bigbighon's Profile

老闆一家人移咗民，唔理住宜家d員工係乜關係。但服務比起以前真係爭好多。夜晚可能外賣比較多，我「舉手叫唔該」咗3-4次，嗰阿姐係抱住一個有萬能key的心態次次答「嚟緊嚟緊嚟緊…」跟住就走咗，而聽得出佢個語氣係「我應咗你啦，當問題解決咗ga啦」。因為佢真係好理直氣壯咁快快脆應我，而又理直氣壯咁直接走咗，3，4次都係咁。最後我特登搵另外一個阿叔嚟幫我落單。阿叔行過嚟，表情+語氣係「咩事？你想點？」。我講緊我order嘅餸時，阿叔兩次打斷我問到「你落咗單未？」第二次時我都不耐煩答佢「未吖，你係第一個願意停係度幫我落單嘅人」 之後同佢地要碗仔，加白飯，要外賣盒都係要不停咁叫多幾次先有。食物質素咁多年我覺得都ok好味嘅，羊腩煲我都鐘意。但整體服務真係比以前差咗好多，唔知係咪員工年紀大，精力有限，所以呈現出的質素偏低。…Read More

冇去深水埗，嚟咗佐敦搵到尼間。all day breakfast同sourdough toast都好好味，份量亦非常夠。門口打卡位一流✨👍🏻👍🏻👍🏻p.s. 一定要order scone and cookie♥️♥️♥️配埋自家製果醬♥️♥️♥️…Read More

朋友生日，OR book咗，唔算人多，可能疫情期間的關係。座位和服務都算令人舒服。點咗lunch set，因為和朋友都想試個冬陰功牛角包🥐。都要略微等多少少先上食物，但係第一道竟然唔係menu上的第一道牛角包 starter，這個有點奇怪...不過都冇太大關係。之後其他嘢都好好味，值得推薦。暫時只收cash or payme，不過真係兩樣都冇我諗佢地都會話你知最近atm係邊🤣🤣🤣大家記得留意啦..特別係一個人去！…Read More

今日十一，做為今日第一餐我提議朋友嚟深水埗要食番茄師兄，雖然d味未算特別出色。時間尚早，門口冇人排隊，店內亦有幾張吉檯，yeah！「尼度...」入門口等探熱，一名長金髮，雙手紋身的女職員面無表情過嚟門口（其實真係戴住口罩都睇得出ga），舉槍探熱，之後手指指下門口位的一張檯，再冷冷的一句「尼度」。我諗：算啦...都冇乜嘢，唔夠熱情je，國慶嘛，冇熱情都啱嘅。「轉咯...」坐低後即時已經feel到冷氣直吹頭頂，友人問咗一句「幾大風bor，要唔要轉？」頭先個冇熱情，頭先黑面女職員都已經令我唔係好想再煩（見）佢，但果個位，坐兩三分鐘真係已經覺得凍，我地未落單，又有吉檯，咁就問下畀唔畀轉檯啦...舉手，另一名頭髮深色少少嘅女職員見到，我講「唔好意思，想轉後面張檯，因為尼度好大風....」佢冇表情咁望去張吉檯 行過去執走檯面多餘嘢，再行番嚟門口度，但全程冇再理我地。我問「可以轉嗎？...唔該？...」佢轉過頭嚟，omg 都係同頭先職員一樣的表情！...佢冇理我地，我再問「唔該 係咪可以轉過去？」一樣，都係冇理我地。我真係好想知道佢冇禮貌可以去到乜程度，我再大聲問「可以轉過去嗎？」佢轉過頭嚟，輕輕一句「轉咯」我企起身時話「可以轉，咁出聲啦」友人亦忍唔住講「X店嚟講尼間都算態度差」的確門面三位女職員，尼兩位態度真係夠差，另外一位姐姐就辛苦d，待客有禮，笑口迎人。我安慰朋友話，應該係parttime嚟嘅，雖然我只嚟食過幾次，但冇見過尼兩位冇服務精神的女職員。其中一位仲要係咁停曬手睇電視新聞。其實態度差關唔關老闆唔係度事？兩位女職員，嘻嘻哈哈自己係度傾指甲，又黑食客面，認真態度夠差。作為深水埗街坊，我以前同fd只會講番茄師兄未算好好味全，但都可以支持下，試下。但今次之後真係覺得可以請番嚟咁嘅員工...我唔知老闆係想點。轉檯時隔離檯嘅食客都睇到成件事，都有議論個職員。我相信十一有去番茄師兄的食客入面一定有人同我地一樣冇拉拉畀你地職員黑面冷語。大家嚟支持X店唔係咁樣嚟受氣嘅，期間有人入嚟，應該係捐月餅畀X店表達支持，畀咗三盒。之後兩位女職員見到月餅開心到呢....真係先知原來你地識笑ga？！anyway，都叫支持過，但真係唔會再有下次。…Read More

凌晨經過見到好似新開，於是嚟試下，原來係仲試業緊。糖水好正，好大份，用料好足。暫時仲係like Facebook可以送一碗糖水。朋友另外點左一碗湯餃我本人點左一碟煎餃，味道都唔錯，但覺得煎餃可以再窿D...老闆畀的秘制四川風味辣椒醬真係好正...配乜都好味。希望可以愈做愈好再讚多次老闆娘用心做的糖水，堅係好好味（我的係紅豆沙）…Read More

有d意外，原來還在裝修緊。不過依然有位置畀其他食客坐低食嘢。先講食物，店裡不提供水，要就畀錢買飲品或者礦泉水。兩個人order兩個餐，我地都覺得幾好味，salad都好新鮮。希望保持落去。環境算幾闊落，裝修亦都幾日本feel，不過注意係商場入面，所以係冇窗ga。講下服務，我一路都好care嘅一項。可能真係裝修得幾日本style，以為服務都會好日本...哈哈基本上係我主動同收銀員點頭微笑，跟住收銀員回一個硬笑...再閃開目光...走果陣係佢面前經過亦都企係度當睇你唔到，應該真係好green。另外有d我都唔講啦，係d好細微但我覺得好basic嘅服務態度。我朋友話算啦，小店生意，應該大家都冇train過...唔好咁care最後大家記得店裡要求係走時自己清埋食物垃圾，門口有大垃圾桶。…Read More

團購放題530pm開始...唯有週末嚟。整體食物質素頗好，品種較多，海鮮都好新鮮。炸魚皮都好大塊...等你食飽d。炸響鈴就唔夠脆。牛肉 豬肉都好鮮...值得推薦。不足就是甜品+雪糕，比較災難...…Read More

原來才開了半個多月，人不多，當天打電話訂的位置，服務員接電話時很貼心地主動幫我標記了靠窗位置（我後來看到的）。服務態度很好，上菜時都會提醒注意燙。主動加水。食物味道算是不錯，不過炒野菜苗略為遜色沒什麼味道，也不算很新鮮，裡面的蝦也便大了一點，蝦的尾巴很容易扎到舌頭或者內唇。蝦餅就很不錯，醬料味道很泰國，不是平常的甜辣醬。飲品兩杯cocktail都不怎麼樣，酒精類調得不算好。另外我們的位置雖然舒服，因為人也不多，所以很安靜，對著海景。可是最後也是因為靠裡面的位置，叫買單等了2-3分鐘才有職員看到我們～看來不忙的時候，同事之間聊天是通性啊～…Read More

下午五點，只有三四張台，點了二人餐，pizza等好耐。反而其他小食就好快。檸檬茶就好神奇，味道怪怪，送嚟時上面很多泡沫。打開一看沒有「檸檬」啊！但好多不明物體漂浮在上面。撈出來看的出是粉末，怪唔之得個味咁怪。檸檬都要搵粉末代替cheap得滯。pizza系夠熱n味道唔錯。…Read More

因為都11pm了，想食少少野，但又想有d肉嘅。點咗蒜香骨，and青菜...實在太多味精了，肉上面的味精清晰可見，少少透明，幼幼長條...真係好鹹。其他環境整體幾好，服務都好好。…Read More

前台好好帶入位，兩個朋友已到。三個人share一份around HK$1,400的二人餐再加一份pasta。穿得體面d嘅「經理」問我「你食唔食野ga？」我真係唔知點答佢....另外穿得好似樓下茶餐廳的其他職員都服務麻麻，其中戴帽的那位更是茶餐廳級別的服務。黑面/唔應聲/唔記得要加水...齊曬。真係成個服務質素同環境差好大。成晚的一個穿得都係好casual的女仔服務得殷勤n有笑容。另外兩個fd都批評間餐廳管理得頗差～不過食物係好味嘅。…Read More