Food Rashi的個人專頁

今年全年都無得去旅行，最近見疫情好番啲就即刻約朋友出去食飯，朋友返銅鑼灣，所以就去咗天后食飯，要去搵到呢間好食嘅西班牙菜。炸芝士，個醬甜甜酸酸，外脆內軟，好好味，一人兩粒，份量啱啱好😋Jamon Toast, 熟成豬加蕃茄包，同我以前去西班牙食過啲好似，好食又開胃👍炸魷魚，魷魚幾大舊，粉唔算多Tortilla，蛋餅有芝士同腸，連埋啲醬，撈埋好食主菜就叫咗個乳豬，個皮都燒得好香脆，而且唔算油有happy hou，叫咗一杯chocolate colada(mocktail)$52同一杯pina colada(cocktail) $60甜品就叫咗西班牙好出名嘅Churros，連埋雪糕朋友同我都好滿意話要再去食🥂😋…查看更多

今晚同外國朋友食飯，上網搵到呢間裝修好特別嘅火鍋，好似新開，決定試吓一到去果然冇令人失望，裝修好靚，餐牌好有心思，好有香港特色，連播啲歌都係廣東話歌👍👍叫咗個椰子雞湯底，雞嘅份量都幾多，湯底清甜食物質素都好好，特別係牛肉，打邊爐最緊要就係牛肉，呢個係至尊天九牛腩頭，食落口好新鮮，唔會太肥，又有肉味，又唔會有根👍👍😋叫咗個貴妃蚌，佢上菜嘅時候好特別，好靚，有乾冰，不過掛住望，去到最尾先記得影相😂食落去味道鮮甜牛肉餃同埋手打蝦丸，朋友好鍾意食個蝦丸，食落口個感覺好似有成隻蝦喺度咁🦐蔬菜拼盤甜品叫咗個係傳統酒樓先有嘅脆麻花，炸得幾鬆脆，好味😋…查看更多

最近天氣開始轉涼，最好就係去打邊爐😁見到銅鑼灣有新開嘅火鍋，咖喱湯底，新開張仲有抵添👍特登黎到就當然要試個咖喱湯底，咖喱味超濃，好香，最好唔好著太吸味嘅衫😂個湯咁濃，啲肉就好夠味 ，唔使再點醬油已經好好食👍佢啲肉都幾新鮮，唔會雪咗好耐，我最中意食豬，同個咖喱味超夾佢拎嘢食嘅地方都幾乾淨同選擇都幾多，除咗一般嘅丸之外，佢仲有啲有公仔做型，小朋友應該幾開心，同仲有生根，吸湯之選😏飲品除咗一般嘅可樂之外，佢仲有自家製嘅飲品同啤酒🍻…查看更多

今日朋友過黎搵我食晚飯，我地都中意飲酒，特別係食魚生海鮮，所以叫咗枝酒飲，幾易入口幾好味👍😁不過我地唔係好飲得，佢星期日至三，720ml買一送一，下次要多啲人黎😂叫咗個沖繩風沙律，有沖繩必食嘅海🍇，有好多魚生，好清爽，好味😋Staff 話今日有秋刀魚刺身，唔係好大條，岩兩個人食，好新鮮，個肉又唔會太淋，送酒好正，佢之後仲拎個魚骨去炸😁唔浪費燒海鮮叫咗甲羅燒，北寄貝，螺，白貝同蟹腳，果然好新鮮，好鮮甜，職員又好細心咁幫我地整好同分好哂，坐係到等食就得啦之後叫咗個清酒皇貝，超超超大隻，都幾入味，一份好似都有五六隻最後係番薯雪糕，好重番薯味，好食…查看更多

放題同埋燒肉都食得多，但第一次食日本燒肉放題，日本燒肉比較貴好少有放題食去到即刻叫咗啲刺身先，好快手，好快就送到，食材好新鮮，所以之後都叫多咗一轉😋餐廳送嘅海鮮拼盤，雖然係任食，但服務都好好，職員主動幫我地燒海鮮👍仲介紹咗正方形嗰舊嘢，原來係喜瑪拉亞玫瑰海鹽，燒完舊肉放上去燒會有少少鹹味，第一次見，幾得意🤩日本嘅肉真係好食啲，肉口感唔錯，淋身又唔會太油，除咗肉之外，仲有甜品，特別推介嘅就係燒棉花糖，同出面燒嘢食一樣但係唔會竉晒入口即溶好好食😋😋😋佢最後仲有啲人一杯雪糕，燒肉完最岩，真係滿足晒👍👍佢抽風設備都幾好，我長頭髮，食完出去都唔會覺得好油👩🏻…查看更多

今日去咗旺角行街，畢業之後好耐都無去過食任食火鍋，見到點鍋啲丸同餃都自家製，就決定入去試下😋湯有好多選擇，叫咗兩種，職員推介蟲草花雞同朋友選嘅鹹酸菜胡椒豬肚湯底比一般任食火鍋高質好多，真係好似湯咁👍送嘅海鮮拼盤同埋牛肉，材料都幾新鮮，唔會有雪味。其他點單都係用電子落單嘅形式，廚房出嘢好快，唔會怕唔夠時間食👍任食嘅豬肉羊肉同埋滑牛😊其他嘅配菜，特別推介鹹蛋黃炸魚皮，熱辣辣好好味😋另外自家製丸同餃都好新鮮，味道唔錯飲品一般嘅都有，仲有比較少地方有嘅Coke Zero同埋樽裝茶…查看更多

今日約咗姊妹收工去銅鑼灣行街，七點左右已經坐滿，所以想食嘅最好早啲訂定位😁店面幾靚，係文青風，清潔乾淨嘅感覺，大部分坐位都望到沖咖啡嘅bar枱飲品選擇好多，咖啡，啤酒，cocktail 都有，咖啡好多唔同種類，可以同staff講自己中意酸啲，甜啲，佢再介紹你，好專業👍軟殼蟹好大隻，仲有好多膏，加埋溫泉蛋，好好味😋單骨雞翼，方便，最岩女仔食，佢個醬好好味，我地差唔多沾哂😂海膽意粉，意粉軟硬適中，味道唔會太濃…查看更多

有日係銅鑼灣收工,同行嘅朋友帶左我去附近一間食fusion 菜嘅餐廳上到去先發現原來係同時係一間可以傾計飮嘢睇波嘅baranyway 餐廳設計行現代風,  落地大玻璃睇到外面嘅高樓大廈, 同時其他仲番嘅工嘅人都睇到你😂set dinner menu每道菜都有得簡, 總有適合自己嘅選擇menu上面無寫嘅海膽海蜇沙律龍蝦🦞湯加花膠係好嘅配撘羊架中法合璧，有三件，份量都唔少👍珍珠雞糯米入味唔會鹹cheese cake 簡單地為今晚作結尾…查看更多

媽咪一直都話想試下去養心殿打邊爐，佢今日去將軍澳返工，收工就黎試下，大約七點去到，時間尚早，唔使等就有位鍋底選咗麻辣同養生鍋，麻辣鍋選咗小辣，香香地，中意辣嘅朋友可以試中或者大辣打邊爐一定要食肥牛啦，因為得兩個人，叫咗個細份嘅，質素都幾高，唔會太肥又有牛肉味新鮮炸嘅嚮聆，上菜嘅時候仲係熱，好鬆脆👍因為叫麻辣湯，所以有送一份鴨血，連埋鍋底個份鴨血，兩個人一定夠有多😁本身想試下有機洛神花茶，可惜賣哂，下次再去試…查看更多

今晚唔想煮飯，行過秀茂坪商場，見到唐記包點，見到選擇幾多，又平，二十幾蚊就有個飯食，就決定試下😁😁叫咗兩個飯，一個肉餅飯同一個咖喱牛筋腩食😊個飯熱辣辣，二十幾蚊比想像中大個，味道都唔錯，個咖喱汁有少少辣，好好送飯👍之後叫咗個雞札，唔會太油，芋頭都幾香，雞都幾大舊糖水叫咗個比較少有嘅桑寄生蓮子蛋茶，入口幾潤，幾好味，仲有成隻蛋😋本身怕唔夠飽，叫咗個菜肉包同雞包，最後太飽，留咗黎做早餐，放咗一晚，蒸返熱都唔會好乾👍…查看更多

今晚同男朋友食飯，覺得有少少唔係好舒服，想食清啲，男朋友就話去食莆田😊入到去先知佢做緊蟶子推介，有好多有蟶子嘅菜，叫咗封面嘅鐵板鹽焗聖子一碟都有成十幾隻，每隻都好肥美，味道鮮甜😋😋之後就叫咗一個四小拼，因為得兩個人但也想嘗試多啲野，特別推介九轉小腸，口感好好又唔會有怪味之後就叫咗個紫菜扁肉湯，相係一位嘅份量，但入面都有好多粒扁肉，我自己本身好鍾意飲紫菜湯，因為清清地又易入口😋😋芋香棒棒，芋頭味好重好香，炸到外脆內軟，好好食，不過呢個都幾飽😂最後叫咗個漁民紫菜炆飯，濕濕地加埋啲紫菜，就咁食已經幾好食👍…查看更多

已經唔係第一次去陸陸雞煲火鍋，上次同朋友慶祝生日朋友都話好食，今次就決定帶媽咪去試吓😊之前黎仲未有套餐，今次見到$338已經包左咁多嘢食，仲有海鮮，同龍蝦湯，唔使諗，就決定叫個餐嚟試吓😁首先有個前菜冷盤，即刻食得嘅👍之後就到個雞煲有得揀BB辣小辣中辣，我點左BB辣，其實都已經食得出辣味，個雞煲炒得好香，啲雞好滑，洋蔥好甜，平時兩個人食雞煲食到後尾會覺得太多雞，但係今次唔會因為啲雞真係好好食😋😋食完雞煲就俾咗個龍蝦湯我哋打邊爐，隻龍蝦都仲係入面㗎😂海鮮拼盤裏面嘅海鮮種類都唔少，餐廳好貼心，有個牌寫到明海鮮煮熟所需時間，唔使怕啲海鮮唔夠熟或者太熟😋啲海鮮好新鮮，我最鍾意食貴妃蚌同鮑魚，超鮮味，好大隻，連埋龍蝦湯真係好好味，本身諗住食得落嘅話會叫多隻貴妃蚌，但真係太多嘢食😂之後就係牛肉牛粒同埋豬肉，牛味好重，一食就知唔同平時啲cheap嘢，牛粒好淋，無根👍不過有少少唔夠喉😋當然仲有打邊爐必備嘅響鈴同埋炸魚皮😁之後係自家製嘅手打丸，種類都好多，魚皮餃牛肉丸豬肉丸都有，但因為我已經好飽，我無所有款都食晒，但媽咪話幾精緻，細細粒，易入口，又唔會厚皮👍最後就係菜同菇，種類都好多，連一啲平時比較少見嘅菇都有😊總括嚟講今晚都好滿意，係有啲太飽，但超級滿足😋😋…查看更多

今日去旺角做嘢，收工都八九點，諗住食啲輕便嘅嘢，就入咗去試吓呢間台灣麵佢套餐嘅選擇都幾多，仲有得飯麵雙拼。因為唔係自己一個人食，所以決定散叫，可以share，食多啲野😁煮食叫咗一個紅燒牛肉麵同一個炸霸王雞腿肉燥飯😊個牛肉麵嘅湯底好香，清清地麵質都唔錯，肉都唔少👍炸雞腿炸得好脆，好香，加上肉燥，好好送飯，不過略嫌肉燥唔夠多😋小食叫咗一個花枝丸同滷水雞翼，兩樣味道都唔錯，花枝丸上菜時仲好熱，大家要小心😊飲品叫咗一杯凍嘅香芋奶茶同一杯雜錦紅苺茶👍👍…查看更多

一直都好想食依間海鮮，朋友考車成功，我即刻話黎慶祝下😁前菜叫咗個鵝肝蘋果同一個carb cake 除咗擺盆唔錯之外，味道都好好，唔會太咸或者太濃，鵝肝同蟹味都好出😋黎依到嘅目標就係食船長海鮮拼盤，叫咗五種海鮮，蝦，長腳蟹腳，八爪魚仔，翡翠螺同蜆，選咗Cajun Garlic Sauce😊有手套，鉸剪同圍裙，唔使怕整污糟👍等左一陣就上菜，店員好有心咁問使唔使幫我地影相😂我都即刻打咗卡😂😂海鮮食落好新鮮，而且份量比想像中多，入面嘅粟米同埋薯仔都好好味好甜😁店員推介我哋加咗個麵包，麵包掂個汁真係好香，好好食😋飲品方面叫咗兩杯smoothie，唔太甜，我唔係好食得辣，但一路食，一路飲smoothie， 好正😍…查看更多

外國人嚟到香港聽到中國菜就要食小籠包，記得樂天皇朝八色小籠包味道唔錯，又有特色，就帶朋友去試吓😁👍坐咗係廚房隔離，可以見到佢哋即刻整，感覺特別新鮮😋每隻小籠包嘅味道都唔同，而且都好有湯，同好夠味，影相又靚，值得一試😋叫咗一個蒜泥白肉，豬肉無其他地方咁肥，食落無咁漏，而且佢入面有青瓜，十分清爽，作為前菜真係唔錯👍水煮魚，好香，魚嘅份量都好多，而且好滑，不過我本身唔係好食得辣，食到後尾覺得太辣。同我一樣唔係好食得辣嘅朋友可以問下佢有冇得少辣😂😂叫咗個油麥菜中和下，菜都算新鮮，唔會太油😁仲有我好鍾意食嘅炸饅頭，佢十分了解肥仔嘅心情，三個炸饅頭，佢俾咗兩碟煉奶，唔使就住就住點😋😋上枱嘅時候熱辣辣，外脆內軟，好香脆，好好味😁…查看更多