oceanthc's Profile

Lunch 同同事食下日本野，第一次買丸十嘅外賣，我叫左角切魚生飯（即雜錦魚生飯），外賣單叫有85折，但跟定食餐冇折😂 噤都有嘅，噤叫個飯食算。我地3 個同事都想食呢個魚生飯，但餐廳話得番2 個飯剩，留意番落單時間係11:45am，已經叫咩冇咩… 同事叫鰻魚飯… 講番魚生飯，魚生黎講算新鮮，但啲魚生有魚骨… 未食過魚生飯有魚骨… 大大條果隻… 食魚生唔expect 有骨掛？好彩冇大大啖吞… 我比負皮，mark 低小氣簿仔記住你。…Read More

Lunch同同事過嚟食飯，貪呢間餐廳環境夠chill，位於工業大廈7樓，有一個戶外小露台，好似一個隱世小天地藏於密麻麻嘅工業區大廈當中。大廈入口有少少隱蔽，位於郵局門口隔離，福源廣場對面，係有少少難搵。lunch 喺度食飯唔算多人，餐廳一般只有兩個職員，所以出菜唔算好快，想確保有位置可以事先打電話預約，但我試過兩次都冇人聽可能人手唔夠。今次同一個同事上嚟食嘢，一人叫咗一個set ，黑啤燴牛肉、薯蓉、法包，仲有香煎鱈魚、辣肉腸燴法式雜菜，跟果茶。黑啤燴牛肉、薯蓉、法包牛肉選用牛腩，黑啤味唔算好濃郁，薯蓉味道有驚喜，似乎加咗芝士喺入邊，感覺比夠有黏度，牛腩要點埋個薯蓉食會更正，但法包稍為腍左啲…香煎鱈魚、辣肉腸燴法式雜菜鱈魚煎得夠香嘅，同雜菜都夾，但魚肉麻麻地一夾就散，要喺隻碟嗰度慢慢搵番啲魚肉，尷尬… 賣相幾好睇嘅，睇到廚師細心擺過先出菜。呢度會另收加一服務費，老老實實，性價比唔高，品質唔算出色，但環境舒服，喺荔枝角平日想舒舒服服食個午餐可以黎試試。…Read More

放假約咗個好耐冇見嘅朋友見面，搵吓屯門有啲咩cafe 舒舒服服坐下傾吓計，搵到新開嘅 anchor，貪佢小店冇咩人，又近河邊可以散步。《位置少少吊腳，但唔難搵》Anchor 位置唔算就腳，今日搭車去安定村在經過友愛橋過河，沿河再行前少少，係弦海地下，單車徑旁邊。店內約有20 個位，中午黎到仲有啲位。《職員友善要加分》我同朋友睇完menu ，我叫左 檸檬三文魚意粉，加 earl grey ，朋友叫左 all day breakfast 加 cafe latte。因朋友食物敏感，向店員下單時溝通可否轉其他野，店員都用心回應同安排，值得一讚，上菜時仲用茄汁喺薯餅上面寫左 special for u 十分暖心！我叫嘅檸檬三文魚意粉，檸檬味好足夠，感覺好Fresh好開胃，令忌廉汁意粉多咗一個層次，稍為挑剔嘅係煙三文魚輕微煮過，見到魚肉變白，少了煙三文魚嘅質感，可能有啲人鐘意，我就麻麻啦。整體而言，黎anchor 約friend傾吓計食下野飲杯野唔錯，要求不高，價錢都適中，職員友善加分！…Read More

Lunch 同同事走遠少少食飯，黎到唔洗等位就入得。入到去發覺間餐廳都幾大，空間感夠，枱同枱都有足夠距離，感覺舒服。我地一人叫一個定食，我就叫左yuyu 雜錦魚生丼，跟餐有沙律同味噌湯，同事叫左魚生壽司5 件+ 牛肉蕎麥麵。上菜速度都快，5分鐘多啲就上前菜。Yuyu 什錦魚生丼先講我嘅魚生丼，都幾足料，乜都有，帶子、三文魚、吞拿魚、油甘魚、甜蝦、三文魚籽，仲有啲青瓜粒。刺身新鮮，值得一提，三文魚、吞拿魚、油甘魚都食唔到筋，有時出面食刺身食到有筋會幾尼hea，一係咬唔到要吐番出黎，一係就照吞落肚…壽司+蕎麥麵至於同事叫嘅魚生壽司配蕎麥麵，睇落去啲壽司細件… 目測只係比爭鮮果啲大小小，賣相唔吸引，蕎麥麵不過不失，一樣跟沙律同味噌湯。整體黎講，呢間日本餐廳食物不過不失，價錢稍貴，冇咩驚喜，食過翻尋味指數2 粒星…Read More

細細個就聽過田中呢個名, 中學黎食過之後就好耐冇黎講~ 今日同朋友行完街想早D食晚飯 5 點左右黎碰下運氣, 點知又唔洗等位可以即入去, 因為平時經過開佢鋪頭都會見到出面勁多人~2 個人點左3樣野食1. 特色刺身 (三文魚, 北寄貝, 八爪魚, 海膽)2. 蝦天婦羅3. 肥牛拉麵特色刺身 (三文魚, 北寄貝, 八爪魚, 海膽)一上菜就覺得有驚喜, 因為原來係跟左個飯團, 同埋海膽跟左青瓜絲 仲有紫菜! 紫菜包海膽食味道緊係好過齌食海膽啦, 海膽新鮮好咪, 紫菜照脆, shot shot 聲! 抵讚喎! 三文魚就大大件, 但唔知點解得3 件, 2個人食又要爭… 北寄貝同八爪魚就每款有4件~好食!蝦天婦羅又要讚, 新鮮炸出黎, 溫度岩岩好, 重點係蝦表面既炸粉係脆得有層次, 又係shot shot聲! 肥牛拉麵原本冇咩期待, 因為呢個拉麵$45, 但又估唔到都OK喎, 肥牛應該係輕輕煎過, 煎過既肥牛味道更加出, 湯底雖然唔係人地正宗拉麵煲十幾廿個鐘果種湯底, 但配合埋大量既海帶, 粟米, 同煎過既肥牛, 又幾好味!唔知係咪因為我地5點幾食飯既關係, 餐廳冇咩客, 師傅整野特別好味! 我同我既foodie朋友會食多幾間試下呢個”越早食晚飯品質越好既theory “! 總括而言, 田中都係我真心推介!! CP值極高! 但留意番, 正餐時間一定多人等位, 仲要限左45mins 用餐! 星期1-4 有落場時間, 唔好摸門釘~…Read More

今日同同事食lunch 黎到味道樂, 同事都食過好幾次, 話呢間野唔錯, 晚市水準都唔錯~Lunch 黎到唔洗點等位, 岩岩好滿座~ 坐低係位同事A笑說同事B既背景好似去左日本, 無錯, 因為味道樂既裝修都係佢特色之一, 走懷舊老日本小店路線, 木板牆身, 加上好多大大小小懷舊車站鐵牌及玩具, 係度食野的確有去左日本旅行既感覺。講番正題, 我地一人點左一個定食, 都係跟日式蒸蛋, 味噌湯, 沙律;3 個定食分別係海膽三文魚籽甜蝦蓉丼三文魚親子手卷拼湯烏冬蟹柳蟹膏手卷拼湯烏冬我主要講下我點果個 - 三文魚親子手卷拼湯烏冬定食 $68三文魚親子手卷魚生新鮮, 魚子亦有咸海水味, 手卷Size 如果再大份D會更吸引! 雖然噤講, 但食完跟餐既日式蒸蛋, 味噌湯, 沙律, 再食埋手卷, 再食個烏斥, 就會覺得個烏冬冇特色, 同埋有D 飽… 好明顯呢個定食黎講烏冬就係為左比D驚唔夠飽既人頂頂肚, 好食係BONUS黎, 冇特色係正常既呢個價錢黎講都算接受到, 雖然要加一服務費, 但職員上菜都快手, 又helpful, 會主動為客人加茶, 再食指數4 粒星!…Read More

約咗朋友今日放咗工晚飯，一於順便試吓啲新餐廳，搵下搵下就話試下呢間泰國餐廳。晚上7:30 黎到好快可以入座，餐廳環境幾舒服，有啲裝修，座位空間感唔錯，我過嚟餐廳啲位太迫，食餐飯同隔離台太近好辛苦下。睇吓個menu 都好多選擇，第一次嚟梗係叫啲泰國菜大路野試下個水準：1. 牛肉船麵 （金邊粉）2. 魷魚3. 豬手4. 生蝦5. 通菜馬拉盞6. 野飲：咸檸7 ，珍多冰必食推薦牛肉船麵我食麵通常都有個習慣，一上菜就試左個湯先，嘩個湯濃到爆，船麵嘅湯底之所以味濃，在於湯底用左牛血豬血牛骨泡制，再加上各種香料，金邊粉好彈牙，吸晒湯汁，牛肉新鮮。泰國船麵其實係平民食物，價值亦平民化，但呢間餐廳個船麵高質，睇得出製作有心機，當然價錢都有番噤上下，只可說品質對得起個價錢。食物 : 💛💛💛💛/ 5 分服務 : 💛💛💛💛/ 5分價錢 : 💛💛💛/ 5分環境 : 💛💛💛💛/ 5分…Read More

我同朋友都很喜歡吃點心，最正就係點度食枱都係唔同嘅點心，然後個個食完滿足地捧住個肚走。喺屯門要搵一間好食嘅點心鋪頭都唔係噤易，建生寶怡以前有一間好高質嘅點心鋪，但係當越來越多人食嘅時候，即係佢執笠嘅時候，因為業主見你生意好就會瘋狂加租，小鋪頭要維持高質出品，又要面對鋪租成本大增，敵不過租金而結業的典型故事，香港人你明啦。一粒一粒噤叫1️⃣1️⃣1️⃣今晚嚟到功夫點心食晚飯，晚上這裏也不算多人，等了5分鐘就可以入去。職員服務唔算非常好，入座後見到枱面的碗筷天一半地一半。點心紙上面的點心種類都算OK，最欣賞的地方就是蝦餃燒賣都可以一粒一粒咁叫，我們三個人吃飯一人叫一粒就最好，會唔會食剩一粒到時又要猜包剪揼。阿姐識功夫🤼‍♀️🤺寫好點心紙，阿姐出完電腦單，佢行到距離我哋張枱仲有一個身位，竟然飛塊牌去我哋張枱度，塊牌落點準確冇水花，果然名不虛傳 - 「功夫點心」！好彩我地都食過夜粥，唔係嘅話真係比佢嚇鬼死！大件夾抵食 🈵唔駛等好耐，點心一籠一籠咁樣嚟，籠籠都係出晒煙，夠晒熱辣辣！3 個人點左11 籠，上菜嘅時候就開始後悔了，媽咪！原來佢嘅點心都幾大份，一定係習武之人體力消耗大，所以點心都好大份！⭕️北菇棉花雞 - 係雞扒黎！⭕️個流沙包仲大過我拳頭！⭕️3粒燒賣已經迫滿一個蒸籠！⭕️蘿蔔糕大塊過地下啲階磚！⭕️牛肉球又係大粒到哽死人！叫左兩個有啲新鮮感嘅點心：春卷幾有新意 - 松葉蟹棒春卷；蒸 鹹魚雞粒飯；（佢點心紙上仲有啲特別嘅野）以上嘅點心都唔差，大件夾抵食，唯一比較差嘅就係金錢肚，韌到好似膠噤，負皮我比嘅！🤩個人推薦：流沙包、燒賣、鮮蝦菜苗餃⚠️大伏警告：金錢肚…Read More

同女朋友一早出門口行山，行到下午 4:00 先返到嚟食午飯，一於去壽司郎 買個外賣拎走食， 嚟到壽司郎門口一如以往咁多人排隊， 我哋開咗門口落單買外賣， 仲揀緊食咩好嘅時候竟然聽到職員叫咪話BAR 枱有位，有飛嘅客人可以入，問有冇人坐bar枱， 於是我哋順便一問係咪有位，我哋係唔係可以入去，點知職員話可以！嘩，壽司郎🍣點會等都唔洗等都入得噤好！難以置信！不過可能真係噤岩有位，時間又早，出面排隊嘅人可能等大枱或者等5-6點食飯都唔定，只可以噤說服自己食野冇筷子，職員唔見影入到去食野張枱冇筷子！入面亦冇職員周圍行，完全無助，呢個位真係超扣分；好彩 隔離枱見到我哋喺度搵筷子， 就問我哋係唔係要筷子，於是俾咗佢哋枱上嘅筷子盒我哋。由於好鬼肚餓 拎起塊板就瘋狂點嘢食，叫左包括：1.蝦3味2.厚切三文魚3.茶碗蒸4.天婦羅拼盤5.海膽苔包6.中吞拿魚腩7.大吞拿魚腩8.拔絲番薯9.帶子10.焦糖布甸11.… 點左一陣，輸送帶5分鐘左右就會將野食送到黎，都幾快！個人幾鍾意佢啲提示音效，聽到會好開心🥳！食物嘅質素當然冇叫我地失望，天婦羅脆，刺身新鮮，海膽其實味道正常，但色水就深色左啲，唔知係咪擺耐左🙂🙂焦糖布甸覺得太甜，但食壽司都可以食埋焦糖布甸又好圓滿！大吞拿魚起晒油！真係好甘香！但有好多筋囉……Read More

今日經過荔枝角, Lunch 時間周圍餐廳都係人, 一個人食野真係頭癢😕 諗唔到食咩好，但冇咩要求最緊要方便同快，於是黎左長沙灣廣場食大家樂！lunch 時間呢度都係多人, 但堂食黎講都唔算難搵位, 相信係因為好多人都係外賣拎番office 食～ 收銀落單排一陣隊就落到單, 姐姐熟練既落單技巧真係值得欣賞💁🏻個個一埋到黎就自動波講出今日食咩野, 係咪會員, 八達通比錢; 水吧位出貨都快, 等5分鐘左右啦就有得食；食大家樂黎講, 咖喱牛腩同焗豬真係冇得輸, 水準其實間間都差唔多, 而且個人認為係好食, 今日都點左個焗豬, 收銀姐姐話送多杯檸樂比我, 唔知係咪因為我靚仔, 巧Kai鮮! 😊😊😊今日食既焗豬都係一貫既水準, 茄味夠, 有菠羅粒, 都幾開胃, 個飯底食到蛋絲都幾香, 豬扒夠腍, 仲有姐姐送比我既檸樂🥤🥤個人認為30-40$ 價錢冇得輸囉…Read More