我是真吃貨's Profile

一直以為馬鞍山係美食沙漠，但原來沙漠中都有綠洲，今日搵食已經食到成個馬鞍山都食到悶，決定開發下未行過既另一邊。比我發現左村裡村外，外面睇細細地，裝修又比較大陸味，吾知掂吾掂。是但試下啦，反正馬鞍山真係無好野食。點知買左返屋企食係非常有驚喜。總之就係好好食。吾好意思無影相，因為無唸住要寫食評，食完覺得要介紹比大家，好野吾好比佢消失呀，要食多尐等佢可以存在係馬鞍山，直到永遠，阿門我吾知食左既係咩菜式，一個係酸酸甜既蝦，另一個係椰菜炒吾知咩肉真係吾記得左，sorry…Read More

好耐無黎食過，今日揸左40分鐘車出黎食，好掛住以前既味道，點知叫個腩肉炸醬米線，咸到入吾到口，我只食左幾啖，真係頂吾住丟左。食足都有十年，唸吾到而家會走樣到咁嚴重，攪吾掂呀大佬…Read More

十幾年前係荃灣打工, 當年香港經歷SARS, 一餐下午飯超過$10都要唸得好清楚, 計好數先好食. 但係咁既環境下, 每個月總要有幾日(其實想日日) 食下個米線. 當年既味道一路都好記得. 因為個時做野間公司係我入去大半年就執鬼左, 人浮於事之下四維去工作。而家去左柴灣區工作, 琴晚好突然有種好掛念當年幾辛苦都要食返餐好既味道. (係呀, 當年用$26食一餐對當日既我係食餐好架啦) 於是, 夜晚收工即刻係柴灣極速飛左黎荃灣就係為左食返個啖米線. 其實個度D呀姐好鬼多野做, 叫吾停佢好好地叫野食架. 要一早唸好晒一黎就好快講晒咁叫野食. 所以, 我次次去只係識叫同一個酸辣腩肉炸醬米線加豆漿. $45 + $11 (十幾年真係返一返, 個價)叫完到上都係幾分鐘, 同以前無咩分別. 吾好講多, 整啖湯入口試味........嘩, 當年既酸辣味道返晒黎......你知道嗎? 個陣工作有幾辛苦, 有幾酸, 有幾辣, 只有自己知, 入口個下咪就只有自己知咩味道囉. 可能就係個份心底既辛酸感, 加上口中我認為好特別既酸辣味道. 內心既感覺真係講吾到你知.以一編食評黎講, 吾應該咁感情化, 不過係小弟當年到今日既一D內心感覺. 分享下啫. 不喜勿插.講返個米線喇, 其實我真係覺得佢做到個味道吾係度度食得到咁正! 小弟只有係另外兩間食過近似既味, 但都有好少差異. 要形容不如自己一試, 不過OPENRICE 建議我要多形容食物本身及先可以批評登出, 所以係無咩墨水既情況下, 盡最大能力形容一下我食既美味炸醬腩肉酸辣米線吧! 首先, 我建議大家去食的話要先試下個湯底, 因為個湯底既酸辣味係我認為最正既地方. 酸味叫醒晒所有味覺, 個下成個人醒左, D胃口出晒黎. 平時只食一半份量既話, 今次就食完仲好想追食. 而味道係似酸菜加入調味料咁囉. 而我每次只會叫小辣都食到鼻水同汗水出晒黎, 因為真係好鬼行氣活血. 我其實吾係好頂到太辣既味, 但佢有小小麻, 又酸酸地咁辣下辣下就好想食. 而佢既每一種配料都吾會好似無味咁放係湯入面. 佢地最好味就係配料都整得好好食. 腩肉係帶辣同似爆醬既味道 (吾知係咪真係, 我覺得咋). 食落又係好想追食既感覺. 而個炸醬又係辣辣地, 配合成件事好MATCH既感覺令到個米線好有豐富感. 正因為咁樣, 真係食返十幾年前既味道......包括個時工作既辛酸感都出晒黎......(講到想咸呀真係......)如果大家想去試下, 真係要記得搵個吾多人既時段, 吾係呀姐太忙無人理你, 下一個食評應該會係投訴服務吾好而蓋過左食物本身喇.…Read More