C9仔's Profile

早茶點心好味，再試晚飯小菜，有驚喜😍但亦有要改善嘅地方. 我地大小八人預訂兩個燉湯（因為見佢寫4位用）訂左一個菜乾豬肺，一個雞煲翅，原來份量相當多足夠6位用，一見D湯同渣就知足料，各人都讚不絕口👍🏻👍🏻尤其個翅夠曬濃，超級好味，推介大家要試下，相對豬肺湯係抵飲. 由於大家都喜歡香口野，試左金沙豆腐，椒鹽鮮魷，柚子蝦球，除左豆腐，其他兩樣麻麻. 南乳齌煲夠野味👍🏻👍🏻喜歡清淡未必岩因為好濃味，橋頭炆鴨麻麻，霸王雞好味夠滑，原盅蒸飯配豬油👍🏻👍🏻但漏單情況嚴重，白飯等左15分鐘未見先催下，佢就比左支豬油同豉油話即蒸要耐D好快到，我再等多10分鐘仲未有飯，而D餸又食到7788再催下啦問佢有無漏單，結果真係無落到單（佢會有張打印單比你，比你知叫左D咩黎左未，但就無飯）我黎試晚飯係為左個豬油撈飯而黎，當然等啦！另一樣係上湯龍蝦伊麵做特價，一坐底就落左先，最後連豬油撈飯都食完但龍蝦伊麵仲未黎我又問啦（打印單係有架），佢好緊張一睇即跑走左，我聽到佢同D人講話第一道菜佢就叫左龍蝦伊麵仲未上，果然又漏單😓，龍蝦伊麵味道0k但煮耐左有D老. 由於太大碟又太飽關係，係食唔曬😖今次係生日飯，外帶蛋糕佢地係無收切餅費，要讚👍🏻…Read More

10月7日團購6人餐$598，大小8位11道菜，好味之餘仲好夠分量，大人細路都食得好開心，食物質素及份量90分以上. 其實唔加餸都好夠食，只不過未知碟頭有幾多，所以加左半隻乳豬. 最後要夾硬食先食得曬D餸. 尤其個湯真係有8大碗仲好好味（忘記影相）而荷香肉蟹藜麥飯更加無得彈. 蟹就細隻左D但好多蟹膏，蟹肉鮮甜彈牙，喜歡濃味嘅朋友，唔理你有幾飽都一定食得落個飯，D蒜香真係仲回味緊，但欠缺人手，每次叫人都係等等...…Read More

喜歡飮茶吃點心，但好少揾到一間好味而且價錢合理的酒樓，無意中搵到！唔知係咪新開張的關係，無論食物或侍應都相當好. 因為年初四早上（等左45 min) 都無位，而對面海天有位即走. 但心心不忿要試下新酒樓，所以年初五再去飲茶，一去即有位！蝦餃爽脆👍🏻春卷雖然只得二條剪開份量少左D但非常彈牙加埋飛魚子放頂👍🏻沙爹魷魚好正食完要再叫多一次👍🏻上湯鮮竹卷出面D酒樓通常浸到淋曬，但這間一D都無淋曬仲好似岩岩炸起放湯的感覺，南乳豬手蒸到岩岩好👍🏻蛋散鬆化無比👍🏻…Read More

我地一行六大一細. 其實好飽, 行到攰攰地又想坐下. 岩岩黎到達榮門口, 又無人等位, 就入去試下D魚翅麵啦.由於太飽, 無位再放麵落肚, 所以4位大人只要魚翅湯.而兩位男仕就話有D麵咬下會比淨湯好. 所以要左2碗魚翅麵. 而小朋友一向唔鍾意飲湯, 又好難要佢要一個淨湯, 於是要左個淨魚蛋比佢食.有麵無麵都係同價, 視乎食唔食得落個麵.魚翅湯一到好似有好多料.... 因為有牙菜同埋一D唔識係咩黎架野. 我估係在翅頭的邊, 好似一D軟骨咁架. 翅就一條都見唔到. 但個湯我飲晒呀 !魚翅麵就有一個麵. 比起淨湯還要好, 因為真係有D野去咬下. 而個麵都幾爽. 淨魚蛋就係一團好淋的粉. 一D都唔彈或者魚味可言.…Read More

原來搬左我地都唔知, 又要周圍搵, 終於搵到了. 行到腳都軟, 點知地下,二樓都無位, 要上三樓. 真係食左都補唔番.紅豆燉蛋 - 好香蛋味又夠滑, 只係在燉蛋上加一匙紅豆, 配合埋燉蛋出奇地好味.雙皮奶 - 沒見到雙皮, 而奶味太重, 我平時喜歡飲鮮奶, 但這碗雙皮奶羶味太重了. 真的不想再試.…Read More

可能抱著好大的期望去, 但味道只是一般…我地一行六大一細, 早船到氹仔, 第一時去新馬路搵地方食早餐, 決定去榮輝試一試. 我地分別點左 : 川芎白子魚頭米 (三碗) : 由於我怕腥, 只飲左啖湯, 幾好味.牛肉米 (二碗) : 一般, 唔講得話好食. 但又唔係唔好食.雞扒早餐 : 夠份量, 但雞扒炸到過左火, 雞皮有D苦味, 而雞就一D都唔滑配一杯豆漿豬扒飽 : 有2份小小的豬扒, 每邊一塊. 不過不失.炸墨魚餅 : 唔夠彈牙, 而且太細塊炸雲吞+ 炸鯪魚球 : 炸雲吞細細粒, 一啖一粒, 好味. 而炸鯪魚球無蜆蚧醬, 又好似欠左少少咁.奶茶 : 唔夠香滑…Read More

自小就愛上吃沙翁的我, 每次見到酒樓有沙翁都不會錯過的, 去到澳門, 又點會唔試下呢 ?我在外面等買沙翁, 看見沙翁唔係圓型而是扁扁的. 而我前面只有一人等外賣, 但我都可以等4-5分鐘, 原因係餐廳入面太多人買外賣或者埋單, 所以我也抱著食好野緊係要等的心態, 以為好快就有好味的沙翁到我口…當沙翁到手的時侯, 凍就預左架啦, 但覺得非常重手, 有點奇怪入口之後, 就完全知到點解會咁重手, 因為入面根本唔鬆軟, 好似食緊蛋糕咁, 仲要係好實又發唔起的蛋糕. 我又唔醒起影張相比大家睇下…如題… 不吃也罷 !…Read More

真係好難搵的一家餅家, 行左好多路, 問左好多人, 從遠處見到路口及對面馬路都企左廿人以上(不包括舖頭入面的人客), 心諗終於搵到了…第一時間迫入去睇下有無得試食杏仁餅, 真係有呀. 一食就決定要買喇 !! 好食之處係有一種炭燒的味道, 而且鬆化得黎唔會散晒, 真係有別於其它的杏仁餅家, 唔怪得食過最香餅家的杏仁餅, 唔會幫襯其它的餅家啦, 確實係真有其事. 當我帶返公司請印度的同事食, 佢地原本唔想食, 佢地話曾經食過類此的餅係非常難食, 我就將我枱頭迷你小樽裝比佢地試食, 點知佢地食完即刻話 this is very good. 隨即開左盒regular size 一路食一路讚. 真係行咁遠去搵好野食都抵呀 !!…Read More

今次一行六位朋友訂左6:30PM, 食得非常開心, 原因係價錢非常吸引呀 )))首先一黎食左八爪魚丸,一人一粒岩岩好.再食蠔仔水晶卷 ( 一般, 無咩特別)蠔仔春卷 - 同普通春卷 一樣咁脆咁熱. 不過用左蠔仔, 未食過的朋友真係要一試, 我估用魚露唔用喼汁可能我會比較喜歡, 咁先似食蠔仔 !我最期待的蟹粥出場, 用沙煱上枱, 仲睇住佢滾緊, 個個朋友急不及待放晒d碗出黎等, 粥底顏色金黃, 稀杰岩岩好, 真係不得了... 真係好食到不得了呀 ))) 食粥又點少得佢的拍檔”炒麵”呢? 每張枱都見到佢, 一定又係招牌麵啦, 由於我襯熱食左兩碗粥, 我食炒麵的時候已經凍左. 本人的感覺係一般. 但我相信熱食的感覺會大大不同. 冬陰公蜆 – 本人好鍾意, 但朋友口中說辣左少少, 可能我凍左少少先食, 又唔係好覺比平時食的冬陰公味辣. 我推薦將會去的朋友可以一試.蒸茄子一般菜就太多油了籠仔蒸蜆飯, 蜆夠鮮甜, 飯我說無試, 因為太飽. 但換轉係燸米飯的話, 就算飽都會一試.仲有椒鹽白飯魚, 細細碗出枱, 炸得好脆好乾身. 椒鹽唔太夠, 如果飲啤酒的朋友就一流喇 !!最後食埋個雷沙湯丸, 我估係即整的, 因為個粉係熱到辣口, 同埋比較痴口, 我就覺得麻麻. 朋友就大讚. 可以一試 !!…Read More

我是第一次寫食評的, 這一次是團購, 以為都是一般啦. 點知喜出望外囉… 首先有一個好有禮貌的侍應問我要咩湯, 有龍蝦湯及黑松露湯可以選擇. 我同老公一人選擇一款, 當個黑松露湯還未放上枱, 但佢的香味已被我吸入. 真係好好味, 其實二款湯都好好飲.而沙律就一般啦 !再送上每位2隻的生蠔, 好新鮮仲好大隻. 好好味 !!之後就任點串燒及魚生. 因為串燒只係一般的食物, 無咩特別好食或推介. 我只覺得三文魚頭好脆, 唔腥好味, 其它串燒係無咩味的. 可以不吃亦無損失, 留肚食以下落黎的野仲好. 魚生就非常新鮮. 單看它的賣相都唔只 $ 168 啦… 我覺得正呀, 我試晒八款, 每款都咁好味 !!之後就到主角出場”澳州雪花西冷”, 一咬就有好香牛本身的油出左黎, 只有牛香無雪味, 正 !!甜品係我的至愛 “焦糖燉蛋”, 又係要推介的比大家的.食到飽飽當然要飲番杯檸茶消下滯啦.…Read More