henryli1989's Profile

放工行左陣奧海城，見啲食肆都貴貴地於是就行落大角咀搵食。行到大全街見到勁多間俾你揀，見到間鋪名叫"麵麵雞緣"覺得幾得意就望下食咩，原來係雞煲再加石鍋車仔麵，店內都光鮮乾淨，就入去試一試。叫左豬紅，魚蛋，白菜仔，豬皮同烏冬，湯底就揀左沙嗲湯。唔同一般車仔麵用普通碗，用既係石鍋，一路食全都可以keep到熱，睇得出店主有花過心思，沙嗲湯底都好足味！魚蛋咖哩汁夠濃，食車仔麵必叫豬紅既得今次當然唔例外，呢間都算整得好食。👍🏼見到隔離枱叫左個雞煲，原來係一人份量當做餸菜，出面食親雞煲都係一大班人先叫得，呢到可以一人份量既idea的確要讚一讚，一黎到聽到"滋滋聲"已經好吸引，下次要再試埋！題外話呢間車仔麵啲侍應姐姐好有禮貌，平時收工都係想搵間坐得舒服，好食既鋪，呢間加埋態度好，真係值得再去幫襯👍🏼…Read More

今日中午想食燒味飯，一行三人去燒味工房，門口大概有兩至三檯食客等緊位，唔會派飛俾你等，老闆憑記憶叫入座，當然等位環境近馬路，熙來攘往，一片混亂，總之先後次序是隨心的，總之有位就求其安排坐滿就算，等左15分鐘左右，就安排我地入座，但原來係分開2個搭落一張（已坐左2個客）四人檯，另一個要搭落隔離一張（已坐左3個客）四人檯，分隔兩檯坐，我地就同老闆講如果陣間有位就安排我地團聚啦，結果老闆望了我們一下，自然自語地細細聲說：「有得俾你坐已經好好啦！」佢以為我地聽唔到，但我地當然是耳朵健全的，一致決定去第二間，原來而家做飲食係咁唔憂做既！…Read More

山長水遠入黎元朗，35度高溫去同事的村屋天台燒野食，是一件玩命的行為！既然入得黎，一定要叫同事仲紹呢區食好西！我地食左幾間，因為鍾意周圍食下野，所以唔坐低食正餐，其中一間記係食無骨雞翼包通常食雞扒包、雞柳包，但雞翼因爲有骨所以唔會用來夾包，但有人去左骨服待本大爺又唔同-蜂蜜無骨雞翼包-好食！用既係法包，店員係烘暖佢先，雞翼係無骨雞翼，岩哂我呢啲懶人😄，夾埋蜂蜜醬好好食！入面有生菜，洋蔥，唔鐘意可以叫店員減左佢，即叫即做，等大概10分鐘都ok!值得encore 👍🏼-秘製慢煮豬腩肉包-朋友叫左呢款，呢個味道就一般，冇咩太大特別，一個普通豬肉包，所以都係推介無骨雞翼包…Read More

假日去新都會廣場行街，到到都勁多人食lunch, 見呢間apple green 冇咩人等位就衝左入去，環境都ok.-明太子意粉-賣相一般，食落味道仲有啲淡，食左幾啖已經唔太想再食落去，可能同我地想像既明太子意粉有出入，通常明太子煮出來的食物都係好香、味濃，這個......不合格👎-雜菌意大利飯-同樣賣相都係一般，但味道又唔錯喎👍🏼，起初見佢個款勁多油，仲擔心中伏，意大利飯軟硬適中，至少岩香港人口味，好食！…Read More

位於旺角雅蘭商場2樓的意粉店，以為遊客區價錢一定貴，非也！雖然不算是廉價餐廳，但定價一點都不狼死！卡邦尼溫泉蛋意粉好食！卡邦尼意粉汁煮得非常好食，好creamy,加埋隻蛋落煮得軟硬適中的意大利粉裡，非常好食！我地要搶住食🤣辣xx海鮮意粉（唔記得個名）因為唔好食，連自己食左啲咩落肚都唔記得，淨係知道好辣，辣得滯遮蓋左其他味道，而且辣度沒有層次，要改良💪🏻我地因爲唔係太肚餓，所以只叫左2個意粉，但我見到隔離檯有叫2人餐，份量額多，望落好似好好食好吸引，仲有下次會試下啲小食，例如芝士球…Read More

這間好似係明星開的餐廳，昨天因為太熱的關係，係灣仔做完野諗住求其搵間茶餐廳醫飽個肚就算數，路經見到有間冰室就衝左過去，有幾個遊客（疑似）排緊隊，我話一位即刻有位入得，老實說，一句說話總結：「名大於實」作為一間冰室，款式選擇少不在話下，少之餘全部都係好普通野，不是撻個校長多士、軟硬xx、森美xx出來就能夠增加吸引力，服務態度又唔好，未食完就衝埋黎收野，淨係落廣告吸遊客，我地香港人真係諗清楚入唔入去食！…Read More