marge1994's Profile

住咗呢頭兩年竟然最近先發現呢間巷弄小店一發現之後一星期食咗三次已成為新飯堂每樣嘢都係幾十蚊 但有日本味性價比驚人蘭王蛋和風牛肉丼 9/10 （限量隱藏menu）好經典嘅日式牛肉丼味道，啲肉有啲煙燻味，好香☺️吉列蠔 9.3/10外脆內軟又多汁，炸物食落好清爽，無油耗味日式甜咖喱牛肉飯 10/10 甜咖喱係我最愛，有種日本人妻煮比我食嘅味道（雖然我未食過？！），咖哩好甜香，我本身係食好少飯嘅人，撈汁勁上癮，爬哂啲飯鯖魚定食 9.5/10 （限量隱藏menu）鯖魚係無骨的！心機嘢！魚肉香甜唔腥。飯底有啲似梅味茶漬飯，酸酸甜甜，啲飯變得神奇開胃，又係食哂。而家隔離有個鋪位可以堂食堂食仲開心 所有唐揚炸物都可以即食今晚決定要食炸雞🍗…Read More

好喜歡福華街本店嘅素年知道佢入駐港島東之後非常興奮菜單今日晨早去咗見到有同本店一樣（差唔多）嘅十九幾種蔬菜全日早餐即刻叫咗蕃茄沙沙同翠玉瓜味道精緻，沙律菜個醬有蜂蜜味都清甜好食。但茄子蘆筍同菇菌都略嫌有啲油。個香草軟包烘得幾香，唔加咩配料齋食都好味，不過都係有少少油。杯椰子水咖啡好好飲，椰子水非常甜（希望係無額外加糖），同炎炎夏日真係絕配。對比起，我都係鍾意本店個份十七種蔬菜全日早餐多啲，個份每一樣配菜個精緻度都好高。同行人叫咗不可能肉醬都表示好食，佢係食肉獸，但都表示個肉醬好香甜，無覺得有咩缺失。素年出現咗係我附近嘅社區我已經好開心。希望下次食會更好食！加油！🙌🏻…Read More

🍽️Sick Burger其實係衝住呢個甜品去嘅漢堡包店甜得剛好 開心果味又濃西多炸得又香口 又比開心果醬裹覆香軟甜濃好驚喜好喜歡呢個開心果麻糬西多 9.8/10好邪惡但份量又剛剛好唔會去到漏開心果醬濃得恰到好處甜得好上癮一啖接一啖食得好爽唯一缺點係兩人分好可惜 $48 性價比極高下次要加double toast+雪糕🫣另外主菜漢堡方面我以後想食burger會返呢間食叫咗三層patty牛肉漢堡包體好香軟鬆化 又有牛油甜香patty三層都有芝士 咸香滋味咬嘅每啖都係肉好爽好好食個薯條係咸蛋黃紫菜薯條好食 但油膩嘢食1/3兜已經剛好overall 漢堡包 9/10 薯條7.5/10我下次要試佢新品海膽蟹餅包！…Read More

🍽️Check in Taipei芝士鰻魚玉米起司蛋餅👏🏻 8.5/10上菜個陣會用火槍燒個芝士面，芝士半融配上濃味鰻魚，無可能輸的配搭，暴力美學嚟，不過芝士凍咗質感會膠咗，要盡早食完另外仲叫咗個炒水蓮，幾得意，有少少澀味個滷肉飯好香好好食，唔係齋瘦肉，油香肥美，好滿足抹茶奶奶麻糬 7.6/10係okay嘅 ，但未到驚艷嘅味道，百幾蚊一碟性價比太低，要低分啲個芭樂苦瓜汁清新好飲 overall喜歡，無伏嘅餐廳😘…Read More

芋頭人表示見到間嘢ig想試好耐，終於試到芋泥咸蛋黃蛋餅 9.3/10芋泥腦袋表示佢個芋泥係我最喜歡嘅甜度同質感，綿綿加微微顆粒感，配上少少咸蛋黃，咸甜咸甜，大喜歡芋泥牛奶 9.7/10大癲，綿到咬唔到顆粒，超順口，飽到嘔都想飲哂佢開心果麻糬蛋撻 7.7/10開心果都係我嘅愛，不過呢個略嫌餅皮太厚，食咗好多乾乾曲奇皮先食到戲玉，戲玉個麻糬甜度同開心果漿同埋上面個堆開心果碎好好味，要咬到第五啖左右先去到9/10 問題係太大舊太飽肚太貴$58/個Over左我marginal benefits…Read More

之前幾次嚟呢兩款都賣哂,今日排到我前面仲要淨低三件，令我一度緊張，點知原來有refill🥺🥺🥹🥹今日終於買到好感動Matcha Mochi Danish 🥰 9/10抹茶味特濃，非常厚重嘅cream，麻糬又夠厚，一啖會冇好充實好濃厚嘅味道Pistachio Mustard Tart 8.5/10佢果仁味仲濃過家後Basque cheesecake 50%，大癲，個mustard好runny，又想搽面包兩個嘅味道都非常暴力，但各自食一半就剛好了，食哂會漏…Read More

我哋一行四人叫左4個lunch sets，等左半個鐘左右，隔離台都開始上緊嘢飲，我哋都未有，然後終於見到樓面出左兩個burger，滿心歡喜以為係我哋嘅，但serve左比隔離台。我哋lunch hour得一個鐘，用左40分鐘等都未等到，我哋就企起身走。樓面姐姐唔好意思都無聲，成程見到我哋等，都好似無follow up過我哋張單，叫一樣嘅嘢但出菜仲先出比遲過我哋落單嘅隔離台。唔會再去，但都講番聲，今日呢個人手應該應付唔到full house（今日lunchtime仲要得4張台，都唔係full house），除非你哋要每台客等一個鐘先有嘢食。同埋，樓面要醒目少少，見到有台客等左咁耐，要同廚房/水吧跟進，上菜比先落單嘅客，其實等左40分鐘都未有一杯嘢飲真係好誇張。…Read More

呢間野係openrice唔係好出名，但去到晚市真係好旺，呢到地頭蛇先知既感覺。上次好肚餓，附近又無咩好野食，就排左呢間。等左差唔多十幾二十分鐘，我問老細可唔可以坐最門口個張無set到櫈既台，佢好親切咁話你唔介意就得啦（門口有熱風又近收銀）。我同佢講我真係好肚餓，佢記住左，到我地有位坐低之後，仲叫姐姐快d幫我地落單，後尾仲同我地講唔好意思要我地等咁耐，其實都唔係咩要抱歉既事，不過咁樣令客人感覺好受歡迎好受重視。anyways純粹想讚下老細感覺人很好haha入正題，我地叫左兩個主菜，一個香葉肉碎炒飯，一個泰式炒金邊粉， 三串串燒，同蠔蛋餅。蠔蛋餅好好食，咸甜剛好，外酥內軟。蛋味濃，好食。串燒就肉類好食，茄子咬到入面無入到味一般般。兩個主菜都幾好，正常發揮，量非常之多。我地食到超飽，埋單都係兩百頭，性價比非常高。會再黎試佢個烤魚火鍋！…Read More

有晚男友話好想食火鍋，見就腳就諗住係屋企附近間牛涮鍋食邊爐，見到食既野一樣但晚市貴午市成80幾蚊（兩個人合計），於是忍到第二日午餐黎。記得好耐之前黎有年糕魚餅，但今次無左，少失望。我地叫左麻辣湯同蕃茄湯，麻辣湯好食，唔算辣譚仔十小左右，蕃茄湯就無咩特別。牛肉同麻辣湯底好夾，好食，菜亦新鮮。基本上火鍋配料方面都好食，無咩可以挑剔。野飲方面果汁全部都太甜，味道比較人工。甜品個到，d麻糬好好食，我飽到一個點都食左三個落肚haha。…Read More

九份十分最近都幾冷清，今日見下晝無咩人，入黎食，原來下晝五點半之前都可以嗌下午茶同午市套餐唔洗加一，圍埋都幾抵。我地兩個叫左兩個肉燥飯，一個係鹽酥雞，一個係骨粒。講野食之前要先讚下呢到服務態度真係幾好，侍應好熱情好nice。鹽酥雞排炸得幾好食，唔油幾香，肉燥咸度剛好，幾送飯。反而鹽酥骨粒就有少少遜色，上面無「審」到鹽酥雞上面既調味粉，油炸味有少少出左黎。珍珠奶茶係舊時個種味道，唔知係咪最近飲慣天仁，唔慣呢隻珍珠奶茶味，偏甜。金橘檸檬唔係好甜，幾好飲。埋單每人圍埋五十零蚊幾好。…Read More

突然心血來潮想食吉吉家邊爐，見到無左以前個隻細既竹輪鍋，得番加大版，即係又有雞又有牛70幾蚊，兩個人叫兩個又驚食滯，於是叫左一個加大版，濃湯，烏冬，另外叫多左餃子同墨魚粟米餅。芝士竹輪真係幾時都咁好食，d娃娃菜都非常入味，牛肉亦好好味，配芝麻醬一流，南瓜煮到最後咸咸甜甜好好食，最衰得薄薄兩塊，蟹柳亦好味，烏冬吸左湯底之後都好食。個額外加既餃子同墨魚粟米餅就稱嫌失色。餃子餡非常少，冇咩特別。墨魚粟米餅有少少鞋，粟米味亦唔濃。唯一嘅缺點就係食完之後一路都好口乾，個湯底應該都落咗唔少味精，但吉野家邊爐真係好食。…Read More

我等自己生日等左364日，一直係各大蛋糕店物色緊最正最抵食既生日蛋糕。唔係講笑，圓dumdur生日蛋糕真係賣得好貴，閒閒地二三百蚊個，但味道都係差唔多，都係齋甜。記得有次係朋友屋企食過個牛乳卷，中間有牛奶布丁，唔係特別甜，真係一試難忘，所以忽發奇想，今年生日我決定用roll cake 做生日蛋糕。邊個話生日蛋糕一定要圓形hahaha。黑色部分同白色部分海綿蛋糕口感唔同，但味道一樣，入面既cream唔油膩，有牛奶味，唔太甜，好好食。最希望佢牛奶布丁再塞多幾條入去。牛奶布丁真係好好食啊！…Read More

大家一齊黎慶祝姨姨生日，幾家人黎嗌送食飯。叫左雜菜煲啊，招牌燒鵝，蒸魚，金沙骨，蝦，口水雞，豬手等等。最鐘意個招牌燒鵝，皮香脆，有少少甜味。肉質唔柴，頗入味。個口水雞都幾有川味水準，的確有小小辣，但雞肉好入味，雞皮爽口薄身唔油膩。金沙骨偏甜，肉質少少柴。魚肉好滑好嫩，豉油味剛剛好，唔腥，有水準既蒸魚。雜菜煲呢，就略嫌味道較淡，湯底都無咩味，純粹為左食d菜而嗌既，一般般啦。蝦香滑有咬口，都係正常酒樓水準，幾好幾好。海港都真係唔錯，不過海港預左少少貴。…Read More

同媽媽同男友三人晚餐，諗住隨便入茶餐廳嗌送食飯，就黎左皇冠。夜晚人客都幾多，我地都等左幾分鐘先有位。我地叫左三個小菜，再加十蚊轉左套餐，包飯、湯同熱飲，小菜分別係薯仔蜜椒牛柳粒、鮮蝦魚柳西蘭花同京蔥蒜子滑雞煲。三個菜份量都正正常常。薯仔密招牛柳粒蜜糖味比較重，黑椒味反而比較弱，牛柳都幾好食。但好油。但最油既都係個雞煲，油得黎又有點過咸， 掩蓋左其他味道。 個鮮蝦魚樓西蘭花，西蘭花好硬但係都算入味，鮮蝦同魚柳都係冷凍貨，正正常常咁，唔係話特別好食。總括黎講，普普通通，多油同咸真係罪。…Read More

平時喺街度見到啲韓國嘢食，都係加韓風兩隻字加啲芝士加啲泡菜咁就叫韓國嘢，香港地真係好少正宗地道嘅韓國菜，而呢間野都唔例外。我哋去咗食下午茶，價錢的確係幾平，我哋兩個人一人叫咗一個下午茶餐，一個係韓式芝麻燒汁焗雞扒飯，另一個係卡邦尼扁意粉。再加埋茶餐配一杯咖啡或者奶茶，全部加埋都$80有找。但味道就真係差咁啲。個芝麻燒汁焗雞扒飯完全冇所謂嘅韓風味道，偏鹹嘅普通焗飯，普通雞扒。個卡邦尼扁意粉分量唔算大，但我食都好快飽，因為佢用嘅芝士好油膩，唔算係好食嘅芝士。下次應該下午茶都係去返大家樂。 順帶一提，佢餐牌入邊啲韓文全部都係Google Translate。有韓國人睇到嘅話真係笑大人地個口。…Read More