CarlCheng5548's Profile

又係冇圖齋up。。返嚟已經一星期食兩次嘅鋪頭，健康素食同味道出品都係好高質！第一次試係6寶，因為自己唔想諗唔想逐個睇逐個揀而又貪心嘅情況下，大推個涼瓜蛋！時蔬！同加錢轉嘅炒粉絲！第二晚食嘅係3餸飯，四季豆時蔬杏包菇個飯都係好好食！唔係好普遍嘅泰國米:(可惜夜咗去，有個冷盤係貢菜茶樹菇？賣哂但一定會再去！由於兩次都係外賣企出面等，但店員都好友善，會請你入去涼住冷氣等，又好好笑容，出餐速度快，鋪面乾淨企理！…Read More

純分享，冇圖片最後一次食呢間鋪頭，已經回溯到2018。。上星期落機，第一時間就已經好想食最愛嘅蠔仔粥同鵝片，墨魚同三寶。食嘅依舊係味道同情懷，人物冇變，裝修好似都冇咩點變，至於價錢，都冇話大幅度上調，隔離區嘅街坊表示好恩惠。蠔仔粥味道如惜，足料亦唔會死咸冇鮮味，最愛芫茜可以吊起成碗粥嘅味道！鵝片係往日必點，但今次突然好想啃骨頭，就點咗半隻鵝，每啖鵝肉越咬越香，滷水味唔會太濃太搶。鹽水雞係今次第一次試，叫咗半隻，抵食又好好食，屋企人接下來幾日都不停想翻兜！墨魚拼鵝腸，個人感覺鵝腸稍微失色，唔入味(其實食唔出味道😂)咬口方面就唔鞋嘅，但唔會脆口墨魚就冇太特別嘅記憶點，但味道亦唔突出滷豆腐都係同一陣味，但質地唔易爛亦唔會浸到好硬，幾容易入口上文提到嘅三寶，因為一個小意外冇得試住，下回分解味道本來就見仁見智，但一家人經營管理嘅鋪頭，到今時今日都做得住，七點幾已經坐爆，總有佢地吸引回頭客嘅理由。但可愛嘅一點係，事頭婆都係由數字落單，而且怕我會浪費，叫我就住點，本來想一隻鵝俾事頭婆叫停🤣4個人食唔哂，結果落單嗌單係有三寶，可惜外賣拎到返屋企，個三寶冇出現到:(…Read More