Joannehoho_1117's Profile

呢排積極減肥修身，除咗努力游水跑步做firming之外，飲食都健康咗，其實有時細心諗一諗，從飲食裏邊仔細一點，都會省點花大量時間運動黎keepfit。所以而家除咗喺超市買嘢食會注重睇卡路里同糖分有幾高之外，出外餐廳用餐都會更多注意健康營養嘅餐廳，而呢一間亦都係我近期成日光顧嘅餐廳！呢間餐廳裝修簡約舒服，周圍已經可以睇到種植苗和植物讓到整個環境都好Green🍀🌱🪴氧氣，喺度食飯呼吸空氣都零舍新鮮😂餐廳午時開始，準時12點就迎接客人，客人已經陸陸續續喺出邊排隊，坐低之後我哋見到午餐套餐有幾個選擇，我哋揀咗卡邦尼意粉和蓮藕粒意大利飯為主食；另外餐廳有任食沙律，一聽到任食沙律吧就好興奮，而呢一度果然冇令我失望，呢度沙律吧有好多款配料配搭，唔單止有三文魚、仲有新鮮水果、甜品、湯、沙律菜等等選擇…啲嘢食好快就到，呢度嘅卡邦尼意粉芝士冇出邊咁咸好健康，食落好香嘅芝士味之餘，呢度嘅煙肉都好好食呀！而我揀嘅蓮藕粒意大利飯出面真係冇㗎係呢一度先有，估唔到蓮藕粒都可以用喺西餐的飯類，夠晒創意健康同埋驚喜，所以都係我選擇嘅其中一個原因；蓮藕粒好爽，原來同意大利飯一齊食係好夾架，而且意大利粉嘅忌廉都唔會話太咸，清清地味不太濃。我哋兩個都嗌左咖啡飲，下次再嚟光顧嘅時候試吓其他特色飲品先！#野玩田店 #somethingwildthefarm #素食餐廳 #isquare #vegetarian #superfood #vegan …Read More

呢排經過尖沙咀，突然見到K11有間好靚嘅餐廳，裝修北歐設計，啡橙色撞藍綠色嘅牆身同椅子，時尚得來環境色調舒服，入內整個用餐好好坐好舒服，而且好多裝飾搞到我不停周圍望實在太靚啦，鍾意坐梳化位嘅人都有很多座位嘅選擇。好！今日分享吓我點的三道菜先！晨光 係一杯新鮮嘅水果汁；裡面是紅火龍果、香蕉、牛油果、杏仁，點左杯水果汁先至見到水吧新鮮整出嚟，而呢個組合出邊都好少飲到而且咁細心將每一個新鮮水果混合出多達五個以上嘅選擇，而每一杯混合出嚟嘅水果汁出到黎都會有兩隻顏色配搭，我呢一款就係牛油果嘅綠色加紅火龍果嘅紅色，飲落去好舒服，唔會話好唔match，好夾！如果唔想去餐廳飲咖啡奶茶，新鮮打製水果汁是唔錯嘅選擇。忌廉蘑菇黑松露大蜆湯黑松露不嬲都係我嘅至愛，呢個湯最有驚喜係配合大蜆一齊煮的，令到味道和賣相昇華咗。湯裏便食得出是有切碎一粒粒的蘑菇，大家可以喺主菜之前叫一個享用。紫蘇葉胡椒安格斯牛頸脊意大利粉餐廳得呢款以牛肉作為主菜嘅意大利粉，如果得一款，佢一定係花咗好多心機設計出嚟嘅菜式，果然冇令我失望而且有驚喜；首先喺味道方面，意粉一擺上台熱辣辣，加入左紫蘇葉和胡椒香料，香味更加唔駛講，意粉愈食愈香，但可能唔食得辣的朋友相對地會覺得辣，所以都可以選擇其他白汁等意大利粉都很好食。另外菜式方面選用左牛頸脊呢部分去做菜式，不是好多餐廳都有得食，肉質嫩滑一d都唔鞋，仲要有成幾塊，每塊都大大塊啖啖肉，好驚喜！#poundandroll #apoundandrollhk #K11 #打卡餐廳 #日本抹茶牛奶鍋 #抹茶盛宴 #抹茶拿鐵 #芫荽窩夫…Read More

呢排牛太推出咗Be Happy燒肉外賣套餐 (價值: $169)，揀咗燒肉套餐A，有豐富的前菜及沙律、野菜盛合外，有精選肉類拼盤(8款)配熱辣辣溫泉蛋拌飯及汽水乙罐😋啱啱呢排買咗家用燒烤爐，大派用場！特別鍾意食佢地店嘅牛舌，切得好薄，食落爽口，也用上辛味噌醃料，好出色下次一定要嗌多一碟先得😋；另外牛太嘅牛仔骨都超新鮮，再搭埋前菜和燒汁一起食，好香好野味。另外，再另點了特選日本產黑毛和牛 (一碟) (原價：$189 >> 折後價：$93) ，好多塊好厚好抵好好食！質量完全唔駛講，燒兩燒就上得碟架啦～而脂肪和肉比例均勻✨😍好食到停唔到！點解d牛咁新鮮因為本港日資公司但馬屋集團是本地最⼤的日本和牛供應商，食材當然新鮮啦！…Read More

食物質素不嬲都一直保持住，今次上網再訂購個陣比我同媽咪發現咗有個超值澳洲龍蝦鮑魚海鮮2人餐閃超級抵食，套餐竟然有上湯焗澳洲龍蝦伊麵完隻😮、鹽燒鮑魚，仲有大大條清蒸沙巴龍躉斑，唔止咁，仲有燒鵝皇拼叉燒、薑汁炒芥蘭，無花果南北杏燉雪梨，成事件係Apps外賣自取都只是$298...傻眼！仲有，一落單唔駛半小時就可以取餐，去到店員好細心將大大盒的餸菜小心翼翼擺落保溫袋，真是要佢比呢個大大個保溫袋先裝得哂😬另外，所以餸菜都熱辣辣，本身特別好緊要條魚會唔會番到屋企唔夠新鮮，但番到去是完全唔駛擺落蒸爐「座」熱番佢，一打開就可以直接食，味道同堂食保持水準...…Read More

呢排天氣凍冰冰，在普天同慶的聖誕節再加上疫情下就梗係在屋企暖笠笠打邊爐喇！呢個月我晚餐都離不開打邊爐😬今晚食牛摩港式封門柳大滿足套餐 $358，可以在Foodpanda 訂購或到店自取都得，唔係講笑呢一個大滿足套餐超級驚喜，點解咁講？到店自取嗰陣已經見到店員幫我包裝好份套餐，大大盒不只配料好多,拎返屋企嗰陣都有啲重量㗎🙈套餐裏面有兩款牛肉；封門柳牛肉呢個部分是好矜貴架，每隻牛得一斤難怪食落肉味十分濃郁, 雖然油花少但肉質柔軟, 所以好啱我喜歡吃瘦肉多油花少的人；當然仲有唔少得打邊爐必備美國特級肥牛，同樣具有質素；套餐外追加咗日本佐賀霜降黑毛和牛，大大盒有成200g咁多架，份量咁多個晚又玩得盡興食唔哂第二日整咗個和牛丼飯做午餐😉😋嘿嘿～重點係牛摩所有牛肉均不會刨定雪過夜，所有都是當日即刨, 唔怪之肉質比其他餐廳更新鮮喇！如果想食其他肉類仲有雞肉和豚肉，分量十足好多件架！肉類之外當然仲有滋味火鍋配料拼盤；我會推介板燒牛摩魚糕, 口感彈牙，仲有牛摩可愛圖案添，另外超鍾意佢的芝士竹輪、芝士海鮮豆腐, 事關大家都知我係芝士控😋菌類和蔬菜量都好充足。另加$30就可以試到博多風味豚骨濃湯一大包，返到屋企打邊爐唔使加水就可以開火喇～成個Set B 2-3人入量每人都唔洗 $120，簡直性價比高嘩嘩嘩！呢個套餐咁抵仲有埋磯煮鮑魚3大隻架～鮮甜惹味, 個套餐咁抵一人一隻都回晒本啦！如果未碌熟嘢食又肚餓，我建議要學我咁食個加州反卷先喇😛總括嚟講CP值高，encore x n次😬…Read More

主打日式熟食丼飯及日式小鍋，遍佈港九新界共六間分店，好多時候我哋都好驚餐廳係有分店因為怕規模大客人光顧人數多沒有太多時間花在食物水準上的害怕。但是這一間不但沒有令你失望，食物達到水準且服務態度良好，先前我哋光顧了兩次每一次如食夠一個價錢都會送兩張coupon等待你下一次使用，好食又有優惠券，怎會不再光顧呢😌談回正題，荃灣呢一間兩間分店連接着，旁邊一間是專食拉麵，但如也想享用丼飯及日式小鍋呢一間都可以食到海老拉麵，因為餐牌上都有四款拉麵星級選擇；海老拉麵裏面有櫻花蝦，湯底濃郁味道用上櫻花蝦熬製而成，面的硬度份量適中，飽感十足。拉麵可選擇套餐並送一款小食菜式；揀咗芝士年糕，熱辣辣的芝士球咬落去嚼口芝士味濃郁，滿意滿意。最令人驚喜的是網燒雪花牛扒定食；光顧的客人都會「快靚正」選$208或$268二人套餐，因為兩款主食三或四款小食，性價比高又好食。沒想到單售定食仲好食滿滿驚喜；燒牛扒不嬲都好驚燒到好鞋身乾身，但係佢呢度煮食過程中保留肉汁之餘口感是嫩滑的，而且所揀選的牛扒靚，配飯食剛好。另外點左個吉列豬扒菜式，出邊好多地方吉列豬扒都係凍冰冰上菜，呢一度有得食熱辣辣香脆吉列豬扒，份量適中廚師更切件上方便食用，配以沙律醬進食無得輸❤️整體來說，下次會繼續光顧！…Read More

呢排朋友話我知Novotel推出左夏日法式自助晚餐，呢度18:30已經開始供應食物，逐碟逐碟熱辣辣拎出黎❤️係呀，如果鐘意食甜品但又唔想淨是食甜品放題呢度我會全力推薦，一眼望到成十多款不同甜品；蛋糕、撻類、生果、朱古力噴泉、一口精緻甜品，睇到心心眼😍全晚除左放縱食甜品之外，仲有好多熟食菜式和法式菜式食，有和牛鴨肝漢堡、法式海龍皇湯、紅酒繪牛肉，但令我一再食過返尋味是即開生蠔；呢度啲生蠔新鮮，平時淨係去日本先會食生蠔但係呢度完全令我破格，一口氣食咗幾隻haha🥰仲有狂擦松葉長蟹腳，好滿足！下次再約過朋友黎呢度食自助餐先✨❤️✨提提大家*🥂✨「讚好」Novotel Century Hong Kong 社交平台專頁，可享6折優惠 ($317起)#諾富特世紀酒店…Read More

呢一間餐廳可以食西餐亦都可以食日本餐廳，今日就同朋友食佢哋嘅日本菜。環境好似去咗日本咁舒服，最吸引我係自選丼飯任揀四款，有多款刺身選擇，仲有唔少款式追加小食都好優惠。我就揀咗三文魚海甜蝦和北寄貝，呢度上菜好快手而且刺身亦都好新鮮，店員效率都好高。另外呢度最吸引我係石燒牛小排，定食套餐包日本米飯及溫泉蛋或溏心蛋，自己燒下燒下嘅感覺都幾好玩，而且一燒熟就可以即刻擺落口超過癮！牛小排質素好高，佢哋處理食材新鮮程度十分着緊。另外叫咗個溫泉蛋肥牛飯，個汁超好食而且肥牛當然唔係平時打邊爐嗰隻啦，佢呢一隻係我喺日本食過嘅肥牛一樣咁好味,依家諗返都好想再次約朋友即刻去食番碗，嘿嘿🥰…Read More

係人好知旺角有好多野食，但講到店員有禮物，價錢抵食實惠，多菜式選擇，就唔夠呢一間黎啦！裝修雖然簡單但勝在坐得舒服地方闊落，我諗因為咁，都見到晚市有不少一個人黎光顧，餐廳令客人坐得自在真係好緊要，我諗佢地選呢度都唔係冇佢地的原因😋😌好難得約閨密出黎食飯，今晚胃口又唔錯，所以就點了幾個滋味菜式。生菜肉碎包，完全冇令人失望肉碎炒得好香，而且用咗好多香料一齊炒，生菜份量十足，保持水準好味粉絲大蝦煲，野未夠鑊氣，色香味俱全，上枱香噴噴熱辣辣，有幾隻大蝦，水準一流，叫得粉絲大蝦煲就當然希望粉絲唔係得個少少，呢度果然冇令我失望，超多粉絲，粉絲吸收晒大蝦煲裏面嘅精華，正！每一次去到泰國餐廳必點青咖喱雞因為好鍾意食香茅味，呢一度嘅咖喱一啲都唔辣但係好香，青咖喱汁唔會話煮得好稀，汁撈飯一流！雞柳嫩滑好味！…Read More

呢排忙到甩碌，食冇定時，所以襯周未就搵好野食錫下自己先😘我會答你食飯是我休息既時候，食餐飯可以食成晚，同朋友慢慢食傾下計笑下，好享受好舒服，都是我其中一個減壓的方法黎嫁！我好鐘意食海鮮🦞有間性價比高的海鮮餐廳，呢度有火鍋套餐和蒸氣套餐，我就選左後者任食2個鐘，呢度老闆每日都精挑細選生猛海鮮先開舖；海鮮食材多樣化，先黎一大盤海鮮盤，有我至愛的龍蝦、六頭鮑魚、大扇貝，小心睇住時間蒸，龍蝦肉質好爽好鮮甜、扇貝超新鮮，呢幾樣都可以一齊蒸，食完海鮮仲可以食火鍋，任食菜單都有蜆和海鮮食，西班牙黑豚肉仲有即包鳳城水餃和肥牛都叫咗幾轉，haha!下次再約朋友過嚟食先😉…Read More

近日發現旺角朗豪坊商場旁邊個條街有間地下至一樓的cafe，原來是主打台灣菜式的餐廳。聽說呢間店舖下午和晚上都有指定入座時分，如果早到左係原定入座時間就要稍為在門外排隊等候。慢慢安排入座，未坐底已經見到好多打卡位，老闆十分用心裝飾餐廳，一定係希望大家可以靚多d靚相。談到餐飲，呢度都有不少餐飲選擇的，而每叫一個主菜定食都會附送沙拉、起司同每日甜品一份。選好主菜後，需要走到收銀處下單點食物，而食物都是自取的，餐具和清水是到自助吧自助取的。那如果服務款待都是自助那員工做什麼呢？這裡的員工都主力安排在廚房和製作食物，我想老闆目的是想餐飲方面做到最好，所以可以見到個個位置會有大量人手烹調食物。我點了剁椒牛肉—台灣眷村的地道菜式；一擺上桌熱騰騰不在話下，燉牛肉份量足夠大大舊，燉飯同手炒花椒豆瓣醬一起食濃濃的花椒味本人是十分喜歡的，飯上還有用心整的滿分溫泉蛋，好夾！而係吃飲前，吃了個沙拉先；份量足夠，主要都是生菜蔬菜而整成的，而麵包方面選用咗西式硬法包，切成6塊方便品嘗，我自己就好喜歡麵包旁的無花果奶油和香橙白蘭地起司抹醬，好特別的抹醬都唔會話太甜，有驚喜！最後食飽飽會有個小甜品—奶昔，酸酸甜甜我自己就相當滿意！…Read More

因為店舖有兩層所以可以容納到唔少人，第二層寬闊闊落，唔同牆身有唔同顏色嘅主題和色調，好多地方都可以影相打卡，而餐廳想令客人坐得舒服，桌椅選用淺灰大理石花紋枱配杏色木椅，坐得好舒服所以今晚同朋友食飯「摸下杯底」傾心事haha呢度定時都會有唔同嘅優惠，今期優惠就係指定菜式有買一送一，我地選咗蟹子三文魚忌廉意粉送波菜柚子橙子沙律；意大利粉熱辣辣擺上台，分量十足，配搭唔錯。沙律酸味味好開胃，而且選用十分具有營養價值嘅菠菜去做呢款菜式，好新鮮配搭好夾。小食揀咗單骨蜜糖芥末雞翼，新鮮炸出嚟嘅單骨雞翼，好香好脆，配搭蜜糖芥未醬，好想嗌多碟。呢度都好多甜品選擇㗎！近排鍾意食朱古力所以選咗朱古力三重奏；呢個三重奏裏面有慕絲雪糕 、心太軟和朱古力特飲，朱古力唔會話好甜好啱我食，心太軟整得好成功，切開裏面濃濃的朱古力醬，外脆內軟。我朋友鍾意食士多啤梨，所以就揀咗厚焗鬆餅，凍冰冰嘅士多啤梨雪糕配搭埋熱辣辣鬆餅夾住一齊食，口感十足，甜品生果裏面嘅新鮮士多啤梨一啲都唔酸好甜。今晚食過返尋味，我朋友話下次想再次嚟試唔同嘅甜品同菜式。…Read More

因為掛住好耐冇見嘅好朋友啦☺️所以✨今日約出嚟食上海菜，呢間係由新加坡帶嚟香港嘅樂天皇朝上海菜，最期待就係食佢哋嘅小籠包因為聽講佢哋嘅小籠包係好有特色架，一籠有八粒每一粒都有唔同顏色嚟到呢度點左「皇朝小籠包」，八粒都係唔同顏色代表着唔同嘅味道；我就食咗黑色是黑松露、綠色是人參味和紅色是川味，最驚喜係黑色，熱辣辣擺落口好香嘅黑松露味，好滿足😬「松子桂魚」甜酸適中，桂魚炸得脆卜卜🔥😌「李白醉雞」雞肉嫩滑，酒味適中不太濃。#樂天皇朝…Read More

如果生活過得不如意 那就吃多一點甜吧～🍧🍯🍰Pancake食過唔少 今晚食呢個大大件 梳乎厘班戟係呢度嘅主打 所以有成9種多款口味選擇 但係最後都係揀經典嘅口味 因為咁樣先可以試到真功夫😌😘厚厚的 熱住的pancake令牛油半溶狀態🧈和奶油忌廉一起夾住食 再加埋酸甜的水果仔同糖漿 就是最愛吃的味道❤️點咗個安格斯牛肉肉醬闊條麵溫泉蛋 肉嫩 肉醬唔會太鹹 不錯點埋杯咖啡忌廉甜酒奶昔 酒味不濃 合適唔太飲酒的人喜歡呢度有不少休閒沙律和薯條小食，仲有意粉、漢堡包、奶昔和特色飲品。餐廳環境寧靜，色調和餐桌的擺位都舒服，點幾樣菜傾下計談心事坐足幾個鐘，服務也很好，定時定後斟水也有禮貌，整體喜歡不錯…Read More

今日去食咗個美國大餐，原本冇諗住會去呢間餐廳食飯，但係坦白講因為今晚原先訂嘅晚餐餐廳實在太唔得啦！所以食咗45分鐘就走人，即刻見到呢一間餐廳，二話不說就走左入去$180左右入到去特別興奮，可能真係搵到想食咩要咩就有乜嘢的餐廳，今晚想飲番杯cocktail or 甜酒同埋想食下小食咁，估唔到飲品嘅餐牌已經有成四頁紙咁多選擇，搞到我選擇困難症都出左黎小食嘅話就揀咗呢個拼盤，上菜果下真係好震撼，份量好大都驚食唔晒，最後真係要叫外賣盒有漢堡包、扭扭薯條、雞翼等等仲有三個唔同味道嘅汁俾你擇；牛油果加辣椒的醬、甜酸汁和甜汁的。$288最後係選擇困難症當中揀咗朱古力甜酒，好易入口好好飲，如果份量可以多少少就好啦🙊$78…Read More