Wai-porChow's Profile

泰式海南雞飯,雞柴無味,配菜無,飯係可以嘅,醬汁好味；泰式炒河粉,材料火腿片絲、紅腸絲、虾、青椒牙菜,完全無味,雪藏虾,無加底味,合埋眼放入口,你唔會食得出係咩黎！無咸味、無辣味、無香味,係整個炒河都無味！跟單串燒3串紙皮石般大小共6塊收44蚊；泰式炸春卷,好油,細細條5拾幾！套餐價錢5拾幾6拾幾,價格唔成比例！中午1點,居然大把吉位,隔離左右全程無人坐,大概口碑質素,心中有數！埋單$221,去香港仔搵食,魚蛋粉燒味飯穩陣啲！…Read More

今早，有啲嘢要去新浦崗搞，因利乘便，梗係要去樂廚歎個午餐啦！全日早餐，大大份，78蚊，有半個蕃茄、松露炒滑蛋、長香腸（真係成呎長）、煙三文魚沙律、粟米粒、麵包，用料不錯，好飽；太太要咗個咖哩吉列豬排蛋飯，豬排大大件，炸得好靚、又唔油，咖哩好味，兩隻蛋，仲係用珍珠米，唔使70蚊，正！店鋪不太大，但干淨企理，坐得舒服，員工有禮，食物有水準，中午前用餐，清清靜靜，仲可以同店員、店主打吓牙骹！因為掛住傾偈、食嘢，都忘記影相添！…Read More

好耐之前，都已經想試。早前收到傳單，知到下午兩點後，午餐買一送一，咁啱行過、又唔係太多人排隊，即管試試，可惜！等咗大約15分鐘，經侍應引領入坐，地方都幾闊落，但只開一邊，所以先要排隊。兩人入坐，大卡位，坐得舒適，點咗8oz牛扒、fire rib，無要小食；餐湯蕃茄湯，夠熱、好味，仲有件小鬆餅，好食，心諗：應該無揀錯啩？餐來了，牛排要7乘熟，一切！超硬，9乘以上，u n到呢！至於件fire rib，唔入味，霖，似用來煲過湯咁！平均成百蚊食個午餐，話貴又唔係，如果收原價，又唔係太值，食花園餐廳好過；花園d薯條係肥d、林d，d扒嘅汁係多d，餐湯係行貨d，餐包又係普通d…但行得入去，心理有準備。如果係因為買一送一而將貨就價的話，可能弄巧反拙，失望的一個午餐！單獨叫嘅主菜，可能會有所不同，但已經扣哂分！…Read More

咖啡出色，意粉喜出望外，焦糖 布甸唔甜，質比好滑。傳統咖啡夠香， 摩卡咖啡夠濃又香又滑，出色; 溫泉蛋卡邦尼意粉， 芝士味濃郁; 大蝦炒意粉， 用海蝦、鮮蘆筍，夠香口; 焦糖布甸好食，雖然唔喜歡食甜品，亦覺非常美味。 非常滿足的一個午餐!…Read More