胃仙you's Profile

去開調頸嶺見客做野，見有間小神燈開左係細商場果邊，之前有聽過朋友去做冬會去佐敦果間神燈話好正，好奇上網睇下小神燈有無關，原來係姊妹店所以夜晚收工約老婆同佢幾個家人去試下。（因為外母外夫大人同佢呀哥成家都住日出康城過黎都算方便）首先想先讚下佢地個AR餐牌，真係第一次見可以用手提app睇到識郁既菜式，我地玩左一大輪覺得好搞笑，佢呀哥個女仲想摸下隻燒鵝咁😅結果我地叫咗個黑松露燒鵝，因為平時都係食一般燒鵝，所以想試下新野，其實本身覺得有點貴，但咁多人share無所謂啦，結果真係無後悔！個皮勁脆同有松露香味，點埋個汁真係好正，我地好快已經ko左好多。另外個蟹糯米飯煲都好正，d飯有蟹鮮真係好難得。仲有菠菜豆腐盒、蝦多士、水晶雞都無一樣覺得伏，無錯唔係茶餐廳價錢，但講真呢d手工菜係將軍澳第一次食到，而家好多時食d中式野真係覺得好hea無心機煮，但呢度真係食得出一種心機，同埋創新之餘仲要好食，香港真係越黎越少。但有樣野好想彈一彈，個茶杯雖然好得意，但好細隻呢🤣大隻返少少就好囉。但個茶壺真係令我好有回憶！我細個屋食就係用呢隻壺！…Read More

據家中長輩講，神燈當年可是著名的高級食肆，我雖不認識，但佐敦這間全新的神燈海鮮酒家，確實畀到有新意的懷舊中菜衝擊。主打全港首創阿拉斯加蟹巨型甲羅燒，近4斤重的蟹，單單蟹蓋已超過7吋，拿來泡製甲羅燒，濃郁鮮味及份量，確實相當足夠。經理強烈推介配餸白飯，一口飯配一口蟹膏味道果然不錯，不過白飯要夠熱度。值得一提是雞蛋焗魚腸，有別其他食肆做法，據經理講解魚腸是真正生焗，保留到魚香同魚油味道，又係餸飯一流之選。…Read More

據家中長輩講，神燈當年可是著名的高級食肆，我雖不認識，但佐敦這間全新的神燈海鮮酒家，確實畀到有新意的懷舊中菜衝擊。主打全港首創阿拉斯加蟹巨型甲羅燒，近4斤重的蟹，單單蟹蓋已超過7吋，拿來泡製甲羅燒，濃郁鮮味及份量，確實相當足夠。經理強烈推介配餸白飯，一口飯配一口蟹膏味道果然不錯，不過白飯要夠熱度。值得一提是雞蛋焗魚腸，有別其他食肆做法，據經理講解魚腸是真正生焗，保留到魚香同魚油味道，又係餸飯一流之選。…Read More

公司附近新開的上海食肆，元旦食過一次可惜食材供應緣故，廚房賣到乜都無，體驗唔多好。近日中午再試已回復正常，小籠飽、粗炒屬合格之作，最估唔到連中午都有特價乳鴿食，$28/只價錢吸引，質素卻比許多賣$58的酒樓好上百倍，香口不油膩，且肉質鬆軟又juicy，size不大不小剛剛好，並沒有將貨就價，就是將來改番正價，也是值得一食的推介。而環境也值一讚，空間算闊落，卡位相當軟熟舒服，果然值得畀多一次機會。稍為不滿是幾位侍應姐姐不夠醒目，未夠主動招呼食客。…Read More

天后有兩間串串頁，家在附近所以不時幫襯，不過我兩口子都較鍾意清風間那間分店，環境較闊落同乾淨，而且食物水準較能保持到。雖然串燒普遍唔飽肚，會不知不覺間叫多左，每次要點埋蒜蓉飽同鳥冬先飽肚，差不多超過$200一位，不過師傅控制火喉保持到水準，幾乎未失望過，所以都覺得物有所值。太太最愛芝士豆卜，而個人推廌羊扒同雞翼，軟熟多汁夠香口，尤其雞翼，三種味道 (椒鹽、蒜香、麻香)每次都叫齊，外皮香脆肉質嫩滑，雞翼控必試。要彈係安格斯牛肉串，四十幾蚊一串但份量較少，目前剛做緊promo賣$78，cp值只算剛好，改回正價便不推介了。…Read More

今時今日，茶記食鮮茄乜乜乜真係賭一鋪，不過胃仙you真係好鍾意食鮮茄牛肉燴意粉，每去一間新幫襯茶記，總想要賭一鋪。意粉黎到，果如所料係最大路嘅「螢光」茄汁意汁，預左架喇，或者味道ok呢？意粉基本上似撈多過似燴、鮮茄過生過硬及有青澀味、茄汁偏酸唔好味，牛肉偏靭但總好過有啲茶記嘅霉霉感覺。胃仙you最憎浪費食物，不過隊左半碟都真係頂唔順，要過隔籬隊番兩件出爐蛋撻浪下個胃。全店唯一可取嘅，係店員阿姐態度親切，凍奶茶亦比一般茶記來得有茶味。…Read More