cynthial's Profile

行過見到有間雪糕店,原來係gelato,宜家間間都係yogurt,算係有d新鮮感~個雪櫃細細,俾幾個阿姐頂住,等左一陣先埋到去...店員服務都好好,keep住有笑容 :):) 我好唔客氣咁試食左幾款,個開心果好好味喎 味道好特別,唔係度度都有得食~藍莓乳酪就比較酸,個人不太喜歡,個mint chocolate好正呀!!好似某個牌子既mint chocolate!!好濃朱古力味又夠薄荷,bailey同曲奇脆脆都好得!!!最後我就揀左黑芝麻,佢地可以揀topping,我就揀左綿花糖加朱古力醬.而朋友就揀左開心果加椰子.雪糕好滑又唔會一味得個奶味,甜度適中,好濃黑芝麻味,食得出係靚野,25蚊即係25蚊,無標錯價. 朋友話個椰子同食真既一樣,好natural,無藥水味~~個開心果就100分無得彈~ 下次我又要開心果!!!!食食下有個應該係老細既人問我地意見,佢話我揀個個朱古力醬係Hershey出品!!咁有心思?!佢仲話所有topping都係佢地精心挑選過!鋪頭細細但連呢d咁細微既野都咁認真,宜家元朗既食店真係越來越有質素!!!佢叫我地得閑可以黎試下新味,因為佢地keep住會入新口味!!! very nice!! 間鋪都幾就腳,係千色廣場隔離,不過係橫街,唔容易察覺.我諗佢地要做多d宣傳先得喇 不過以佢地既質素同態度,一定可以keep到一班識食之人既~~下次一定要再黎!!!!…Read More

一想起食creme brulee,即刻走去Paul Lafayet~~我想外賣番屋企食,店員叫我要45分鐘內吃,如果唔係個焦糖會溶. 用左一個鐘先返到,好在仲未溶 Creme Brulee 蛋味香濃,好滑, 焦糖仲脆,正宗嘅就係咁嘅口感~~~賣相很好,深深愛上~~:) 尤其喜歡個砵(我叫佢做砵!!) 可以recycle~~不過要成$40,唔可以時時食....不次要試Apple Crumble!!…Read More

元朗有得食yogurt梗係要試啦，$30 2個topping,唔係好平喎，試食左個綠茶味，唔得，就買原味啦！揀左玉米片加orea，一定無死，俾完錢，yogurt一上手，溶了！點解咁快既？味道非常一般，食時不停地溶，完全無口感。以佢既size,絕對唔值得！仲食得出唔係靚野，以我食左咁多間黎講，呢間一定係最差最搵笨。之後仲見到佢地有另一間分店，good luck 喇....…Read More

放工等食飯，行過LCX又想食yogurt,就叫左個$40有3個topping既。揀左blueberry,strawberry同mochi, 味道好好噃！yogurt夠酸又滑，唔太甜，strawberry同blueberry太酸，食左少少無食。雖然幾大杯，但越食越停唔到口！仲覺得唔夠添！聽日lunch再黎！$40,抵！:)…Read More

第二次食了，叫了大杯有2個topping,喜歡佢既yogurt夠滑，有yogurt味帶酸又creamy! Topping 有mochi同blueberry,blueberry好甜喎~粒粒都靚靚仔仔！鍾意佢d topping分佈得好有層次，唔會放哂係上面，好似sundae咁，以$32黎講算合理。下次試下佢d crumb 先！…Read More

第一次黎，見平平地就試下啦，主菜平均$25-35,好扺喎！叫左燒雞配薯菜（$25），汽水（$7）任飲同蝦（$22）。燒雞好乾，無油無汁，所以要用朋友食魚個醬汁伴食，不過個雞本身個醃料都唔係太差既。至於個蝦，原來有殼！一心以為shrimp cocktail 係無殼既添！急凍蝦，無expectation,中間個菜又乾又老，跟埋個醬汁都救唔番，算啦，咁既價錢，唔可以有太多要求，有得搣下蝦嗀都幾開心既！…Read More

同朋友食完飯黎飲杯野，上次上黎食飯太凍所以無出去，今次特登坐outdoor。因為個天想落雨同仲早，所以無乜人，即時有位唔駛等。環境好靚，我地不停影相，面向遊艇會碼頭，cwb outdoor黎講都算係好好啦！我地每人叫左cocktail,$75坐左三個鐘，又無min charge,以後會多d上黎，不過廁所真係好遠好遠，要行過成個outdoor位置再穿過餐廳，行落樓梯再出商場，好唔方便呀…Read More

熱熱地想食yogurt,都幾多人，見食評唔錯啦，選了mochi1款topping,點知一食，太奶喇！yogurt唔太酸，咁點係yogurt呢？食完仲好口渴，mochi都ok,無乜特別，不過下次都係行多d路食crumbs好d喇…Read More

係觀景台未開前一日約左朋友試一下這間新餐廳,feel下103樓食tea既感覺.我地係ICC地下找不到LIFT,搭錯員工貨LIFT,好在有個員工帶領我地上去,就係咁,我地就係架貨LIFT度上到103樓...出到去係間意大利餐廳,個外國人MANAGER見我地係個貨LIFT出黎,擺左個又驚訝又好笑玩表情,然後就帶左我地上Chocolate Libary 既入口喇!因為無得book台,所以預早一個鐘黎,reception姐姐俾我地入去坐.裹面無乜人,我地揀左窗邊位,景觀一般啦,欠望到一部份環境,未算震撼,室內都係一般酒店格局.我地叫左杯hot chocolate,甘甘地帶微酸,有水準!tea time 一到 waitress拿來一個盒子,原來係個三層高既tea set架,所有都係朱古力做,幾配合chocolate library既主題. 食物質素幾好,不過都幾溜,如果係 chocolate lover一定好滿足.員工態度好好,有禮貌,我食個杯rasberry mousse裂左,個manager即時好緊張咁問我有無整親然後再換過一杯俾我. 之後我地再上118樓飲野然後去Pastry Gems買外賣,一次過試幾間餐廳,感覺好滿意!!…Read More