or#Tm65558310's Profile

鰻魚飯好食🤤配塊日本葉🍁味道仲突出～$268份 抵唔抵食就見仁見智🤪值得推介👍 自家製腐皮餃子🥟皮脆多汁即叫即整 熱辣辣上枱🤭太吸引食左兩舊先記得影相📸焗生蠔🦪 個汁好食過隻生蠔🤭…Read More

用$40嘅價錢買杯latte，結果買咗杯甜奶水🥲，同初初開舖嘅時候比較真係差咗一大截，成杯嘢一啲咖啡味都冇，只可以係形容牛奶加水，唔好飲都不在話下，服務態度又麻麻👎🏻👎🏻當時成間舖得我一個客買嘢，等候時間差不多8分鐘，有位姐姐沖緊杯咖啡，有位主動想幫手收錢既哥哥仔，連收錢部機都唔識撳，重點係撳張單出嚟都成問題，淨係收錢都搞咗成2-3分鐘，最後撳到收錢出單仲要差態度差眼神，全程我係冇催趕過任何野🥲🥲 冇下次！！…Read More

見到新開左間冰室，心諗冰室來來去去都係食嗰啲嘢😅都冇咩期望，出面又落緊大雨🙃其實係為咗避雨先入嚟試吓😂坐低見到餐牌，見到有個其他冰室冇嘅飯膽粗粗就叫嚟試食…🤪點知當店員上菜時見到係有炒飯底（個時係暗爽左下😂）出面食啲咩咩焗飯炒飯底要加最少$5，呢度唔需要加錢味道又唔差wo👍🏼甜甜酸酸嘅糖醋汁燴叉燒飯再配埋隻香煎糖心蛋，隻糖心蛋啲蛋汁配埋落啲飯度，係好夾😋睇得出呢度個廚師有心機煮嘢🤪…Read More

大年初八過年流流真心嬲荃灣出哂名排隊長要等都預左嫁啦！叫外賣果刻話等15-20分鐘就ok，心諗今日咁好彩等咁少時間（個刻聽到係開心既😉）點知叫左兩碗米線加2個小食都等左45分鐘，叫外賣果時蒜泥白肉、豬頸肉、炸雞翼都已經賣晒得返涼拌墨魚頭同涼拌皮蛋都照要啦點知等咗45分鐘後，拎外賣嗰一刻先話俾我聽兩樣小食都賣晒冇得俾你，我同佢講落單嘅時候話有喎！淨係識得話退錢、退錢、退錢…好食還好食，咁樣做生意唔得囉！下次唔會再幫襯，要將心比心！…Read More

今日經過見到餐廳轉左新餐牌，見到大概有五六個餐都轉左新款，買咗個令和A級鰻魚飯配炸蝦餅仲要跟餐有個麵豉湯，個麵豉湯啲料都唔少，$65個套餐食到鰻魚飯，鰻魚飯質素仲要高質，呢個價錢合理，喺火炭佢真係好少有👍🏼另外，仲買咗個日本天婦羅炸魷魚鬚、大阪燒炸章魚小丸子同炸花枝丸返去同同事一齊分享嚟食，整體質素偏高，飯市等候時間大概10分鐘左右，同區比較呢間外賣餐廳係一個唔錯嘅選擇，值得一提同推介俾大家👍🏼…Read More

真係令人振奮🥳 即刻叫杯朱古力可可拿鐵開心吓😂 銀禧花園久違了的飲品😅，等左咁多年功夫茶終於係度開鋪，出面好多地方都開左，真係等到頸都長埋😮‍💨 見到呢個銀禧街市悶左咁耐，突然有間手搖飲品出現，唔洗再山長水遠買珍珠奶茶返屋企飲😆剛返屋企同阿妹講完，佢即刻走落去買返杯黎飲🫣第一次幫襯，成間舖頭啲店務員都好Nice好有禮貌，可能冇咩人知道岩岩開張，等左大約5分鐘就搞掂沖好👍🏼 下次會再幫襯❤️…Read More