SugarMan1226's Profile

呢餐真係超抵食，首先講下蒜蓉雞翼尖，$18就有成20隻，真係夠晒誠意。雞翼尖蒜香夠晒濃烈，每啖都令人覺得滿足。入口仲唔會太油膩，真係好適合攞嚟當小食或者配米線食。至於米線方面，用咗酸辣湯底，味道一流！湯底又酸又辣，嗜辣嘅朋友一定會鍾意，食落每啖都好有層次感。當中仲加咗好多新鮮肉碎，每口都有啲肉香，超豐富。豬紅更加係唔可以唔提，滑滑嫩嫩，一啲腥味都冇，真係一個大加分。呢個價錢，可以食到咁豐富又高質素嘅美食，真係少見到。成餐食物唔單止抵食，仲帶俾人一種好開心嘅感覺。總結一句：咁好嘅平靚正組合，真係要快啲試吓！…Read More

夜晚約咗朋友嚟呢度食飯Book咗枱，但係都要等一陣最記得係上菜嘅時候 我朋友個電話同有一包紙巾喺枱邊 但我侍應都照擺碟嘢係個朋友啲物品上面 我都望住佢 直至到佢整跌咗我朋友包紙巾 電話都差啲俾佢整跌。佢都仲係用啲嘢食推開啲物品 亦都冇幫我朋友執返包紙巾 其實係唔係可以叫我朋友首先攞開啲嘢先呢？ 😑 跟住我哋食完冇幾耐 就已經問話要收碟 又話last order 但嗰個時間明明都未夠九點 感覺好似趕我哋走咁🫨應該冇下次🙂‍↔️…Read More

之前試過第二間分店 都ok但估唔到呢間佐敦分店d菜等成粒鐘先黎唔催都唔黎等到發脾氣d菜又油又鹹酸菜魚叫小辣 但都好辣唯一係杯嘢飲好飲少少嘢食催咗三次先黎完全唔知個廚房做緊乜應該無下次了…Read More

第一次黎呢度食任食雞煲雞煲好濃味任食火鍋配料選擇多最欣賞佢地個麻辣青瓜👍👍另外 職員服務態度好好老闆好主動介紹食物同餐牌～又成日問我地洗唔洗加水/有無咩需要呢個已經大加分💪佢地嘅野飲黎到真係嚇親足足有1.2L 咁大杯不過有d 太甜 杯檸蜜加左好多水都係好甜最後差唔多成杯擺左喺度🥹不過證明佢地好足料哈哈環境雖然唔大 但都算係乾淨位唔會太逼💪3-4人黎食就差唔多～下次黎到荃灣會再黎試佢地嘅烤魚/酸菜魚😝…Read More