AgnesLau6323的个人专页

上網見咁多好評 ins都有人話好食就黎試下點知中哂伏 打手 全部都係打手黎架！食飯時間上到去見冇人都知中伏架啦不過一場黎到就give it a try入到個餐廳見到裝修超級港式 冇居酒屋既感覺不過服務員好好笑容 好有禮貌講番食物質數 叫左壽司 幾條串燒 同埋一個豚肉飯個飯好難食 幾片唔知想點又好咸既肉串燒 超級咸 雞軟骨好難食個年糕好硬味道又好奇怪 食左一啖就食唔落去 仲有幾串唔記得左 但都係好咸壽司我老公食既 佢話都ok 過得去埋單大約4百以後都唔會再黎:(…查看更多

咁岩經開長沙灣見到開左個創意薈就入黎試下啦 平日又3點咁上下 都唔係好多人見到大部分人都食緊煎餅 咁我都試下啦叫左個叉燒雙蛋煎餅 等左大約十分鐘就有得食新鮮熱辣辣 熱到辣手 要灘一灘先食得但味道就好一般 叉燒切到一粒粒咁 味道好普通餅又軟淋淋 食舊野係好似食緊濕左既包咁D烤鴨醬係入面好咸成件野係好唔夾 又未去到好難食既 可以入口既但就唔好食囉$35蚊既煎餅 雖然好肚餓 但食到最後果幾啖真係頂唔順 我諗唔會有下次 食串魚蛋仲好過…查看更多

第一次食jolibee 叫左三個套餐 好好食既雞 好juicy一定會再黎食 好食過k記好多！中午時間去 唔知點解好少人叫左兩份雞套餐 一個熱狗套餐雞加上gravy好好食 薯條就普通 油味好重 好熱氣汽水唔係溝水既 好有氣 我見如果叫ubxxeats好似係會罐裝汽水放落去 下次外賣要叫黎試下先薯泥好細份 不過ok啦 牛油味好重不過熱狗真係堅難食 未食過咁難食既熱狗值得一提既係 作為快餐店 佢係的去過最好服務態度既上餐速度好快 即叫即刻就有得拎…查看更多

同老公行開IFC經過見到shake shack又見條line唔係好長就試下排左大約十分鐘就到我地啦但等餐就等左15分鐘 搞到好肚餓叫左個shack burger, fries同埋lemonadeBurger食落好普通 薯條亦都平平無奇講真 都幾失望下不過lemonade就真係有驚喜！ 幾好飲啊雖然野食好普通 不過環境氣氛都幾好 望住海景 加上5月份唔係太熱 都幾舒服不過食過一次就算 因為等餐實在太耐 同埋價錢都唔平 我一個人都食左百幾蚊 …查看更多

見到最新開左丼丼屋就去試下啦我係超級鐘意食日式豬排飯既人 所以見到lunch menu有就即刻叫左黎食賣相已經覺得中伏 個豬排睇落好干哇 食落去 係我食過最難食既豬排飯點解可以整到咁難食 好干 一pat野 又炸得好難食但唔知點解店入面都坐左唔少人 仲好多小朋友 唔會再黎…查看更多

晚上特别出黎中環食飯 中午就已經打電話去訂左夜晚食飯 去到都唔係咁多人 星期五黎講都唔算旺 坐低之後發現原來某幾樣串做緊happy hour買一送一叫左雞腿串 雞肝 雞腎 牛舌 雞軟骨 豚肉 茶漬飯 特選7串 雞肉冷面 雞腿肉同牛舌都幾好食 但雞腎雞肝都好腥 唔好食 豚肉亦都食落感覺成舊叉燒咁 唔太有肉味 雞軟骨唔值得叫 好硬 特選7串都唔錯既 咩都有d咁 茶漬飯都好食 不過真係食落超似砂锅粥 雞肉冷面好好食好彈牙同爽 但雞胸肉好干 唔juicy不過作為一間串燒係主打既餐廳黎講 真係好失望 選擇唔選多 整得都唔係特別好食埋單3個人 一千七 性價比都幾低下 不過位置係中環都算係咁啦 下次唔會再黎…查看更多

前幾日星期日去左飲茶 諗住食飯時間會多人就訂左位先 點知去到發現都好多空枱三個人叫左十樣點心 食到好飽好飽 - 叉燒 有一半係半肥瘦 一半好瘦 幾好食 但瘦果邊就係好干..- 乳鴿 幾好 個皮好脆- 天鵝酥 唔係好甜 我幾鐘意- 陽春面 普通- 蝦餃 唔小心叫左普通既蝦餃同埋金魚蝦餃 普普通通啦 其實都一樣味- 小籠包 好咸又重味精 唔推薦- 口水雞 好辣 但係做前菜都ok - 芝士pizza 冇咩特別Overall 都ok 坐得舒服 服務又幾好 食物都唔錯 會再去 …查看更多

係OR搵到依間餐廳 就同個朋友黎食我地兩個人點左蟹肉沙律做前菜、 然後 墨魚汁飯同pork belly做主菜 加一杯菠蘿ginger ale既mocktail講真 除左蟹肉沙律 其他都好難食！無錯！ 係難食 未去間餐廳時我以為最多咪會一般 點知係會咁差 杯mocktail 太甜 薑味又太重 簡直就重口味。。。蟹肉沙律還好 一般 有檸檬冰係入面都幾特別但兩碟主菜 真係好唔掂墨魚汁飯 d飯味道好重 落左好多牛油同cream咁 我食左幾啖就食唔落 上面既帶子又極咸 Pork belly係兩塊 肉質超老 我朋友又係食左兩啖就食唔落 本來想叫甜品 但因為實在太失望啦 所以就買單走人張單係大約$600 講真 咁既價位咁既質數 我真係唔會再黎 …查看更多