pigpigoil's Profile

中環打工仔有福啦，百幾蚊可以食勻四道菜。😍.南瓜忌廉湯🥘金黃色的南瓜湯，湯底濃稠且滑順，南瓜的天然甜味與奶油的醇厚完美結合，令每一口都充滿了豐富的口感。什葉沙律🥗什葉沙律色彩斑斕，包含番茄、紅洋蔥、西瓜蘿蔔，各種葉菜的脆嫩口感與多樣的配料相互交織，清爽感十足。安格斯牛肉意粉🧆自家製的安格斯牛肉丸，肉質鮮嫩，肉丸外層微脆，內裡卻軟嫩，搭配上濃郁的意大利蕾茄醬，醬汁香甜而不膩。意大利薄餅🍕蕃茄配水牛城芝士，經典的意大利薄餅，奶香濃肉的水牛城芝士配上酸甜的蕃茄，味道剛剛好，份量十足。意式奶凍配雜莓醬🫐🍓最後又點少得甜品呢？奶香十足嘅奶凍配合酸甜的雜莓醬，增加了層次感！最後，值得一提的是裝修也符合咗意大利人的熱情，木質的桌子與鮮豔的紅色椅子形成鮮明對比，營造出一種活潑而舒適的用餐環境。…Read More

尖沙咀超人氣土豆脊骨湯🥔🥘去咗幾次，每次都大排長龍，今日見人少少就即刻入去食！六點半都未到，就已經好full!!同朋友食咗一份清湯土豆脊骨鍋，份量超級大，滿滿嘅排骨、金菇同西洋菜，裏面嘅薯仔仲吸晒湯汁，燉到好淋！乳白色嘅脊骨湯充滿骨膠原，店員仲會仔細留意湯底，定期加湯。另外，仲配咗一個洋蔥汁，食排骨嘅時候都可以點嚟食，解解膩。最後，值得一讚嘅係呢度嘅泡菜都係可以任添，有平時食開嘅白菜泡菜同蘿蔔泡菜。…Read More

朋友今個月生日，一早就book定餐廳同佢食飯慶祝。餐廳內部都幾寬敞，圓形嘅梳化位少少隱蔽之餘，又方便打卡。餐包餐包都好鬆軟，外面微脆，配埋醋食，就好開胃。海膽多士鍾意食海膽嘅朋友一定要食，海膽超級肥美，金黃色整齊咁排列係多士上面，視覺效果一流，多士脆卜卜，配埋海膽一齊食，一啲都唔膩。黑毛豬豬鞍扒兩大塊厚切上陣，同朋友share，啱啱好。落單嘅時候，店員話豬鞍係美國黑毛豬，七成熟就啱啱，果然冇信錯佢，七成熟，肉質結實得嚟唔會好鞋口，仲有肉汁，可以配埋芥茉醬，減低油膩感。而伴菜嘅薯角都好新鮮，炸到金黃色。飲品方面，同朋友一人叫咗一杯Cocktail飲，小酌怡情，店員會用氣搶吹個白色波波係飲品上面，一定要爭取時間打卡，影下靚相！…Read More

好耐冇滾下滾下，所以同朋友就揾咗呢間都幾多好評嘅火鍋店。可能因為除咗打邊爐，仲有日式料理，所以鋪頭嘅佈置以日式為主，放咗唔少清酒做裝飾，地方仲好寬敞。今次揀咗招牌鮮椰青雞鍋。一上鍋嘅時候，店員會先將雞肉、椰子肉、蘿蔔炒一炒，爆香佢，再加啲酒，最後仲加入大大個椰青汁同椰子水！整個湯底都充滿着椰子香，湯底香濃，未落任何配料之前，先飲咗兩大碗！自家製炸響鈴響鈴喺舖頭自家出品，即叫即炸，所以未落火鍋之前，我已經急不及待即刻食，食落脆卜卜，響鈴一層一層搭住，食落好鬆脆。皇帝柱貝墨魚丸墨魚丸材料充足新鮮，混合咗柱貝，仲加入左啲韭菜，爽滑彈牙。香菇韭黃帶子餃帶子餃入面有一整粒帶子，食落啖啖肉，餃子皮雖然薄，但放落爐度滾都唔會爆餡。胡爐牛拼盤雖然只係小份，但係份量都好充足，絕對夠食，種類都好多，有肥牛、牛頸脊、牛柳粒同牛胸爽，食落都幾新鮮，肥瘦均勻。西班牙黑毛豬豚肉份量依舊好足，肉質幾滑嫩，入口好軟。酸梅金桔蜜打邊爐一札札咁飲凍飲真係好爽，金桔蜜酸酸甜甜好開胃，又解到渴。…Read More

今日同朋友放工一齊去咗尖沙咀行街，行到攰攰地就周圍捐窿捐罅搵食！經過嘅時候，就俾門口招牌嘅大蟹吸引住，同朋友二話不說就決定食呢間！同其他中式餐廳一樣，會計茶位，可以一路等開餐一路食花生！避風塘龍蝦原本同朋友一開始，係諗住食避風塘炒蟹，但係店員推介同埋見到龍蝦有優惠，所以最後就決定試吓避風塘龍蝦！蒜蓉同乾辣椒炸到金黃色，聞落香辣，食落香脆，好啱送白飯。而龍蝦份量都好多，同朋友每人食到好多舊，大大啖！黃金豆腐小小嘅豆腐磚整齊排列，睇見都唔想破壞佢！份量仲超多，一碟有20幾粒！豆腐表面有少少椒鹽粉，所以就咁食已經好夠味，不過點埋個醬就可以解下油膩。黃金豆腐同避風塘龍蝦一樣，香口，好啱配飯食！上湯浸娃娃菜因為另外兩碟都係香口野，所以就叫多碟蔬菜，諗住清清地，上湯係配埋雞件嘅，飲埋湯都幾清甜，娃娃菜就吸哂啲湯汁！山椒炒老蛋最後，仲叫咗野山椒炒蛋，山椒有紅有綠，睇埋好開胃。味道唔算辣，唔係好食得辣嘅朋友都食到，覺得啲蛋炒到好香。…Read More

近日疫情加劇，我都已經好耐冇係出面食飯，就連飲嘢都想係街上避免。所以今日就外賣左飲品同甜品諗住返屋企慢慢嘆！黑糖珍珠茉莉鮮奶綠因為係黑糖珍珠，所以店員都有提醒要將係底部嘅黑糖珍珠同茶攪拌先好飲，黑糖珍珠唔會太甜，但夠香。而且質感係較為彈牙，都幾特別，我自己頗喜歡呢個口感。茉莉茶味而夠出，唔會比黑糖珍珠奪去風頭，呢兩種味道異想不到地夾。加配既富士蘋果芝士蛋糕味道比想像中更清新同輕盈，佢嘅芝士質感不會太厚實，低部有富士蘋果粒增加口感又帶多一份清新。…Read More

最近因為疫情嘅關係，同朋友都少咗見面，不過今晚都係忍唔住，約咗朋友去九龍城短聚。今次純粹約咗一個朋友見下面傾下計，呻下工作壓力，所以就決定輕輕鬆鬆食下串燒當宵夜。餐廳同一般嘅泰式餐廳一樣，都係都啲泰風掛飾做裝修，枱與枱之間都有有段距離，唔使同人迫得太埋。椒鹽雞軟骨 椒鹽鴨舌雞軟骨脆卜卜，椒鹽味好重。兩款都用咗乾蔥同乾蒜片做調味，食落就更香口，用泥邊食邊吹水，就最好！金菇牛肉卷綠色嘅蔥粒配埋黃色嘅乾蒜片，視覺效果唔錯，睇落就更開胃。金菇唔會燒到好乾，仲保持到水分。串燒半打串燒抵食之選，80蚊有齊牛肉、豬肉同雞肉串，樣樣都有齊。原條蒜香燒茄子燒茄子一直係我嘅串燒必選，蒜香味融入哂軟綿嘅茄子肉，夠入味。燒菠蘿微微燒焦嘅外表下，係鮮嫩多汁嘅菠蘿，好fresh ，減到燒烤嘅油膩感！…Read More

朋友仔又陪我捐窿捐啦揾好嘢食，今次就去咗尖沙咀一間樓上嘅日式料理店。鋪頭雖然唔算好大，但麻雀雖小五臟俱全，牆身掛上啲日式畫作，又有得近距離睇師傅烹調！八爪魚前菜師傅將八爪魚同豆乾層層疊疊，海帶鋪左最上面，酸酸甜甜嘅醬汁好開胃！鮟鱇魚肝鮟鱇魚肝除咗有豐富嘅營養價值外，味道仲好特別！質感比較軟密，但又唔似鵝肝咁油膩，加上偏辣嘅魚子醬，味道就更有層次。茶碗蒸用咗小小嘅韮菜做調味，雞蛋都幾滑嫩。北海道厚切鮑魚北海道鮑魚以厚切上陣，食落煙靭鮮甜。手握壽司呢度提供左九州鱸魚、池魚、赤貝、深海池魚、櫻花鯛同廣島蠔等六種手握壽司。當中，我最鍾意就係赤貝，夠哂爽脆清甜；而廣島蠔亦好特別，師傅特登提醒我哋要用手接，再一啖食落口，先夠原汁原味！蠔身肥美飽滿，加上用火槍輕輕燒咗表面，鎖住啲鮮味。吞拿甜蝦卷鮮紅色嘅吞拿包裹住晶瑩透亮嘅甜蝦，表面仲放咗一片薄薄小金箔，視覺效果一流！拖羅海膽要一啖食哂！拖羅表面比火槍微微燒一燒，與微涼嘅海膽成為強烈對比！海膽杯一見到就覺得好啱打卡！賣相一流，粒粒分明嘅魚子同海膽堆成日一個小山丘，上面仲放咗一隻小甜蝦，外表雖然的的骰骰，但其實放咗超多材料，份量十足。…Read More

心情唔好嘅時候，最好就係去食好嘢！同朋友一齊傾下計，影下相，心情就好快好返！講到明係打卡之選，呢度嘅裝修梗係有返啲個人之處啦，全間鋪以黑白色為主，好似行左入漫畫世界。鋪頭仲好大，有好多個打卡位，可以慢慢影！彩花之里 温室下午茶下午茶放喺三層透明架上面，簡簡單單已經好靚。仲有另外用木碟上嘅鹹點，都係炸物，一定要趁熱食！雜菌松露芝士忌廉汁酥皮盒&香脆芝心火腿雞丸子酥皮盒卜卜脆，金黃色，松露香同芝士互相配合，味道好香濃。丸子啲芝士做到爆漿嘅效果，所以食嘅時候，要小心啲，唔好燙親條脷🤪下午茶包含咗唔少甜點。個人就好鍾意件朱古力蛋糕，朱古力味香濃，甜度適中！加上又放一片小小花瓣做裝飾，感覺好唯美。而檸檬蛋糕嘅表現都唔錯，酸酸甜甜，感覺帶點小清新，唔會好膩。迷你朱古力糖果温室超級推薦！玻璃小盆栽嘅外型冇得輸，將朱古力模擬泥土，又放上鮮花做裝飾，少女心爆發，打卡必備！香滑嘅朱古力加上軟綿嘅布朗尼，食落好有口感，又唔會好甜！薰衣草花茶以為得甜品夠吸睛？咁就大錯特錯，呢度嘅飲品都設計得好靚。今次我飲嘅薰衣草花茶，用咗荔枝同薄荷葉做裝飾，飲落就小清新，有自然淡淡嘅花茶香。…Read More

今日同朋友收工後去咗尖沙咀啤啤佢，食下串燒~餐廳設有室內、室外位，如果夜晚涼涼地，坐出面都幾chill !蒜蓉燒原條茄子串燒必點嘅燒茄子，比起其他串燒鋪頭，比較特別嘅係，呢度撒上咗大量木魚絲，增加口感，值得欣賞嘅係茄子仲保持到水份，唔會燒到乾哂！麻吉燒用魚漿包住煙煙銀銀嘅麻糬夾心，口感軟黏，唔痴牙。燒蟹子丸一串有4粒，份量啱啱好。惹味燒汁豬仔脾豬仔脾連埋骨上，直接拎上手咬就最滋味！甜甜地嘅燒汁均勻塗抹豬仔脾，好入味，但肉質仲保持到，好juicy!札幌芝麻香燒餃子雞翼雖然聽過名唔係好知會用咩餡料釀入雞翼，但依然決定試下。雞翼表面燒到卜卜脆，一咬落去，原來係蟹子餡，微辣，味道唔錯，值得一試。蒜香燒排骨串比起蒜香味，燒汁嘅甜香味更突出，排骨唔會燒到好乾身，啱啱好。川式燒韮菜雖然係川式，但食落係唔會話好辣，辣度可接受。餐廳仲有好多本地嘅手工啤酒提供，放工chill 一chill都係一個唔錯嘅選擇。…Read More

今日去尖沙咀陪朋友食lunch，經過堪富利士就比門口大大幅嘅中國風外牆吸引咗目光，之後果斷入去食！入面嘅裝修同大部分嘅中菜餐廳一樣，用咗唔少木雕同古式招牌做裝飾，仲放咗啲古色古香嘅屏風。用平版自助落單，有名有圖，環保又方便。尖沙咀泥講，呢度嘅lunch set 相當抵食，$68包例湯、主菜同白飯，仲配埋餐飲！好川回鍋肉主菜一大碟，分量充實，雖然配菜佔多，但質素亦唔錯，用咗辣椒同大蔥爆香食材，椰菜同回鍋肉夠哂入味，麻香味重。例湯係南瓜瘦肉湯，好有媽媽靚湯嘅感覺，飲到想encore!牛大力土茯苓龍骨強身湯朋友見我飲湯飲到咁開心，都唔執輸，叫返碗靚湯飲。除咗可以袪濕解毒，最重要係好飲，味道甘甜。蒜香雲耳作為前菜真係得彈，酸辣嘅雲耳好開胃，令人食唔停！麻辣牛腱麻辣醬配合大量香蔥、芝麻同炸蒜做調味，偏辣，好夠味，冇膻羶味。…Read More

早排父親節，就揀咗爸爸好鐘意食嘅北京菜。知道父親節個幾日會好多人，所以一早就book咗位。入面啲裝修都偏向中國風，通花嘅木隔間好有feel，而牆上嘅黑白相又比人有啲復古懷舊嘅感覺。桂花蜜山藥強推前菜！山藥發出淡淡嘅桂花香，桂花蜜包住每一個山藥，甜得泥又帶點小清新，而山藥就好爽脆！蜜汁脆芋絲又一甜蜜蜜之選，芋絲切到啱啱好，幼身，蜜汁沾滿住芋絲，但食落就甜而不漏。上菜時，店員仲超細心，話比我哋知，要趁熱食，凍咗就好易黏埋一齊，如果有需要仲可以叫佢地加返熱，好貼心！不過好好彩，冇呢個情況出現。馳名烤鴨一見到師傅推隻烤鴨出泥即刻心心眼，萬眾期待，師傅一片一片咁切出烤鴨，功架十足。烤鴨主要分咗三個部分，鴨胸皮、鴨胸肉同鴨腿肉。最欣賞係呢度除咗提供傳統嘅大蔥、青瓜同烤鴨醬之外，仲會藍莓醬同爆炸糖食法！我就最鐘意爆炸個食法，感覺好神奇，鴨皮充滿油香，而爆炸糖係口腔嘅氣泡真係好似係口入面跳緊舞咁，當中嘅糖分仲中和咗鴨胸皮嘅油膩感。除咗以上食法，餐廳仲提供埋芥末醬同山楂糕做配搭，一菜幾食。籠仔櫻花蝦海味蒸飯橙紅色嘅櫻花蝦配埋淡黃色嘅炒飯，顏色鮮豔，睇見已胃口大開。材料超多，基本上每食一啖飯都包含咗一粉嘅櫻花蝦或者鮮魷。干煸四季豆好有鑊氣，雖然落咗辣椒一齊炒，但都唔會好辣，香口惹味，真係想叫多碗白飯！杏仁豆腐食埋個甜品就啱啱好，好有杏仁香，豆腐又滑嫩，正！…Read More

之前已經同朋友泥過呢間食麵線，所以今次再泥就決定食烤魚！同之前泥嘅感覺一樣，餐廳嘅裝修好古色古香，周圍放咗唔少茶具做陳列，牆身仲有個大木架放咗唔同種類嘅茶餅，愛茶之人必睇！同朋友仔2個人，叫咗一個烤魚套餐，6個配菜。口味就揀咗三峽香辣烤魚嘅小辣，配菜選擇以蔬菜為主，不過同朋友唔算太餓，所以都冇額外叫主食同肉類。烤魚係多寶魚，魚骨以主骨為主，冇咩細骨，骨肉分明，所以啱哂我呢啲唔鐘意挑骨嘅懶人！千祈唔好俾佢面頭嘅紅辣椒嚇親，話明係小辣，真係完全可接受範圍內，除咗辣椒，仲有莞茜、洋蔥同香葱做調味。魚肉偏結實，夠哂入味。而六個配菜就分別揀咗鮮淮山、油麥菜、生根、土豆片、萵筍同雞髀菇。上碟嘅時候，已經放埋入烤爐度一齊煮，所以基本上樣樣野都好入味。鮮淮山好粉腍，又夠飽肚，所以唔叫多份主食，都夠食！而土豆片、雞髀菇同萵筍呢啲都係愈煮愈入味嘅配菜，好惹味。食到一半，記得定期叫職員加水，免得啲水蒸發哂，變咸。一見到個水煲，就知店主都有係呢方面留意，籐編嘅水煲好配合餐廳整體氛圍。食完咁濃味嘅烤魚，都唔洗驚口臭，即刻食返粒薄荷糖先啦！…Read More

最近啲天氣好反覆，所以趁住仲未係好熱，就約咗朋友仔去食燒肉。餐廳係樓上鋪，坐位好寬闊，坐得好舒服，每枱都有抽氣位，唔洗焗住焗住咁食。呢度係放題任食嘅形式，120分鐘任食，想食咩用平版電腦入就可以，除咗燒肉，仲有唔少熟食選擇。薄切牛小排薄切嘅牛肉輕輕放係岩鹽上面燒幾秒就好快有得食，瞬間吸收晒所有鹽香，唔使再加任何醬汁！牛里肌肉冇咩脂肪嘅部位，肉質結實，有嚼口。大蔥雞肉串雞肉同大蔥梅花間竹咁串連起泥，燒雞肉嘅時候就可以滲入蔥油香，不過重口味嘅我就鍾意再點啲燒肉汁調味。蒜香清酒煮蜆Encore 再encore 之選，蜆肉好清甜，冇沙，啲湯仲帶左淡淡嘅酒香。生蠔 大蝦除咗肉，呢度嘅海鮮選擇都幾多，生蠔雖唔算好大隻，但勝在算新鮮；大蝦啲肉又夠結實，唔係急凍蝦。多春魚最欣賞呢度嘅多春魚會連埋一齊上，咁魚肉就唔會痴住個爐，確保魚春一粒都唔會少~芝士年糕啲芝士好似要爆出泥咁，熱辣辣。甜品話明放題形式，甜品又點少得Haagen Dazs呢，不過我仲加多咗一串燒棉花糖作為呢次燒肉嘅完美句號！…Read More

今日去咗銅鑼灣接朋友收工，順便一齊食晚飯。今次就揀咗呢間韓式餐廳。同一般韓國餐廳一樣，都係大大個電視播住k pop 。而座位好寬闊，坐得好舒服，方便慢慢食。鮑魚人蔘雞湯因為最近有啲熱氣，所以就冇叫炸雞，反而叫咗人蔘雞湯補一補。唔係講笑，真係有原隻鮑魚係入面嫁，鮑魚煮到好軟身，好入味；人蔘好似手指咁粗。值得一提嘅係，呢間嘅雞唔同其他餐廳，唔係原隻上，亦唔係斬開雞件上，而係用兩大隻雞脾煮，食落真係啖啖肉嫁！雞湯飲落就帶點回甘。韓式手抓飯由於雞湯係冇配埋飯，所以我就另外加多咗個韓式手抓飯，唔係度度有得食嫁。首先用匙羹將所有材料撈埋一齊，大量嘅蟹籽海苔蟹柳撈埋好之後，就可以帶起手套，搓成一嚿嚿嘅飯團，因為加咗沙律醬嘅原因，所以食落就甜甜地，蟹籽又增加咗口感，整體感覺不錯！…Read More