or#tm67537904's Profile

今年3月某日，我到店堂食，取餐放到桌上後，廚房有男同事/經理向樓面一位女同事講：叫佢攞返過嚟。因為發聲音量較大，我隨即攞回取餐處，原來係未比飲品我。呢位男同事/經理將飲品放到我餐盤上，並講咗句：攞得。不幸地，由於放置力度較大，倒曬咗不少於兩啖嘅飲品，導致餐盤上嘅筷子都濕了。我以為我攞錯人哋碗麵，原來唔係；如果當時唔洗我成個餐盤攞返取餐處，結果會唔會好啲定會更差？但我肯定，儘管我打完呢篇感想出嚟，但喺嗰刻嘅hard feeling都唔會消失。同事們，你哋唔需要改變你地嘅工作態度，因為我唔想你哋變成更好嘅人。…Read More

我去過呢間舖食過幾次，曾食過滷肉飯、排骨米粉、魷魚鬚、QQ丸，同飲過冬瓜茶同百香果紅茶，味道都不錯👍🏼 我以為餐單上嘅食物都應該唔差，點知今次點咗個蕃茄牛肉米粉，真係搞唔掂，湯底太鹹，牛肉太韌，諗住食個配菜紅蘿蔔啦，點知啲紅蘿蔔都係鹹嘅，感覺好似用茄膏做湯底，太重口味了吧🫢。建議食家唔好揀蕃茄湯底嘅米粉或米線，其他食物同飲品都不錯。同時亦建議店家考慮下調整返蕃茄湯底嘅味道，或者出新湯底代替蕃茄湯底😅。…Read More