小雲羊's Profile

當的人一日到黑掛住要乜乜服務物物態度既時候，好似忘記左自己係向一間專賣小菜炒野既地方食飯，我唔想比幾十蚊一個餐就要人當係上帝招呼，又唔想諗人地方迫唔迫既問題，所以我選揀叫外賣平台咪唔駛煩 呢間舖我咁多次都係買外賣走因為難得係炒飯炒粉有鑊氣，小菜亦真係有質素，至少叫咕嚕魚塊唔會比魚碎，向而家咁既租金環境壓力底下，仲有咁多食物唔係叫貨返黎，都還是係自己做，依然保持呢個質素已經係做食物既最真實需要既誠意，比幾十蚊食野最重要唔係正正係好唔好食，而係態度咁得意，咁掉轉好好態度但係超難食又會幫襯嘛？…Read More

想食all day breakfast, 向openrice見到呢間似乎唔錯就打去叫外賣, 本身打去叫外賣果陣已經發覺對應既水準有的問題, 我問佢bailey chocolate可唔可以係凍既, 佢話唔知要等咖啡師覆, 但問題係我叫外賣唔係堂食, 點等佢覆呢? 佢只能一係話轉頭覆我, 一係叫我比多一個選擇做後備, 但結果佢兩樣都無做, 係我調轉頭提供後備選擇同問佢要幾耐有得攞, 佢話半個鐘內我等到過左半個鐘先去攞, 去到同佢講話攞外賣, 佢就指住櫃面一盒同一杯飲品, 我話外賣係可以比個袋黎裝住, 佢就掛住搞緊一個甜品然後就好大聲話"等陣", 我當刻即時嬲左話"其實你呢個外賣已經係超過半個鐘時間", 當時有4,5個職員(明顯全部係樓面兼任食物製作), 下午三點半得兩枱客同一份外賣, 我唔明白點解預鬆40分鐘都未足夠佢將外賣準備同裝好袋先做其他野?? 要等個客到埋都仲要"等陣"? 仲要連一句"唔好意思, 要你等咁耐"都無??? 然後其中一個男仔想平息件事就即刻將的野入袋, 但係係無裝埋飲管連餐具, 又算係咩服務? 百幾蚊消費我只要求預鬆左時間就去到已經可以即時攞走同外賣齊外賣既配套, 都真係咁難?餐廳本身食物質素係ok既, 但問題係配以如此服務質素既員工, 又如何叫人再幫襯?…Read More

之前一直對呢間舖萬分喜愛, 無論之後搬得有幾遠, 久唔久就會返去食一次定買外賣走, 酸辣粉, 口水雞, 手拍青瓜, 嗆炒土豆絲都係我至愛, 尤其泡椒鳳爪係我向上海, 四川出trip都食唔到佢咁好味今晚叫朋友買外賣返黎比我, 一開盒我就問"咩黎家"。。。一盒炆蓮藕色既物體(我手機有自動調色, 照片已比實物顯得淺粉色左), 然後我朋友話"你話好食既泡椒鳳爪囉"。。。唔係呀化, 之前食既一直係雪白得黎爽口麻辣兼備, 但今晚我見到既係又淋, 切得過細, 過咸過辣, 好似浸到過期咁。。。手拍青瓜都係淋既油既。。。到底係轉左手, 還是真係傳比下一代之後出左名就可以求其? 我之後會親自去食一次酸辣粉, 如果都係衰埋的話, 又少一間令人回味既小店…Read More

同老公食完飯想買甜品返屋企食，經過呢間甜品舖諗住試下，價錢唔算平，綠豆沙$20，榴槤金撈$36同榴槤撈河$341，榴槤金撈：份量算多但只係西米露多(成本唔高比多的都無所謂)同因為pat榴槤ok,所以不過不失2，榴槤撈河：椰粉河粉無椰汁味，亦溝得過左份而連少少煙un都無，榴槤汁又係開到稀晒，係pat榴槤救左碗野，勉強都可以食完，反正份量唔多3，綠豆沙：最慘不忍睹，我已經算係勁鍾意食甜品，只要未去到難食到嘔我都盡量會食完，但係呢個綠豆沙“水料料”既程度係完全無綠豆品，得個甜字，我食左4份1之後頂唔住同老公講“開盒日清美味寶應該仲好食過呢盒野”。。。然後就掉左。。。以咁既價錢去食的咁既甜品，不如買日清美味寶開出黎賣無咁虐待的客個胃…Read More