生米當飯焦's Profile

廢話少講直入中路/叫左無骨海南雞飯，有一半雞無皮，食海南雞無雞皮??????? 都未算，啲雞肉榎歰歰，口感似雞胸肉…….. 一啲都唔嫩滑!!! /相入面係食左一半頂唔順要留record寫食評做證!! 上半啲雞係無皮既，下半就有，Are you kidding me????????/仲有碗飯有啲硬，最後要用個碗只有胡椒粉味既湯撈黎食先食到…../可能你會問點解唔同店員講，但如果你試過食一間餐廳，意識到佢既服務、氣氛及食物等，即使你表達你既不滿及訴求，都知道唔會有任何改變既時候，你就會明白，你只會想盡快食完、盡快離開。/另外，last but “not least”，太太叫左個喇沙海鮮湯米，啲青口有酸味!! 食完之後肚柯!!!/成餐飯，得個椰青係正常……/在此奉勸，營運一間餐廳，一定要對飲食充滿熱誠，期望人地食左你煮既食物，除左果腹之外，仲有一種滿足感同快樂感。奉勸如果對從事餐飲已經失去熱誠，只想藉此維生既話，請你懸崖勒馬，留機會給真正有熱誠、以食客福祉為原動力既人去做，咁樣個世界先會更加美好!!!…Read More

幾年冇黎，放寬通關就去轉澳門當旅行。一到步已經好夜，同太太係酒店附近搵食，有開既餐廳唔多，見呢間燈火通明，環境企理，就入黎醫肚。同太太不約而同，叫左個蝦子撈麵，落枱時店員好小心放好餐具同食物，態度好又有笑容！入正題，個撈麵軟硬適中，仲係熱既，食落又唔太咸。最出色係個餃子，皮夠彈牙又煙韌，最重要係好足料！食到中段，另一個店員主動走黎問我地要唔要啲辣油或者辣醬，我同太太都有唐突，因為好耐冇試過出街食飯啲店員會重視你既進食質素！今次經驗一改我哋對澳門看待旅客既印象！絕對係一次美好既回憶🙂…Read More

比左好幾次機會呢間大家樂嘅海南雞飯，冇一次係真正嘅海南雞飯，今次呢個根本係白切雞扮海南雞，應該係話啲肉質仲嚡過白切雞，啲飯又硬掘掘一粒粒咁，如果唔係貪方便喺樓下都唔會食呢間大家樂。。價錢又唔係比其他分店平，已經幫襯過好多次因為夠近，但經過今次之後以後會少幫襯，佢整體食物水平比其他大家樂分店差。。以後如果幫襯呢間大家樂都只會買一哥焗豬扒飯，只有呢個比較穩陣…又或者咖喱飯系列都OK嘅…海南雞飯真係唔會再食。…Read More

第一次堂食，入門掃晒針咭，之後問個店員堂食係咪落單先，佢就大聲呼喝：「我以家做緊野唔得閒！拍左code，掃左咭同量體溫先！」心諗你真係好專心做野bor，有客入左黎掃晒針咭都唔知？？？個時仲要冇人排隊。好喇到食完喇，行到門口又係同一個店員大聲呼喝：「阿先生！食完要自己清喎啲垃圾！」我：「下？要自己清架？」阿姐：「係呀！」然後佢指住牆上面你唔講我都睇唔到既細隻字話：「你睇下個到寫住架」以前只會買外賣，第一次堂食就感受到呢間野既待客之道，以後有得揀都唔會再幫襯。…Read More

直入重點，中午叫咗一個豬手蘿蔔飯，蘿蔔得幾舊好細舊，豬手有好多舊，但得啲骨同肥膏，完全冇肉食，食完係唔夠飽，重點係同個職員講，佢話：係啊，然後就行開左，我黑人問號。同埋放餐具既櫃桶有啲污穢，唯一係坐得都算舒服夠闊落。呢間野冇下次。…Read More

今日在尖東閒逛後搵野食，係ig同openrice見到呢間好似唔錯就嚟試吓食物就叫左皮蛋豆腐、蔥油撈面、甜不辣、滷肉飯，頭三樣都可以接受，冇想像中咁好食，但最基本嘅滷肉飯竟然出事食嘅時候啲飯係一粒粒咁好硬，仲有啲係黐埋一舊，越食越唔對路，我哋就同店員講，店員就話係飯焦，我哋就話成碗飯都係飯焦？仲要係一粒粒嘅飯焦？好明顯係生米黎，個店員跟住徒手係個飯桶攞咗幾粒黎試，然之後就話啲飯冇問題個店員之後冇打算再理我地，當我地再問佢，佢仍然堅持嗰啲係飯焦，再過咗一陣先話換俾我哋都係一樣，然後免我地魯肉飯既錢生米同飯焦都分唔到？飯焦會一粒粒好似生米咁硬嘅咩？其他食物質素並不如食評般好，服務態度又差，冇下次…Read More