頹飲頹食tuiyum.tuisik's Profile

呢間韓國首爾40年老店「韓鍋酒舍 Joongang Haejang」喺香港開咗首間海外分店，主打傳統韓式鍋物，招牌菜有解酒湯同牛腸火鍋，月銷量高達32,000碗。 食材由韓國直送，味道夠晒正宗。牛腸火鍋（中）（$488）[好味度：7/10]呢個係餐廳嘅招牌菜，一路食一路滾時暖笠笠，鍋入面有大量蔬菜同牛腸，食極都仲有，份量真係好夠！湯底微辣，煮完之後因為蔬菜滲入湯汁，會越食越清甜。牛腸處理得好，略為有嚼勁，湯底濃郁又有層次，食落非常滿足。牛肚解酒湯（$98）[好味度：7/10]另一款韓國超特色菜式，入面有勁多牛肚，湯底偏辣，特別適合飲完酒之後食。暖笠笠嘅湯再配上大碗米飯，食完真係超滿足又舒服。牛肚煮得軟嫩入味，湯底濃而不膩，辣度剛好帶出風味，係一個好溫暖嘅選擇。解酒煎餃子（$68）[好味度：7/10]呢款係香港分店限定菜式，用韓國牛肉做餡，煎餃子外脆內軟，單食已經好香。如果拎去浸落火鍋湯度食，吸咗湯汁之後少少脆又有濃濃嘅湯味，一咬落去係最好食嘅一刻！ 解酒餃子年糕片湯（$108）[好味度：7/10]鍾意食餃子嘅朋友一定要試，呢碗湯入面嘅餃子份量大到誇張，幾乎成個碗咁大！年糕片煙韌有咬口，湯底鮮甜，配上餃子嘅肉香，兩者好夾。整體味道均衡，食完有種飽足感，係一個好有驚喜嘅選擇。 餐廳裝潢用咗深色木材為主調，配上簡約實木傢俬，仿照韓國總店設計，感覺古典又雅緻，氛圍溫馨平和，好似返咗韓國咁。…Read More

近排天氣開始轉涼喇喎，咁就梗係要去打邊爐啦！⁣⁣🥶⁣⁣平時去食打邊爐，最唔鍾意嘅就係趕頭趕命。⏰ 一時又漏單，一時又畀人催住要走，所以今次呢到時呢一間無限時任食火鍋。⁣⁣😎⁣⁣一坐低，揀湯底嘅時候，就見到有好多款湯底揀呀。🤩 呢度標榜養生涮涮鍋，所以唔同嘅湯底都有唔同嘅功效嫁喎。😯 例如有蟲草花膠湯底添。👍🏻 另外亦都有唔少麻辣嘅湯底揀。😆 呢啲湯底都唔係普通貨仔喎，味道一啲都唔稀，水準都好高呀。⁣⁣✌🏻⁣⁣而今次食嘅嘅套餐($399起)［好味度：8.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣包括有Prime Grade安格斯牛頸脊、美國SRF極黑和牛肩脊肉、西班牙伊比利亞黑毛豬同西班牙無激素豬肉片等等，好高級啊。🥹 而且肉味的確好濃郁。😋 好新鮮一啲雪味都無，對得起佢嘅價錢。⁣⁣☺️⁣⁣而且飲品方面亦都好正式。🍹 唔單只有普通嘅罐裝飲品或者紙包飲品，亦都有一啲嘅冷泡茶。😙 好飲得嚟又健康，仲非常解膩添。⁣⁣😆⁣⁣呢度嘅招牌仲有呢個黃金地瓜條。🇹🇼 有埋好多款shake shake粉，好有特色。⁣⁣😝 甜品仲有M字頭雪糕喎。🥳⁣⁣如果想食好啲，又唔想畀人限住時間咁食放題邊爐嘅，超推薦你試下呢一間呀。⁣⁣💁🏻‍♀️⁣⁣…Read More

今次嚟到呢間喺旺角嘅台式餐廳。🇹🇼 餐廳整體裝潢用白色做主調，畀人簡潔清新嘅感覺。⁣🍃⁣招牌臭臭鍋 ($108.0) ［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣嚟到呢度一定要試佢嘅招牌－臭臭鍋。🍲 份量都幾大架，係一至二人份量。🫄🏻 入面都係嘅配料超多，包括有臭豆腐、鴨血、牛肉、鵪鶉蛋、鹵大腸、米血糕、台灣貢丸、粟米等等。😬 一個鍋就可以食晒咁多種台灣美食。🤩 雖然佢叫臭臭鍋，但係唔會臭得好濁，臭味啱啱好。👌🏻 而且豆腐索曬湯汁，真係超正，的確值得一試。⁣😉⁣炙燒五花肉飯 ($62.0)［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣除咗火鍋之外，呢度亦都台式飯或者麵。💁🏻‍♀️ 今次就試咗呢一個炙燒五花肉飯。😬 五花肉肥瘦均勻，鋪面嘅係甜甜地嘅燒肉醬汁。😜 炙燒令到表面微微焦脆，再配上大啖大啖嘅白飯真係，係幸福嘅感覺。🥰⁣脆皮肥腸 ($32.0)［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢度仲有好多唔同嘅小食㗎，例如呢個肥腸。😌 可以揀唔同嘅辣度。🌶️ 配上酸甜醬，中和返油膩嘅感覺，最緊要嘅就係佢有外脆內軟嘅口感。⁣😆⁣涼拌手撕雞 ($42.0)［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣近排天氣都幾熱，呢個涼拌嘅小食就啱曬。🥵 芝麻醬調得啱啱好，同手撕雞肉完美混合。👍🏻 而且，青瓜絲同香菜爽脆嘅口感配上軟淋嘅雞肉，確係唔錯。⁣😛⁣芝士肉鬆蛋餅 ($39.0)［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣食台灣嘢又點可以少得蛋餅呢。🥚 呢度蛋餅入面餡嘅含量都係啱啱，芝士都可以拉絲。🧀 蛋餅皮煙韌程度適中，加入面鹹香嘅芝士同肉鬆同埋面頭酸甜嘅醬汁，都算係個好合格嘅蛋餅。⁣👌🏻…Read More

有次去 MegaBox  行街，行到攰攰哋，發現溜冰場隔離有間日本嘢，俾佢有趣嘅裝橫吸引咗過去。😯 原來佢仲做緊單點項目半價嘅優惠，所以就入左去試下。🤩餐廳嘅名稱就係叫「日和號」，好似日本嗰啲火車名咁。🇯🇵 入面中嘅卡位，真係好似搬咗一架日本嘅電車咁，帶埋小朋友去食佢哋應該幾鍾意。🚄單點嘅項目呢，其實包含曬刺身，壽司，軍艦同埋小食。🍣 選擇都有好多，為咗可以試到佢唔同嘅壽司，所以我哋每款淨係叫一份。🤔 除咗花之戀之外，壽司同軍艦都係一份兩件嘅。✌🏻 再加上做緊半價，嗌多啲都唔肉赤呀。😇刺身方面，水準都唔錯，切得比較厚身，入口口感非常滿足。😚 而壽司方面建議大家一定要點呢個六吋長三文魚，真係好長呀，鍾意食三文魚嘅朋友一定唔可以錯過。🎣 呢都亦有唔同款嘅火炙壽司，有啲都比較有新意喎，例如有火炙胡麻醬帆立貝同埋火炙胡椒油子帆立貝。🧐 微微烤過嘅帆立貝，鮮甜之餘，配上呢啲配料嘅味道，感覺令到鮮味更昇華，的確幾有趣。😝小食方面呢，章魚小丸亦係半價，入面都有粒粒有口口感煙韌嘅章魚。🐙總括而言，呢度嘅用料都新鮮，再加上計番半價，其實都幾抵食！🤑…Read More

因為疫情，大家都有一段好長嘅時間冇出去食飯啦。🫣 我哋呢個foodie account終於comeback，就帶大家嚟到呢間比較新嘅台式放題火鍋店。⁣🏃🏻⁣晚市火鍋吃到飽套餐 － 黑毛牛肩胛肉（$275）［好味度：7.5/10］⁣⁣⁣⁣⁣佢哋嘅放題火鍋入唔同嘅套餐揀，分別之處就有唔同級數嘅肉類。😯 呢一個set四款套餐入面第二高級嘅套餐。😬 最高級嘅就可以食澳洲和牛，但係呢一個都有得食美國嘅黑毛和牛，而且三百蚊有找，CP值較高。🤓 見到佢嘅牛肉大大塊，而且解凍處理都好好。😚 雖然唔會係鮮牛，但係食得出唔係啲冰鮮咗好耐嘅殭屍肉，而且肉味濃郁，肉質嫩滑，質素的確唔錯。⁣👍🏻⁣落單嗌嘅配料仲有唔同嘅丸類同埋唔同配菜。💁🏻‍♀️ 四款餃子會係出面比較少見嘅。🤩 而且最有特色嘅就係佢有好多款唔同嘅台灣小食，例如夜市滷味，鹽酥雞等等，估唔到食放題都可以有台灣掃街小食呀！⁣🇹🇼⁣喺出面嘅配料區都見到有五顏六色嘅蔬菜揀，亦都有唔同嘅粉麵類，覺得種類應該多過出面唔少嘅放題店。🥳 至於飲品選擇都足夠好。🍹 甜品雖然唔係佢哋嘅招牌，但係比起其他放題店，你都竟然有芋圓食，而且更加有好多配料可以自己選配。😋 而且竟然仲有haagen dazs嘅雪糕任攞任食，不過我去果陣就淨係得咖啡味。⁣😮⁣最後講下呢度嘅環境同埋服務。😌 呢度嘅環境都好寬敞，坐得好舒服，一啲都唔迫。🥰 張枱夠曬大，唔會冇位放嘢食。😛 佢哋送嘢食嘅速度一流，電話落完單之後，一分鐘內就有嘢食送到，唔會好似其他放題店咁拖住你嘅食物，搞到冇時間淥嘢食。⁣⌛⁣⁣…Read More

旺角有好多樓上cafe，今次就嚟到呢間良心樓上cafe。💛 一入到去就見到裝修好有個性，用紅白兩隻主色縱橫設計整間餐廳。🌹 而且老闆娘仲好熱情好客，喺度食嘢都好舒服。💁🏻 cafe都放咗好多嘅card games同board games，可以坐喺cafe度慢慢玩。⁣⁣♟️⁣⁣特色小食拼盤⁣ （$158） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個特色小食拼盤，有齊曬咁多款炸物。😆 可以成班friend一齊嗌呢個share嚟食，咁樣每人都可以食到唔同嘅小食。😋 而且佢個小食拼盤份量都好足夠，每一款小食啦都有至少有四五舊㗎喎。✅ 小食炸得香脆，又唔過於油膩，係唔錯⁣嘅。⁣😌⁣⁣特濃芝士薯條⁣（$85） ［好味度：7/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣喺大大盤嘅薯條上面鋪滿厚厚嘅芝士醬，真係冇得頂。🧀 薯條同埋芝士真係絕配。⁣⁣😂⁣⁣紅酒燉牛肋骨飯⁣（$168） ［好味度：7/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢度亦都有晚市套餐嘅，係有嘢飲跟埋嘅。🍹 而且亦都可以加錢配甜品或者其他小食等等。😋 呢個燉牛肋骨非常之軟嫩，入口即溶。😜 而且紅酒味道好濃沃，將紅酒汁淋上熱辣辣嘅白飯導，真係最啱送飯。⁣⁣🍚⁣⁣香蒜忌廉蜆肉煙三文魚意粉⁣ （$148） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個意粉一送到嚟就已經聞到好香喇。😚 入口忌廉汁，搭上鮮甜嘅蜆肉同埋咸香嘅煙三文魚，味道好多層次。😬 而且意粉夠煙韌，軟硬適中，好合格。⁣⁣😗⁣⁣雪山玫瑰⁣ （$45） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢度都有好多款特色嘅飲品㗎喎，包括就係呢款嘅雪山玫瑰嘞。🏔️ 用咗玫瑰汁檸檬汁同埋乳酸去沖嘅，酸酸甜甜再加上玫瑰清香嘅味道，特別得嚟又好開胃。⁣⁣🤩⁣⁣⁣⁣…Read More

嚟自台灣新竹嘅牛肉麵店最近喺香港連續開咗幾間分店，一於去試吓佢！⁣🤔⁣原味牛肉麵（$84） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣要試出一間牛肉麵嘅真章，就當然要嗌下最原味嘅牛肉麵啦。🇹🇼 呢度有兩款面揀，一款係手工麵，另一款就係幼麵。🤓 手工麵呢就有啲似刀削面，但係更加闊。😮 煙煙靭靭咁，真係幾有咬勁。😬 而且湯底亦係冇得頂，鮮甜嘅牛肉濃湯，配上入口即溶嘅牛肉。🤤 而且可以隨心加入酸菜，真係好正。⁣😝⁣⁣⁣⁣麻辣嫩五花牛肉麵（$84） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣至於呢一個麻辣嫩五花牛肉麵就嗌咗要幼面。😉 食起嚟面條更加多掛汁。💦 而且麻辣味拿捏得好好，麻麻辣辣咁，同時亦都唔會掩蓋咗牛肉嘅鮮甜味。🤗 再加上嫩滑嘅牛五花，真係值得一試。⁣👍🏻⁣⁣⁣新鮮豚肉鍋貼（$48） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣除咗牛肉麵之外，依度亦都有好多小食。👀 呢一個新鮮豚肉鍋貼，豬肉餡十分之充足，採用新鮮豬肉，味道濃沃，仲有豐富肉汁。🤩 外皮煎得酥脆又唔油膩，外脆內軟，咬落去爆汁，冇得頂。⁣👏🏻⁣⁣⁣珍珠奶茶（$28） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣食台灣嘢，點可以唔嗌返杯珍珠奶茶呢。😝 呢杯珍珠奶茶有好多珍珠，確保每一啖奶茶麵都吸到唔少嘅珍珠。😙 珍珠QQ彈彈，濃沃嘅奶茶有奶味同埋茶香完美結合，係一般非常合格嘅珍珠奶茶。⁣✅⁣荔枝乳酸飲料（$28） ［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣如果想飲fresh啲嘅嘢飲嘅話，非常推薦呢個荔枝乳酸飲料。😇 入面竟然落咗好多真嘅荔枝果肉。😮 除咗飲到酸酸甜甜嘅乳酸之外，一啖咬落去仲有新鮮嘅荔枝汁，由果肉入面咇出嚟。😽 一啲都唔馬虎。⁣🙌🏻⁣⁣⁣…Read More

茶燻煎軟雞配滷肉菜飯（$62） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢份煎軟雞煎得外皮非常之脆，外脆內軟。😬 雞肉一入口，肉質好嫩滑，而且肉汁都好豐富。💦 煎雞散發著淡淡嘅茶香。🍵 再搭配上滷肉菜飯，滷肉都好足料，而菜飯入面好清脆嘅菜搭配上原來軟糯嘅飯粒，有助解膩。⁣⁣😋⁣⁣紅燒豬軟骨撈麵（$46） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣除咗菜飯之外，呢度都有好多款主食可以選擇嘅，包括湯麵撈麵等等。😁 呢個紅燒豬軟骨撈麵呢，就可以用紅燒嘅醬汁嚟撈麵。😛 麵質啱啱好，唔會過硬，亦都唔會過軟。👌🏻 再加上軟淋淋嘅豬軟骨，入口即溶，非常之正。😙 同埋有咬口嘅軟骨，係補充骨膠原嘅首選。⁣⁣🤓⁣⁣醉雞卷（八件）（$34） ［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣醉雞卷，啖啖肉，係懶人嘅好物。😂 再加上花雕酒，微微哋凍嘅食法，真係好好味。⁣⁣☺️⁣⁣xo醬蟹肉小籠包（$36） ［好味度：9/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣一咬開呢個，全部蟹肉嘅味道即刻充滿你嘅口腔。🦀 蟹肉方面入得非常之足料，有好多嘅蟹粉喺小籠包入面。😌 蟹肉唔會只係得少少點綴咁樣，而係成個小籠包就係蟹嘅味道。🤩 再加上入面嘅蟹黃，同埋非常之鮮嘅湯汁亦，都提升咗蟹肉嘅鮮味，超正。⁣⁣👍🏻…Read More

喺觀塘呢個鬧市入面，鴻圖道旁邊一間商場嘅轉角竟然隱藏著呢間細細嘅咖啡店。⁣⁣🛣️⁣⁣黑糖豚角煮配飯午餐（$88） ［好味度：7/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣擺盤有日系簡約風嘅設計，除咗外觀好睇之外，亦都好好食。😌 有好大舊豚肉五花腩，每個都煮一好入味。😛 有微微黑糖獨特嘅甜味，再加上佢肥瘦均勻，好下飯。⁣⁣🍚⁣⁣烤牛肋骨飯午餐（$88） ［好味度：7.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣同樣地，呢個嘅擺盤亦都好有花心機，而且亦都係好足料。😊 有咁多大大嚿嘅牛肋骨，真係好滿足。🥰 呢啲lunch set都有跟嘢飲嘅，可以揀選佢哋嘅飲品，有好多唔同種類㗎。⁣⁣😁⁣⁣有氣檸檬咖啡（$44） ［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個就係跟午餐嘅咖啡。 一杯檸檬梳打水，配上一shot expresso。☕ 氣泡水中和咗咖啡濃烈嘅澀味，變得非常之清新。💦 再加上微微嘅酸味，好適合喺食完飯之後慢慢嘆返杯，過一個寫意嘅下午。⁣⌚⁣…Read More

一入到呢間餐廳，就好似入咗一間藝術館咁。🖼️ 餐廳佈置咗安迪沃荷、班克斯同埋KAWS的作品，將藝術融入餐飲。⁣⁣🎨⁣⁣⁣⁣龍蝦意大利飯 （$198）［好味度：7.5/10］⁣⁣⁣⁣⁣⁣⁣⁣⁣⁣⁣Risotto嘅烹調控制得啱啱好，米飯粒軟硬適中，而且粒粒分明。😛 每粒米飯都被濃厚嘅龍蝦汁覆蓋。🦞 再加上鮮甜彈牙龍蝦肉，真係好正。⁣⁣😚⁣⁣⁣⁣Venchi朱古力 （$49）［好味度：8/10］⁣⁣⁣⁣⁣⁣⁣⁣⁣⁣⁣朱古力上面都有拉花，確實有俾心思。💞 而且標榜選用意大利百年頂級朱古力品牌Venchi，入口當然同平時飲開嘅朱古力有所分別。🍫 味道唔會係得一浸死甜，而係好似真係食緊venchi朱古力咁嘅味道，的確係頂級嘅朱古力。⁣⁣🇮🇹⁣⁣⁣⁣義式提拉米蘇 （$28）［好味度：7.5/10］⁣⁣⁣⁣⁣⁣⁣⁣⁣⁣⁣呢個係嚟度呢度打卡必食嘅蛋糕。🤳🏻 同平時嘅tiramisu唔同，設計得好有特色。🤩 而且味道都唔差，蛋糕好重咖啡味，苦澀得嚟啱啱好，都好高質。⁣😬⁣…Read More

次嚟到尖沙咀厚福街嘅一間樓上西餐廳。 🏢 除咗係由前酒店西餐廚師主理之外，而且都係一間良心店⁣。💛⁣松葉蟹味噌蟹膏鵪鶉蛋意大利麵半白酒忌廉汁 （$178） ［好味度：7/10］⁣⁣⁣⁣⁣⁣⁣⁣⁣⁣⁣⁣呢個淨係個賣相已經夠曬分。🤗 Creamy嘅意大利面上面，放置住完整嘅蟹蓋入面。🦀 蟹膏鮮嘅味道真係冇得頂呀。😆 鵪鶉蛋雖然細粒，但係為成道菜昇華。😜 而且意粉嘅texture啱啱好，真係好高質。👍🏻⁣脆炸軟殼蟹牛油果漢堡配番薯條（$158）［好味度：7/10］⁣⁣⁣⁣⁣⁣⁣⁣⁣⁣⁣⁣呢度嘅漢堡亦都係做得比較出色。😉 而呢款漢堡亦都相信比較少見嘞。 😯 個軟殼蟹真係好酥脆，再加上軟綿牛油果，的確好正。😬 而且我配菜上面都有啲心思，唔係普通嘅薯菜，而係番薯條，甜甜地，都好正。🤤…Read More

唔知大家鍾唔鍾意食潮州菜呢？🤔 呢間潮州菜館就貼哂好多傳媒或者電視台嘅採訪，水準真係好之餘，都幾抵食喎。⁣⁣⁣😂⁣⁣⁣招牌炸蠔餅（$78）［好味度：8.5/10］⁣⁣⁣⁣⁣⁣⁣⁣呢碟蠔餅上枱嗰陣時，真係畀佢嘅份量嚇一嚇。😯 竟然有足足三大塊蠔餅。🤤 蠔餅新鮮炸出嚟，真係好香口。🤪 再加上呢入面都足料，入面啖啖蠔仔。😌 再加上啱啱好嘅蛋漿，外脆內軟，配埋蠔肉鮮嫩多汁，確係好正。⁣⁣⁣😍⁣⁣⁣滷水鵝片（$118）［好味度：7/10］⁣⁣⁣⁣⁣⁣⁣⁣另一樣打冷必食嘅就係鵝片嘞。😬 鵝片嘅色澤好靚，鵝味濃郁，塊塊都大大片，而且啖啖肉，好正。👍🏻 而且⁣鵝片下面嘅豆腐都好入味。⁣⁣😉⁣⁣⁣反沙芋（$98）［好味度：7.5/10］⁣⁣⁣⁣⁣⁣⁣⁣潮州菜另一樣考功夫嘅菜式，就係呢個反沙芋嘞。😝 而呢個芋頭都真係確六面完全有糖包裹住。👌🏻 而且都好大份，好有外脆內軟嘅口感。⁣⁣😆…Read More

好多時，食燒肉或者日式放題呢，為咗將貨就價，佢哋嘅食物嘅質素都唔會高。👆🏻 但係呢度呢就係高級嘅日式燒肉放題，雖然係貴少少，不過真係物超所值。⁣🤑⁣2.5小時晚市和牛放題（$322起）［好味度：8.5/10］⁣喺開始任食之前呢，首先就會畀咗個刺身拼盤同埋和牛拼盤，另加一人半隻嘅波士頓龍蝦。🦞 呢個波士頓龍蝦呢，真係非常新鮮呀。😆 肉質好彈牙，而且都頗為鮮甜。😛 再加上勁多嘅膏，真係好正。😌 和牛拼盤呢就係可以試曬佢哋嘅咁多款和牛燒肉。😬 而刺身方面呢，亦都有海膽。😋 除咗海膽同龍蝦之外，呢度全部都係可以任食架。⁣😍⁣去到任食方面，頭先喺拼盤食咗覺得好食嘅就可以盡情嗌多啲啦。😉 例如呢一款嘅澳州和牛胸腹同埋呢一款嘅澳洲和牛西冷，之後就嗌咗勁多。🦘 而且質素仲會因為佢係任食定係拼盤而有所改變。🤓 啖啖都係食緊和牛，真係奢侈嘅體驗。🥰 而且牛肉嘅質素真係一試就知同出面嘅放題燒肉店大相逕庭呀。😯 除此之外，一般嘅炸物，天婦羅，熱食等等，呢度都有提供。⁣😙⁣食得放題，就梗係要食埋佢哋嘅甜品喇。😂 佢哋真係做得仲好過唔少酒店嘅自助餐呀。👍🏻 佢哋係畀movenpick雪糕杯啦或者dreyer's嘅甜筒㗎。😲 比起好多時酒店都係搵人幫你潷，然後要每次出去輪住排隊攞。😒 呢度就係任食唔限量，可以一次過攞好多。🤫 所以真係好容易食多幾杯啦就值回票價喇。⁣🤣 飲品方面，清酒，紅白酒，柚子酒等等都係任飲㗎。🍶⁣…Read More

呢間串燒店十足日本居酒屋嘅風格。🇯🇵 開喺條巷仔入面，鋪頭的確好的骰。⁣🤩⁣雞胸脆骨（$32）［好味度：8/10］⁣⁣⁣⁣⁣因為呢度係專門做串燒嘅，所以就真係好多種類嘅串燒。😁 例如呢款雞胸脆骨呢，相信喺出面就比較難搵到嘞。🧐 而且嚴選靚貨源，採用日本獨島縣嘅阿波尾雞，所以呢食落特別重嘅雞肉味。😉 再加埋雞軟骨脆脆嘅口感，夾埋濃味嘅肉汁，真係令人好滿足。⁣😆⁣青葡萄豚肉捲（$38）［好味度：7/10］⁣⁣⁣⁣⁣呢個組合就真係比較少見嘞。🤨 通常都係會食啲煙肉番茄呀或者金菇肥牛等緊嘅組合，不過呢個就好特別地係將豚肉捲埋落呢個大大粒嘅葡萄入面。😮 都好驚喜喎，因為一咬完呢個鬆軟嘅豚肉之後，就會食到嗰啲提子嘅汁。😜 而且豬肉嘅濃烈嘅肉汁味道同埋清甜嘅葡萄，兩個好balance。⁣😙⁣燒汁和牛粒（$48）［好味度：7/10］⁣⁣⁣⁣⁣來到串燒店，一定要試嘅係和牛。🐄 入口即溶，而且油滋味特別嘅香。😌 細細粒，一口一粒，真係令人愈食愈上癮。⁣😍⁣呢度最啱就係同朋友放工之後，嗌返杯酒同食吓串燒，傾下偈咁。⁣👥…Read More

今次，喺元朗發現呢間好高CP值嘅任食韓式燒肉店。🤑⁣晚市黃金時段（$198）［好味度：7/10］⁣⁣⁣⁣⁣⁣⁣⁣⁣⁣⁣⁣⁣⁣⁣呢一間韓式燒肉店嘅收費都同其他放題店類似，按返時段決定收費同埋時限，可以留意返佢哋嘅價目表。⁣👨🏻‍🏫⁣而呢度最特色之處就係除咗韓式燒肉之外，仲有好多嘢揀。😙 首先最重要嘅就係佢包埋火鍋，每枱除咗韓燒之外，仲有電磁爐。⚡ 所以可以喺出面自己攞個迷你鍋，同埋湯底，將韓燒嘅食材，都可以拎嚟打邊爐用。🍲 咁就唔怕全晚淨係燒嘢食咁寡，亦都冇咁熱氣。⁣🔥⁣除咗打邊爐之外，另一個重點就係任食嘅刺身。🇯🇵 有蝦，三文魚，北寄貝，帶子等等。💁🏻‍♂️ 原本攞之前都冇乜太大期望，但係其實比想像中好好多。😯 刺身都算肥美，而且新鮮亦都鮮甜，絕對唔劣質。😋 但係每次就最多可以攞三份，但係當日就唔見話有排隊嘅情況，可以不斷出去拎。⁣🤩⁣除咗咁之外，佢嘅自助區咁大，仲有好多冷盤，熱盤，同埋甜品。🤓 熱盤方面，有時仲會出一啲快閃嘅嘢食，好易回本。😆 當日就見到有炸軟殼蟹同埋麻辣小龍蝦。😛 甜品就同日式放題店提供嘅相似，但係雪糕竟然有wasabi味，意想不到地幾襯雪糕嘅味道，好驚喜。⁣😂⁣飲品方面都有好多款揀。😆 淨係睇有咁多部雪櫃就知凍飲款式已經非常多。😗 而且價錢已經包埋酒精類飲品，即係啤酒，梅酒同清酒。🍶 特別嘅地方在於佢有一個花茶區，而且唔係淨係得茶包咁樣，而係有唔同嘅乾花同茶葉，可以自己調配，出面比較少見，好有趣。⁣💐⁣值得一提嘅係餐廳嘅衛生都做得幾好，枱與枱之間隔得幾開，算寬倘。✌🏻 而餐廳都都似乎比較著緊時間控制，就算遲咗入座，都會按番原本預約時間計時。⏱️ 而且比起離座時間提早不少提醒要準備離開，比較守時，但對顧客嚟講就可能無咁盡興。⁣😢…Read More