kackachin's Profile

平日星期五差唔多一點去到，我一個人大約等咗10分鐘左右，驟眼睇一直都要排隊，想食真係要預番啲時間。間舖頭係要上一層，所以唔好以為門口冇人排隊😂😂😂上到去記得問店員攞籌先再排隊。我叫咗一個稻荷腐皮鰹魚清湯烏冬，骨付鷄同一罐蘋果汁。烏冬有咬口，同平時嘅讚岐烏冬一樣，反而我覺得湯底比較清淡，淨係食到少少鹹鹹地嘅味，冇乜鰹魚味。本身個烏冬連埋天婦羅脆脆，如果連埋天婦羅脆脆一齊食嘅話，口感都幾特別，有脆有韌。去到重點嘅骨付鷄，一切落去啲汁標晒出嚟😋😋，食落勁juicy，加埋個雞皮煎到脆脆地，調味又夠，勁好食！同埋超級嫩滑！呢個lunch食咗$100 ，都有少少貴，不過下次會再食…Read More

以前成日覺得中環冇咩中價西餐食，直到搵到呢間餐廳，就令我改觀😗😗😗我哋六個朋友一早已經係OpenRice book咗位，因為OpenRice book位有七五折，所以記得要book🤓🤓因為我哋一早諗住食乳豬，所以打電話去預訂，店員同我哋講乳豬係冇七五折嘅，如果想食嘅話就要留意番。我哋叫咗六樣嘢，落單嘅時候店員，同我哋講話有一部份嘅紅酒白酒係買一送一，所以我哋就order咗一紅一白。龍蝦湯 - 味道濃，亦都creamy，唔錯。法國焗蝸牛 - 未上碟之前，店員會每人提供一份食蝸牛既用具。一碟有七隻，牛油味非常香濃，又鮮味，推介！帶子檸檬汁意粉 - 帶子配上檸檬汁，令到成件事好fresh，帶子煎到半熟，個芯仲有刺身嘅質地，令到帶子好滑好香，應該係用刺身級既帶子先做到呢個效果。意粉有Al dente 口感，唔錯！😋😋乳豬釀煙燻肉腸 - 第一個感覺就係覺得個皮好脆好薄，同平時食嘅中式乳豬嘅皮係唔一樣，而裏面就係啖啖肉，感覺好似食緊啲高級腸仔咁😂好香香草味，相信係大部份人都會啱食，不過就唔算好特別。檸檬黑毛豬豚肉 - 啲豬肉好淋冇渣，細食下覺得有微微嘅黑毛豬味，加上調味好特別，蜜糖加檸檬好似有少少又甜又酸嘅感覺，帶起肉香，配菜嘅薯仔都好好食澳洲和牛 - 其實好食嘅牛扒都唔需要多講，亦都唔需要複雜嘅煮法。我地叫左medium，有牛味，唔韌，可以一試！最後仲叫咗甜品，可以要求店員寫字，正常發揮😎六個人食六道菜應該唔係好夠，不過我哋都係飲下酒傾偈多，所以都OK。以中環法國菜來講真係算好平，有機會嘅話都會想再嚟食👍🏻…Read More

因為皮膚敏感，所以其實我都好少食牛，咁啱係沙田見到有呢間餐廳食🐷，即刻令我有啲興趣🤓因為嗰日只係諗住食個下午茶，所以兩個人只係叫咗兩樣嘢，斧頭豬扒同海鱸魚海鮮燴。斧頭豬扒配薯條，有兩個醬，茄汁同埋我估係蘋果醬🍎。豬扒都幾大舊，對食肉獸黎講啱晒，肉質都算嫩滑，調味唔重，應該淨係落咗少少鹽同埋香料。本身我都唔係好係重口味嘅人，比較鍾意食原味，所以佢呢個調味我本身係好欣賞，但係本身舊豬冇乜肉味，所以覺得有啲可惜。不過點蘋果醬又覺得幾fresh，所以都可以接受。另一個係海鱸魚配蝦、辣肉腸、蜆，調味幾好，一樣係唔算重口味，個湯有海鮮既甜味，配料都算多，不過如果男仔淨係食呢個應該唔夠。魚都算滑，不過有少少散。…Read More

喺香港已經唔係第一次食一蘭，不過就第一次喺尖沙咀呢間食，之前喺銅鑼灣食嘅都係一個人咁坐，而尖沙咀呢間就係平時餐廳咁坐，感覺即刻唔同晒，同埋有少少嘈。我哋兩個人星期六一點半左右去到，門口已經有牌寫住要等半個鐘，最後等咗25分鐘就入到去。佢同銅鑼灣嘅做法唔一樣，呢度係喺自助售賣機度俾錢，然後再有一條長廊排隊，我諗大概都要等二十幾個人。一坐低就揀返自己想要嘅麵質、濃度等口味，我自己就揀咗走蔥同埋½辣。之前覺得食一蘭冇乜特別，後來有個朋友提議加辣，真係好上癮，所以我覺得要加少少落去食一蘭嘅重點😋😋如果加麵嘅話，係張紙填好咗之後，店員會比一個夾夾係枱面，食完原本嗰碗之後就可以叫店員比麵，我諗呢個做法可以阻止啲麵浸到林晒。今時今日黎講，我諗一蘭都唔算係拉麵既唯一選擇，叫做正常發揮，如果唔使排隊都可以得閒去食下。…Read More

名就聽過好耐，住喺港島區嘅我第一次去食呢間大埔名物，果然冇令我失望，平靚正！呢間舖選擇唔多，大部份人都係食豬扒同雞翼，當然我哋都唔例外。我食嘅豬扒炸得好香，食落卜卜脆，調味適中，豬扒份量亦都好夠，食完真係會好滿足😋不過麵底我就覺得一般，上海麵好淋，唔知係Overcooked定係本身麵質係咁，不過豬扒先係重點😋朋友食既雞翼唔記得影相，我試咗一隻，都覺得好香好脆，亦都炸得唔乾，不過我始終覺得豬扒係出色啲👍🏻不過呢間舖頭係冇飲品提供，當你一坐低，隔離舖頭就會問你飲咩，我飲凍檸茶，都覺得OK既，食炸嘢點可以唔飲凍嘢😏如果經過附近嘅話，都推介大家去試吓，四十幾蚊一碗麵真係抵食，平民之選😗…Read More

每次去西營盤，夜晚食完飯之後，一定會去芋圓一食糖水嗰日我哋九點幾去到，上層已經冇晒位，得返門口露天位，天氣涼涼地都唔錯，望住條街仲好😎我哋叫咗傳統仙草芋圓同芋香仙草芋圓。先講我自己食嗰個傳統仙草芋圓，分量真係超多，又有珍珠、薏米、仙草同埋白玉，個糖水底係黑糖，咁當然有少少偏甜，但係性價比真係超級高食完之後真係好飽！至於朋友既芋香仙草芋圓，佢就話啲紫色既芋泥/汁?? 漿住咗啲芋圓，識落口感一般，好似有啲一pat pat 咁至於位置方面，要行斜路上去，都唔算好遠，當食糖水之前做吓運動啦🤓🤓🤓…Read More

食過呢間芋圓好多次，水準都好穩定，我覺得係香港最好食嘅芋圓😋😋佢糖水嘅選擇唔算好多，十幾款，不過重點都係芋圓😋今次我同朋友夜晚九點去食，竟然差唔多坐滿，果然名不虛傳。今次我哋叫左一碗仙草芋圓同紫米露芋圓，芋圓煙煙韌韌，份量足夠，我食嘅紫米露芋圓糖水底都唔錯，正常發揮👍🏻而家$30一碗糖水已經算好平，又足料，如果覺得好食，仲有得買芋圓返屋企自己煮。不過缺點就係凍糖水有時唔係好夠凍，不過而家冬天就冇乜所謂。…Read More

本身都好鍾意飲抹茶同焙茶，上OpenRice 見到呢間好似幾吸引，咁啱經過即刻買一杯焙茶豆奶試下。我叫咗焙茶豆奶少甜，呢間舖頭好特別，好似冇得少冰。第一啖飲落去覺得超重焙茶味，好surprise，本身以為叫豆奶會冇牛奶咁滑，但係我覺得豆奶一樣咁creamy，好正👍🏻👍🏻唯一嘅缺點就係冇得少冰，飲到最尾嘅時候，啲冰融左，杯嘢就會淡味左。下次絕對會專登再去飲，下次可能會試吓抹茶同埋雪糕❤️❤️❤️…Read More

我哋係平日嘅12點去食，呢個時間完全唔使排隊，應該其他人都未放lunch。我哋4個人叫咗一個特上豚肉丼，普通嘅豚肉丼，豚肉鰻魚丼，櫻花蝦拉麵。特上同普通嘅豚肉當係有分別嘅，油脂比例同肉質真係特上好食啲，建議都係叫特上豚肉丼。櫻花蝦拉麵相對份量比較少，可能男仔會食唔飽。豚肉鰻魚丼亦都係正常。因為用times square coupon，所以平均一個人一百蚊都唔使，屬於Times Square抵食之選。不過我自己覺得其實冇coupon都可以去試下，以times square 黎講$100一個lunch 我都覺得合理。🙂…Read More

呢間係岩岩開業既時候已經食過lunch set，大約年幾前食過晚餐，當時質素真係同大陸既太二有得比，可惜今次食完之後真係大失望。本身我地book 左八點半，最後八點鬆d就到左，店員好好，等左一陣就有得入坐。我地三個人叫左大份，加左一碗飯，寬粉同土豆片。呢個份量夠三個人食，魚既份量都夠。可惜魚唔夠新鮮，有腥味，真係好失望。其他配菜同湯底質素就正常。埋單每個人大約二百，價錢其實ok，不過d魚腥，應該唔會再黎食。…Read More

睇完網上既食評，都係冇期望咁去食，唔洗排隊食lunch 就試下，但係份量真係好少，女仔食都差少少。我係叫左烤雞，玉子燒同沙律。烤雞似土匪雞翼味，全部味道都正常。不過$98 性價比就好低。…Read More

平日星期五lunch walk-in 去食，大約等左10分鐘就可以入去。餐廳非常窩心，準備口罩套。我哋叫咗兩個lunch set, 前菜係南瓜沙律同雜菜湯，主菜一個係炭火醬油燒雞腿，另一個係香煎比目魚意大利飯。南瓜沙律南瓜煮得幾夠淋，又甜，好食。雜菜湯入邊都幾多料，又有豆有菜有紅蘿蔔。雞腿方面烹調時間控制得啱啱好，肉質好嫩，唔會太濃味，有少少脆焦邊。而我朋友食嗰個意大利飯，個飯唔止係cream sauce，應該係加咗龍蝦，所以啲sauce 係橙色嘅，好香龍蝦味，亦都好creamy。相對上我覺得意大利飯抵食啲，亦都係平時屋企好難整，如果大食嘅話雞腿應該唔夠飽。作為Happy Friday係一個好選擇，坐得舒服，再加上用times square coupon，兩個人都係食咗二百幾蚊，抵食！…Read More