hiuyangirl's Profile

依間餐廳因為位置唔多，所以你食嘅話一定要book位！由於book咗位，等左15分鐘就安排入座。等位期間不斷見到師傅係我地面前切烤鴨，香味不斷湧埋嚟令到我更加肚餓。所以今次我哋試咗大有酒香嘅烤鴨，四小碟，仲有雲吞雞，三個女仔食都食到滿足。鴨片可以隨着自己鍾意落唔同嘅配料，哈密瓜丶青瓜絲丶燒烤醬丶甜梅醬，任君選擇！面皮柔軟濕潤就知道佢係新鮮製造！係我哋側邊都充滿着慶祝生日嘅食客，所以建議同家人朋友慶祝，必選之地！…Read More

K11新商場Musea 當然是一眾文青鐘意打卡的香港人一個新的落腳點！Kiki面自己煮就煮得多，今次難得開左實體店，就一直都想嘗試，由於新開張，都有好多人排隊，大約等左15分鐘之後就安排入座，喺等候期間已經睇緊佢嘅餐牌。簡單嘅麵條除咗有拌麵的方式，仲有湯麵方式～辣雞拌面第一下吸引左我，一上黎紅當當的雞粒吸引住我，拌麵底下充滿着蒜香豉油香嘅湯汁，汁量啱啱好掛住每一條麵條，專業廚師真係唔同，面條條條分明，唔會煮埋一pat!仲叫埋杯奶蓋烤茶芋圓，一級棒，好似去左台灣咁！…Read More

係海港城落地玻璃旁望佢住維港食住越南粉是何等的優閒舒服～為左滿足我咩都想試的心態，今次食咗生牛肉雞絲河粉，湯頭清澈，毫無雜質，10分清爽，食完之後沒有罪疚感，仲可以根據自己口味落辣椒香葉，令到湯頭增有少少辣味香味增加刺激感！可惜份量有啲小，女仔可能夠，但男仔就差少少啦！雞絲充滿雞味，質感比較厚實，牛肉都切為厚片，唔似出面的薄薄一片毫無質感～所以係附近返工嘅OL如果想light lunch，都可以過黎chill一番！…Read More

本人最中意食拉面，偶然一碗味道濃郁的拉面都令放lunch的我精神為之一振！一幻有分豚骨蝦湯辛辣同唔辣之分，湯底面底都有得跟自己的喜好都有得跟自己的喜好挑選，為左易咬d,當然食個幼身面，廚師煮既時候不失火喉，面條彈牙又吸哂湯汁，叉燒有油香又不肥膩，令我最驚喜的。。。。。。就是生紅薑天婦羅脆脆（建議另外上，想食既時候先加落去，可以避免淋哂的問題！一啖湯，一啖面，味覺刺激一浪接一浪！拉面的靈魂湯頭，由於豬骨加蝦，二樣的配合十分融合，味道豐富令人回味!…Read More

去咁多次日本，從來未試過吉列牛。 但有次睇完介紹後，就把心一橫一於去試一試～  下就打去book位，book左佐敦個間，準時到達，由於鋪頭細細，都等左一段時間先可以入坐～ 餐廳除左和牛吉列牛之外，仲有好多唔同的特色套餐～但我當然要堅持到底！ 叫左套餐之後，店員放左石板，吉列牛，大大碗有味素飯係我面前！ 首先，將一粒牛脂放係石板上，熱力將牛脂燒出油令我地隨時可以放吉列牛上去燒～ 炸炸聲的聲響真係耳仔的衝擊！吉列牛份量剛剛好，外脆內軟，牛肉味在我味蕾散開。 由於可以自己控制不同生熟程度，我都玩左好耐，研究下邊個程度最好食。 大大碗有味素飯對男孩子一定係最開心的事，一口飯一口牛，突然變成一個大餅桶～ 在秘Secret Chefs的整體體驗係開心的，可惜因為鋪頭細細，食既時候同旁邊的人距離有點近：（ 有機會我一定要去日本試試，但去唔到日本食就食下香港本地的啦！…Read More

手工烏冬就食得多，手工蕎麥麵係香港就好似少D，所以今次去試一試！ 炮台山山宏安道個條術不嬲食市林立～雖然鋪頭小小，但十分整齊十分整潔～ 晚上七點幾去既時候，好彩未多人，好快就入坐～ 係厚切沖繩豬扒同炸蝦野菜天婦羅之中，選擇了炸蝦野菜天婦羅同手工蕎麥麵！ 凍冰的冷麵汁，竹席上的蕎麥麵，黃金色的天婦羅整齊地放在我面前～ 天婦羅的外皮十分薄脆，毫無油膩感，虎蝦大隻又彈牙，一口接一口 日本南瓜、車厘茄及四季豆等蔬菜仍保留水份，十分清爽！ 小店還有日式串燒，當然要叫串黎食下～ 外脆內軟的牛舌，品質真的十分好！加上檸檬汁，牛肉的油脂帶點酸咪咪的滋味～在我口中散開 期待下一次食咩好啦！…Read More

南豐紗廠餐廳就多多，但星期六就間間都好多人：（ 幸好剛剛係Book B Kitchen Mealmeal睇完書，見到旁邊有空位，都有我最愛的烏冬就坐低一試 豆乳白面鼓湯蔬菜烏冬，一聽到依個名，可能會覺得佢好清好平淡。但係當我一飲湯底既時候就念念不忘～ 豆乳白面鼓湯底不反只濃郁又甜，充滿住和風日本道地的風味～好飲到我忍唔住飲哂 烏冬都吸哂湯d精華，Q彈又美味～ 蔬菜都有稍稍煎香～有口感，代替左食肉！ 食完飽飽的，幸福的，但又唔會充滿罪惡感，輕食得黎令人回味～ 有機會都想再黎食，叫埋佢地既飲品，好好享受舒適的環境！…Read More

已經第三次黎食，從來沒有令我失望～只要經開尖沙咀，想食甜野，想Hea下的首選～Pancake店係香港愈開愈多，但以方便又有保障當然係PAN de PAIN Pancakes & Sweets，只要係地鐵N出口出K11上一層就係，鮮黃色的外觀十分易搵，唔知係唔係太好生意，由一間店變兩間店大大縮短左排隊時間，即使星期六的下就時間都唔駛等好耐就有得食。除左招牌soufflé pancake要叫同重溫之外，仲叫多左個限定的士多啤梨芭菲～～兩種甜品食出兩種唔同的層次同美味～充滿空氣感的soufflé pancake彈下彈下，影下IG boomerang，然後一啖鮮忌廉，一啖充滿蛋味的pancake，是如此的幸福～士多啤梨芭菲一層層的layering，首先食個冰凍的牛乳雪糕～軟滑鮮忌廉～士多啤梨果沾～蛋味海綿蛋糕～不斷交替，不斷衝擊～P.S. 唔飲得coffee既我，試下佢杯皇家奶茶，同港式奶茶好唔同～奶味茶味剛剛好：3 一級棒！…Read More

韓國必食的飯卷～由於哈韓的我，lunch有時都會想食D輕鬆又地道的小食！千顧的套餐最出名就係唔同口味的飯卷，蛋卷就係我最愛～紫菜包飯外層包住個蛋，加上美奶滋同泡菜加埋食，輕食剛剛好～再配下小食，EG泡菜煎餃子，辣炒年糕咁～一路追韓劇一路食！一流～荔枝角番工友，值得一試～P.S. 年糕魚板湯$25 無聊想咬下野，飲下湯，記得叫呀～包你鍾意個人認為烤雞就麻麻地，有D細隻，同dry～…Read More

突然口痕想食牛排，就走左去試Cow Bean。見佢款式都多多同唔駛排隊就立即沖入去有來自三個產地的牛牛分200g同300g，由於本人細食說諗住200g啦，點知只係晚上8點就買哂，無奈只可以叫300g,加多$29變套餐～等多無耐牛排就到，一塊大大舊的澳洲牛排係我面前，店員提醒切好控制好自己想要的生熟程度先好落汁但切完手已攰，鐵板已冷，對女仔黎講真的有點吃力><味道一般般只係正常的牛排餐，沒有特別～然後愈食愈臭，抽煙系統一般，食完變左流動吸油煙機：（如無意外就唔會再去啦！…Read More