剛剛做節幫襯元朗囍雲軒，食到一肚氣。前後叫咗四個餸，第一個菜係蜜椒牛柳粒，點知嚟錯，服務生聲稱會幫我換，我當時答應和沒有問題的。第二個菜係薑蔥台山蠔，份量係正常，共有七隻蠔，但係嗰啲蠔係好鹹。第三個菜係西澳龍蝦伊麵，隻龍蝦係完全冇鮮味。雖然知道菜牌寫住龍蝦係一斤二，但係啲龍蝦冇乜點斬開，變相一大嚿殼連腳跟本咬唔到，剩係得尾嗰三嚿肉。第四個菜係西蘭花龍躉球，落單時，我叮囑服務生西蘭花要腍啲，收據都有寫住。但最後係好硬，老人家根本食唔到。嗰啲龍躉球走油走過龍，好鞋同好乾，完全食唔到魚味。最激氣係食到最後，蜜椒牛柳粒都冇嚟過，叫侍應追咗三次都係冇結果。想取消買單又話即刻幫我追，最後要發火鬧先至快快同我埋單。雖然三個餸加埋其他雜費千零蚊，唔可以講天價，但係以咁嘅質素同服務態度，就算同我講半價我都會backlist，同一個價錢必定有更好選擇。我好少寫食評，以前同一個位利苑坐得好舒服同埋比較靜，食物質素又好。但呢間囍雲軒坐得又逼又嘈。做節食飯本來係開開心心嘅事，但係俾人搞到激氣就乜都係假。…Read More
