kitling1020's Profile

今天相約朋友到銅鑼灣購物，先來個午餐。經過這個日本餐廳，看見餐牌非常吸引。有太多選擇了，想了很久才決定到先來個豐盛刺身盛合$288，有六款刺身，首先上枱擺設非常吸引，每款都很新鮮，特別海膽非常鮮甜，入口溶化。之後來個開胃沙律，薄燒牛肉沙律配和風汁$68，沙律菜新鮮爽脆，半生熟牛肉入口嫰滑，肉味濃郁。七味炸手羽$42，雞翼炸得香脆嫰滑，配上七味粉滋味無窮。再來一客厚燒牛舌$88，牛舌厚切非常有咬口，師傅工架了得加了有少許黑椒調味，味道剛好，不會蓋過牛的原味。最後重頭戲一定要強烈推介這個二重鰻魚丼，除了在日本吃過的鰻魚丼，這裡是我吃過最好味的鰻魚丼，鰻魚非常軟腍，入口溶化，醬汁不會過濃，配上日本米飯和半熟日本溏心蛋味道出色。我和朋友都非常滿意，食物竟然有如此質素，簡直可以跟日本媲美，價錢適中，一點也不貴，性價比超高。…Read More

疫情關係很久沒跟朋友出去吃飯，今天晚上就相約朋友去吃日式燒肉。這間位於佐敦的燒肉店地點方便，店外店內木系的裝潢，令人感覺舒適。餐牌有不少選擇，牛魔王的我們當然選擇牛魔再現二人前，包含了三款牛。日本A4和牛肉眼油脂分佈平均，入口溶化，肉汁豐富，好好食🤤Prime 牛小排牛味濃郁，還有Prime 牛角切口感豐富，肉味也相當濃，吃下便知三款也屬優質的靚牛。鹽燒豚腩肉，薄薄的輕輕燒一會兒把油脂逼出來，很香口，可以加少許鹽調味更加滋味。牛油黑松露帆立貝，非常美味的配搭，新鮮帆立貝充滿牛油和黑松露香味，朋友很喜愛這個。吃了不少肉類，當然要加個沙律中和一下，溫室蕃茄沙律，蕃茄香甜，沙律菜新鮮，配上酸酸的沙律汁，即時去走肉類油膩感覺。最後還加了一個地獄湯烏冬😋，湯底不錯，烏冬食落口感爽滑煙韌。另外一定要讚侍應態度非常好，逐一介紹每款食物燒的方法，又會講解如何配搭那一種醬汁吃法，服務十分週到。高質燒肉加上服務一流，滿意的一餐。…Read More

之前已經食過一次，因食物水準出色而印象深刻，一直都想再食，今次就帶媽咪黎試下。平日set lunch有兩道菜跟三道菜選擇，特登帶媽咪黎食梗係要食得豐富d，揀咗2 set三道菜，之後發現原來份量好大🙈差一點食唔晒。餐湯南瓜忌廉湯好好味🤤南瓜味濃郁又唔會過甜，超鍾意❤️ 前菜沙律新鮮爽脆，沙律汁酸酸地，作為前菜令人開胃。主菜炭燒美國安格斯肉眼牛扒，需要另加$78，但份量超大，還配有薯角。牛扒肉質軟腍，點了五成熟剛剛好。另一道主菜炭燒美國黑豚豬鞍，份量也很足，吃下有炭香味，可以自行加少許鹽或點碟上的芥末醬調味更美味。本身不知道原來主菜份量已經那麼大，還加了兩款side dish 炒野菌和薯條🍟，但就連薯條也炸得出色，脆口不油膩。午餐還包甜品和餐飲，埋單雖然over $500，但用餐環境舒適，店員服務態度友善，不時走過來看看我們的需要，最重要的是這樣的食物質素簡直超值！…Read More

星期五放工想食好啲，同老公入元朗食日本野，呢間九丁目日本料理裝修幾有心思，門口放左棵櫻花樹燈，特別耀眼奪目。餐牌有不少選擇，有壽司丶刺身丶手卷丶燒物丶料理丶天婦羅等等。岩石燒牛小排，放在熱石上燒，即燒即食，入口肉味濃郁🤤份量唔少，非常抵食👍🏻風味芝士玉子燒，芝士份量唔少，配上紫菜碎，加埋沙律醬，好好味😋 我老公超鍾意😆什錦天婦羅，入口鬆化，份量也不少。北海三味壽司(海膽丶三文魚籽丶吞拿魚腩蓉)三款都唔錯，海膽新鮮，食落無腥味。七味炸雞軟骨超抵食，只係$20份量好多，上枱即食熱辣辣好香口😋最後叫左份黑毛豬豚肉串，一客已經有兩串又係抵食之選，豚肉夠薄食落唔會韌，加小小黑椒調味已經好好食。我們兩個食左好多野埋單連加一唔洗$500，價錢非常親民嘅一間日本料理，食物選擇又多，下次再試其他款式。…Read More

平日收工想出去食下飯，老公就帶我去尖沙咀呢間火鍋放題，原來係最近新開張。平時雞煲放題就食得多，鴨煲真係第一次見，貪新鮮梗係要試下🤤鴨煲一上枱香氣撲鼻，份量唔少，鴨肉煮得夠淋😋食完可以再叫湯底打邊爐，亦可以再叫雞煲或者豬手煲，但我哋覺得再食嘅話就太飽打唔到邊爐，唯有留返下次再試。湯底有唔少選擇，我鍾意佢嘅泰皇冬陰功鍋，湯底酸酸辣辣，冬陰功味香濃，加入蔬菜菇類豆腐好索湯好好味🤤另外又試咗佢嘅沙爹鍋，用嚟煮肥牛同豚肉好夾，火鍋配料仲有少量海鮮選擇👍🏻任飲任食兩個半鐘只係$198，仲有甜品雪糕任揀，真係好抵食。環境又舒適企理，座位寬躺，店員服務更一流，性價比高的一間雞煲火鍋放題店。…Read More

住係長沙灣，之前經過過兩次見到仍在裝修中，昨日放工再經過看見已經開張了，抱住一試的心態試一試。我叫左小辣酸辣豬骨濃湯米線配萵荀和滷水豬耳，湯底果然有驚喜👍🏻😋，濃郁入味，好好飲，辣度又夠，萵筍軟硬適中好夾湯底，滷水豬耳夠入味又夠淋好食。食量不少的我再叫了一客小食麻辣墨魚頭，一定要推薦，非常好食😋，墨魚頭入口爽脆配上麻辣汁好夾，不自覺地食到停唔到口。飲品叫了他們自家製的玫瑰洛神花茶，一上枱以為自己去左酒店high tea，玻璃茶壼擺盤非常靚，看得出店主頗有心思，花茶入口少少甜甜酸酸的，唔會太甜，花香味好清香，好好飲😍。店內環境舒適，裝修幾有風格，用了不少燈光佈置，有唔少打卡位，食物環境都非常好，估唔到新店都可以做到咁出色👍🏻，必定會帶朋友再黎。…Read More

經過大埔見到有間新開的小店叫涼皮小姐，有點衝動走入去試試。有些幾特別的小食，呢個好似叫麻辣蓮藕尖，口感爽脆超入味，食到唔停得口。呢個叫做一口酸菜魚係招牌菜之一，賣相好獨特打卡一流，一口氣一啖直接連湯放入口，好好味，魚肉滑嫩，酸辣味剛好。到我最想食的麻辣伴涼皮，味道唔錯仲可以另外加餸，醬汁唔會過鹹辣度適中。麻辣炸蝦球，蝦肉爽口彈牙，即叫即炸呢碟麻辣墨魚頭非常好食，墨魚頭食得出好新鮮，入口爽脆，加上麻麻酸酸味道，越食越滋味。米線或者涼皮套餐還可以加配飲品，炎熱天氣一定要來一杯冰涼飲品配上麻辣小食，大滿足。非常推薦這間新開的小店，每款小食都很出色，店員親切有禮，一定要來試試。…Read More

經過荃灣，午市時間見到這間火山燒門口有人在排隊，看看門口餐牌食物好像不錯，決定入內試一試。午市套餐好抵食，買平$55就有最貴也都只是$98仲要係牛扒，套餐配餐湯同飲品，老公叫左和牛肩胛肉眼200G配日本珍珠飯，牛扒份量唔少，用石燒呈上熱辣辣，店員話每邊燒10-15秒就可食。餐廳準備左即棄圍裙以免客人整污糟衣服，十分貼心。而我叫了蒲燒鰻魚忌廉滑蛋珍珠米丼，賣相唔錯，鰻魚同滑蛋味道很夾，醬汁好味配珍珠米飯一流。整體食物味道屬中上，價錢便宜，怪不得午市時段人山人海。…Read More

這天晚上突然想吃日式料理，剛好又在元朗Yoho逛完街，就走到這間居酒屋試一試。居酒屋門面裝修很日式的感覺，甚有味道。店內用餐環境也不錯，座位舒適闊落。日本餐少不了會叫一點刺身嘗一嘗，想不到這道帆立貝刺身十分肥美，鮮甜無比，非常喜愛。和風魚生沙律，刺身份量都幾多，配上酸酸的沙律汁，作為前菜非常不錯很開胃。豚肉荔枝卷，這款串燒很特別第一次吃，果然有驚喜，又甜又多汁荔枝配上豚肉非常㚒，好好味。安格斯牛肉粒燒得好香充滿油脂。赤蝦刺身又大隻又新鮮，鍾意食蝦的我自己一個人食咗三隻。軟殼蟹手卷，非常抵食大大件。北海道黃金燒帶子，帶子鮮甜配上甜甜的醬汁，幾特別。最後點了一個菠蘿雪芭，作為飯後甜品，非常滿足。這間居酒屋食物質素挺高，環境舒適，價錢又合理，非常推薦。…Read More

今天要上班，不用Home Office，放工約同事一起去吃晚飯輕鬆一下先。同事介紹了這間尖沙咀樓上西餐廳，店內環境優雅，座位寬躺。晚餐有套餐選擇，我們二人各點了一份套餐，餐湯甘筍湯，味道濃郁creamy，青蘋果巴馬火腿藜麥杏仁沙律，味道清新爽口，作為開胃前菜不錯。主菜燒美國安格斯肉眼扒配黑松露薯蓉，牛扒質地較淋，入口有牛味，加$58配燒大蝦兩隻，薯蓉充滿濃郁黑松露味，入口綿綿幼滑。另一道主菜我們點了香草鮮蠔芥末忌廉汁扁意粉，配搭幾特別，蠔有鮮味，意粉軟硬適中，味道不錯。套餐可加$98有兩杯飲品，叫了兩杯Mocktails: P & O KICK 和 Ruby Sunrise，不太甜好飲。甜品法式椰奶凍配芒果汁，這個我很喜歡很好味，入口有點綿綿糯米的口感。餐廳門口設有消毒搓手液，很貼心的服務。…Read More

今日同老公想食燒肉放題，見到呢間幾抵食即刻訂位試下。我哋book咗7:15黃金時段，七點去到已經有好多人係門口等位入座。我哋安排坐二人靠窗邊嘅卡位，座位舒適闊落可以望到街景。食物超多元化，好多不同種類選擇，有炸物類，芝麻雞翼丶咖喱角丶春卷......飲品也非常多選擇，罐裝飲品丶紙包飲品丶啤酒丶梅酒丶清酒，仲有咖啡檸茶檸水可以自己沖。甜品水果吧，選擇都唔少沙律前菜吧火鍋蔬菜類肉類都唔少選擇，雞翼牛扒雞扒都有不同口味選擇，仲有其他丸類菇類蔬菜類，喜歡用來燒仍可，喜歡用來火鍋煮也可。肉類我比較喜歡燒，味道醃得都唔錯，夠惹味，喜歡牛柳粒入口淋身有牛味，枱面上有幾款唔同調味料，最好就係仲有孜然粉同辣粉可以自己加，啱晒鍾意重口味的人。火鍋喜歡冬陰功湯底，冬陰功味香氣四溢，加入蔬菜豆卜非常夾。這間放題超多種類又抵食，燒烤火鍋一次過滿足兩種口味，都唔知食得邊樣，最後我和老公都飽到上心口。…Read More

這天和老公送完囡囡上學，即興想食西餐，記起朋友推介過這間西餐不錯。位於旺角鬧市商場中，餐廳很大，環境舒適，座位闊落。午餐有不少選擇，價錢不貴，還配餐湯及沙律。黑松露蘑菇湯，味道濃郁，每啖入口都是豐富的蘑菇粒，非常飽肚。西班牙黑毛豬火腿凱撒沙律，只是加$22就可以轉，非常抵食，沙律菜新鮮配上黑毛豬火腿及芝士味道很好，老公非常讚。主菜松葉蟹肉及有機牛油果意大利飯 $108，芝士味香濃，味道不錯。炭燒美國極黑豬鞍扒伴燒薯仔及芥末 $138，這道主菜我非常喜歡，豬扒入口軟淋充滿肉汁，加少許鹽經已非常美味。加$25還有午餐甜品，食量大的我們還加了兩款，賣相精美，味道也很好。這裏環境舒適，食物質素高，休閒地享受了一頓非常滿足的午餐，下次必定會再來。…Read More

今日在荃灣探完朋友，晚上朋友帶我去附近的曹公坊吃晚飯，我們經過這間門口佈置充滿田園風味的泰國餐，餐廳內裝修雅致，感覺舒適，決定在這裏用餐。餐廳內有兩層，我們二人被安排坐樓上一角較寧靜的梳化位，很適合我和朋友休閑地聊聊天。我點了杯青檸梳打醒醒胃，大大杯份量很足。鳳爪沙律份量也很大，味道酸辣適中，正宗泰式的感覺。最喜歡這個冬陰公海鮮湯，份量非常足，有三大隻大頭蝦，蝦頭充滿蝦膏，食落新鮮，湯的辣度也適中，椰香味濃郁。這個小食拼盤非常不錯，每一款也很好味，炸蝦餅表皮炸得鬆軟蝦肉彈牙，泰國雞棗很特別入口脆卜卜，雞肉嫩滑。最後點了泰式肉碎飯，一上枱勁大碟，分量非常多，肉碎夠香濃惹味，辣度十足，送白飯一流，最後我們二人當然吃不完要打包。…Read More

今晚同老公二人世界一下訂了這間位於觀塘工廈裡不起眼的西餐。門面簡單，店名也沒有，整層好像只有他一間餐廳，一出電梯就看到了。店內裝修簡樸，牆上掛上黑板寫上今天推介，座位舒適闊落，很適合三五知己相聚飯局的地方。主菜加$58可轉套餐配頭盤丶餐湯丶飲品及甜品，好抵食，性價比超高。是日餐湯甘筍湯，味道濃郁軟滑，不錯。頭盤只有一款，不能選擇，海膽忌廉海鮮撻，賣相特別，彼有心思，放上泡沫在面作點綴，底下放上沙律菜配上醋汁，很開胃。主菜香煎鵝肝伴牛柳，點了七成熟，熟度剛好，牛柳入口淋身。食量大的我們點了兩款意粉，黑松露意粉和芝士煙肉蛋黃醬意粉，都非常好味，比較之前吃過的不少西餐，這間意粉質素挺高。套餐還配甜品，雖然只是一小件朱古力雪糕但一點也馬虎，擺設用心，製作彼有心思，值得加分。…Read More

有好姊妹生日訂了這間西餐慶祝，地點很方便就在尖沙咀美麗華，這裏環境很寧靜，背景音樂聲不大，座位舒適，很適合我們一班好姊妹聊天。八點前order飲品可以享有happy hour價錢，我點了一杯生啤爽一爽先。先來一客沙律開開胃，沙律菜和蝦都是新鮮，蝦算是大隻味道不錯，配上沙律醋汁很醒胃。這個也算是前菜沙律，中間那個是芝士，配上新鮮蕃茄，味道非常夾。這款烤雞pizza是整晚我姊妹們最喜歡的，烤雞味濃，Pizza是薄底，烤很香口，好好味。牛扒很大塊，肉味重，有咬口，配上蘑菇汁吃跟牛扒很配增加肉味。因為朋友生日店員會為我們影一張即影即有，並寫上Happy birthday，送給我們生日的朋友留念，服務非常細心體貼，這一點一定要讚一讚。…Read More