sharonnnb's Profile

見到報道話最近baseball有幾間新餐廳其中一間仲要係有米芝蓮推介過嘅兩姊妹涼皮原來佢哋本身喺太子都有店舖，但係我未去過為咗避開中環食lunch人潮，12點前已經去到落單外賣走落單職員都好有耐性因為我第一次食係咁問佢辣嘅程度，因為我本身唔係好食得辣，所以揀咗bb辣，加雲耳同埋雞絲，一共$64職員話如果走辣嘅話本身涼皮都會有啲酸酸鹹鹹哋嘅汁等咗兩三分鐘就已經可以拎得，見到外賣個碗都唔算太大當將啲涼皮攪勻撈埋啲配料都感覺到涼皮啲質地好滑，食落去個口感好Q彈，就算係放耐咗或者係下邊嗰啲有啲汁浸住都唔會變淋雞絲反而就唔係真係一條條絲，比較係一舊舊個汁個人就覺得唔算係好特別，唔算話係會令你好開胃嗰種對於我唔食得辣嘅人來講，bb辣係食到辣味，但係唔會話辣到要飲水嗰種涼皮的而且確口感同質地非常唔錯個人嚟講唔會話係好驚喜，因為本身既然係米芝蓮推介得都會有少少期待🤭反而最驚喜係佢啲花生，係脆卜卜鹹味嗰一種但係嗰個味道唔係平時食開嗰啲未食之前覺得佢個外賣碗比較細，但係食落其實都好夠飽 （雖然我都可以全部食晒🤭）呢一間會喺夏天唔想食熱嘢嘅好選擇雖然另外佢哋都有熱食或者係有湯麵可以選擇…Read More

之前都有經過過見到唔洗排隊就打算一試見到又有賣雪糕又賣咖啡Shop只有take away冇座位以為都係打卡野冇特別太多期望叫左杯iced americano ☕️比預期中好飲 偏苦但唔澀唔酸唔知偏苦係唔係因為為左要配反雪糕但個人覺得可以接受 一試無妨…Read More

💬 第三次黎但係覺得冇以前咁好食去之前一晚都係抱住試下上網book嘅心態估唔到12月27號係假期竟然每一個時段都有位-Lunch Menu更新左，冇左我最中意嘅昆布五目飯團冷盤冇左溏心蛋同章魚沙律-📸 分享反第一次去午餐時段因為一共5個人去所以基本上所有選擇我地有揀左黎試🍅 冷菜最驚喜係桂花糖漬蕃茄🍗 熱菜不過不失，最喜歡婆婆咖哩馬鈴薯雞腿肉🍹 富士山特飲最特別係杯底有jelly 😋--第二次去係晚餐時段，冇得叫幾品料理🥘 因為上次試左咖哩好食所以就揀左咖哩烏冬🐮朋友食左明太子牛肉飯就覺得普通冇咩特別🍮 個人覺得布丁還好，外型可愛，應該都落咗好多魚膠粉所以好彈，如果牛乳味出啲會更好明顯地晚餐係冇午餐時段咁多人比較冷清-最近一次去都係午餐時間因為大家都係喺同一個時段入座，所以如果太慢落單要等好耐先有野食🍙 轉左menu所以試左新嘅牛肉飯團🎃 新品芝士南瓜薯蓉都唔錯但蕃茄冇第一次咁出色其他選擇都係不過不失質素正常-☕️ 香芋拿鐵係比較推介🍎 蘋果茶今次連塊菠蘿乾都冇埋 …Read More

💬 之前一直想lunch去試但聽講好多人排隊又冇得book12月終於有機會去試吓，可能因為多人放假所以12:15左右去到都有位 而且職員都好好，朋友未到都比我入去坐住先-主要有兩款menus可以揀貴啲嗰款會有埋拖羅，海膽嗰啲揀我同朋友都揀左貴啲嗰個menu 10件廚師特別推介可以試真鯛，鮫蝶，牡丹蝦，三文魚子-🐟 個人最中意赤貝，拖羅，火炙左口魚邊最驚喜係三文魚子，好甜一啲都唔腥海膽都好rich新鮮但唔算好甜嗰種-💁🏻‍♀️ 呢個價錢喺中環性價比唔錯而且唔洗排隊就更好 …Read More

💬 自從有咗宋王臺站都未去過九龍城餐廳好近宋王臺站亦都唔難搵雖然冇book枱但係我地星期五晚七點前已經到餐廳所以都唔使等位-可惜餐廳當晚冇生蝦刺身亦都冇甜品🍹嘢飲叫咗椰皇沙冰同埋青檸菠蘿沙冰兩杯都走咗甜，青檸菠蘿沙冰味道好清新少少酸椰皇沙冰椰子味道唔算好出但係淡淡地都唔錯過咗七點之後餐廳開始多人差唔多坐滿-🥬 生菜包好香好好食而且生菜非常新鮮-🦪 海鮮孖寶叫咗蒜蓉聖子+蒜蓉燒生蠔兩個都加咗好多蒜蓉同埋炸魚仔所以好香口聖子亦都唔會太靭-🧈 見到附近幾枱都又叫原味烤酥餅好新鮮整出嚟好香牛油味同埋非常脆卜卜有機會想試吓配咖喱應該都好好食-🥚 最後叫咗小曼谷炒飯，係蛋包飯 煎蛋嗰種蛋去包入邊有蟹柳，扎肉，豬頸肉，蝦其實同菠蘿炒飯差唔多只不過係冇菠蘿同埋用咗蛋去包-💁🏻‍♀️ 各樣食物其實都真係幾好食 沙冰就唔算特別優勝 同埋嘢食上菜速度都好快我哋兩個人都叫得多嘢所以放到成枱都係因為冇限時所以大家其實可以點少少差唔多食完再嗌就唔會冇位放同埋嘢食可以熱啲雖然座位來講都有少少密 但係當晚有live歌手彈嘅結他同埋唱歌都有少少互動所以氣氛幾好 幾有人情味見到其實佢另外都有間分店就正正係隔離但係嗰間好似就細少少同埋冇咁新有機會想再嚟食返今次食唔到嘅生蝦同埋甜品 同埋試吓咖喱🤭…Read More

💬 尖沙咀店已經冇咗難得銅鑼灣店開咗10年都仲喺度但係食物同員工態度越嚟越唔好當晚去到九點幾店內亦都坐滿人所以就叫外賣喺出邊食-雖然之前已經食過好多次但係今次發現冇得叫綠茶焙茶兩溝我已經覺得好奇怪因為以前明明食過店員話因為部機做唔到明明間鋪開咗咁多年有乜理由以前嘅機器做到而家嘅機器做唔到？🤔打呢篇食評之前都特登去睇返以前其他人上載嘅圖片的確以前係真係有焙茶綠茶味可以一齊食因為問多咗幾句take order嘅收銀職員已經唔耐煩咁樣最終就叫咗牛奶綠茶味白玉脆米拎走🍦 雪糕同配料都係好味 但性價比唔高而且店員態度唔好同埋選擇少咗所以冇以前咁鍾意嚟呢度食雪糕…Read More

💬 好多人去長洲食糯米糍都會揀呢間我諗主要都係因為老牌子開得耐所以都決定一試但係食完之後覺得唔算好特別睇到其他人啲comments都係一般般因為我哋係星期一入長洲所以唔算好多人 服務態度亦冇其他人講到話咁差至少冇話我哋唔夠最低消費因為我哋去到嗰陣已經冇位所以樓面有職員叫我哋出去等態度唔可以話好有禮貌但係亦講唔上差🥭 芒果糯米糍個皮好煙韌好好食但係入邊嘅芒果就唔甜有少少酸唔知係唔係因為冬天芒果冇咁當做芒果腸粉個皮的而且確好滑好軟但同樣地啲芒果都係唔甜- 食完堂食就俾錢走咗係臨走出返市區先再去買幾粒俾屋企人反而外賣嗰度個姨姨好有耐性亦都好有禮貌-🤔 而家買呢啲水果糯米糍嘅競爭越來越大都多咗好多唔同嘅口味傳統老店要繼續生存需要繼續保持食物質素同埋服務態度先至可以繼續吸引食客…Read More

💬 好耐冇入過長洲因為疫情期間好多人都會去嗰度玩又費事同人迫所以揀咗星期一去食完長洲著名魚蛋一路直行就會見到呢間串燒店店舖感覺上比較新而且唔係太傳統老店嗰種下午三四點都見到店入邊坐咗幾台客人見到門外餐牌嘢食都幾吸引種類都幾多所以就入去試吓店內空間唔算好大但係唔會坐得好迫所以就算食嘢傾偈都幾舒服-🍻店內裝修都幾得意 用咗呢一啲裝成櫈比客人坐又環保-🍢 最特色都係長洲炸奶皇包 脆卜卜亦有流心個人亦都好鍾意食炸燒賣同埋翠玉瓜朋友就鍾意食花枝丸🍜 撈麵我哋三個人食都覺得比較辣如果可以就咁完美相信會吸引更多食客-🍆 點咗燒茄子 落咗好多調味粉所以比較鹹如果蔬菜類少啲調味粉相信會比較好-最後嗌咗炸豆卜 因為我哋一共三個人見到佢圖片顯示有三塊所以諗住每人可以試吓點知最後原來只係得兩塊-🤔 串燒店喺長洲係比較特色亦都唔會咁容易同其他色店撞但係食物唔算話好特別不過不失…Read More

💬 跟朋友一齊嚟食搭lift嘅時候發現原來其他層數仲有其他日本嘢食都係同一個集團一出到去食鐵板燒個層餐廳裝修都好新好乾淨企理職員帶咗我哋去其中一間房大概可以坐六至八個人雖然餐牌係寫咗個價錢係兩人份量但係如果係單數佢哋都係照計返一半價錢所以唔一定要湊夠雙數先去食-🥢 個人唔算特別好喜歡煙燻鵝肝但係佢冷麵個汁酸酸地幾好食-🦞 龍蝦都好大條配埋少少蒜蓉嘅汁唔會overcooked 所以龍蝦肉都幾爽- 🐚 鮑魚配liver sauce幾特別但係唔會搶咗鮑魚嘅鮮味 同埋唔會煮到好un-🐚 個人好鍾意食象拔蚌呢個煮得好爽 而且加埋炸蒜蓉脆卜卜非常香口-🐮 呢個牛睇落冇乜特別但係做到入口即溶個感覺 所以呢個份量啱啱好 亦都唔會煮得太生或者太熟呢個同埋個象拔蚌係我最喜歡嘅兩道菜- 之後仲有炒飯同埋甜品食埋個炒飯就已經好夠飽甜品因為我哋係去慶祝生日所以餐廳都好好喺甜品(有蜜瓜同埋雪糕)嘅碟上面寫咗生日快樂字我哋亦都喺嗰度切埋蛋糕-💁🏻‍♀️ 食物非常高質嘅鐵板燒餐廳而且環境同埋服務都好好下次有機會想去試埋佢嘅omakase 😬…Read More

💬 好多朋友都鍾意去musea因為泊車比較方便所以好多餐廳如果冇book嘅話都好難walk in週末去到musea 見到呢間冇人排隊所以就入去試下見到好多食評都話服務員態度唔好或者性價比唔高 所以本身都唔係抱好大期望我哋去到餐廳已經過咗午餐時間大概兩點幾左右可能因為唔係繁忙時間所以店員服務態度都唔係大家講嘅咁差而且座位都安排得比較闊落-🐟 雖然呢啲如果唔係全個食都會好容易散開 但係佢都係非常足料同埋好新鮮其實都好大份食咗兩件可能已經有啲飽-🐟 另外再叫咗海膽同埋拖羅壽司海膽唔算好特別先甜但係起碼都新鮮仲拖羅都肥美juicy-🐟 西京燒就正正常常不過不失但係呢一個份量同埋質素就比起其他日本居酒屋貴少少 性價比相對冇咁高-💁🏻‍♀️ 覺得試過一次還可以但係未必有衝動會再想去食第二次因為雖然嘢食質素唔差但係亦唔算好特別而且性價比唔算高 有機會嘅話可能去試其他Musea嘅餐廳發掘下其他嘢食仲好…Read More

💬 已經去過幾次有啲食物都試左幾次仍然好高質試過帶個朋友嚟佢哋唔使一個月都又再同另外一啲朋友再到訪🌟 呢一間係一間我定期都會想嚟食嘅餐廳最好Book定枱先至去 因為試過五點幾去到已經好多人如果冇訂位又多人有機會可能要坐吧枱- 🐮 會有幾塊麵包仔去一齊食比較濃味而且有啲香料會有好少好少可接受的辣但係如果唔講唔會特別食得出係bone marrow 所以大家都可以一試-🐙 呢個好足料 八爪魚好淋身好夾個薯蓉- 🦑 職員一般都會俾你睇睇個飯先然之後再幫你mix好佢 呢個非常香口但係食多幾啖就會覺得有啲鹹同埋嗰啲豬肉都係偏鹹個飯係好食同埋都整得乾身但係唔好期望有好多飯焦嗰種- 🦐 呢款係店員推介多啲亦都係原味西班牙海鮮炒飯如果怕太濃味嘅可以揀呢個兩個人嗌細分加上面兩個小食之後再加個甜品都可以食得晒- 🧀 呢個甜品我覺得一定要叫🤭好記得第一次去呢間餐廳呢一款甜品係off menu 係個店員特登推介我哋 第一次食已經覺得好好食因為係流心仲會食到芝士嘅鹹味之後幾次去都見到呢一款cheese cake已經放咗喺正常Menu上面所以每次去到都會留肚食呢個甜品加埋酸酸地嘅raspberry 雪糕 就唔會覺得個cheese cake好漏 - 💁🏻‍♀️ 呢一間真係我其中一間最鍾意嘅餐廳而且性價比好高 所以我每隔兩三個月都會去食一次🤭…Read More

💬 食肉獸朋友上嚟呢間餐廳一試所以就去咗食lunch跟住OpenRice個地址但係比較難搵好彩之後朋友帶路先去到唔知係唔係坐得比較近門口位所以都有啲焗- 🐟 small to share叫左fish tacos唔算好特別但係味道都唔錯-🥦 呢個椰菜花係我同朋友都好鍾意食覺得係嗰日食嘅最好食一道菜因為啲醬汁加埋石榴粒粒好清新椰菜花都整得好爽- 🐮 beef cake 以為有啲似lasagna咁但原來酥皮下便大部份都係minced beef比較濃味同埋好多肉所以有啲漏- 🍫 small portion but good enough ☺️- 💁🏻‍♀️ 見到好多食評都讚好食可能因為今次冇特別去叫牛肉或者牛扒所以覺得其他嘢食就比較一般有機會會再試下佢其他主食…Read More

💬 之前已經想試呢間餐廳因為好多人去打卡平日夜晚去 其實餐廳位置都大有幾層但係因為平日夜晚人數唔多一開頭只係開咗部份area去serve所以變相坐得有啲比較迫店員有推介可以試Testing Menu$600唔使但係有好多個courses可以試雖然頭盤只係可以揀一個但係其他主食全部都包可以慢慢試- 🐙 八爪魚x 火箭菜綠色嘅醬係Wasabi醬非常吊味-🐟 個人唔係特別喜歡食魚但係都不過不失唔算話好鮮味但係啲肉都OK嫩滑- 🍝 呢個意粉都正正常常冇乜特別- 🐮 牛肉都幾好但係唔算好Juicy但係我好鍾意配薯蓉🤭- 🍝 呢個個人唔太鍾意因為味道好濃個醬汁比較鹹同埋因為都食咗咁多道菜所以已經比較飽- 🐮 呢個都係偏濃味但係肉質好淋 配埋薯蓉好食個人鍾意呢個多個上一個意粉- 🎂 因為去慶祝生日所以除咗食甜品之外亦都另外有生日蛋糕所以唔po出嚟啦🤭甜品有tiramisu and penna cottaTiramisu個份量都好多 味道唔錯餐廳仲有另外寫咗Happy birthday喺甜品碟上面- 💁🏻‍♀️ 餐廳整體感覺唔錯，嘢食中上氣氛都唔錯如果係坐得鬆動啲會更好…Read More

💬 NOC我諗好多人都唔陌生都有食過個人比較鍾意去黃埔嗰邊間比較近碼頭個感覺幾舒服同埋平日午餐時候佢通常都唔使等好耐落單買嘢食都係掃QR code自己去攞餐具都係比較自助🍝 第一次試佢嘅意粉都唔錯本身好驚嗰啲綠色嘅香料會唔會好濃味好彩食落去都唔係特別奇怪- 🥑 呢個就正正常常，如果牛油果更熟就仲好因為呢個有啲硬 但係牛肉，南瓜同埋其他菜都新鮮都好味🧀 另外都有買咗個cheese cake Takeaway💁🏻‍♀️ 非常chill嘅cafe 雖然有限時大概90分鐘但都絕對夠時間食嘢同埋嘆咖啡…Read More

💬 相信如果話喺香港最好食嘅拉麵店大家都可能唔會反對舖頭喺黃昏六點先開門入座但係五點已經見到有人排緊隊係我哋前面起碼有10幾個人所以都預咗要等第二輪先至食到排到差唔多嘅時候店員會比定點餐紙記得之前有一個最特色嘅海膽拉麵係好大板海膽毫不吝嗇但係嗰個好似好耐都冇推出🍜 貝丸其實都好好食好鮮味又唔會有沙🥟 另外加左關西風味餃子雖然舖頭座位唔多，但係勝在大家都係食一碗麵所以返枱都好快係值得大家排隊一試當然可能下晝就唔使排咁耐排咁長龍…Read More