katepug222's Profile

剛剛去完沖繩, 食過當地拉面, 返到香港就好想食返d好味拉面. 老公知道呢度有得食, 我地就二公婆去試下啦. 係門口先每人派張卡, 點餐&埋單時用, 幾特別, 未見過~~ 入到去環境唔錯, 唔多人, 有幾間拉面店, 我地睇哂咁多間, 最後簡咗入黎既第一間試...我簡咗個忍者咩魂拉面, 老公簡咗青龍拉面, 再加$20 九菜煎餃. 個忍者面湯底好一般, 濃唔濃,淡唔淡, 個面又唔Q, 好似我平時係supermarket買既味千面咁, 咁我自己煮都得啦....加埋湯度就"傑"埋一堆, 3塊肉片超薄, 唔係好食得出味道, 隻旦OK, 配菜係正常OK! 個青龍面個湯底幾特別, 可能我少食呢類, 但個面真係真係唔得, 口感唔Q, 太淋, 呢個肉片就厚D, 但只有一塊, 味道食得出唔錯.....個餃唔夠熱, 味道超一般, 係supermarket買既可能仲好味~~但服務態度超級好, 可能跟日本文化, 呢樣真係無得彈!!…Read More

因為係朋友介紹, 對呢間野一無所知, 所以當日食之前專登去睇食評, 見到評語麻麻, 不過, 心諗係朋友介紹,差極都係食一次, 所以都照食~~一早訂咗位, 所以唔洗等位. 我地6個女仔去食, 佢比張大圓枱我地, 對於我地諗住傾計食嘢既真係好唔方便,間嘢比較細, 每枱都好近, 所以好嘈, 要大聲講嘢先可以.我地order咗個好似叫冬陰公海鮮鍋$288, 裡面有隻細細龍蝦, 大蜆, 蝦, 細蜆, 菇類少少,d蝦極唔新鮮, 隻隻都好"霉",大蜆一咬勁多沙! 另外order咗燒海鰻(唔記得記錢, 不過份量少), 仲有個set, 燒魚($138) + 炒大蜆($130)送生蝦12隻(原價$138), 個蝦一黎到就諗,點解唔同樣既?! 唔係兩食咩?! 我心諗, 可能係送既, 所以無炸蝦頭啦. 食到差唔多都唔係好飽, 就再order咗d牛肉, 響令,餃子...火鍋料, 碟碟份量少少, 再order炒通菜, 其間order咗d飲品, 有椰青, 荔枝沙冰, 青檸soda, 呢d都ok, 無問題,最後再order咗2個椰青雪糕, 個雪糕跟埋杯椰青水, 只係椰青+雪糕, 無咩特別, 其實我唔係好食得出雪糕係咩味!!係整個過程呢間野真係無咩服務可言, 好似得2個男仔+老闆做嘢, 仲要成日企係埋邊背住大家, 想叫一叫佢地都難,從來唔會望下大家有無咩需要, d垃圾成枱都係, 又唔執, 叫佢地執野都好似唔識執咁樣, d嘢又黎得好慢,特別係飲品!! 佢地對人既態度唔係差, 只係無咩服務, 一d都唔細心.食到咁上下聽到隔離枱同我一樣有一個疑問, 就係個生蝦點解無炸蝦頭?! 個老闆話"係呀! 唔係次次有架!!" 我再同我朋友講返,佢話之前係有架, 唔知點解今日無! 嘩.....即係鐘意有咩就整咩, 事前又唔同客解釋, 好唔老實囉!! 我地傻傻下唔問, 好在人地有問, 先知咩一回事!! 到埋單啦, 我朋友問可唔可以簽卡, 我就將我係食評睇到既講出黎...."係openrice到咩卡都得, 但實際上只收cash.....", 跟住我就再問下啦, 佢地話只收現金, 如果係咁, 做咩唔update返openrice既資料, 如果真係無cash咁點呢?專登出去襟錢都唔方便啦!!最後埋單$1228, 每人$2百鬆dddd, 呢個價錢唔係貴, 其實味道唔難食, 只係唔值, 大家食唔飽, 又無服務, 用料質素差,又無咩特色, 我唔會建議人去食, 我都唔會再去呢間食.....…Read More