蘇怡Zoe的個人專頁

好耐冇寫食評，呢間餐廳實在值得一讚！香港少見Pet friendly嘅Cafe，狗仔都可以坐室內，嘢食又好食，價錢又唔貴！冇乜點影食物相，因為本身真係唔諗住寫食評。我哋叫咗一個泡菜五香肉丁意粉，味道特別，少少辣剛剛好。另外仲要咗一個港式嘅All day Breakfast。同出邊價錢差不多，份量同埋味道都比一般般好！最重要係連狗仔都照顧到，老闆好好請我食雞蛋。最最最重要嘅係，我哋本身叫咗杯Teams咖啡燕麥奶，點知落錯單，連朱古力都用咗燕麥奶。我哋冇乜所謂都照飲，點知後尾我哋冇要求，佢再補返一杯正常嘅俾我哋！呢度嘅誠意，安排，服務都係非常一流！…查看更多

蟹仙之前都食過九龍城分店呀，原來尖沙咀都有分店就來試下。不過位置有啲吊腳，山林道盡頭，再有條小路樓梯入去。好彩沿路都有啲指示，都容易搵到。呢度服務好好，職員會用蒸爐將我哋嘅食具消毒一次。介紹menu 之餘，仲幫我哋處理埋蒸埋。我地叫咗個449 餐，全部海鮮，無其他肉類嘅，啱晒我哋兩個雞仔肚。海鮮有大黃奄蟹，琵琶蝦，青年龍蝦，九孔鮑魚，大赤蝦，野生青口，刀貝蚌，大元貝，珍珠蠔。啲海鮮好新鮮，同埋佢哋處理得好乾淨！當中黃奄蟹啲膏好香，琵琶蝦同龍蝦啲肉好爽口彈牙。職員仲建議我哋刀貝蚌唔洗沾豉油，海水味都好夠味了！平時好少食青口同蠔，兩款海鮮蒸起來味道真係好唔同！最後係個粥底，即刻個精華。啲粥整到棉棉的，好滿”粥”。…查看更多

放假去Staycation 順便來K11 Musea 的Curator 朝聖。平日午餐嚟都要等差不多45分鐘，假日嚟一定仲耐。呢間餐廳放置好多日本artists 嘅designer product 仲有佢signature嘅printed coffee。除了自定相之外，我仲印咗杯村上隆花花嘅朱古力。印圖嘅layer 為cream，好香又滑。Set lunch 叫咗份慢煮三文魚。慢煮三文魚令魚肉變得好滑，煎封左之後，鮮味留得住仲變得脆口。$138 呢個價錢仲有沙律及飲品，實在抵食。此外仲叫咗份雞鎚。雞鎚雖然係炸過，但係肉質還是鮮嫩，加上水牛醬，值得一試。最後抵唔住，叫多份Tiramisu 甜品，因為睇相已經想食啊！…查看更多

過開嚟觀塘好想食串燒，上網見到呢間任食嘅，好似幾特別，所以再試下。呢度嘅串燒種類應有盡有。我哋叫咗一堆之後，就可以放喺旁邊個架上面，好方便。除咗串燒之外，每人仲送一隻扇貝。串燒可以放上個爐上面。我起初仲奇怪點解佢啲串燒肉切到咁細粒，原來裏邊有機關，只要將全消放上去，個機關就會令個串燒自己喺度轉。咁樣我哋就可以放晒上去之後，唔使睇火，一路慢慢食，一路傾偈。呢個設計真係好好。除咗串燒之外，仲有啲網燒嘅食物。可以燒牛肩脊，同埋秋刀魚等等。最後我地仲叫咗一系列炸物。榴槤空，千祈唔好Miss咗炸榴槤波！啲榴槤流心㗎！除咗食物之外，佢仲有任飲同埋前菜。前菜我哋就無乜興趣，飲品就有基本嘅汽水呀，同埋一啲健康嘅薏米水。…查看更多

以前過嚟渡船街，淨係識得食日本嘢，同雞煲。前排經過呢間憶食尚煲仔飯，特別想試。因為以前食開煲仔飯，都要去油麻地廟街，但係環境一般，想食煲仔飯，都冇乜選擇。憶食尚嘅裝修好新穎，如果你就咁睇餐廳嘅裝修，你真係唔覺得佢係食中菜。除咗裝修新穎之外，呢度仲坐得好舒服，有梳化位卡位。我哋兩個人叫咗一個霸王雞，一個臘味煲仔飯，同埋一碟菜心。霸王雞好好食，佢啲葱好香，有爆過嘅。我咁啱配到下裝位，雞好滑，兼且啖啖肉！嫩滑嘅雞配上香蔥香豉油，好開胃又啱送飯！登登登登！最期待嘅係臘味煲仔飯！上菜之後，由侍應幫手撈起，服務一流。煲仔飯嘅料有臘肉臘鴨同埋臘腸，仲有最緊要嘅飯焦！個飯焦仲係脆卜卜，又香又好食！三款臘味之中，我都係最鍾意臘腸，肉同脂肪比例剛剛好。平時唔係好食飯嘅我，都食咗半煲呀！然後，我仲叫咗碟菜心。老公話我喺街度食菜唔抵食，但係偏偏呢度個個都叫碟菜，我就想試吓有幾特別。除咗菜心好嫩好新鮮之外，最特別係佢哋嗰個蠔油！佢哋蠔油係自家製，色水有啲似沙薑粉，係好香。呢度嘅侍應服務幾好！有問必答，仲好好咁介紹佢哋啲嘢食。呢度啲嘢食包括醬油都係自家製，誠意十足，實在非常之值得回頭！…查看更多

滿屋 好開心呀，滿屋開到入嚟大埔啊！我作為大埔友，當然要支持下啦！揀咗平日嘅夜晚去食，貪佢唔會太多人。佢嘅放題有兩個餐選擇，基本嘅就係油甘魚刺身，另一款就有拖羅同埋海膽等高級啲嘅刺身食材。我食咗個基本就夠啦。同荃灣嗰間一樣，飲品甜品都係自助嘅，仲有幾款日式前菜，包括中華沙律，螺肉等。坐低就即刻叫刺身食，呢度嘅刺身同荃灣嘅一樣咁新鮮！油甘魚北寄貝赤貝刺身都好好食！另外串燒當中我鍾意食雞軟骨，牛舌，同埋雞翼。鍋類嘅清酒煮蜆同埋牛肉鍋，都話係必嗌嘅選擇。最後我最鍾意食嘅甜品，有炸榴槤同埋炸奶！當然仲有杯裝雪糕。放題實在太多選擇，我掛住食，點知發現原來有啲唔記得影相。我覺得呢度嘅質素同荃灣有得揮。不過係坐得迫咗少少。…查看更多

搬咗過嚟白石角之後，間唔中都會嚟到科學園呢邊食飯。鄰居話呢間Hunky Dory幾好食，所以趁星期六好天，就過嚟食個brunch。其實喺呢邊食飯可以好慢活， Hunky Dory對出有草地，見到一家大細嚟到之後啲小朋友仔喺草地上面追逐。好開心悠閒嘅體驗。我哋一人叫咗一個Main course。先上嘅係牛油果煙三文魚egg Benedict ，仲配合埋牛油果醬。牛油果好健康㗎，佢係屬於減肥嘅水果。所以一朝早食呢個brunch，又豐富，又唔邪惡。我哋喜歡佢中間冇夾住火箭菜呢啲重口味嘅蔬菜。個蛋又夠滑！另外我仲叫咗個斧頭豬。我好鍾意食爽脆彈牙嘅豬扒。雖然有啲油，但係整體味道同口感都不錯。另外仲有兩杯朱古力，一杯係Caramel ，另一杯係Hazelnut 。我就不喜歡甜，所以兩杯都各有千秋。好彩我哋叫咗大杯，係呢個天氣之下，細杯我真係驚唔夠飲。整體呢度環境同埋食物嘅質素都中上，對比科學園海濱嘅餐廳，我較推薦呢一間。…查看更多

蟹仙話說好耐冇去食海鮮，亦都好耐冇過嚟九龍城，啱啱要去九龍城買啲嘢，就嚟蟹仙食海鮮！之前嚟過蟹仙，我記得佢嘅海鮮好新鮮，所以再嚟。一坐低揀咗個餐，我哋叫咗個399餐，海鮮包括奄仔蟹，半條魚，龍蝦，鮑魚，虎蝦，刀貝蚌，月亮貝，蠔同埋蔬菜。咁岩今日冇冇晒青口，所以佢就比多隻馬刀貝我。呢度員工好有善，有啲海鮮安排唔到都盡量俾我哋揀代替品。唔講以為個個都係老闆老闆娘，因為個個都好用心。先食咗啲貝類鮑魚蝦嗰啲。你唔需要擔心會唔會蒸過龍，因為員工會幫你較時間，只係有陣時忙起上嚟，起唔切就要自己搞，但係整體佢哋嘅服務都好好。之後食龍蝦，好新鮮，佢哋斬咗一半，都見到佢郁吓郁吓。哈哈，有啲內疚添。奄仔蟹又多肉又多膏。最後就係呢個粥底。你見到我哋將個龍蝦殼掉咗入去。因為員工介紹我哋咁樣食嘅話，龍蝦嘅精華就可以再攞落去啲粥度，當然啦我同我老公兩個人食就可以咁做，其他人就可能要注意下衛生啦。最後就係個椰汁燉官燕。…查看更多

呢間我想試咗好耐㗎啦！我好鍾意食芋泥，所以見到呢個芋泥肉鬆多士，真係好想即刻試！終於有機會嚟元朗，所以要排好耐隊都要食！星期日下午兩點幾嚟到，都要等10幾張枱，因為鋪位少位置唔多，唯有有耐性咁等吓啦。等咗大概45分鐘，就有位。肉鬆芋泥吐司真係名不虛傳，芋泥甜甜嘅程度剛剛好，肉鬆鹹鹹地，配合烘烤過嘅吐司，真係好好食！一個女仔食會食唔晒，如果可以買半分就好啦！除咗芋泥肉鬆多士之外，我哋仲叫咗個乾拌麵餐配三色丸。拌麵嘅味道好特別，係以前未試過嘅味道！雖然佢話辣，我自己就覺得冇乜辣。三色丸係墨魚丸八爪魚丸花枝丸，最喜歡食都係花枝丸。拌麵整體都OK，除咗重口味咗少少。…查看更多

第一次嚟呢間食牛扒，呢度嘅setting好特別，讓我懷念日本時候買拉麵嘅情況。喺門口就已經有㗎售賣機，等你可以揀唔同嘅牛嘅類別同埋重量。買完拎咗飛仔就入座。記得跟住要去攞沙律，湯同飯，準備熱辣辣嘅牛扒上枱。牛扒係連埋鐵板一齊上，預先整到一成熟，然後我哋可以根據自己嘅喜好煎到熟嘅程度。記得剪之前要切片，咁樣會容易啲掌握。呢度嘅安排幾細心，上菜時，牛扒會用張紙巾蓋住，唔會等啲油彈來彈去。而且仲可以攞條圍裙，遮住自己啲衫。我哋叫咗牛肩脊同埋牛柳。牛肩隻切片嘅時候我哋見到有筋，起初仲會擔心會唔會好韌，點知冇，係恰度好處！牛柳就當然係好淋啦！我哋兩件牛都煎到大概六成熟。我地就比較喜歡牛肩脊，因為牛味重啲。不過我哋擔心牛太熟，所以煎嘅時候有少少難掌握，又要盡快上碟，驚太熟。總括而言呢度都幾抵食，湯，飯同沙律都係任食，會再嚟食。…查看更多

放工嚟鴻圖中心呢個food court食pizza。見到open rice 啲相影得幾靚，就嚟試下。佢有意粉同Pizza 食，我地叫咗個二人餐，有兩件雞翼同蒜蓉包，一款Pizza 北京烤鴨pizza 同一款意粉 蕃茄菠蘿辣肉腸長通粉。蒜蓉包幾好，脆皮蒜蓉好香。不過個雞翼就略嫌唔夠香口。我地餐飲轉左桃茶，桃味濃，幾解渴。佢哋嘅意粉同埋Pizza都係即叫即整，所以上菜嘅時候熱辣辣。北京烤鴨Pizza好10 price，當然係有烤鴨肉啦，不過重點係甜甜地嘅海鮮醬，仲有最常夾片皮鴨嘅青瓜。所以成個Pizza咸得嚟會有少少甜甜地，仲有青瓜一啲都唔滯。仲有一個蕃茄菠蘿辣肉腸通粉，份量好夠，蕃茄味好濃但一啲都唔酸。我個人幾鍾意食甜味，佢加咗菠蘿之後有少少甜甜地幾好味。不過那肉腸就辣咗啲，要夾埋啲通粉先抵得住。整體都OK，兩個人食咗百幾蚊，性價比高！…查看更多

過開嚟北角搵食，聽說呢條北角巷仔有好多好野食，特登揀咗呢間新加坡菜，好似幾特別。平日嘅兩點嚟到，避開人潮，一入即刻有得食。叫咗個李先生咖喱雞同鴨鹵麵。我之前睇menu 時已經想試嘅咖央Roti 同埋三色奶茶。李先生咖喱雞，咖喱幾香，少少辣。辣度剛好，唔會蓋咗雞味。不過雞翼略嫌煮得太耐，係好入味但太淋。反而薯仔就可以再淋少少。我呢碗飯係少咗，因為我叫少飯。另外仲有鴨鹵麵。鴨嘅鹵水味足，不過就老咗啲。麵底份量ok，彈牙的。我幾喜歡食咖央，所以散叫都要試下咖央roti。咖央令薄餅面甜甜的，好似食嘅甜餅乾。我話佢係餅乾，因為佢唔係好多層好鬆化嗰啲印度薄餅，只係一兩層。最後係三色奶茶。味道雖然同馬來西亞飲嘅有啲差別，但係都算係好飲嘅。甜度比例係剛好，我覺得佢有遷就香港人而整得無咁甜。…查看更多

懲罰黃店嘅日子，當然要去一啲好地方啦。間唔中都見Homeland 好多人，想食好耐！店舖門面設計花心機，接待嘅哥仔又有禮貌。我地被編到門口bar 枱，好似仲有樓上一層架。一直好期待呢餐，因為淨係睇相我都有好多野想食！我地兩個人叫咗巴馬火腿芝士薄餅、海鮮自家制墨汁烏冬、德國腸拼盤、榛子奶蓋美綠。先嚟嘅係pizza。除咗我個人唔太喜歡食火箭菜之外，其餘所有芝士呀火腿呀，都好好食！佢係薄批，批底薄到好似脆餅咁！芝士好香，唔膩，一個人食半個都食得落。然後係德國腸拼盤。總共有三款，一款係雞肉，一款脆皮，一款係芝士。我最鍾意係芝士味。最後係我最想試嘅墨魚烏冬！自家制嘅墨魚汁烏冬，重點係墨魚汁喺制作過程入面已經打咗入烏冬度，所以唔會食落個咀黑蚊蚊。自制嘅烏冬口感更佳。我揀咗咸蛋黃汁，雖然係咸蛋，但係唔咸但香又滑，海鮮配合起來，更香。最後仲有杯榛子奶蓋美綠，記得要攪勻，我唔記得攪，第一啖得奶味，哈。攪勻之後係好好味，佢唔係太甜。食完一堆油膩嘅腸仔其實都可以balance 返。…查看更多

過開嚟元朗，去咗朋友介紹嘅阿叔泰麵。本來以為泰式炒菜類嗰啲泰國菜，原來係麵線類，層層疊嗰啲。6點天一黑就到，所以就無乜人。餐廳掛滿泰國嘅紙遮，同度牆畫咗啲泰式畫。小店感覺好泰風。首先叫咗個牛肉船麵、香茅魚露雞翼同糯米飯。我地叫嘅牛肉船麵係河粉，係泰式大大片嗰種河粉。同埋個湯底濃得嚟唔咸，好明白其他人話好正宗嘅泰風味。牛腩好有牛味又唔韌，牛丸細細粒爽口彈牙。不得不提佢嘅豬皮係脆卜卜架 ！唯一份量唔算多，所以食咗一半我地都加多碗冬陰功金邊粉。雞翼隔咗陣就到，佢似乎即叫即整，上菜時熱辣辣！我喜歡佢香茅味剛剛好，平時食嘅香茅成日都整到好重味。魚露味都少少。後加嘅冬陰公金邊粉就不過不失。金邊粉份量就多好多，不過啲配料唔係好新鮮嘅，唔算突出。湯底略嫌唔夠酸。我地仲叫咗杯玫瑰花奶茶，好重香料味，喜歡泰式奶茶嘅一定要試。最後係芒果糯米飯，佢啲糯米飯似乎係即叫即蒸，等咗一陣先送上，啲飯仲係好熱。不過似乎泰國啲芒果送唔到黎，啲芒果好酸。整體係唔錯嘅，我會再嚟，試下佢啲飯。…查看更多

終於見疫情穩定下，可以出街食下飯。大部分食肆都做到外賣下，除咗燒肉。真係好耐無食過燒烤肉，所以再黎呢間oppa，之前已經去過旺角分店。限聚令下依然旺場，book 左位早少少到都未有位住，好彩有啲bar 檯坐。我地叫咗燒肉放題，一開始已經有一大盤和牛拼盤。和牛拼盤好大份，每一款都有2.3塊。如果佢喺拼盤度標明係邊個部位嘅牛，咁就會方便啲，加單都知加咩好嘛！之後仲有五花腩，好大條。始終太肥膩，兩個人食都食唔晒。另外仲加左其他配料，包括八爪魚，香腸同雞腎。最後仲有真露蜆湯，湯底似胡椒豬肚湯，蜆都幾大隻。…查看更多