Kwai84's Profile

今日經過屯門，突然想起之前商場送了$100現金券到指定餐廳用餐，碰巧未吃午餐，我就去了試試這間餐廳。進入餐廳前，在門口看了一下，想不到今天假日都有午市套餐可以點，使我感覺不錯，而套餐包了主食外，也包了餐湯及飲品。最先上的是凍奶茶，不過飲落味道怪怪的，果然在日本餐廳不應該叫凍奶茶等了一會兒，主菜終於上了，我點了一個海膽汁燒蠔定食，但海膽汁比較濃，覆蓋了炸蠔的味道，其他前菜跟沙津就一般。不過餐廳環境算不錯。…Read More

因為鋪頭新開張、商場有推廣活動既關係，咁岩經過就試一試，唔知係咪下午茶時間既關係，間鋪完全無人，坐得比較舒服又唔使等位。點左個杏仁茶試下，由點餐到上餐等左10分鐘，間鋪已經無其他客，但都要等咁耐🥲杏仁茶個賣相都唔錯，但份量比較少，同埋偏甜，鋪頭有提供叫兩個甜品$88，但性價比高品高就見仁見智，有興趣既朋友可以一試😆…Read More

今日同朋友慶祝生日，因為無book位，所以要排隊walk-in ，等左半個鐘終於可以入座。呢間餐廳位置好大，有分室外同室內，室外等候時間就短d。呢間係Gaia Group入邊算係最抵食，個人覺得價錢合理，而且份量都好大碟，可以不妨試吓。Pizza 係好薄，而且外圍夠脆，最重要係夠熱。呢個係龍蝦包，朋友話想食先叫，本人覺得味道麻麻，唔太岩我口味，法國包入邊夾左沙律。賣相唔錯，入邊有鵝肝、龍蝦配料，味道好入味，唔錯唔錯，好評。最後係焦糖燉蛋甜品，份量都好大，兩個人食岩岩好，上邊淋左烈酒，佢仲有coffee可以淋落去，但我地唔鍾意coffee，所以無落到，整體味道唔錯。…Read More

今日黎到The Hart 3樓，聽同事講開左間新既日本燒肉放題餐廳，所以專程過來食。晚上7點來到餐廳，人唔算好多，除左可以簡Bar台坐之外，仲有卡位可以簡，我同朋友兩個人最後就簡左坐卡位。入座之後，職員都好有禮貌，而且會俾一部平板俾我地點餐，再來就係頭盤，包括左有豬頸肉、五花肉、雞翼、和牛粒、牛柳條，俾我地先少嘗一下。燒肉既種類都好多，起碼有10款，全部都係任食既，而飲品方面，就每人包左一罐，如果想任飲的話，可以加$40一位轉任飲，但一定要同台一齊加，而唔可以單一既。而最驚喜係除左有燒肉可以點之外，仲有刺身、壽司、海鮮、野菜、小食、烤物放題，加埋超過60款既野食，起初以為只有有燒肉點我地首先點左海鮮，每樣海鮮都有個鐵小盤，方便擺落爐燒，我點左廣島蠔牛油燒、牛油燒日本元貝、活聖子等等 食落味道都唔錯之後再點左刺身，三文魚刺身、日本甜蝦、日本帶子、松葉蟹棒，味道都好新鮮岩哂未燒熟野食既時候食而我覺得燒肉最值得推介係漬壺牛柳條，味道岩岩好，而且口感一流 我地都不停返點…Read More

今日同朋友黎到旺角新城3樓，一試呢度既惡魔雞煲晚上6點半左右入座，唔需要等位黎到呢度，緊係要一試惡魔雞煲，由於朋友唔係食得太辣，服務員都有溫馨提示，佢地餐廳比出面辣既程度會更辣，所以我地只係叫左微辣。落左單之後，服務員就會拎醬料出黎，自由配搭等左一陣，惡魔雞煲終於上台啦，隻雞比起其他餐廳好大隻，啖啖肉，而且辣味好夠食到七七八八之後，就可以叫服務員加水，打邊爐，我地點左幾個唔同既配料。我覺得呢度既回到味來手打豬肉餅值得推介，除左係出面比較少有之外，豬肉餅食落去好彈牙，而且份量好多熝熟咗之後，配埋岩岩自己配搭既醬料，味道一流。朋友愛吃既冰豆腐，份量都好多，好大碟手打墨魚丸，食落口同樣好彈牙除此之外，我地仲點左手打蝦滑，份量比其他餐廳多，好抵食…Read More

6:45 就去到呢間阿肥火鍋. 門面都唔錯, 地點亦算易搵, 下落地庫就係了.入到去, 係完全唔駛等位的,  waiter 就帶我地入座啦.我地食到大約８：３０度，　其實都係重有位，唔知係咪地庫無咩人識來啦。內在裝修其實都幾有特色，　係用左舊香港的士多糧油雜貨店來做主題。算係幾有心思，幾有　ｆｅｅｌ．未點野食，　當然就先去拎醬，　有咩大家可以睇相，　話明懷舊，　個醬就都係果ｄ啦。睇返個　ｍｅｎｕ，　選擇其實就唔係話好多，　但係應該有的都已經有啦。特別係鍋底，選擇好足，　我地今次就要左個　胡椒豬肚雞鍋，原因係我自己喜歡呢個湯。但係肚就得一個，其他就只好留返下一次再試了。咁個鍋來到，　第一件事就真係飲左個湯先，因為呢個時間的湯先係最清最原汁原味。　呢個湯我可以畀滿分。留意呢個鍋係有半隻雞，　值得一賺係，　　ｗａｉｔｅｒ　係有來幫我地　ｃｕｔ　開佢的，　真係好貼心服務。叫左的野食就唔一個一個講啦。主要講返比較喜歡的。鮮滑牛，　好新鮮，　同埋真係好滑，　放入去１０秒度就已經食得。我諗可以算係招牌菜其次就係手打墨魚丸，　好有咬口，　同埋個爆汁黑琢肉丸，　真係估你唔到，　原來個汁係咸蛋黃，　第一次食，　亦都想像唔到係咁，　而且幾好味，　但建議就唔好食太多啦。咁到食完埋單啦，２個人來講，　其實剛剛好夠食。　每人３００蚊度算中等價錢，　但質素係值的，　下次可以再來試埋其他鍋。…Read More

最近8度餐廳既半自助午餐做緊優惠，有限定7折，計哂實收$166.4一位。而今日我本身有book到台，所以好快就已經可以入座。今日唔算太多人，環境都算舒適。半自助午餐包左自助沙律、Main Course 一款、自助甜品及自助咖啡或茶。職員會同你落左個Main Course先，之後就自助出去拎野食啦。我拎左沙律先，沙律款式有3-4樣，有蕃茄、薯仔沙律、蘋果沙律、沙律菜等等。上Main Course前，會上左餐包先，餐包食落去都比較軟熟，另一個就比較脆。Main Course點左燒特級牛肉，5成熟，賣相都唔錯。慢慢切開，厚度唔算太好，因為叫左5成熟，唔會太老，都好易切開，不過就有少少筋，食落去有少少血水，但無咩牛肉味道。最後到甜品，甜品最好食係芒果拿破崙、雲石芝士蛋糕佢既層次好好，而且切開唔會一層層散開。另外，Bar台出面都有3-4款水果選擇，例如：大樹菠蘿、西瓜、蜜瓜、火龍果。飲品就得茶或者咖啡，無咩選擇。…Read More

今日黎到德福廣場一期食Lunch，簡左翡翠拉麵小籠包食，果時未到12點，我唔使等位，已經可以安排入座，但職員都有溫馨提示，入座起計一小時要埋單。我心諗我依家都唔係食放題，都要限時離開，都係第一次望一望餐牌，我簡左最出名既上海小籠包同四川擔擔拉麵食。上海小籠包：小籠包既湯底好清，夾起唔易爛，皮薄餡靚，食落個湯清甜，有肉香味。四川擔擔拉麵：湯汁好多，但好香濃，拉麵食落好滑，而且好彈牙。不過要留意呢度會有茶水$6 收費，我食到咁上下，見到門口出面開始出現人龍排隊，未夠一個鐘已經埋單…Read More

今日黎到德福廣場既Oliver’s Super Sandwiches 食Dinner，我企左係度望住餐牌，真係好多選擇，最後點左J4 套餐配熱奶茶，再加配左芝士肉醬焗薯條。落完單後，職員會俾一個號碼牌，等左差不多20分鐘，職員終於送上我點既J4 套餐。大蘑菇•馬蘇里拉芝士•松子仁配意大利香草軟包: 入面既餡料非常多，而且配有香草，食落味道別有風味。但令我最Suprise既係面前既芝士肉醬焗薯條，金黃色好吸引，我急不及待試左一條，點住芝士醬，而且係熱辣辣，食落去，好重芝士味，岩哂鍾意芝士既我…Read More

放工約左朋友一齊食Dinner，佢推介呢間韓國餐廳，雖然觀塘返工，但我一直都無試過呢間餐廳，今日就黎到一試。黎到之後，都有一條龍排緊隊，由於無訂台，所以唯有拎左飛等，等左差唔多40分鐘左右，終於可以入座。餐廳既範圍好似Open Area咁，但都好舒服，唔會話好迫。坐低左之後，我地兩個人點左兩個菜式，一個好值得推介既熔岩芝士炸雞麵包，另一個係拉絲芝士BB豬肋骨伴泡菜炒飯。熔岩芝士炸雞麵包：可以將炸雞同春卷放入麵包入面點芝士食，芝士會拉到好長好長將點左芝士既炸雞放入口，芝士會慢慢熔化，成口都芝士味，呢個餐最岩就係人少少，但又想試炸雞味道最岩拉絲芝士BB豬肋骨伴泡菜炒飯：呢個餐會有少少辣味，但食落更開胃，食之前可以將芝士同飯撈勻，再慢慢食，味道好兩個餐既份量好多，我地兩個人食都食到好飽價錢唔貴、性價比高…Read More

今日黎到香港國際機場一號客運大樓，由於提早左到，所以周圍搵下早餐食，但原來底下果層既餐廳都裝修緊，麥當勞🍔要上一層電梯先到。麥當勞都好多人排隊點餐，不過咁多間餐係最抵食既一間而且環境唔錯，餐廳範圍算大，身後更有Café ，佈置得唔錯。等左20分鐘，終於輪到我拎餐了，我點左一個麥芝蛋飽餐，配熱奶茶。其實機場既價錢一向都比市區貴，而且咩優惠都唔可以用，但我今日點既餐比起市區，我覺得都差唔多價錢，唔係貴好多，所以十分抵食。…Read More

今日係APM附近食完Dinner，朋友話之前係Yahoo團購買左幾張Paul Lafayet 優惠卷，要趁未到期之前用左佢，所以就慢慢行到APM 2樓。每次經過Paul Lafayet，都無細心留意佢既精心佈置，依家睇落，真係好細心。我地選擇左堂食，職員即刻係櫃度拎左個燉蛋出黎，將焦糖慢慢灑落燉蛋嘅面上，即場用火槍燒，就變左焦糖燉蛋。首先試左一小口，味道甜甜地，但加入左焦糖既味道，口感唔錯，食到最後，感覺好滿足…Read More

今日公司係附近book左場開早餐會，非常近公司，行兩鐘已經到左，餐廳地方都算好大，可以同時容納到好多人餐牌都有好多選擇，我點左一個歐陸早餐配凍奶茶我覺得雖然我地有30幾人一齊食早餐，但餐廳出餐出得好快，而且每個餐都安排左名牌送上，準備得唔錯，唔會好混亂我既歐陸早餐非常豐富，有牛奶炒蛋、煙三文魚、炒野菌、牛仔腸、薯餅、煙肉、燒車厘茄、沙律、蕃茄風味多士，就咁睇既時候，賣相做得好好，好吸引，食落去都好好味。…Read More

今日同朋友黎到Megabox UA睇戲，睇完戲之後，再搵野食，比較左幾間餐廳之後，最後決定去California Pizza Kitchen 食生日晚餐。入到去餐廳，唔需要等位，我地就搵左一個卡位坐，坐得好舒服，而且環境好靜，可以慢慢傾計都得。晚上有兩人套餐，不過望完之後，入面d野食唔係好岩食，所以最後都單點。我地一共點左一個頭盤、一個特色主菜同Pizza香辣芝士白汁配脆香薯條🍟：味道唔錯，芝士薯條帶有少少辣味，而賣相都唔錯特色肉腸、煙肉、火腿薄餅：一共分到6塊，個餅底好薄，而上面都有好多肉，味道唔錯，但餅底唔夠脆。秘製醬燒豬仔骨：可以切開6件，再點一下醬汁一齊食，好好食，而且仲配有薯條…Read More

今日下午2點幾黎到希慎廣場，因為好熱又口渴，所以就上左10樓去誠品既天仁茗茶買野飲，一上到去，已經好多人排緊隊，不過職員既速度都幾快，唔使等太耐。身後有餐牌，推廣新鮮果茶系列，有鮮榨水果綠茶同香橙綠茶。而櫃台前面亦有推廣緊新出既913黑糖珍珠奶茶。除左岩先既選擇之外，仲有好多唔同既種類。不過，我既致愛都係珍珠奶綠等左10分鐘左右，終於拎到飲品了，這一杯珍珠奶茶得來不易，珍珠十分彈牙，味道唔錯，雖然要排好耐隊，不過都值得。…Read More