味 唔係急凍貨 魚塊係青衣柳 唔係平價 龍脷柳 炒得有香氣 菜心林甜， 外賣送到 依然熱辣新鮮 酒樓同外賣員 同樣地快靚正 天寒地凍唔使行出街 有好嘢食， 正！！…Read More

平日去都多人， 十一點半到，唔使等位， 但都已經滿咗7成。 今次全部叫點心， 每樣都新鮮熱辣 ，整體嚟講算幾好，雖然有啲用料係比較差， 不過價錢唔貴， 都ok嘅， 當參觀下校園。…Read More

開心果 terrine 上層開心果cheesecake， 下層開心果巴斯克， 一次過食齊兩種口味 雖然六十五蚊件，還是值得一試 。兩層都好味， 巴斯克感覺更濃郁， 還有一大堆開心果碎， 感覺好幸福限時90分鐘很好， 可以安心慢慢坐 慢慢食 慢慢飲 不用感覺唔好意思。當然之前就要等位耐一 點了，但也公道啊…Read More

午餐點選了香煎大蝦馬賽魚忌廉汁意大利飯， 因為不知馬賽魚是什麼，所以試吓，但原來不是馬賽魚柳 ，也不只是忌廉汁，而是馬賽魚湯煮的忌廉汁😄😄 我真是想多了😅😅 。整體味道ok，有4隻蝦，$98沒加一，價錢合理，包湯或沙律，及飲品。我選了沙律，菜好似有2款定3款，忘了影相，酱汁夠味，但只有半粒車厘茄就太少了，有待改善！ 還有門口位比較熱。…Read More

廚房手勢唔錯， 坐位闊落唔擠迫， 起菜快， 侍應服務殷勤。 酥炸生蠔其實炸得唔錯，夠脆唔油，但蠔雖然都大隻但唔夠香，唔夠鮮， 呢個唔關廚師事。 蝦乾芥蘭香噴噴，又嘢味好餸飯。 龍蝦伊麵用波士頓龍蝦，係真係好食過澳洲龍蝦，伊麵份量十足。 薑蔥斑頭腩都好香 不過我覺得少少咸。…Read More

食過幾次下午茶， 叫嘅燒腩仔都皮脆有層層肥瘦相間，真正嘅燒腩冇呃人 ，肉香冇臊味 ，可以放心大吃， 因為近幾年食的燒肉，好多時都有陣肉臊味，怕怕地， 唔食埋佢又嘥，食埋佢又要忍住臭味。油雞嫩滑皮脆， 真係做得唔錯 。整體好過附近嘅另一間燒味熱店 ，但價錢好似貴過佢少少，不過呢度坐得舒服 。但係瘦叉就覺得鹹咗啲同有D 唔識形容嘅感覺响口腔 ，個人覺得麻麻 ， 是斬料外賣的 ，忘了影相。不過好多人嚟買肥叉 ，唔知係咪好食。 呢間店舖都係自設廚房店內，即燒即賣。 叫得燒鵝皇，下次試下食燒鵝先。…Read More

有旅發局津貼晚市套餐 ，龍蝦伊麵加鮑魚花膠。另外自己加咗個陳醋一字骨。 埋單$365。雖有旅發局津貼，但要收番原價加一， 茶錢，餐前小食(雲耳)。龍蝦比想像中大隻，亦都好味 。 花膠就麻麻地 ，不過有津貼都唔計較太多。…Read More

串燒 一啲都唔熱，暖都冇。 當日只得雞軟骨同牛肉串，兩樣都太淡茂茂，醮醬只有豉油，醋；怪怪。麵包蟹有膏， 味道普通。 煙三文魚ok, 青口都係一般。 大蜆冇味。 蝦就冇食唔知點。蛋糕係得芝士蛋糕好啲。生果就最好。有雪糕，牛奶公司嘅。 汽水啤酒同咖啡茶任飲。 仲有啲炒飯意粉同熱盤添，不過冇食。食嘢整體嚟講一般 但係坐船睇夜景 真係好震撼 香港嘅夜景可以咁靚 ！ 絕對襯得起東方之珠之名！船影燈光，色彩斑爛！！ 360度包圍住你！ 彌補到食物普通嘅不足。 當然揀有折先至去啦原價太貴喇。…Read More