noelbb's Profile

第一次幫襯，平日時間夜晚7:00，地方闊落，坐位舒適，適合聚會聊天，食物價錢150-250，有套餐同單點選擇，主要食滑旦飯配餸，飯底有日本米同日本穀米同蔬菜底選擇。牛腰柳同漢堡扒過熟，有嚼口。牛脷算是當中比較好。…Read More

之前係舊大街已經幫襯過，最近搬左新鋪，係功夫點心轉彎入去橫行位置，一圍都可以坐到12人，多人飯局首選。星期六幫襯，分2輪，6-8點，8-10點。一定要book位，大枱預得4/5張。食物算多選擇，味道正常水準。必叫小炒王，梅菜扣肉，京都骨，咕嚕肉。…Read More

蔥油雞扒煎旦飯，正常冰室水準，雞扒略微乾左少少，唔夠juice。熱奶茶唔錯👍🏼招牌烤雞，可選意粉薯條沙律，所以覺得唔錯幾好多選擇，烤雞水準好好，夠熱夠juice ，雖得半隻，但有肉地，都夠飽肚。會再幫襯，員工紅色短頭髮姐姐態度一流，簡單講就叫佢幫手整d野，左搵右搵，最後都仲關心人，個人認為值得嘉許。讚…Read More

幫襯左3次，有2次既食物質素都唔錯，夠味道，好食，樓面姨姨態度都好好，另外有一次就食物質素唔太好，麻麻地，好少分量，又唔夠味道，果日質素就唔掂，不過呢間勝在坐位坐得都舒服，食物多款式，味道都算唔錯。我幫襯果3次都係平日夜晚。…Read More

主打做外賣，夠方便，口味款式選擇多，樓上有坐位，可以堂食。一個盒可以買到四個口味，每日都有唔同款式味道選擇，平均每件$40，價錢都唔算貴可以接受。中午時間都多人排隊購買，最好預時間排隊15分鐘左右。…Read More

新口味漢堡包-田園素食口味紐約口味⋯香脆蘑菇牛肉漢堡，紐約口味薯條-煙肉木蘋果味醬，布朗尼朱古力雪糕限定。3樣都好好味🤤價錢都可以接受，坐位都算闊落。限定雪糕口味都有三款選擇…Read More

朋友介紹叫我去試吓探下路先，問起先知試業2星期，今個星期應該正式開幕，我夜晚8點幾平日外賣，見鋪頭都有8，9枱客，服務員態度和藹，有禮貌，值得一讚就係我本身打算買招牌系列，但招牌係有冰底，如果我外賣搭車反屋企先食就會冰融，店員好好提議我叫個仙草凍底再另加配料，咁就唔怕融到生水，所以我覺得佢地服務良好，可以keep住有水準，芋圓夠味夠煙靭，好味道，會再幫襯…Read More

係Kk day買左一套2人前大閘蟹放題套票優惠，好多嘢食都係自己出去攞，套票包左鮑魚海參，蟹粉小籠包，蟹粉豆苗，大閘蟹上蟹速度都算快，有三種口味可以選擇，清蒸，鹽焗，花雕，鹽焗比較油膩，清蒸和花雕都唔錯，二人食了大約40隻，服務員姐姐態度好好，很不錯。…Read More

平日八點幾去幫襯，幸好不算太多人，叫了酸菜魚配白飯，濃湯花膠雞煲單點，椒鹽雞翼，酸菜魚可以直接飲，小辣少酸，味道不錯，值得推薦，個人喜歡花膠雞煲，有火爐，熱辣辣，好夠雞湯味，啲雞唔鞋好味道，花膠都唔少，反而椒鹽雞翼唔識欣賞，下次會想嘗試羊腩煲。…Read More

之前睇咗YouTuber 9bothow介紹呢間既蘋果批同埋泡菜意大利粉話出奇地好食，今日終於有時間去幫襯，真係值得去試食一番，味道真係好好食，泡菜味意大利粉另+雞扒，價錢88+20，蘋果批原味70，凍美式咖啡35，意大利粉，值得推薦大家去試，蘋果批多人分享會比較好一點。…Read More

餐廳氣氛唔錯，感覺好舒服，服務都ok，食物都多選擇，都唔錯，叫了牛扒和意粉，反而個人最期待係甜品，朱古力布朗尼雪糕，蛋糕和雪糕入口即溶，混埋一齊好好味，可以再幫襯…Read More

第一次幫襯，晚市堂食，7點幾入坐，幸好不用排隊就有得入坐，有分燒肉不燒肉位，我地3大一小，叫了一碟燒牛肋骨肉條，一碟雞，牛肉石鍋飯，紫菜飯卷，炸雞。價錢可以接受，平均百幾蚊一樣。食物都算係熱辣辣。炸雞分量多，抵食，食唔晒仲可以打包，最好自帶外賣盒，否則要比多2蚊盒同袋錢。雞夠熱，好重油分，噴晒落件衫。紫色飯卷一般，啱小朋友食。牛肉石鍋飯味道一般，肉冇味，勝在底有飯焦，下次可以試其他。燒雞肉一般，麻麻地，冇特別。燒有醃料牛肉肋條幾好👍🏼唔錯，可以再試，唔un口，一份有2條，抵食。…Read More

第一次幫襯，唔洗等位，8點多去食，唔算人多，一個人餐$75，一碗河粉，半粉小食，一杯野飲，每款3-4樣選擇，懷舊枱椅，服務都係舊時的，不要太高要求就ok架勒。湯底係夠味，好味道的，清得嚟夠味道。唔油膩。香蒜牛油雞翼，夠香口，炸得夠脆身，雞翼掛唔上d蒜茸，唔夠大隻，價錢都自覺貴，$65，6隻。…Read More

第一次幫襯，見咁多人話好食，終於可以食到，中午時間要等位，預等左10分鐘先入，叫左豬紅，豬手，酸齋，韮菜餃。沙嗲醬汁好正好濃烈，要試。豬紅要試，韮菜餃要試，米粉/油麵最襯…Read More

叫一碗大size既船麵，就可以加錢食埋新推出任食串燒燒物，任何一款麵，任食串燒燒物就有2個價錢，一個$48，一個$68，都係多款d同少款d既串燒燒物選擇，蔬菜款就統一一樣有齊，我地叫左3輪都已經差唔多夠鐘，佢係有限時間，60分鐘，我地叫左$48果款，丸類好夠味夠熱，推薦，另外雞牛豬都夠味正常熱，不過腎，軟骨，豬頸肉，菜就完全冇調味，得燒濃味又唔熱，係熟既但就得果食落肚咁囉，當飽肚意思，叫左一次就算了，茄子翠肉瓜冬菇係好多汁，唔錯好食…Read More