kycada's Profile

由細到大都好鐘意食白雲鳳爪，呢間真係必食！！大埔街市內的一間小店。除左招牌有骨及無骨鳳爪之外，仲有雞翼尖、豬手、雞膝頭。醬汁亦有香辣泰式、麻辣、白雲選擇。最推麻辣口味，雞膝及無骨鳯爪，爽口香辣，帶少少酸，勁正 生腸味道普普通通，下次不會食…Read More

經過見到東港城開左錦麗，午市時間冇人排隊，立即去試試，首次嘗試叫了個綜合粉食！有生牛肉，熟牛肉，牛丸三個餸！湯底好重牛肉味，一啖份跟一啖湯咁食，好正！！生牛肉好味，熟牛肉有點硬…Read More

行過土瓜灣見到幾得意入去試一試叫左杯1664 ，配個蝦天使麵估不到咁好食，並不是hea幾隻蝦上去就算，而係天使麵上面也吃到啖啖蝦肉，香而不（流），配搭得非常好👍🏻下次會再支持…Read More

星期三又到Aeon特價日，行到累去Food court 食少少野！行咗幾檔揀，最後見到有當台灣嘢食新開叫做「阿玖里」，個名幾得意，就揀左佢試下～～～同幾個朋友叫了不同的食物試試，又可以交換食下三杯雞魯肉飯，好味，三杯雞味道幾夠味，另外魯飯都好香，只係肉份量點少，不過套餐份量好大份，都好抵食另外兩個朋友一個叫魯肉飯，另一個叫咗台灣香腸炒飯，香腸炒飯好好味好香！！配左啲台灣香腸同埋好多香蔥，食落去淡淡都好香👍🏻👍🏻…Read More

成日經過呢間629雞蛋仔，一直冇機會去試試，咁啱今日有時間，佢剛剛開門冇耐，見唔洗等，買左個原味雞蛋仔試試！點知個味道極淡，冇咩蛋香味！一點也不脆，仲要係淋！勁失望！冇下次…Read More

星期三Aeon 特價日，一個人購物之後，肚餓去Food court 食下野！見到呢間新開的「南川」主要食泰國菜，有湯粉麵又有d抄粉麵！另外有d東南亞菜式，比較fusion 終於揀完一輪，最後叫左豬頸肉抄泰河同酸辣鳳爪一個人食下！估不到個豬頸肉抄泰河好好味佢係即叫即抄，仲係用一片片的正宗泰河粉抄嫁一！！！辣辣地好開胃豬頸肉也好淋，本身醃過的，味道有點像炭燒味，也幾好味～這個抄泰河在Food court 來說幾高質反而個酸辣鳳爪就普普通通啦！…Read More

晚市每天大排長龍，一直想試但實在不想排咁耐！故意選了個下午茶時間來到，排了5分鐘就有位～可惜沾麵巳沒有了，所以選了個拉麵🍜，只有幾款可以選，而且價錢也幾貴！抱著一試心態去，估不到出奇地咁好食餐廳環境好，剛剛坐在窗邊位置，感覺好舒服，而且裝修也好有格調叫了一個最貴的試一試，湯底味道濃厚，好香的魚介味道，好好食而且配料亦十分好食唔怪得日日可以大排長龍！如果價錢可以再親民一點就更加好了！希望下次可以試試沾麵！…Read More

日日大排長龍，今日經過特登去買個外賣牛爽腩回家，$168一碗，價錢高，味道卻不見是好！份量又小，又有好多不是牛腩的部位，真正食到牛腩只有好少，個人覺得不值這價格！！…Read More

早上行過深水埗，去合益泰食個腸粉飲杯豆漿做早餐先，早上不用排隊，非常好！合益泰的腸粉我覺得係全港最好食的腸粉，細細條口感好滑，麻醬和甜醬的味道也十分好！非常滿足的早上！…Read More

今日經過銅鑼灣看到這毫不起眼但有特色的傳統糕點小食立刻試試！糯米糍外皮好軟，但料太少，不過也算好味道！雞屎滕咸的，本人不太喜歡，芋頭糕冇味道的茶粿及其它糕點味道也普通，沒有什麼大驚喜！…Read More

湯底要了冬瓜瑤柱湯，冬瓜瑤柱好足料，瑤柱好多,可當湯飲3秒腐皮真的唔錯,脆脆的~~~火鍋料品質普遍都不錯，食物都好新鮮,但本人覺得選擇不多店鋪空間不大,得好小座位,人多最好訂座…Read More