FoodiesDayandnight's Profile

前排趁放假就去咗跑馬地馬場呢間新開好有水準嘅餐廳Chill 番晚😎只要網上訂位就入得啦🤫餐廳用咗黑調型格設計，有一個無敵嘅露台馬場景，可以隨時走出去睇馬匹打下氣😏當日現場氣氛都相當好，全場滿座，仲有Live band唱歌間場，搞下氣氛好有feel👍🏻值得一讚嘅喺餐廳有提供保管手袋服務🥹.餐廳仲有個室內4K LED幕牆，顯示馬匹嘅資料，畫面好立體🤓有選擇困難症嘅仲可以玩下佢個互動式AI揀馬站，幫手分析走勢戰績去揀選馬匹😂至於係呢方面新手都唔緊要，現場有Racing Specialist 提供「賽馬101」教學，快速了解基本賽馬知識🤪.👁‍🗨 脆炸三黃雞 (8/10）💲108.➰大推呢個脆炸三黃雞🐥雞肉好嫩滑又juicy，外面炸皮都好薄身，沾埋附上四川楓糖漿及烤蒜泥蛋黃醬真係好惹味，醬料配搭夠特別.👁‍🗨 迷你和牛漢堡（3件）(7.5/10）💲108.➰漢堡細細個，和牛牛味都濃郁，入面有少少泡菜，青瓜，烤牛肉醬及蛋黃醬，整體比較清新.👁‍🗨 炸煙燻豬仔髀（3件）(7/10）💲128.➰豬仔髀有好濃烈孜然味，食落都有一點香辣.👁‍🗨 西班牙油條(8/10）💲88.➰又係高質之一🙊每條西班牙油條都好長，好足料😍面頭有唔少肉桂糖，食落有玉肉桂味之餘又有本身油條嘅香味😌可以沾配配肉桂糖辣椒巧克力醬或者焦糖牛奶醬，前者朱古力味比較濃，唔係太覺有辣椒味，後者就焦糖香得嚟食得出有牛奶味，重點唔會太甜🤩一個人真係可以食好多條😂.👁‍🗨 三重朱古力布朗尼(7.5/10）💲88.➰比較啱鍾意食甜嘢嘅人，甜度比較高，每舊都有好濃嘅朱古力味，質感厚實，入面仲有啲果仁，有啲口感.👁‍🗨 美麗傳承(7/10）💲128.➰有幾款用咗馬匹名字嘅cocktail，美麗傳承就係其中一杯🍸職員仲會喺你面前打個泡泡上去，好打卡🤪cocktail主要係以 Bourbon Whiskey為主，帶點士多啤梨味，蘋果汁同青檸汁味，酒精濃度低，易入口🤫.👁‍🗨 金鑽貴人(7/10）💲128.➰同樣比較低酒精濃度，易入口，以椰奶，芒果味冧酒，檸檬等等為主.👁‍🗨 Greenery (7/10）💲98.➰叫多咗杯mocktail ，味道酸酸甜甜咁，佢係由蘋果汁，青瓜汁，青檸汁等等去調味，食完heavy食物，飲一飲，最好不過.🔛 整體評分（7.5/10）▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️📍 The Beat (跑馬地)地址:跑馬地黃泥涌道跑馬地馬場聯合看台2樓餐飲供應時間 🕒跑馬地夜間賽事：18:00 - 23:45(主菜最後點餐時間 ：22:15，飲料最後點餐時間 ：23:45)*餐廳菜單會不時更新，詳情請參閱官網資訊#FoodiesDNN跑馬地#FoodiesDNN香港…Read More

之前係尖沙咀食過呢間既台式火鍋已經覺得幾有質素，因為除左平時大路既野食，仲有相當多台灣小食同甜品可以任食🤫而家連銅鑼灣都開左，夠哂方便😌感覺銅鑼灣呢間坐得仲舒服，比較多卡位.👁‍🗨 牛殿品吃到飽套餐 💲559.👁‍🗨呢個牛殿品套餐其中一個賣點係無限時任食！食到飽飽地，慢慢抖下再食過都得，吾洗急急腳食，怕比人趕走，實行食夠回本🤤同埋可以任飲1664生啤，包一杯春陽茶事既台式飲品，兩隻新鮮鮑魚😌.👁‍🗨 肉類.➰最高級既套餐，就係可以食哂餐廳入面有既所有肉類，無論係咩種類既豬牛雞，都可以任叫，夠哂爽😂最推介既係宮崎A5和牛同埋澳洲M9和牛😋前者牛味好香濃，食落都有陣陣既牛脂香，不過同後者相比，澳洲既M9和牛就更加肥美，油脂味突出啲🤫另外仲有美國封門柳，一口牛，牛小排，豬五花等等，質素都吾錯.👁‍🗨 小食熟食.➰有吾少台灣夜市小食，好似甜不辣，皮蛋豆腐，鹽酥雞，炸花枝丸，蔥餡餅，台灣香腸之類，剩係食呢啲小食都回哂本🥹甜不辣好煙韌好好咬😋蔥餡餅都食juicy juicy煎得香口，係鹽酥雞質素冇咁好，雞肉乾身左些少😬自助吧仲有啲炸物，地瓜球好高質，仲有大大塊蝦片，脆卜卜🤩熟食當中茶葉蛋都幾入味，幾有驚喜，如果大食既話，可以食飯碗肉燥飯配埋台式滷豬大腸😂.👁‍🗨甜品．雪糕．飲料.➰甜品好出色！有鮮芋鮮既芋圓可以無限食😂可以自製芋圓珍珠豆花，豆花質地都幾滑身，豆味突出🤩另外仲可以自製台式綿花冰，配上吾同既水果😇雪糕就係哈根達斯，但係驚喜佢提供比較少見既口味，好似柚子檸檬馬卡龍同意大利芝士蛋糕味，兩個都好好味，後者咖啡味好香濃🤤飲品除左可以叫春陽茶事既特飲，仲可以係飲品櫃自己揀，種類都相當多，汽水涼茶同各種茶飲都有，夠哂豐富.🔛 整體評分（7.5/10）…Read More

京都過江龍既吉列牛專門店，冇諗過平日夜晚都排哂隊😮之前係日本食過，吾知係分店問題定係點🤔今次係香港再食，感覺香港既分店仲好食過日本😂仲要原來甜品都咁高質，整體都好有驚喜😮餐廳裝修都以日本風格為主，牆身仲寫左京都分店既地點出離，好親切既感覺😂.👁‍🗨四品牛魔御膳(8/10）💲328.➰比呢個四品牛魔御膳吸引左😂有四款吾同部位既牛，分別係菲力，西冷，薄牛同埋比較少聽既翼板🤔啲吉列牛上到枱都仲係比較生，職員會問你需吾需要鐵板自己再燒熟佢😼就算自己燒完之後，啲吉列牛依然非常嫩身腍口😻每個部位既牛肉同樣好香牛味，有啲部位既牛味會再出啲，吉列皮薄薄地，又炸得幾香口之餘，食左咁多舊都吾覺好熱氣🫣仲要吾夠飽係可以任添白飯，沙律菜都可以叫職員再加😂相當抵食呀😎.👁‍🗨勝牛喜燒鍋膳(7.5/10) 💲188.➰牛既份量算係幾多，每一塊都好長身😇入面有基本既豆腐，金菇同埋椰菜，豆腐都有好幾舊，相當滑身☺️值得一讚既係呢個壽喜燒就算食到最後，湯底都吾會覺得好甜，甜度岩岩好😎.👁‍🗨 特濃抹茶小豆流心蛋糕(8/10) 💲52.➰好推介呢個抹茶蛋糕🤩非常之高質！蛋糕熱熱地，然後佢既抹茶味相當濃郁，蛋糕雖然呢日就冇流心效果，但係質感都好厚實好好咬，好抹茶味之外仲帶些少牛油感，有啲啲似馬德蓮既感覺😋蛋糕上面既紅豆粒都好夠甜，配埋雲呢拿雪糕，真係好正😌.👁‍🗨 沖繩黑糖雞蛋布丁(7/10) 💲58.➰比起抹茶蛋糕就比較普通，不過味道係好食既🤓佢既蛋味好香濃，質感都係比較厚實果種，焦糖味夠哂香，但吾會焦香到苦果種.👁‍🗨 椰子抹茶紅豆冰(7.5/10) 💲48.➰好少見呢個配搭，飲落椰子味比較重，不過都飲倒抹茶味既，紅豆粒就未算好多，成杯飲品都幾香.👁‍🗨 甜蜜乳酸(7/10) 💲45.➰呢杯乳酸係由巨峰提子同奇異果組成既😂整體都比較清新，以巨豐提子同乳酸味為主，岩哂食完咁多牛之後飲.🔛 整體評分（8/10）…Read More

韓國粥真係好好食，平時想食都只可以買加熱裝一包包去止下癮🥹而家終於有一間餐廳主打食韓國粥，真係岩哂我🫣.👁‍🗨 豬肉蔬菜粥(7.5/10）💲128.➰比起烏冬既份量絕對係多啲🤡如果吾係大食既，建議叫一碗粥再加其他野食😂食落有微微麻油味，稠杰度適中，夠哂綿密🫣同埋食倒最尾，都吾會變哂水.👁‍🗨釜山魚糕烏冬(7.5/10）💲108.➰個賣相幾岩打卡，用左筷子捲起烏冬😂魚糕係幾有咬口果隻，烏冬就滑嘟嘟，湯底清得離又幾香，就算吾係主打既野食，質素都吾錯 .👁‍🗨韓式傳統煎餃子(7/10）💲78.➰餃子個外型幾特別😂外皮煎得幾香脆，入面就係有粉絲肉碎之類既韓式餃子餡，清清地，吾太油膩 .🔛 整體評分（7.5/10）…Read More

呢間韓國菜價錢好親民，就算普通散叫都吾貴，除左有好抵食又豐富既一人餐之外，都仲有二人餐同四人餐提供😏假日一點幾去到，已經坐滿哂人，難怪餐廳都自稱自己係係佐敦番工人士既食堂，簡直係番工人士既福音，仲要吾收加一服務費呀😂.👁‍🗨一人便當 (7/10）💲78.➰一人便當既主食同配菜都可以自己揀☺️我揀左韓式炒粉絲配烤牛肉，前者份量都幾多，食落吾係太重麻油味，以醬油味為主，粉絲煙韌😋烤牛肉就係肥牛離既，食落香口😎另外便當仲有兩舊幾嫩滑濃蛋味既蛋卷，同埋三舊炸得好香脆既小食(炸帶子，炸韓式餃子，炸蝦棒)，再配埋罐裝飲品，真係幾豐富，份量完全夠哂，最後仲食吾哂😂.👁‍🗨一人水冷麵餐(7/10）💲72.➰水冷麵既水準就正常發揮，酸酸地，冷麵質感煙韌，岩哂而家咁熱既天氣食，真係好消暑😂套餐配既烤雞就普普通通，吾算太juicy，烤皮略為厚左啲啲.🔛 整體評分（7/10）…Read More

新加坡過江龍既海南雞店，主打白切雞，吾係平時見倒黃色果款🐓係新加坡都已經有好耐歷史，口碑相當好🥳呢日平日六點幾去到，餐廳都已經坐左8成滿，有啲驚訝😂冇諗過咁早都已經咁多人，臨走果時，門外仲有啲人等緊位.👁‍🗨 美味白切雞(例牌） (8/10）💲108.➰招牌白切雞🐓雞肉超級嫩滑，雞皮同雞中間有一層薄薄既啫喱，雞皮仲有微微脆彈感😎配埋黑醬油同薑蓉食，簡直一流🥲叫左碗油飯，帶淡黃色，油香味恰好呀.👁‍🗨 京都排骨王(7.5/10）💲98.➰擺盤都幾靚下😂份量算多，每一舊都吾細，肉質同樣嫩身，冇咩骨位，食得方便😂個京都醬汁夠濃味，酸酸甜甜.👁‍🗨 豬潤芥蘭(7/10）💲108.➰炒到個豬潤睇落似牛肉(個顏色好似)😂份量仲要好多，至於芥蘭就好脆口，新鮮.👁‍🗨 五香蝦棗（6件）(7/10）💲88.➰被棗原來係腐皮包住蝦膠拎去炸😂食落都幾香口，外層既腐皮炸到脆卜卜，有滿滿既蝦膠，不過就略嫌咸左些少.👁‍🗨 冷泡桂花烏龍茶(7/10）💲28.➰桂花味幾出，呢個配搭多數都好飲😂.🔛 整體評分（7.5/10）…Read More

YMCA既再臨閣近期出左泰式主題既自助餐，環境細細，但係坐得幾舒服，對住個維港景色，由6點15分食到9點30分，夠哂多時間，可以慢慢食慢慢欣賞😎埋單果時仲有張每人減$300既coupon真心抵.👁‍🗨 泰式自助晚餐💲668 (成人).👁‍🗨海鮮．刺身．沙律．冷盤.➰呢度環境細細地，但係海鮮都有幾多款式，除左主打既龍蝦，長腳蟹腳，蟹鉗，凍蝦，蜆之外，仲有琵琶蝦，小龍蝦🦞全部食落都好新鮮，特別係🌟蟹腳蟹鉗，勁香蟹味，好香好鮮甜，吾會太多咸水味過咸😍刺身種類就比較少，有大路既三文魚，希靈魚，八爪魚同𩶘魚😬沙律有自助沙律吧，都有幾多配料可以自己DIY，都有幾款泰式沙律，魚仔西瓜沙律，比較特別👍🏻冷盤吾盤多，都有煙燻三文魚，火腿等等，其中最推介既係黑松露蜂蜜伴芝士，黑松露極濃郁，帶點點蜂蜜甜味，芝士食落似輕盈既cream用離搽餅乾好正😍.👁‍🗨 熱葷.➰有吾少泰式主題既熱葷，火山燒排骨，泰式蒸烏頭，泰式豬手，特式酸辣排骨，臘腸炒椰菜，泰式咖喱魚，海南雞同泰式焗蠔等等😹焗蠔都新鮮大隻，咖喱魚吾辣，但有淡淡咖喱味，肉質嫩滑，海南雞同樣嫩身，雞味香濃😬泰式船麵，湯底甜甜微辣，又幾香口過癮😗除左泰式食物，仲有基本既羊架，燒虎蝦，即切牛肉肋骨，虎蝦睇住佢即燒，有燒焦既味，味道吾錯🤩.👁‍🗨甜品．雪糕．飲料.➰有好岩我既D24榴槤班戟，大大舊D24榴槤蓉，再自己DIY配料，真係極和味🤪一個人食一舊都吾會膩🥳仲有好迷你既芒果糯米飯🌟糯米夠軟糯，芒果都鮮甜，又係食幾碟都得😹榴槤波波同樣邪惡，熱辣辣，入面滿滿榴槤蓉😋蛋糕最出色既係班蘭蛋糕，班蘭味香，幾輕盈，泰式奶茶蛋糕奶茶味係有，但略嫌比較淡身，另外仲有啲杯裝既芒果布甸，荔枝果凍，椰子西米糕😶‍🌫️雪糕係哈根達斯，綠茶，朱古力，藍莓，士多啤梨味都有，一定要狂食😂飲品可以任飲都係優點之一，款吾多，但勝在任飲，蘋果汁，咖啡，維他命水，茶，總有一樣岩.🔛 整體評分（7.5/10）…Read More

呢間餐廳係一幢都比較遠既商廈入面，如果吾係去開觀塘海濱，都吾會發現有呢個商廈😂入面仲要有一大層好chill，為番工人士打造既休憩空間😺假日以為冇咩人流，始終係番工區，點知當日全餐廳滿座，冇左食晏時間先清哂啲人，都幾意外😂不過餐廳幾闊落，上菜快，又係值得一讚.👁‍🗨 8安士紐西蘭肉眼扒配薯條 (7.5/10）💲188.➰brunch menu 都有吾少款式揀，肉眼扒叫左5成熟，出到離都算係合格，至少易切吾韌身，又吾會鞋口😂有肉汁，但吾係十分Juicy果隻，牛味突出之餘帶點點煙燻，熱過既味道😯薯條面頭有啲類似扭扭薯條既粉，味道略嫌咸左啲🥲.👁‍🗨 意式辣肉腸薄餅(7.5/10）💲158.➰pizza 餅底做得好有質感，煙靭好咬，食落有我至愛既麵粉香😂睇少左辣肉腸既辣度，食完一塊再食，就已經覺得都幾辣，如果食得辣既先好叫😂.👁‍🗨凍美式咖啡(7/10）💲+18.➰咖啡味香濃，酸度係我接受倒既程度😎加$18離講，又真係幾抵飲 .🔛 整體評分（7.5/10）…Read More

👁‍🗨藥膳湯底(7.5/10).➰ 想打邊爐又想養生嘅我每次都必點呢個湯底😂佢哋嘅湯底味道溫潤醇厚，飲落帶住濃郁嘅草藥香味同甘甜回韻，即滋補又唔厚重，成個湯底風味層次豐富而且溫和順口，配搭各種食材都得.👁‍🗨 西班牙黑豚肉(7/10）.➰ 黑豚肉嘅油脂分佈平均，肉質軟嫩而且富有彈性 喺滾湯嘅鍋底輕涮後，油脂溶化，食落肉質更加順滑 配埋藥膳湯底，味道更加有深度.👁‍🗨虎蝦(7/10）.➰ 體型巨大!肉質緊實彈牙，煮熟後可以嚐出濃郁嘅海鮮甜味 打邊爐必點.👁‍🗨 丸子拼盤(7/10）.➰ 蝦中寶口感彈牙，咬落每一啖都可以食到紮實嘅蝦肉 手打鮮墨丸因為加入咗黑松露，帶嚟咗特別嘅香味，煙韌有嚼勁 竹笙墨魚滑口感就比較細膩柔軟，味道鮮美.🔛 整體評分（7/10）…Read More

呢間火鍋店可以話係灣仔既老字號，前排電視有宣傳，比佢既手打牛丸同水晶叉燒包吸引左😹餐廳仲要有兩層，呢日見倒都有吾少係回頭客，佢地都讚餐廳野食好又高質，如果多人夠消費額仲可以有獨立房，地方闊落，坐得好舒服.👁‍🗨 湯底 - 松茸野菌雞鍋(7.5/10)💲268.➰松茸野菌味超濃郁，愈食愈濃味，湯底入面有滿滿既野菌同埋半隻好嫩滑既雞，不過建議食到咁上下，加湯底時最好叫職員加水，吾好加番一樣既湯底會比較好，咁樣湯底可以淡味番啲.👁‍🗨 松葉蟹鉗(7.5/10)💲 138.➰蟹鉗都大隻，食落新鮮冇雪藏味，肉都算多，好少打邊爐會有蟹鉗出現😎.👁‍🗨澳洲雪白帶子(7.5/10）💲148.➰又係新鮮既帶子，帶點彈牙，有帶子既鮮甜味.👁‍🗨手打牛丸 (7.5/10）💲88.➰每一粒都係手打既，牛肉味突出，吾係平時加工既牛丸，好天然既味道😂咬落都幾爽口彈牙.👁‍🗨水晶叉燒包 (8/10）💲73.➰好推介呢個水晶叉燒包，又係打邊爐未見過既野😂放落爐煮一陣就已經食得，水晶皮包住大量叉燒包既餡，咸咸甜甜有啲胡椒味，好過癮🤫食兩粒係吾會夠喉😂.👁‍🗨鴛鴦牛柏葉 (7/10）💲108.➰黑白牛柏葉，份量好多，全部都係新鮮，所以吾洗煮太耐，會變得韌身.👁‍🗨手打鮮蝦滑 (7.5/10）💲88.➰鮮蝦滑同樣高質，入面真係有好多原隻既蝦肉，每一啖都係蝦，重點係份量好多，食極都有咁😂.🔛 整體評分（7.5/10）…Read More

呢間餐廳地點其實都算隱蔽，係一棟寫字樓入面既其中一層既一個角落😂雖然地方吾係好大，不過勝在坐得舒服，人少少，餐廳用左日本渡假村文為主題，擺飾裝修都幾有feel，重點係佢係動物友好餐廳，呢間都有兩枱客人帶埋狗狗一齊食lunch，岩哂主子們🤭.👁‍🗨Bento mix & match (7.5/10）💲128起.➰同朋友一人叫左一個bento set，主菜可以揀一款，肉同菜各揀兩款🤭主食分別叫左木魚湯烏冬同埋要加$15既紫蘇醬油醋蕎麥麵😇前者就正正常常，分量吾算多，後者相對特別，坊間好似未見過呢個味道既蕎麥麵🤔酸酸地幾開胃.➰肉類其實好多款都好吸引😂比較推介手打雞肉餅配香蒜日式菇汁🌟 烤牛肩胛🌟雞肉餅食落真係有好濃郁既菇味，幾juicy😎牛肩胛好香口，牛味突出，咬落都吾會太韌身，不過就要加$18先有🥲另外都加左$18試下季節限定既三文魚沙律，每一啖都係三文魚肉，好足料，不過食果時就要小心啲，有機會會有一兩條骨😬.➰菜類推介加$15既明太子日式蛋卷🌟蛋卷好厚實，明太子份量又慷慨，呢$15加得好值得😂椒鹽玉子豆腐既椒鹽味都好好食，如果豆腐可以大舊啲啲更好.👁‍🗨抹茶柚子梳打(7/10）💲45.➰配搭幾特別，飲落一啲都吾伏，不過柚子味就有啲啲搶左抹茶味，柚子味居多.👁‍🗨開心果拿鐵(7/10）💲55.➰飲得倒有陣陣既開心果味，雖然吾係非常濃郁，但係都已經係合格既質素，面頭仲有個拉花好似係史諾比既圖案.👁‍🗨是日甜品 - 烏龍茶奶凍配雲呢拿雪糕 (7/10）💲48.➰奶凍有淡淡既烏龍茶味，質地吾係易爛果種，反而雲呢拿雪糕有啲驚喜😂.🔛 整體評分（7.5/10）…Read More

今日特登去咗荃灣紅葉茶屋食dinner，聽講呢間嘢係荃灣必試嘅日本餐廳!間舖嘅裝修好有格調 ，啲燈光同擺設都好日式，坐低已經好有置身日本嘅感覺。最欣賞呢間嘢係佢將傳統嘅茶漬飯玩得咁有創意，無論係和牛定係海鮮款都做得好出色🥹啲食物新鮮，廚師嘅刀工同火候都掌握得好😇店員態度親切，成個用餐體驗都好舒服.👁‍🗨 和牛茶漬飯.➰ 一上枱已經令人驚艷!成碗飯面頭鋪滿咗靚靚嘅和牛片，油花分佈得好均勻，切得又薄又靚.👁‍🗨 豪華海鮮丼茶漬飯.➰ 好似一幅藝術品咁靚!上面擺滿咗唔同嘅刺身，有厚切三文魚、新鮮吞拿魚、超大粒帶子仲有甜蝦，每一樣都鮮甜無比!特別係啲帶子，彈牙爽口，個甜味好天然。倒茶落去嘅時候，啲茶香同海鮮嘅鮮味完美配合，令到成碗飯都充滿住鮮味!.👁‍🗨 明太子雞翼.➰ 啲雞翼炸得金黃香脆，外皮脆卜卜，入面嘅雞肉超級嫩滑。最正係佢上面有明太子，一啖咬落去就會爆汁，個明太子醬汁香辣惹味，同雞肉嘅鮮甜完美配合!個明太子味道香濃但又唔會搶咗雞翼嘅風頭，真係食一個想再食多個!.🔛 整體評分（7.5/10）…Read More

專門食大阪燒，廣島燒既餐廳，週末食飯時間比起同層既餐廳，都算係多人😇假日都會有lunch set 供應番左啲日式定食，環境相當闊落，好好坐🤩.👁‍🗨廣島燒(7.5/10）💲98.➰大阪燒係香港成日都會出現，但係廣島燒好似冇咩地方有咁🤔同大阪燒吾同之處就係佢多啲材料，食落冇咁多粉漿，入面會有炒麵，椰菜，雞蛋，蔥花，五花肉，芽菜，木魚粉等等，口感十足😎面頭同樣有大量醬汁同蛋黃醬，好和風既味道.👁‍🗨鐵板雞肉定食(7/10）💲148.➰定食有麵豉湯同漬物，可以加$15要甜品，同埋加$10叫飲品，不過飲品種類就比較少，都係基本既茶，可樂咁，但係驚喜在叫左玄米茶職員會不斷幫你refill😯甜品呢日係曲奇雪糕🤓鐵板雞肉正正常常，雞肉嫩身，有微微黑椒味.👁‍🗨鐵板章魚小丸子(7.5/10）💲68.➰好特別既小丸子，完全同平時食開一粒粒既吾一樣😂賣相似迷你大阪燒，入面既章魚粒好爽口彈牙，值得一試.🔛 整體評分（7.5/10）…Read More

呢度既野食真係好有魔力，食幾次都唔會膩，每次仲會有驚喜.皮蛋湯湯底，味道鮮美又唔會油，飲落好有風味。皮蛋食落又Q彈，口感十分豐富 。同埋皮蛋湯涮肉真係一流，尤其係牛肉，食落鮮嫩多汁，仲有濃郁嘅牛肉香氣，真係令人胃口大開，一啖接一啖，停唔倒🥹仲有蝦丸，新鮮，食落仲有淡淡嘅海洋味道，同時仲可以食到蝦本身嘅甜味.雖然韭菜餃係小食，但係味道非常經典，內餡全部都係新鮮嘅韭菜，香味十足，煮咗之後，味道更加香濃，咬落好爽口!飲品都好別緻，檸檬梳打係藍色嘅，酸甜嘅味道仲帶有梳打獨有嘅香氣，飲落令人覺得好清涼.🔛 整體評分（7.5/10）…Read More

感覺香港好似少左好多呢啲比較舊式既糖水店，而家要搵糖水食都有啲難，吾係食冰，就係芋圓，班戟咁🥲呢間都可以話係數一數二既老字號，糖水選擇又多 .👁‍🗨雪芒楊枝甘露小丸子(7.5/10）💲69.➰椰皇入面係平時既楊枝甘露加芒果雪糕，芒果味好天然香甜，小丸子細細粒，好有咬口😇除左有芒果味都有淡淡既椰皇味，食完仲可以刮啲椰子肉食，好飽肚😂.👁‍🗨D24榴槤水晶粉芋圓(7.5/10）💲56.➰榴槤味超級濃郁，有一小舊榴槤蓉，好邪惡😍水晶粉好似比較少見，透明一粒粒好似涼粉咁，好爽口😎芋圓食落都有微微芋頭同蕃薯味，同樣有咬口，成碗野榴槤味滿滿，不過甜度就比較高😀.🔛 整體評分（7.5/10）…Read More