Deccat's Profile

平時諗住快食或者諗唔到食咩，都會入去呢度食碗粉麵。但係啲阿姐態度真係差到一個點，令我決定下次寧願買個包都唔會想再去食。早更嗰三個阿姐，淨係識得企埋一邊大聲吹水，仲話貪呢度冇人嚟食，小嘢做先喺度做😥。 唔怪之得佢哋保持而家咁差既服務水平，咁先可以保持到冇人去幫襯。再唔係就講吓研究吓話點樣攞傷殘綜援，總之淨係聽佢啲傾偈內容就知道佢根本就唔想做。就算啲食物好食到飛天，啲員工服務態度係差嘅話我都唔會想再去，更何況佢唔係。。**絕對唔使等位，一定大把位坐…Read More

本身想去另一間餐廳，點知今日冇開門，隨便喺附近見到有個招牌寫住無限時任食火鍋$268，like 佢FB 再減$100，好似幾好所以上去試試，點知。。。上到去見到都無乜人，心諗可能唔就腳，所以無乜人，但原來係同質素有關。。。送嘅刺身可以添一次，三文魚，八爪魚，生蝦，北寄貝四款，但爭鮮都好食過佢。。火鍋料方面，海鮮得幾款唔見得有幾新鮮，炸魚皮有啲油益嘅怪味，其他食材都係啲平價食品，最好都係啲粟米同啲菜･_･;講吓優點，環境尚算乾淨嘅，又有泊車優惠，啤酒任飲又冇限時，如果唔係都應該直情冇人去。但去到埋單先知，減$100嘅優惠係冇呢回事，仲要收銀係態度勁差咁講話嗰個停咗啦，咁又奇怪喇，點解出面仲要周圍宣傳有呢樣嘢呢？社交平台係咁寫，點餐紙係咁寫，出邊嘅宣傳海報都係咁寫，佢雖然轉左係八五折價錢唔係爭好遠，但係就略嫌有誤導成份囉😒個人嚟講唔會再有下次…Read More