qlee's Profile

天后比人印象係有好多野食, 地鐵出口仲有個「天后美食坊」地標, 但對於我呢D居民來講, 做完運動, 或夜食晚飯既時候, 想搵份有水準既沙律食都幾困難; 不過6月時發現「JMIX 焱」响清風街開左, 嘩!! 啱晒! 做完運動之後, 或者夜晚想食light D, 而家有選擇喇!!用料真係好新鮮, 最surprise 既係, 外賣盒同餐具都係環保物料再簡單D, 就係淨沙律:昨日運動完之後, 又再去買, 原來餐牌已經多左選擇:下次一定會試自家Burger! …Read More

今次係第二次食, 印象比起第一次仲要差! 經過第一次之後, 知道所有人都要買車仔麵飛後, 先至好行去搵位, 唔係就比人話.......但今次, 直頭個個入黎都比人鬧!!! 離晒譜!!!!!當日(7月11號星期日) 6樓有某品牌會員開倉活動, 我同老公就買左兩大袋戰利品, 走到759車仔麵食下午茶; 老公第一次去, 我就先提佢要一齊買飛先好入座, 但一邊排隊, 他一邊眼見在場職員對客人的呼呼喝喝態度, 已經很不自在。輪到我地, 我先落單, 出示會員卡(有再7折, 的確好平!!), 然後接過我老公袋戰利品, 連同我自己一袋, 慢慢走向座位, 我並唔係9秒9衝去霸位......正在執枱既阿姐問:「你買飛未呀?」我:「買左喇! 紅衫果位呀! 比完錢喇!」阿姐:「哦! 紅衫果個, 好! 你坐邊張呀? 呢張定出面果張?」我: 「呢張啦!」阿姐粗魯咁再答:「你自己搵地方放好你兩袋野啦!」當然! 我一開始已經好努力拉椅、將大袋塞入椅底.......都未努力完, 門口就有另一個阿姐用更粗既語氣大聲叫:「阿靚女, 你買飛未呀?」佢大叫左3次, 因為我唔知佢叫我, 而且, 我同第一個阿姐既對話都唔係細聲, 而且店舖唔大, 本來應該所有人都聽到!我剛塞好兩個大袋, 門口阿組行到過黎正面再三再四問我:「你買飛未呀?」我先知道佢係盤問緊我!!! 我真係忍唔到喇! 好不耐煩咁答佢(但出奇地我用好溫柔既聲回應):「買左喇...」全場靜晒.....之後一邊食, 就有一家5口的國內家庭入來, 先係婆婆入來霸位, 幾個阿姐語氣更加唔客氣!!「要買飛先呀! 有冇睇到字呀???」(見下圖)我諗就算每幅牆都有呢張告示, 每個人都會睇水牌揀車仔麵餸囉!再有另一個香港男人, 應該係第一次來光顧, 又被喝, 個男人直頭大聲回應:「駛唔駛咁既態度呀??」即走唔食!再來一家國內家庭, 响收銀度買飛, 好似講:「要一碗車仔麵」, 又比收銀員鬧喇! 「車仔麵! 你要揀餸先得架!!!!!!!!!!」Excuse me, 如果我係一個遊客, 我點知車仔麵唔係排骨麵、擔擔麵咁係一款麵呢? 收銀肥妹(係香港人黎既), 你駛唔駛咁惡呀?再來, 又係有人走入黎先霸位, 又係頭先我遇既由門口走入黎既火爆阿姐, 鬧完個客, 仲加多句「挑X星!」Excuse me, 佢地大部份都嚴重歧視內地人(雖然本人都對佢地冇咩好感), 比起本地人鬧得更大聲, 但係, 除左個收銀肥妹係本地人之外, 全場阿姐都語帶鄉音、講大媽話囉!!! 實在睇唔過眼!!!莫講話食物質素一般般(得個「平」字), 就算好食到有米芝蓮3星, 我地都唔會再返黎比人鬧、谷住氣黎食囉!!…Read More

在「鏗鏘集」見到這餐廳, 已經好想支持一下, 因為老闆背負著一份使命感, 就是要提供健康低糖低鹽餐。所以, 今日約了朋友, 會一會這良心餐廳。噢! 原來要在黑板處找.....不過素類全部都是 cold dish.....我認為很好吃!!!!! 味道當然偏淡, 但我個人口味來說, 就是好吃!!!…Read More

今日試 "亞洲家族" (海南少爺走出黎自己開嘅), 雞、飯、醬都好食, lunch set $68, 轉脾 +$10, 飲薏米水或熱飲 +$5, 雞: 都有香味又滑, 份量唔算好多, 一家好過海南少爺飯: 好有heart去做, 好味! 不過一碗平碗, 份量對男士來講, 應該只係6、7成飽醬: 個薑蓉好正, 好細滑, 冇咩根, 撈飯一流! 個豉油都香, 個辣椒薑蓉就100分喇但係..... 駛唔駛樣樣都等咁耐呀?? 等位、等落單、等飯、等醬、等埋單....兩個人由12:45食到14:10!!! 我個friend費事等, 豪tips $8!!!我見枱枱都追單, 8成都係黑住面走!lunch time 等位等7-8張 (12:45到), 唔係太多, 不過等食就食咗好耐, 斬碟雞脾飯要成半個鐘!! 個盤裝一碟雞、一碗飯、一碗湯、一碟業, 裝唔到3種醬, 所以要分開上, 但係3種醬都要再等5分鐘!! 我個friend就話去seminar唔駛急住返工, 但係隔離枱班寵物舖姐姐, 有一個未食就要cancel order走返工!!…Read More