siukwan301的個人專頁

趕客嗎。食物沒特別，叫了特餐，茄牛通，炒蛋，奶豬，凍飲，48元， 迫，連袋也沒地方放，碟上有食物，阿姐都黎收，服務全沒有，似趕客，不會再來，浪費我的quota, 完。…查看更多

此間位於元朗圖書館對面的小店, 見到餐廳細細, 座位不算太多, 室內約共12位, 室外可坐10位左右, 適逢天氣轉涼, 坐室外及有帶毛孩就方便了。是次是本人首次到來, 見到餐牌簡單幾款食物, 飯/意粉/沙律等等, 再配以不同的主菜, 聽到很多叫牛脷及蝦餅, 於是便叫了焗牛脷bin意粉同蝦餅蛋沙律, 食飽後, 非常感恩放棄叫2個焗物, 因為真係好飽。焗牛脷bin意粉, 好好味, 因為我本身好鐘意磨姑汁, 加上意粉咬口, 唔會淋曬, 所以好岩我口味, 再加上個3塊厚過我面皮的牛脷, 好淋, 好正。至於蝦餅蛋沙律, 沙律係薯仔同蛋, 蛋的份量不多, 不過凍凍的, 正好為濃味的意粉作個調和, 至於蝦餅, 又係三大件, 很厚身的, 有點像泰式的炸蝦餅, 所以這個配沙律就最匹配的了。見到小店人手不多, 應是自家小店, 下次會再支持…查看更多

入了西貢, 原先想食的一間竟然下午突然關門, 於是在市中走走, 看看那間合心意吧, 不經意的經過singalings門口, 有位女士已出來招呼及介紹menu, 室內人不多, 仍見舒適, 於是便試試。坐下後即會問你要冰水或暖水, 對於熱人的我, 冰水最貼心不了。冰水亦有清新的檸檬片, 於炎夏確是一個不錯的點綴。最後點了兩個set lunch, 有starter, main course及coffee / dessert。main course選了pizza及豬仔骨, pizza 簡單但非常好味, 豬仔骨亦不錯, 入味, 配以沙律菜及薯條。整體可以再encore的餐廳, 服務亦很好的。希望下次可以認識到老闆啦, 哈哈。…查看更多

今日去開kcc附近, 完成工作後想與友人坐下飲下野咁, 就搵到呢間位於tower 2升降機大堂前的cafe, 正值是下午茶時間, 人不多,  所以坐也很舒服, 我叫了一個下午茶餐, 碎蛋牛角包連杯凍檸茶, 餐會跟少少沙律菜, 菜亦很新鮮, 至於牛角包, 有少少的失望, 因為內裡的蛋沙律有點小及稀, 蛋亦碎得很, 像一點炒蛋似的, 不過味道亦不俗的。下次再食, 可能試all day breakfast 吧。…查看更多

星期五的晚上, 一個人在荃灣, 有咩好食呢, 想坐好dd, 人少dd, 突然諗起白咖哩豬扒, 於是走去睇睇, 正, 夜晚8點, 竟然唔多人, 算啦, 反正我入去都係為左呢一個飯。侍應有禮, 帶我去到坐時, 重問我怕唔怕凍, 如果怕的可以坐另一邊。(帶點內地口音的男生)。之後就直接落單, 飲品要加錢, 太熱了, 加啦, 不過,  15蚊一杯荔枝紅茶, 都係伏伏地。好快, 野飲同我的至愛都黎到喇, 不得了, d汁真係超正, 好快已用汁食曬d飯, 再慢慢享受個幾塊豬扒。無食左近一年, 豬扒都算keep到, 好味好味。其實黎左超過10次, 我次次都係叫呢個, 係咪有d癲呢, 哈哈…查看更多

連續兩天到火炭銀禧探朋友, 知道街市有一間cafe小店, 即管入去逛逛。位置非常好找, 街市一入轉左就是了, 很容易找到,  加上街市內的招牌統一式樣, 清晰可見。一望過去, 店子真的不大呀, 如果堂食的話, 有2張高身的吧檯椅子。第一天, 我試了一杯小白flat white(iced)。flatwhite與latte的分別就是奶泡的比例 。結果這杯小白的評分頗高。不嗜甜的我飲下去時倍感細滑, 軟綿綿的感覺。第二天, 正正是午餐的時間, 再試試店內各樣的美食吧。店內有一塊黑板仔, 想不到吃甚麼, 即管可以參考推介, 不過黑板上如果可以加上價錢, 字體小一點, 空間多一點, 再多一些留白的地方, 看上去應該會更配合這小店cafe。(sorry, 職業病發作<設計師>)昨天點了加奶的咖啡, 平日飲開handdrip的我, 就想清新一點, 於是試了一杯橙皮mojito coffee, 炎夏中這杯咖啡確實有點特別。上層是啡, 底層是mojito 糖醬, 開初飲用時, 有一點點的苦, 但慢慢的, 再混和底部的糖漿, 複雜的效果便出來了。苦中帶甜, 就像人生一樣吧。食物方面, 辣雞肉潛艇, 好味, 因為本身長包包有烘過, 脆脆的, 絕不欺場, 加上雞肉帶有微辣, 很是醒胃。飽面再有小量的mustard, 但不會搶得太多, 不用擔心, 只是一個小點綴的味道。竹炭芝士漢堡 - 簡單漢堡一個, 聽聞牛肉是自家打成的, 牛肉很juicy, 味道不錯, 份量不是太大的, 適合女生食用。蜆肉意粉- 意粉的軟硬度剛好, 可能筆者愛較硬身的意粉。不過這個意粉略為淡口, 可稍為多加一點的調味及蒜片。salami pizza - 好香好香, 好多料好多料, 超好味呀, 相反這個pizza濃味了一點,  不過下次我還是會點這一個吧。如買食品，加錢便有飲品，相當化算。 筆者有點小意見，如自携食物盒/杯，可以有優惠那就更好了‼ 因為買得的, 也真的是住樓上的街坊吧。…查看更多

私房菜我食過無數, 排頭幾位必選呢間。點解, 好簡單, 話明私房菜, 菜就梗係至重要架啦, 係咪先?! 呢度既菜式, 重點係唔會將貨就價, 重點係可以食出廚師s的用心, 重點係你想食咩都可以同佢地傾, 重點係一個地方屬於你地自己的, 點玩都唔怕, 哈哈。(岩曬我呢d嘈喧巴閉既人)同十幾個朋友黎到, 食左一餐, 要我將d菜排位置, 真係好難, 因為碟碟都好好味, 碟碟都咁正,  碟碟都咁讚。真係架, 呢個廚師唔係流, 堅係煮到好多撚手小菜及大菜, 同佢吹左兩句, 佢話越有難度越高興添 (傻的嗎??!!)位置方面, 就喺南豐紗廠後面，都算方便。至於價錢, 豐儉尤人, 你自己可以同佢地傾掂數啦!! …查看更多

與友人一行5人行過灣仔, 要搵食呀, 但是剛到一時, 應該是開始食午膳的時間, 人開始多了, 於是經過大街,見到川香的廣告, 就即管上去一試了。WOW, 好在早人一步,理想達到, 過多5分鐘, 已全院滿座了。首先要說說吸引我們上來的是那午市套餐, 大概50-70元左右, 有湯有飯。(沒有飲品, 再加飲品要加5-10元) 我們於是叫了5個午餐(全部選小辣)1.  麻辣香鍋(滑牛肉)$68見到有個鍋字, 以為是真的鍋上, 點知係碟上的, 不過算啦, 唔問喇, 呢碟係第一碟上菜的, 因為肚餓, 覺得好好味, 牛肉好滑, 配菜有薯仔同連藕2.  麻辣香鍋(豬腩)$65呢一碟係最遲至黎, 唔知點解, 其實已食曬的了, 呢碟由於最後至黎, 大家已無咩大興趣, 同埋可能佢黎到, 大家見到真係超超肥既豬南肉, 好肥味呀, 所以不太適合長者食的3.川香口水雞$58呢碟口水雞, 唔錯WOR4. 魚香茄子$55呢碟比較特別, 因為佢係酸味為主, 因為其他的都是辣的, 所以, 呢味正正中和大家的味雷5. 干煸四季豆$48**整體每樣菜也好味的, 新鮮, 即炒, 不過食食下, 覺得4碟的味道亦很似。每位有水自針, 不過如果係茶會更好, 已叫小辣, 但我亦覺好辣, 下次如可以我會叫BB辣(我唔係嗜辣者), 飲品方面唔好叫酸梅湯, D味好怪, 唔酸, 好似糖水咁, 又唔凍WOR, 冰都無粒。…查看更多

呢間小店已在元朗很久了, 今晚心血來潮, 就入去食啦, 反正一個人, 也是快食快走吧。坐下來, 就見到晚餐的餐牌, 於是叫了東坡肉菜飯, 很快, 見到姐姐在裡面拿了一碟菜飯出來, 再交另一位姐姐, 然後那碟飯就在我面前了, 東坡肉的份量不算少, 但真係幾好味, 好林身, 好入味, 雖然浪費d, 但亦決為太肥, 所以我只食左d瘦既肉。至於d菜飯, d菜係比較大塊的, 飯的份量亦不算少, 晚餐47元, 已包一杯豆漿, 算是不錯的選擇吧。…查看更多

大廈街的小店開了關了, 這個位置今次開了一間上海店, 今次與朋友到來, 一入店內, 見幾位也食這個, 於是問服務員, 她說是套餐的荔枝白肉, 正, 就黎一個試試, 57蚊連支裝豆漿, 算唔錯的, 如果唔係菜飯會平少少。朋友叫了口水雞米線, 口水雞不錯, 份量亦多, 米線就看似水一般, 朋友說加了鹽的湯。我的荔枝白肉來了, wow, 裡面除了有肉之外, 還有薯仔粒, 是一起炸的, 所以很香口, 很脆。至於白肉, 有點肥肥的, 講真, 好好味, 送飯一流, 加上佢新鮮炸起, 不過, 亦因為惹味, 所以亦比較咸, 我所說的重口味。間中食是不錯的, 看最後碟上剩下不少油的。小店可以繼續支持。下次再試其他先。…查看更多

社會動盪的晚上, 鐵路於晚上八時就沒有了, 於是約了友人在市中心食飯, 就算無車都可以行回家吧。初時友人稱想食日本野, 我剛下巴士, 見到大家樂, 有打邊邊wor, 於是最後就食邊邊了。筆者本身有點貪心, 於是叫了x4的牛+豬, 友人叫了"堅係和牛", 再加14蚊, 有2大杯野飲。我們亦加了蝦滑,  蝦滑與飲品先到, 一看的蝦滑, 以為是沙律吧, 蝦滑份量有點少。不太值得加錢。等了十多分鐘, 兩份餐到了, 但是, 湯底完全攪錯, 只是一些清湯, 另外, 友人的和牛, 食食下才發現, 似豬多D (因為我倆掛住傾計, 都無太留意D食物, HAHHAHA), 而我的兩包牛豬都唔錯的。值得讚的是牛, 豬都分別用即棄膠盒裝好, 包好, 密封好, 很衛生, 但是亦非常的不環保吧。至於食物方面, 除了肉之外, 亦有菜, 南瓜片附送, 對於女生, 亦算飽的, 但如男生, 相信一定要再加烏冬或其他小食吧。最後, 由於安全問題, 店亦於10時前全關了, 就只剩下我地兩條某利繼續坐, 直至見到屯市職員拉出閘預備關門的一刻。…查看更多

為了去看吉卜力而走去九龍灣那邊, 不想幫襯德德商場內的, 於是走去工業區那邊的小店餐廳試試, 沒有心水, 於是就求其搵一間。見到這間的, 有麵有包有蛋, 就比次機會佢啦。入到去, 由於天氣亦悶熱, 冷氣不是太足夠, 客人不多, 可能要返工的都已上班了。我們自己搵位坐下, 店員很快便來幫忙抹檯。我們叫了2個早餐, 我叫了沙茶牛肉麵, 友人叫了雪菜肉碎。問了友人覺得他的麵如何, 友人答覆NO GOOD, 無咩味。我的沙茶牛肉又OK WOR, 麵質是餐廳那種, 但是即整的, 因為麵條還有點硬(那是我鐘意的texture)。至於重頭, 當然係煎雙蛋及烘油多, 雙蛋好靚, 手熱唔錯, 油亦唔多, 多士薄薄的。恰到好處。這間店我見只有2位店員, 一位姨姨及一位金髮小姐。要讚的是位金髮小姐, 很有禮貌的, 走時亦有多謝等說話, 只是29元的早餐, 這些禮貌相信她是由心出發的吧。加油, 小店。…查看更多

荃灣區美食多, 筆者鐘愛台灣美食, 於是就比次機會這一間於千色匯的101。首先, 呢度既位置係超好, 千色店對面, 大商場入口, 大街路人行過就會睇到你食野的了, 好定唔好, 自己簡左岩你既位啦。筆者於下午12時30分左右到達, 見人少少, 就入去坐坐, 餐牌上的款式亦多, 不過, 只有午餐是包飲品的, 其他亦要加8-10元才有飲品, 這一點是絕對不好的。午餐中, 見到有三杯雞, 三杯雞是台灣的美食, 於是就選了這一個, 再加一杯凍甘桔蜜(+2蚊)。首先, 來了杯飲品, wow, 正呀, 好大杯呀, 呢2蚊, 抵比啦, 飲落都ok, 夠味, 唔會係水溝水個d 啦, 飲到最後, 重發現有一塊檸檬送比你tim, 唔錯唔錯。食物方面, 終於來了, 是一大碗的飯, 上面是舖滿雞肉的, 不過味道就...可說是合格, 但與正式台式三杯雞就差太遠了, 味道只是用了一些蠔油辣椒去煮吧。三杯雞本身應該著重的麻油、醬油米酒, 但食的只有醬油味, 雖然飯亦算熱及大碗, 但如打著台灣101的旗號就真的遜色了。另外見其他人食的多是米線, 可能是我選錯了吧。不過, 我唔會再比機會101的了, 對不起。…查看更多

是日公眾假期, 約了一班朋友到旺角小聚, 有人提議這店, 老實說, 我是第一次來的, 到達店的時間是1200, 但一檯客人也沒有, 經理解釋是近日的時代運動關係, 我地一行共九人, 經理安排長檯位置, 經商量後, 認為長檯不便傾計, 所以最後就用了原先6人的檯子。大家迫迫的, 勉強也是可以的。至於食物方面, 亦有很多的選擇, 價錢不算貴的。很合理。服務亦不錯, 推介的。食物的味道亦可以, 推介炸饅頭, 28蚊有半打, 很合理吧。雞絲粉皮亦可以呀, 很美味。奶油津白很入味, 炒四季豆很夠味。總知, 可以encore。大家朋友一場, 飲杯茶, 吹下水, 又一餐了, 下一次, 又不知道會是何是, 大家都活在當下吧。…查看更多

很久沒有幫襯大家食了, 今天由一位朋友帶我去食, 佢重提我, 話隔幾個舖位有另一間, 但呢間好食好多呀。店內位置唔多, 好多都係學生。我地叫左各一米線, 我叫左個咸腩肉,  海膽丸同埋魯蛋, 估佢唔到, 魯蛋竟然有1.5隻, 正呀, 咸腩肉都唔錯, 見好多人都叫。我叫的是削搖麵, 好咬口, 好味, 不過湯底就麻麻地, 似鹽水咁。價錢方面, 三送加凍飲, 約52蚊, 中規中矩啦, 諗唔到食咩, 都可以快手黎呢度食個快lunch既。但如果講話享受, 嘆下, so sorrrrry。…查看更多