cheungwaichu's Profile

門口勁多人排隊囉～～Lunch time 排左陣先入到，太耐無食台灣野～入去試下佢啲紅燒牛肉麵先！湯底味濃唔似落味精，牛肉超冧超正超入味😂😂😂哇依間野收埋收埋真係唔覺～勁好食囉絕對會回頭！…Read More

哇哇哇 見咁多人排隊黎試下先！超脆嫩雞扒加勁好撈飯既魯肉～配菜份量都多又可口，開胃得黎唔頂胃！主菜成大塊雞扒食完已經飽～啲蘿蔔就麻麻地唔夠甜～魯肉肥得黎但入味！絕對回頭呀～…Read More

哇哇哇～今日係旺角登打士街對面條街發現有間超可愛既章丸丸呀😂😂😂見係新小食店就入去幫襯下～個靚女店員勁好傾囉好無！佢仲推薦明太子章魚燒，配埋佢個黑加倫子梳打添🥰佢個明太子醬較得幾好，唔會太辣太咸，而啲小丸子粒粒都外脆內軟超級無敵霹靂好食囉同埋夏天襯埋佢個黑加倫子梳打真係消暑之寶，之後個靚女店員仲同我地講～個可愛包裝係自己設計～全港獨家添架！ 😂🤣😂🤣😂店內個環境行簡約打卡風～但其實都比好多只賣小丸子既店舖花心思落心機架啦，加油呀你地一定得架章丸丸😋😋😋…Read More

太安樓竟然有間地就泰國船麵～岩岩新開張就一於試下佢，船麵味香濃成碗飲曬都唔渴喉～用料一啲都唔孤寒，平平地超多牛！仲要係乾 濕 分離可以做到咁都幾細心既其實！炸蝦餅爽彈唔油膩，十分滿分一定有七至八分！必定回頭添呀🥰🥰🥰…Read More

晏就經過，見到個名同logo 都咁可愛！就一於入去試一試～叫左個青咖哩生滾雞球～又估唔到佢細細間茶記咁係食泰菜！青咖哩味幾香既，雞唔會太乾，都幾滑，係啲飯有啲太濕，整體上都好食！絕對會再食架～…Read More

定位係蠔吧既餐廳門口右邊係個三層高既酒櫃，充滿住標示左價錢既紅酒，白酒，清酒，威士忌，有選擇困難症既朋友可以等依度既專業後生靚女店員介紹呀！頭盤為首—生蠔拼盤由法國，日本，澳洲三個國家組成，店員會為每款生蠔作介紹，由細至大，鮮度低至高的吃起，各有特色，法國的甜美，日本的Creamy，澳洲的肥美，配以甜酸適中的白酒作為一度出色既開胃菜，亦是為全餐打定左個稱心既地基！第二度菜為—燒牛舌及羊扒（配薄荷乳酪醬）牛舌相信是用了牛舌芯的位置，肉濃芯嫩，配以簡單黑椒鹽調味最能帶出成串牛舌既味道。羊扒就燒得非常出色，７成熟，外層焦脆，內裡微膻，以往食羊都會點薄荷醬既我今次完全忽視左疊醬既存在第三度菜—黃金軟殼蟹天使麵哇依度菜簡直係刷新左我對黃金(咸蛋黃)菜式既認知，你睇到用料豪不吝嗇，每啖都伴隨住咸蛋黃入口，天使麵抄得乾身不淋，除左啖啖黃金之後仲有蟹籽，每一啖入口都有層次感既…而軟殼蟹相比之下只能倫為配角吧！第四度菜—慢煮３６小時美國牛筋骨哇哇哇哇！其實食左前面幾度菜飲左幾杯酒之後都有７成飽，再見到依度差唔多成隻牛既份量個陣真係出唔到聲，心諗依度夠我食幾日幾夜。但當我試左第一啖既時候…我發覺我以後應該食唔返第二度既牛，佢太過出色啦！肉味濃郁唔再話，慢煮左３６小時既牛肋骨，肉汁緊緊咁鎖住左，每咬一啖就咇ｄ汁出黎，陣陣肉味係個口腔度蕩氣迴腸，份量仲要完全不計成本咁…尾聲為兩度甜品—蘋果金寶及咖啡法式crème Brulee即焗既apple crumble 同埋crème Brulee 同樣出色，作為成餐完美既結束。每度食物既光芒照耀著黝暗的環境，員工親威既為每度菜作簡單既介紹，添分不少。論員工親和力，論食物質素，遠遠比大多數既五星級酒店FINE DINNING更有驚喜！…Read More

香港無乜椰子雞，但最近幾個月就開左間係內地開到成行成市既四季椰子雞係旺角依個火鍋競爭地。話明椰子雞咁個主角就緊係椰子，同雞，咁至於點解會叫幸福？ 個答案就係個湯底到，用天然椰子開水做底既湯飲落係又鮮又甜，一路食一路有種甜蜜既感覺，仲可以就咁當湯飲幾碗！ 🥰😍至於啲雞就係用海南文昌雞，完全睇唔到平時啲肥雞既皮下脂肪，成件雞本身都好濃雞味，再加上鮮椰子湯底既浸泡完之後成個感覺更升華！佢有三款配搭既雞件可以揀既，但個人建議揀竹笙文昌海南雞，因為竹䇠可以吸收曬成個湯底既精華呀食完椰子雞之後就有侍應姐姐幫你加雞湯做打邊爐湯底架～保留左原本椰汁水味道再加上雞湯既令個湯頭無咁甜就適合打邊爐啦！而牛肉方便嗌左兩款唔同特色既premier 牛小排，同第二張圖既美國肥牛。前者個份就咁睇雪花都見到啲油脂分布得幾靚，入口即溶而且充滿牛味，而後者就係食個口感彈牙個種滿滿既感覺，個人認為同樣出色可以嗌曬黎做比較。下圖就仲有啲細款，分別有以下幾種-鴛鴦雙蚌 ： 爽口彈牙好有蚌味，未食過既人其實可以一試-自家炸響鈴：新鮮炸起，上菜個陣仲見到啲熱氣升緊上黎，一舊都好大份，嗌黎配埋依個湯底真係食多幾舊都唔會厭！-特色手打四丸：又係自家制專搵師傅返黎打😛，牛肝菌豬肉丸，花膠牛筋丸，鮮蝦蟹籽丸，松露墨魚丸！ 每粒都各有特色同出面啲手打丸唔同，比較創新大膽，但四款都好食既！最後仲食到個隱藏甜品（想知係咩自己黎食啦😘😘）嗌左咁多碟野埋單都係$800左右兩個人，份量唔細食到捧住肚走，多人like依間野唔係無原因，除左食物質素之外，員工服務態度同個種熱誠都係依個間賣點之一，其中有位員工Brenda 特別想係度讚一讚，係佢好細心咁教我地每一樣食材食法，來源，特色。同埋最重要係香港今時今日仲有邊間普通餐廳，會肯同你逐樣介紹同埋花時間去了解客人進食體驗？ 五星酒店餐廳都未必有啦下話！…Read More

炮台山站既橫巷有間裝修別具特色，以飛機為主題既家庭酒吧—娜吧每次返完工，想放鬆下個人，沉醉下係酒精世界入面既時候都會想黎喱度。娜吧同其他酒吧唔同，因為家庭式經營，所以佢既老闆同老闆娘都好在意客人既感受，啲位好無坐，新入既手工啤喜唔喜歡，同你傾下裝飾呀，環境呀好多好多水吹，仲可以同班年輕人打成一片。酒吧多數既係附近啲酒店外籍客，仲有好多好似我喱啲上班一族咁，放左工去飲杯野吹下水。咁當然啦，除左人情味同環境，一間酒吧最重要係佢既酒同小食，小食方面有種手打雞肉丸同牛仔骨真係每次黎都必點，係我人生中食過最好食既雞肉丸，沒有之一。酒類既，因為小弟每次飲既都係生啤唔能夠多加評論，但眼見老闆娘每次都會主動提供兩款nuts 同蝦片你食，仲周不時會好慷慨咁請啲客飲芝華士，威士忌之類既...剩係離遠都聞到個種醇香...其實如果對依方面有要求既人其實都可以去試下，真係唔錯。要講既係咁多，畢竟靚女老闆娘既熱情實在值得係依個平台上得到多點讚許，希望各位都多多支持依間有酒店級數，令你賓至如歸既平民家庭式酒吧。…Read More

在附近下班後第一次到娜宵夜，其實想黎好多次架啦，次次放工見到門口坐滿曬人係度，終於搵多次機會幫襯依間local bar,一入去老闆娘（下稱娜姐）見我地多人就招乎我地入vip房，坐到大約10個人，入面有電視（仲有小米盒子任揀戲睇）有大沙發，坐得完全唔會逼。一坐底娜姐知道有人唔飲酒就沖左幾杯大紅袍我地朋友飲，另外朋友order既生啤cocktail 都好快送到，order完既野食全部都即叫即整即炸既嗌左炸薯條，啲薯條夠粗夠大條，炸完熱辣辣又夠薯送酒真係一流之後仲嗌左炸雞丸，佢啲雞丸真係100%真才實料，每粒都有滿滿既雞肉，加啲青蔥去生炸成粒啪落口啖啖肉既食完一份唔夠再安哥！其後嗌左個叉燒&大蜆拉麵同牛肋骨，佢個拉麵可以話係娜姐既招牌，湯底濃而不膩，大蜆湯底飲得出海鮮既甜，叉燒既豬骨湯底飲落又濃味，啲料固然之好，叉燒有成隻手掌咁長，而啲蜆夠甜唔會腥既，最尾友人成碗湯底清曬當湯咁飲都唔會渴既，可想而之係幾咁足料！到講下個牛肋骨，佢用左好多黑椒去烤去調味，但啲黑椒味都唔會遮蓋到牛肋骨既味反而令到成碟牛更惹味，友人們食完仲係咁損夠骨食完啲咁正既野飲杯酒，最後娜姐再沖多杯大紅袍比大家飲，雖然第一次黎已經比人當vip咁照顧，係香港有邊間餐廳仲會有依種感覺？我真係未試過到最後好希望娜吧生意興隆之餘要keep到水準同香港所缺乏既人情味！我地5個人食勁多人平均每個人$160，有酒有靚茶有好野食有房坐有人細心照顧，我同你講依個價真係物超所值！！！相影得唔多，但信我，啲野食唔止我所講既咁普通！…Read More